2

Learning Activity Sheet sa Filipino 2

Kuwarter 4 – MELC 4
Nakapagbibigay ng Angkop na
Pamagat sa Binasang Teksto,Talata at
Kuwento

REHIYON 6 – KANLURANG VISAYAS

Filipino 2
Learning Activity Sheet (LAS)
Unang Edisyon, 2020

Inilimbag sa Pilipinas
Ng Kagawaran ng Edukasyon,
Rehiyon 6 – Kanlurang Visayas
Duran St., Iloilo City

Isinasaad ng Batas Republika 8293, seksiyon 176 na “Hindi maaaring

magkaroon ng karapatang-ari (sipi) sa anumang akda ang Pamahalaan ng
Pilipinas. Gayunpaman, kailangan muna ang pahintulot ng ahensiya o tanggapan
ng pamahalaan na naghanda ng gawain kung ito’y pagkakakitaan. Kabilang sa
mga maaaring gawin ng nasabing ahensiya o tanggapan ay ang pagtakda ng
kaukulang bayad.”

Ang Filipino 2 Learning Activity Sheet (LAS) na ito ay inilimbag upang magamit
ng mga Paaralan sa Rehiyon 6 - Kanlurang Visayas,

Walang bahagi ng LAS na ito ang maaaring kopyahin o ilimbag sa anumang

porma nang walang pahintulot sa Kagawaran ng Edukasyon, Rehiyon 6 –
Kanlurang Visayas.

Bumuo sa Pagsusulat ng Learning Activity Sheet – Filipino 2

Manunulat: Mary Jane E. Francisco

Editor: Lourdes D. Orola, Renita A. Bocalid
Tagasuri: Dr. Jocelyn Sunsona
Tagaguhit: Mary Jane E. Francisco
Tagalapat: Jackielyn S. Cabangal, RL
Division of Roxas City Management Team:
Mr. Feliciano C. Buenafe Jr., CESO VI
Mr. Rogelio P. Amador, CESO VI
Pambungad na Mensahe
Dr. Marvic S. Martirez
Dr. Jocelyn D. Sunsona
Mrs. Renita A. Bocalid
Regional Management Team:
Ramir B. Uytico
Pedro T. Escobarte Jr.
Elena P. Gonzaga
Donald T. Genine
Celestino S. Dalumpines IV
 MABUHAY!
Ang Filipino Learning Activity Sheet (LAS) na ito ay nabuo sa pamamagitan
ng sama-samang pagtutulungan ng Schools Division of Roxas sa pakikipagtulungan
ng Kagawaran gn Edukasyon, Region 6 – Kanlurang Visayas sa sa pakikipag-
ugnayan ng Curriculum and Learning Division (CLMD). Inihanda ito upang maging
gabay ng learning facilitator, na matulungan ang ating mga mag-aaral na
makamtan ang mga inaasahang kompetensi na inilaan ng Kurikulum ng K to 12.
Layunin ng LAS na ito na gabayan ang ating mga mag-aaral na
mapagtagumpayan nilang masagot ang mga nakahanay na mga gawain ayon
sa kani-kanilang kakayahan at laang oras. Ito ay naglalayon ding makalinang ng
isang buo at ganap na Filipino na may kapaki-pakinabang na literasi habang
isinasaalang-alang ang kani-kanilang pangangailangan at sitwasyon.

Para sa mga learning facilitator:

Ang Filipino 2 Learning Activity Sheet (LAS) na ito ay binuo upang matugunan
ang pangangailangan ng ating mga mag-aaral sa larang ng edukasyon, na
patuloy ang kanilang pagkatuto kahit na sila ay nasa kani-kanilang mga tahanan
o saan mang bahagi ng learning center sa kanilang komunidad.
Bilang mga learning facilitator, siguraduhing naging malinaw ang mga
panuto sa mga gawaing iniatas sa kanila. Inaasahan din na patuloy nating
masubaybayan ang pag-unlad ng mga mag-aaral (learner’s progress).

Para sa mga mag-aaral:

Ang Filipino 2 Learning Activity Sheet (LAS) na ito ay binuo upang matulungan
ka, na mapatuloy ang iyong pagkatuto kahit na wala ka ngayon sa iyong paaralan.
Pangunahing layunin ng LAS na ito na mabigyan ka ng makahulugan at
makabuluhang mga gawain. Bilang aktibong mag-aaral, unawain nang mabuti
ang mga panuto ng bawat gawain.
 Kuwarter 4, Linggo 4

Learning Activity Sheet (LAS)

Pangalan ng Mag-aaral:__________________Grado at Seksiyon:____

Petsa: ____________

GAWAING PAMPAGKATUTO SA FILIPINO 2

Pagbibigay ng Angkop na Pamagat sa Binasang Teksto,Talata at
Kuwento

I. Kasanayang Pampagkatuto at Koda

1. Nakapagbibigay ng angkop na pamagat sa binasang teksto,

talata at kuwento F2PB-IIj-8

II. Panimula
Sa ating pang-araw-araw na buhay, nakaririnig tayo ng iba’t
ibang kuwento. Maaaring ito ay kuwento ni Nanay, Tatay, Ate, Kuya,
Lolo, Lola, o ng iyong guro at mga kaibigan. Kahit minsan hindi pa buo
ang ating napakinggan, meron na tayong idea kung tungkol saan,
kanino o ano ang kuwento. Sa pagbuo o pagbibigay ng pamagat ng
kuwento o talata ay binabatay natin ito sa ating sariling karanasan at
buod ng kuwento.
Sa araling ito ay matututuhan mo rin ang mga bagay na
makatutulong sa inyo kung paano ka makapagbibigay ng pamagat
ng bawat kuwento o talata. Ito ay mahalaga upang matuto kang
magbigay ng sarili mong idea o kaisipan batay sa kuwentong iyong
binasa.

III. Mga Sanggunian : CG F2PB-IIj-8

Page | 1
IV. Mga Gawain

Gawain 1

Panuto: Basahing mabuti ang kuwento at sagutin ang mga

katanungan sa ibaba.

Si Marian ay isang batang magalang. Gumagamit siya ng

po at opo sa pakikipag-usap sa mga nakatatanda. Isang araw,
dumating ang kaniyang lolo at lola. Masaya niya itong sinalubong at
kinuha ang dalang bag ng kaniyang lola. Hindi niya rin nakalimutang
magmano sa kaniyang lolo at lola. Humahalik din siya sa kaniyang mga
magulang bago umalis at pagdating ng bahay. Pinalaki siya ng
kaniyang magulang na magalang at marunong makipagkapwa.
Sinulat ni Dr. Mary Jane Francisco

1. Sino ang batang magalang?

_________________________________________________________
2. Paano makipag-usap si Marian sa mga matatanda?
_________________________________________________________
3. Paano pinalaki si Marian ng kanyang mga magulang?
_________________________________________________________
4. Ano kaya ang angkop na pamagat para sa kuwento?
_________________________________________________________

Gawain 2:

Panuto: Basahin ang maikling talata at ibigay ang angkop na

pamagat.

Mahilig maglaro si Nora sa kanilang bahay. Marami siyang laruan

tulad ng manika, puzzles, luto-lutuan at laruang cellphone. Iniingatan niya
ang kaniyang mga gamit. Ibinabalik niya nang maayos ang kaniyang
mga laruan sa kabinet pagkatapos niyang maglaro. Isa siyang masinop
na bata.
Sinulat ni Dr. Mary Jane Francisco

1. Ano ang angkop na pamagat sa kuwento?

A. Ang mga Laruan ni Nora

B. Si Nora
C. Ang Batang Masinop

Page | 2
Pagsasanay 1

Panuto: Basahin nang mabuti ang talata at sagutin ang mga

katanungan sa ibaba.
Ang mag-anak ina Mang Ben at Aling Dora ay may malawak
na gulayan. Sari-saring gulay ang makikita sa kanilang taniman. May
petsay, kamatis, talong, upo, okra at kalabasa. Araw-araw ay
dinidiligan at nililinis ni Mang Ben ang paligid ng gulayan kaya
lumaking malusog ang mga gulay. Maraming tao ang natutuwa sa
kanila dahil kapag may nanghihingi ng gulay ito ay kanilang
binibigyan.
Sinulat ni Dr. Mary Jane Francisco

Ano ang angkop na pamagat ng kuwento?

A. Sina Mang Ben at Aling Dora
B. Ang Gulayan nina Mang Ben at Aling Dora
C. Ang Malawak na Gulayan

Pagsasanay 2

Panuto: Basahing mabuti ang kuwento at ibigay ang angkop na

pamagat.

Araw ng Sabado, ipinasundo ni Aling Jane si Fidel sa kaniyang

lola. Masayang–masaya sina Aling Jane at Mang Allan sa pag –
aasikaso para sa kaarawan ni Fidel. May makukulay na dekorasyon
at mga pabitin. May masasarap na pagkain na nakahanda at
maraming laruan para sa mga batang bisita. Alas-tres ng hapon
nang nagsidatingan ang mga kaibigan, kaklase at mga pinsan ni
Fidel. Hindi nagtagal dumating si Fidel kasama ang kaniyang lola.
Laking gulat ni Fidel nang makita ang kanyang mga bisita,
makukulay na dekorasyon at mga masasarap na pagkain. Tuwang-
tuwa si Fidel sa sorpresa ng kaniyang mga magulang.

Ano ang angkop na pamagat ng kuwento?

A. Ang mga Bisita ni Fidel
B. Ang Sorpresa sa Kaarawan ni Fidel
C. Ang mga Kaibigan ni Fidel

Page | 3
Pagsasanay 3

Panuto: Basahin nang mabuti ang talata at ibigay ang angkop na

pamagat.

Sina Macy at Marie ay matalik na magkaibigan. Isang araw,

pumunta si Macy sa bahay nina Marie. Sila ay nanood muna ng
programa sa TV at kumain ng meryenda. Masaya silang nag-uusap
habang naglalaro ng bahay-bahayan. Pagkatapos nilang maglaro,
agad naman silang kumuha ng story books para basahin. Ganyan
ang kanilang ginagawa tuwing sila ay magkasama. Pagsapit ng
hapon sinundo na si Macy ng kaniyang mga magulang para umuwi
sa kanilang bahay.
Sinulat ni Dr. Mary Jane Francisco

Tanong:

Ano ang angkop na pamagat ng kuwento?

A. Ang Masayang Magkaibigan

B. Batang Mahilig Maglaro
C. Ang Matalik na Magkaibigan

V. Repleksiyon

Ano ang natutuhan mo ngayon?

Ang natutuhan ko ngayon ay _______________________

________________________________________________________________
________________________________________________________________
________________________________________________________________
________________________________________________________________

Binabati kita at napagtagumpayan mo ang iyong hamon sa

araw na ito. Umaasa akong isa na namang kasanayan ang iyong
natutuhan.

Page | 4
Page | 5
Gawain 1:
1. si Marian
2. Gumagamit siya ng Po at Opo
3. Magalagng at marunong makipagkapwa
4. Maaaring iba-iba ang sagot
Gawain 2:
C
Pagsasanay 1:
B
Pagsasanay 2:
B
Pagsasanay 3:
C
VI. Susi sa Pagwawasto
Page | 6