Wika

KAHULUGAN AT KABULUHAN
Ano ang Wika?

Ayon kay Gleason (1961) – ang wika ay masistemang balangkas ng

sinasalitang tunog na pinili at isinaayos sa paraang arbitraryo upang
magamit sa pakikipagtalastasan ng mga taong nasa iisang kultura.

Ayon kay Finnocchiaro (1964) – ang wika ay isang sistemang

arbitraryo ng simbolong pasalita na nagbibigay pahintulot sa mga
taong may kultura o ng mga taong natutunan ang ganoong kultura
upang makipagtalastasan o di kaya’y makipag-ugnayan
Ayon kay Sturtevant (1968) – ang wika ay isang Sistema ng mga
simbolong arbitraryo ng mga tunog para sa komunikasyong
pantao.

Ayon kay Hill (1976) – ang wika ay ang pangunahin at

pinakaelaboreyt na anyo ng simbolikong pantao. Ang mga
simbolong ito ay binubuo ng mga tunog na nalilikha ng aparato
sa pagsasalita at isinasaayos sa mga klase at padron na lumilikha
at simetrikal na estraktura.
 Saan
nagsimula
ang
Wika?
Mga Teorya ng Pinagmulan ng Wika

Teorya ang tawag sa siyentipikong pag-aaral tungkol sa iba’t ibang

paniniwala ng mga bagay-bagay na may mga batayan subalit hindi pa
lubusang napapatunayan.

Maraming haka-haka tungkol sa pinagmulan ng wika. Bukod sa mga teorya

tungkol sa pinagmulan nito, hanggang ngayon ay hirap pa rin ang mga
eksperto na ipaliwanag kung paano at kailan talaga nagsimula ang wika.
Nananatili itong palaisipan para sa mga eksperto, patuloy pa rin sila sa
paghahanap ng patunay o kasagutan.
 Mga Teorya
Tungkol sa
Pinagmulan ng
Wika
Tore ng Babel

Batay sa Bibliya, iisa lang ang wika noong unang panahon kaya’t
walang suliranin sa pakikipagtalastasan ang tao. Naghangad ang
tao na higitan ang kapangyarihan ng Diyos, naging mapagmataas
at nag-ambisyong maabot ang langit, kaya nagtayo sila ng tore.

Dahil sa kapangahasan at kayabangan ng mga tao, pinatunayan ng

Diyos na higit siyang makapangyarihan kaya kaniyang ginuho ang
tore. Kasabay nito, ginawang magkakaiba ang wika ng bawat isa,
hindi na magkaintindihan at naghiwa-hiwalay sila ayon sa wikang
sinasalita. (Genesis kabanata 11:1-8)
Tore ng Babel
1. Teoryang Bow-wow
  
Nilalahad ng teoryang ito na nagsimula ang wika dahil sa panggagaya ng tao
sa mga tunog mula sa kalikasan. Sinasabing mga sinauna o primitibong tao
ay limitado at kulang-kulang ang bokabularyong ginagamit. Dahil dito, ang
mga bagay sa kanilang paligid ay pinangalanan nila gamit ang mga tunog na
nililikha nito.

Ito, marahil, ang nagpapaliwanag kung bakit tinawag na ‘tuko’ ang mga
tuko.
2. Teoryang Ding-dong

Tinawag ni Max Muller ang teoryang ito na simbolismo ng tunog.

Ayos sa Teoryang Ding-dong, lahat ng bagay ay may sariling tunog
na siyang kumakatawan o sumisimbolo rito. Nabuo ang wika ng
mga tao dahil sa patuloy na panggagaya sa mga tunog na nililikha
ng kalikasan, maging sa mga bagay na nilikha ng tao.

Sa pagdaan ng panahon, ang mga tunog na ito ay nagpabago-bago

at nalalapatan ng bagong kahulugan.
3. Pooh-pooh

Sinasabi ng teoryang ito na nagmula ang wika dahil sa mga bulalas

o ekspresyon ng mga tao. Nabuo ang mga salita dahil sa hindi
sinasadyang pagbulalas ng mga tao bunga ng kanilang masisidhing
damdamin tulad ng saya, takot, sakit, gulat, at lungkot.

Tulad ng salitang ‘aray’ kapag nasasaktan, ‘naku’ kapag nagugulat

o kinakabahan, at ‘yehey’ kapag masaya.
4. Teoryang Yo-he-ho

Ayon kay A.S. Diamond, isang liggwista, natutong magsalita ang

tao dahil sa kaniyang pwersang pisikal. Nakabubuo ng tunog ang
tao kapag gumagamit ng pwersa sa paggalaw. Halimbawa ng mga
tunog kapag nagbubuhat ng mabibigat na bagay, ang ‘hiya’ kapag
tayo ay sumisipa o nagka-karate.
5. Teoryang Ta-ta

Nakabubuo ng tunog ang tao dahil sa panggagaya ng ating dila sa

mga pagkumpas o paggalaw ng mga kamay. Ang mga tunog na ito
ay kalaunang naging mga salita. Tinatawag din itong ‘ta-tana’ sa
wikang Pranses.

Halimbawa rito’y ang pagkumpay ng mga kamay nang paibaba at

paitaas kapag nagpapaalam. Kapag ang ating dila ay ginalaw nang
paitaas at paibaba, tayo ay makabubuo ng tunog na ‘ta-ta’.
6. Teoryang Yum-yum

Isinasaad ng teoryang ito na ang tao ay tumutugon sa

pamamagitan ng pagkumpas ng alinmang bagay na
nangangailangan ng aksyon. Ang pagtugong ito ay isinasagawa ng
bibig ayon sa posisyon ng dila.

7. Teoryang Sing-song

Iminungkahi ni Jesperson, isang liggwista, ang wika ay nagmula sa

paglalaro, pagtawa, panliligaw, pagkausap sa sarili, at iba pang
bulalas-emosyunal. Sinasabi rin niya, kaiba sa ibang teorya, ang
mga bulalas na ito ay higit na mahaba at musikal.
8. Teoryang Hey you!
Ayon kay Revesz, ang wika ay bunga ng pakikipagkontak o
pakikipag-ugnayan ng tao sa kaniyang kapwa. Nagmula ito sa mga
tunog na nagbabadya ng pagkakilanlan at pagkabilang.
Napabubulalas din ang tao bilang pagbabadya ng takot, galit, o
sakit. Tinatawag din itong ‘teoryang kontak.’
9. Teoryang Coo Coo
Nabuo ang wika dahil sa mga tunog na nililikha ng mga sanggol.
Ginamit at ginaya ito ng mga matatanda upang ipangalan sa mga
bagay-bagay na nasa paligid.
Ayon kay Sapir (1961), tanging tao lamang ang nakagagawa ng
wika, at dahil dito likas niyang naipapahayag ang kanyang kaisipan,
damdamin at mga ninanais sa pamamagitan ng mga sadyang
isinagawang simbolona kinokontrol nila. Ito ang kakayahang
nagpatangi sa tao sa iba pang nilikha, at ang ikinaiba niya sa mga
hayop.

Ang tao sa tulong ng wika ay nakabubuo ng mga paraan upang

maiangkop ang sarili sa kanyang kapaligiran. Mahalaga sa kanya
ang wika na di-pangkaraniwang bahagi ng kanyang kultura.
Ang salitang wika ay nagsimula sa salitang “lengua” na ang literal
na kahulugan ay dila. Maraming kahulugan at kabuluhan ang wika
tulad ng;

• Ito ay behikulo ng paghahatid ng mga impormasyon saan mang

lugar ka naroon, sa paaralan, tahanan o kahit saan.
• Instrumento din ito ng komunikasyon sa pamamagitan din ng
wika, mabilis na naipapalaganap ang kultura ng bawat pangkat.
• Higit sa lahat simbolo ito ng kalayaan.

Sa kabilang dako, nagkaroon ng ibang kahulugan at kabuluhan ang

wika sa Wikang Pambansa, Wikang Opisyal at Wikang Panturo.