Pagtatala ng

Datos Mula
sa Binasang
Teksto
 Ang pagbasa ay isang kasangkapan sa
pagtuklas ng kaalaman sa iba’t ibang larangan
ng buhay. Gumaganap ito ng isang
mahalagang tungkulin sa ating pang-araw-
araw na pamumuhay na siyang nagdudulot ng
kasiyahan at pag-unlad ng ating kaisipan.
Kailangang linangin ang ating kakayahan sa
pang-unawa sa mga teksto na ating binabasa
upang maging mabisa o epektibo at lubos
nating maintindihan ang ipinapahayag nito.
 Araw ng Sabado, nagising nang maaga si Yanna.
Inayos niya ang kaniyang sarili at naghanda sa
pagdating ng mga kaibigan sa kanilang tahanan. Sabik
siyang makita ang mga barkada na kaytagal na niyang
hindi nakikita dahil sa tagal ng “lockdown” dulot ng
pandemiko.
Magkakasunod na dumating ang magbabarkada sa
bahay nila Yanna. Nagyakapan nang mahigpit at
nagkuwentuhan ang mga ito maghapon. Nagkaroon
din ng munting handaan ang magkakaibigan.
Isang napakasaya at hindi malilimutang araw ito
para sa kanila.
Sagutin ang mga tanong tungkol sa
kuwento:
1. Sino ang maagang nagising?
2. Bakit maagang nagising si Yanna?
3. Saan magkikita ang mga
magkakaibigan?
4. Ano-ano ang ginawa ng
magbabarkada?
 Mayroong pitong (7) elemento ng maikling kwento. Ang mga ito
ay ang tauhan, tagpuan, banghay, kaisipan, suliranin,
tunggalian, at paksang diwa.

1. Tauhan – Ito ay tumutukoy sa mga gumaganap sa kuwento.

2. Tagpuan – Ito ay tumutukoy kung saan naganap ang kuwento.
3. Banghay – Ito ay tumutukoy sa pagkakasunod-sunod ng mga
pangyayari sa kuwento. Mayroong limang (5) bahagi ang banghay:
▪ Panimula – Ito ay tumutukoy kung saan at paano nagsimula
ang kuwento.

▪Saglit na Kasiglahan – Ito ay ang panandaliang pagtatagpo ng

mga tauhan sa kuwento.
▪ Kasukdulan – Dito nangyayari ang problema sa
kuwento.

▪ Kakalasan – Ito ay tumutukoy sa parte kung

saan unti-unti nang naaayos ang problema.

▪ Wakas – Ito ay tumutukoy kung paano

nagwakas o natapos ang kuwento.

4. Kaisipan – Ito ay ang mensahe ng maikling

kuwento sa mambabasa.
5. Suliranin – Ito ay tumutukoy sa
problemang hinaharap ng tauhan sa
kuwento.

6. Tunggalian – Ito ay maaaring tao laban sa

tao, tao laban sa sarili, tao laban sa lipunan,
o tao laban sa kalikasan.

7. Paksang Diwa – Ito ay ang

pinakakaluluwa ng kuwento.
 Isang mabisang paraan upang maging
mabisa ang pagbabasa ay sa pamamagitan
ng pagtatala ng mga datos na nabasa mula
sa teksto.

Sa iyong pagbabasa, kinakailangang

alamin ang pangunahing diwa o kaisipan na
inilalahad at ang mga mahahalagang datos,
detalye o impormasyon na ibinibigay
tungkol sa paksa.
Narito ang mga dapat na tandaan sa
pagtatala ng datos mula sa binasang teksto.
1. Ituon ang iyong pansin sa binabasa.
2. Sikaping alamin ang mga impormasyon at
itala ang mga sagot sa tanong na ano, sino,
kailan, saan, paano at bakit.
3. Isulat na muli ayon sa balangkas na may:
a. Pangunahing Kaisipan
b. Mga pansuportang detalye/kaisipan
 Itinaas sa Typhoon Signal Number 3 ngayong Linggo,
Nobyembre 1, 2020 ang ilang lalawigan sa Luzon kabilang ang
bahagi ng Southern Zambales (Castillejos, San Narciso, San
Antonio, San Marcelino, at Subic).
Ito ay bunsod ng bagyong Rolly na itinuturing na
pinakamalakas na bagyo sa kasalukuyan na taglay ang lakas na
165 kph at may pagbugso na umaabot sa 230 kph at gumagalaw
nang pakanluran.
Inaasahang ito ay nasa West Philippine Sea sa
darating na Lunes, ikalawang araw ng Nobyembre taong
ito.
Malalakas na hangin at ulan ang mararanasan kung
kaya pinayuhan nang ibayong pag-iingat ang mga
residente.
1. Bakit itinaas ang Typhoon Signal Number 3
sa ilang lalawigan sa Luzon?
2. Kailan itinaas ang Typhoon Signal Number
3 sa Castillejos?
3. Gaano kalakas ang Bagyong Rolly?
4. Ano ang maaring maranasan ng mga
residente sa araw ng Linggo dulot ng
Bagyong Rolly?
5. Sa anong anyong tubig inaasahan na ito
ay lalabas pagdating ng Lunes?
 Bagong Hamon, Bagong Simula
Mahigit sa labing-anim na taon nanilbihan ang guro
na si Gng. Escobar sa distrito ng Iba. Siya ay naging
guro ng ikaanim na baitang sa larangan ng Agham sa
loob ng labinlimang taon at isang taon sa ikatlong
baitang. Sa bayan ng Iba nahasa ang kanyang husay at
kaalaman sa pagtuturo. Isa siyang aktibo at masayahing
guro sa kanyang paaralan.
Noong Hulyo 17, 2020, nagkaroon ng malaking
pagbabago sa buhay ni Gng. Escobar bilang isang guro.
Ipinagkaloob na sa kanya ang kanyang kahilingan na
mailipat ng distritong panuruan. Hiniling niya ito upang
makapisan ang pamilya na kawalay ng tahanan sa
matagal na panahon.
 Sa ngayon ay nasa distrito na siya ng Castillejos kung saan
sila talagang nakatira.
Itinalaga siyang guro sa Ikatlong Baitang sa Mababang
Paaralan ng Villaflor simula ngayong taon pampanuruan 2020-
2021.
Bagong hamon, bagong simula, bagong pakikibaka at
pakikisalamuha ang kanyang kakaharapin sa paaralang
nilipatan na kung saan ay panibagong karanasan ang
kanyang magiging sandigan upang patuloy na
maglingkod ng taos puso at punong-puno ng
pagmamahal sa mga batang kanyang magiging kasama
sa panahon ng panuruang bago para sa lahat sanhi ng
pandemiko.
1. Tungkol saan ang teksto?
2. Saan nagturo ng labing-anim na taon
si Gng. Escobar?
3. Ano ang pagbabagong naganap sa
kanya noong Hulyo 17, 2020?
4. Bakit siya inilipat ng distritong
panuruan?
5. Sa kasalukuyan, sa anong distrito
nagtuturo si Gng. Escobar?
 Gadyet Ko, Buhay Ko
Sa panahon natin ngayon, sabi nga nila ay kailangang
makisabay sa uso, kung ano ang tugtog sayawan mo para ikaw
ay “in” at hindi parang naninirahan sa ibang planeta.
Tulad ngayon, karamihan sa atin pagkagising pa lamang ay
cellphone na ang hawak natin sa araw-araw hanggang sa gabi
at bago tayo matulog.
Sa makabagong panahon ngayon, bihira na sa
mga Pilipino ang walang gadyet. Karamihan ay
may mga cellphone, laptop at ipod. Kahit pa
mahirap ang buhay ngayon, naging bahagi na ito
ng kultura natin sa kasalukuyang panahon.
 Ginagamit na ng mga Pilipino ang mga ito sa negosyo,
komunikasyon at pag-aaral. Dagdag pa rito ang pagsasaliksik.
Napakahalaga na ng gadyet sa ngayon. Sabi nga, gadyet ko,
buhay ko. Sa panahon ng pandemiko na nanatili tayo sa loob ng
ating tahanan, naging karamay natin ang mga gadyet. Subalit
huwag ring kalilimutan na ang labis na paggamit ng mga gadyet
na ito ay nakasisira ng ating kalusugan , wika nga nila may
mabuti at masama itong epekto. Kaya pinag-iingat rin tayo na
huwag mag malabis sa paggamit nito.
Sa mga mag-aaral, ito ang kanilang takbuhan upang mas lalo
nilang maunawaan ang aralin. Ang paglalaro ng League of
Legends at Among Us gamit ang gadyet ang ilan lamang sa
kanilang naging libangan sa napakatagal na lockdown.