2

MTB-MLE
Una nga Markahan – Modyul 4:
Pagpabutyag sang Kaugalingon
nga Paminsaron
MTB-MLE – Ikaduha nga Halintang
Alternative Delivery Mode
Una nga Markahan – Modyul 4: Pagpabutyag sang Kaugalingon nga Paminsaron
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala
at mga may-akda ang karapatang-aring iyon. Ang anomang gamit maliban sa modyul na ito
ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Sheilah S. Fernandez
Editor: Elena V. Almario, Cita C. Merla, Marie Ann C. Ligsay PhD
Tagasuri: Marcela S. Sanchez, Racy V. Troy, Arnold A. Montemayor
Tagaguhit: Geraldine A. Pardillo, Karen D. Romero
Tagalapat: Cristina T. Fangon
Tagapamahala: Nicolas T. Capulong PhD, CESO V
Librada M. Rubio PhD
Ma. Editha R. Caparas EdD
Nestor P. Nuesca EdD
Merlinda T. Tablan EdD
Ellen C. Macaraeg EdD
Elena V. Almario

Inilimbag sa Republika ng Pilipinas ng Kagawaran ng Edukasyon - Rehiyon III

Office Address: Matalino St., Government Center, Maimpis, City of San Fernando
Telefax: (045) 598-8580 to 89
E-mail Address: region3@deped.gov.ph
 2

MTB-MLE
Una nga Markahan – Modyul 4:
Pagpabutyag sang Kaugalingon
nga Paminsaron
Panugod nga Hambalanon
Para sa mga manunudlo/manugpatigayon:

Malipayon nga pagbaton sang tulun-an sa MTB-MLE 2 sang Alternative Delivery

Mode (ADM) Modyul 4 para sa leksyon nga Pagpabutyag sang Kaugalingon nga
Paminsaron!

Sa pagbuligay sang mga eksperto sa patag sang edukasyon halin sa pampubliko

kag pangpribado nga institusyon, gindihon, ginpasanyog kag tul-id nga gintun-an
ang modyul nga ini para giyahan ka, ang mga manunudlo ukon manugpatigayon
agud mabuligan nga maangkon sang mga bumulutho ang pagsulundan sa K to 12
Curriculum samtang ginaatubang nila sing madinalag-on ang mga
pagpanghangkat sa ila kaugalingon, sang sosyudad kag sang pang-ekonomiko nga
pagtilaw sa ila pagtuon.

Ginalauman nga ang bulig nga ini sa ila pagtuon, makaubay sa mga bumulutho sa
pagtuon nga may paggiya kag makinaugalingon. Katuyuan man sini nga
mabuligan sila nga maangkon ang mga kasampaton sa ika-21 nga siglo samtang
padayon nga ginahatagan sang pagtamod ang ila kinahanglanon kag kahimtangan.

Makita ninyo ang kahon nga ini sa modyul bilang dugang nga material sa una nga
teksto:

Mga Dapat Tandaan sang Manunudlo

Ini nagaunod sang pahanumdum, bulig
ukon estratehiya nga maggamit sa paggiya
sa mga bumulutho.

Bilang manugpatigayon, ginalauman nga mahatagan mo sang ideya ang mga

bumulutho kon paano gamiton ini nga modyul. Kinahanglan man sia giyahan kag
ilista ang iya pag-umwad samtang padayon niya ng ginadumalahan ang iya
pagtuon. Ginalauman halin sa imo nga mas magganyat mo pa kag maggiyahan sia
samtang ginaobra niya ang mga hilikuton sa sulod sini nga modyul.
Para sa bumulutho:

Malipayon nga pagbaton sa MTB-MLE 2 ng Alternative Delivery Mode (ADM)

Modyul 4 nahanungod sa Pagpabutyag sang Kaugalingon nga Paminsaron!

Ang modyul nga ini ginhimo bilang sabat sa imo kinahanglanon. Katuyuan sini nga
mabuligan ka sa imo pagtuon samtang wala ka sa sulod sang hulot-klasehan.
Ginalauman man nga mahatagan ka sing mabungahon nga oportunidad sa
pagtuon.

May mga parte kag icon ang modyul nga dapat mo maintindihan.

Sa bahin nga ini, imo mahibaluan ang mga

Hibalu-a
dapat mo matun-an sa modyul.

Isa ini ka pre-test. Diri makit-an kon ano

ang nahibaluan mo sa sining leksyon. Kon
Tinguha-i husto ang tanan mo nga sabat (100%),
pwede mo laktawan ang ini nga modyul.

Isa ini ka malip-ot nga test o review para

Balikan mabuligan ka nga maangot ang subong nga
leksyon sa nagligad nga leksyon.

Sa sini nga bahin sang modyul, ipakilala sa

Diskubreha imo ang bag-o nga leksyon sa nagkalainlain
nga pamaagi kasubong sang istorya, kanta,
binalaybay, problema, ulubrahon ukon isa
ka sitwasyon.

Sa, sini nga bahin, ginasaysay sing tul-id

ang leksyon (discussion). Katuyuan sini nga
Usisa-a mabuligan ka sa pag-intindi ukon
paghangop sang bag-o nga konsepto kag
mga tulun-an.

Makit-an sa sini nga bahin ang mga

ulubrahon para sa paggiya sa imo sa
paghanas agud lubos mo nga maintindihan
Hanasa ang leksyon. Pwede mo nga matsek ang imo
mga sabat sa mga ulubrahon gamit ang
Talamdan sang mga Sabat nga makit-an sa
ulihi nga bahin sang modyul.

Tanda-i Makit-an sa sini nga bahin ang mga

pamangkot ukon para maproseso mo kon

iii
 ano ang natun-an mo sa leksyon.

Ini nga bahin sang modyul may mga

hilikuton nga makabulig sa imo sa paggamit
Himu-a
sang imo bag-o natun-an sa matuod nga
sitwasyon o realidad sang kabuhi.

Taksa Katuyuan sini nga mabal-an ukon matakus

ang kasangkaron sang imo natun-an sa
leksyon nga ini.

Sa bahin nga ini, may bag-o kag dugang nga

Dugang nga mga ulubrahon para mapasanyog ang imo
Hilikuton
nahibal-an sa leksyon.

Makit-an sini nga bahin ang husto nga mga

Talamdan sa Husto sabat sa tanan nga mga buluhaton sa sini
nga mga Sabat
nga modyul.

Sa Katapusan sang modyul nga ini, makit-an mo man ang:

Diri nakasulat ang tanan nga ginkuhaan sa

Reperensya
pagdihon ukon pagpasanyog sang modyul.

Mga importante nga pahanumdum sa paggamit sang modyul nga ini:

1. Gamita ang modyul nga may paghalong. Indi pagbutangan sang bisan ano
nga marka ukon sulat ang anuman nga bahin sini. Maggamit sang papel sa
pagsabat sang mga hilikuton.
2. Indi pagkalimtan nga sabtan ang Tinguha-I Ini antes magpadayon sa iban
pa nga hilikuton.
3. Basaha sing maayo ang mga direksyon antes himuon ang kada hilikuton.
4. Mangin tampad sa pag-obra sang mga hilikuton kag sa pagtsek sang mga
sabat.
5. Tapuson anay ang una nga hilikuton antes magpadayon sa masunod pa nga
hilikuton.
6. Palihog ibalik ang modyul sa imo manunudlo ukon manugpatigayon kon
tapos na nga masabtan ang tanan nga hilikuton.
Kon ikaw nabudlayan magsabat sa mga hilikuton, indi magkahuya nga
pamangkuton ang imo nga manunudlo ukon manugpatigayon. Pwede man ikaw
makapangayo sang bulig kay nanay ukon tatay, ukon sa imo mga magulang
ukon sin-o man sa inyo balay nga may ikasarang sa paggiya sa imo. Tandaan
mo pirme nga wala ka nagaisahanon.

iv
Ginalauman nga paagi sa sini nga modyul, maeksperyensyahan mo ang
makahulugan nga pagtuon kag maintindihan sing maid-id ang masunod nga mga
kasampaton. Masarangan mo ini!

v
 Hibalu-a
Pagkatapos sang leksyon nga ini, ginalauman nga imo
mapabutyag ang imo kaugalingon nga paminsaron paagi sa paghimo
sang poster (hal. karakter profayl, mga balita, mga nadula nga butang)
gamit ang mga istorya bilang imo basehan.

Tinguha-i

Direksyon: Iangot ang mga masunod nga tema sa Inidas A sa husto

nga poster sa Inidas B.

Inidas A Inidas B
1. Husto nga Nutrisyon a.

2. Pagselebrar sang Paskwa b.

3. Adlaw sang Gradwasyon c. c.

4. Paghatag Importansya sa d. d.
Pungsudnon nga Lenggwahe

5. Pag-amlig sa Palibot e.

Leksyon
Pagpabutyag sang

1
 Kaugalingon nga
4
Paminsaron
Ang isa ka tawo pwede makapabutyag sang iya nga panghuna-
huna ukon balatyagon sa nagakalain-lain nga pamaagi. May ara nga
nagahimo sang kanta, binalaybay, istorya, pinta ukon laragway agud
mas madali maintindihan ang mensahe nga gusto nila ipabutyag. Pero
ang isa ka pamaagi para makahatag sang impormasyon nga aton man
masami ginagamit amo ang paghimo sang mga poster.

Balikan
Direksiyon: Basaha ang parapo kag kilalaha ang nagapanguna nga
dinalan.

Manami mag-istar sa Barangay Masulhay. Malinong ang

palibot. Ang mga tawo nga naga-istar diri matawhay. Preska ang
hangin nga mahaklo diri.
Ang mga naga-istar diri naga-intindihanay. Masami sila
nagabinuligay sa nagakalain-lain nga proyekto para sa kalinungan kag
kauswagan sang ila barangay.

Ano ang tuluyuon sang parapo?

Diskubreha
Ang poster masami ginagamitan sang nagakalain-lain nga
laragway ukon duag para mas manami ang pagpahayag sang

2
nagapanguna nga ideya. Nagagamit man ini sang mga simbolo pareho
sang kamot nga tanda sang katawhan.
Ang karakter profayl nagasugid sang impormasyon
nahanungod sa isa ka tawo. Nagaumpisa ini sa ngalan sang katawhan
kag ginasundan sang mga importante nga impormasyon parte sa iya
pareho sang edad, mga gusto kag indi gusto, kag iban pa.

Mga Dapat Tandaan sa Paghimo sang Poster

1. Ipakita sing maayo ang koneksyon sang tagsa-tagsa ka
konsepto.
2. Himu-a nga maathag kag nagakabagay ang paglaragway
sang konsepto.
3. Siguraduha nga orihinal ukon halin sa imo nga kaugalingon
nga ideya.
4. Tinguha-i nga matinlo kag mahipid ang imo obra.
5. Gamita ang husto nga kumbinasyon sang mga duag.

Tun-i
A. Basaha kag intindiha ang masunod nga istorya.

Ang Bag-o nga Paskwa ni Lucy

Nagapadulong na ang adlaw sang paskwa kag ang tanan
nagakalangkag sa pag-abot sini. Masako ang tanan sa pagsab-it sang
mga dekorasyon kag pagpamutos sang mga regalo. Pero ang bata nga
si Lucy nasubuan gid tungod ini ang una nga paskwa nga indi niya
makaupod ang iya tatay kay naglakat ini sa luwas sang pungsod para
mag-obra.

3
 Adlaw na sang paskwa kag nag-alabot na ang mga bisita nanday
Lucy. Dugay-dugay nagpalapit ang iya nanay bitbit ang telepono kay
nagtawag ang iya tatay. "Anak, pasensyaha lang si Tatay kay wala
ako sa imo tupad subong nga paskwa. Pero sige lang, tanan nga
ginabuhat ko para sa ikaayo ninyo ni Nanay mo. Nagpadala gali ako
sang jacket sa imo kay bal-an ko nga malamig dira subong. Suksukon
mo ina ha, kag isipon mo nga ginahakos ta ikaw. Palangga ko gid
ikaw anak", siling sang iya tatay sa telepono.
Ginsuksok ni Lucy ang jacket nga ginhatag sang iya tatay.
Nagdalagan siya pakadto sa kalan-an kon sa diin nagatipon ang ila
mga paryente. "Wala gid sang may makapirde sa paskwa nga upod
ang bug-os nga pamilya", hutik ni Lucy.

Kung himuan mo sang poster ang istorya nga imo

ginbasa, ano-ano ang mga laragway nga i-drowing mo?

B. Basaha ang istorya ni Juan kag kumpletuha ang karakter profayl sa

idalum.

Ang Bata nga may Madamo sang Kinaiya

Napulo ka tuig ang bata nga si Juan. Adlaw-adlaw, aga pa sia

nagabugtaw para buligan ang iya mga utod nga magpreparar sa
pagsulod sa eskwelahan. Ginahimos niya pirme ang iya hiligdaan kag
nagapangamuyo.
Antes maghalin, nagabisa sia sa iya mga ginikanan,
nagalisensya kag maglakat kaupod ang iya mga utod. Nagapamati gid
si Juan sa iya manunudlo kag nagaeskwela gid sia sing maayo.
Ginahatagan man niya sang pagkaon ang mga
kaeskwela niya nga wala sang balon. Pagkatapos sang

4
klase, nagapauli sia upod ang iya mga utod kay amo ini ang tugon
sang ila nanay nga iya
ginasunod.

Ang Karakter Profayl ni Juan

Una nga Kinaiya: ______________________________________
Ikaduha nga Kinaiya: __________________________________
Ikatatlo nga Kinaiya: ___________________________________
Ikaapat nga Kinaiya: _________________________________
Ikalima nga Kinaiya: __________________________________

Hanasa

Ginagiyahan nga Hilikuton 1

Direksyon: Gamit ang istorya ni Juan, maghimo sang isa ka poster
gamit ang pattern sa idalum bilang pagsulundan.

Idrowing ang Idrowing ang

Ikaduha nga Idrowing si Una nga
kinaiya Juan kinaiya

Idrowing ang Idrowing ang Idrowing ang

Ikatatlo nga Ikalima nga Ikaapat
kinaiya kinaiya nga kinaiya

Ginagiyahan nga Paghanas 1

Direksyon: Maghimo sang poster parte sa paminatasan sing isa ka
maayo nga estudyante. Gamita ang mga kinaiya sa istorya bilang
pagsulundan.

Modelo nga Bumulutho

5
 Kilala nga isa ka modelo nga bumulutho si Daniel. Makita sa iya
paminatasan ang kapisan sa pagtuon tungod pirme mataas ang iya
mga grado. Mapisan man sia maninlo sang iya palibot kag
nagapanilhig sia sa ila hulot-klasehan maskin wala sia ginasugo. Kon
masugata niya ang mga manunudlo, nagabisa sia kag ginabuligan pa
niya ang mga ini sa pagdala sang ila mabug-at nga pagkabutang.
Maalwan man nga bata si Daniel. Ginahatagan niya sang iya balon
ang iya mga kaeskwela nga wala ikasarang kag ginabuligan pa niya
ang mga ini sa mga hilikuton sa eskwelahan nga ginapadala sang ila
manunudlo. Isa ka mabuot nga bata si Daniel kag wala nagapang-
away ukon nagapanunlog sa iya kaeskwela. Sia isa gid ka matuod nga
modelo sang maayo nga paminatasan sang isa ka bumulutho.

Ginagiyahan nga Hilikuton 2

Direksyon: Maghimo sang poster nga nagapakita sang pagpasalamat
sa mga manunudlo kapareho ni Maria. Ipakita sa poster kon ngaa imo
siya ginakabig nga baganihan.
Isa ka manunudlo si Maria. Bisan pirme sia kapoy sang iya mga
ulubrahon sa eskwelahan, aga pa sia nagabugtaw kag magpreparar sa
pagsulod sa eskwelahan. Nagadala sia sing madamo nga biskwit, mga
gamit sa pag-eskwela, kag bayo para ipanghatag sa mga estudyante
nga nagakinahanglan. Sia man ang nagabulong sa mga napilasan nga
bata sa eskwelahan. Ginalaygayan man ni Maria ang iya mga
estudyante nga mangin maayo nga bata. Pag-uli sa ila balay,
nagahimo sia sang mga gamit nga gamiton niya sa masunod nga
adlaw.

Manunudlo Ko,
Baganihan Ko!

6
Ginagiyahan nga Paghanas 2
Direksyon: Himu-i sang karakter profayl si Boyet. Gamita ang malip-
ot nga istorya kag ang mga detalye sa kahon bilang giya.

Bata pa si Boyet

Pito ka tuig nga bata si Boyet. Masami sia nagahampang

sa gwa sang ila balay kaupod ang iya mga tupad-balay kon
Sabado. Manami magkanta si Boyet kag kabalo man sia
magtukar sang gitara. Kada magpauli si Boyet, masami sia
nagapatimpla sang orange juice sa iya nanay tungod manamit
ini. Pagkatapos, nagalantaw sia sang telebisyon hasta
makatulog kag makapahuway.

Ang Karakter Profayl ni Boyet

Ngalan: _______________________
Edad: ________Sari:__________
Kaadlawan: ________
Mga Hilig: ______________________
______________________
______________________

Hilway nga Hilikuton 1

7
Direksyon: Magpili sang isa ka laragway nga nagapakita sang kinaiya
sing isa ka bata. Ipakita ang imo kaugalingon nga paminsaron paagi
sa paghimo sang isa ka poster.

Pagkamaalwan Pagbasa

Pagkamatinahuron Pagpamati
Hilway nga Paghanas 1
Direksyon: Maghimo sang poster nga nagapakita sang nagakalain-lain
nga kinaiya ni Tess sang lapsag pa sia kag subong nga naga-eskwela
na sia. Gamita ang laragway sa idalum bilang imo pagsulundan.

Nagbag-o na si Tess
Sang lapsag pa lang si Tess pirme ini nagahibi. Masami man sia
nagakatulog. Wala sia sang iban nga ginahimo kundi magkamang sa
ila salas kag maghampang. Mga mahumok nga pagkaon lang ang
ginakaon ni Tess kay amo palang ina ang masarangan niya nga
usapon. Masami sia nagakadasma kon ginapilit niya nga magtindog
kag maglakat.
Subong ara na sia sa ikaduha nga halintang. Masarangan na niya
nga magsulod sa eskwelahan nga nagaisahanon. Kabalo na sia
magtimpla sang iya gatas kag nagakaon na sia sang nagakalain-lain
nga pagkaon. Luwas sa paghampang, nagatuon man sia kon ara sa
balay. Sa pagkamatuod, may bag-o na sia nga utod nga lapsag kag sia
man ang naga-atipan sini.

8
 Idrowing si Tess Idrowing si Tess
sang lapsag pa sia subong nga ara
kag ang mga na sia sa
butang nga ikaduha nga
ginahimo niya. halintang
kag ang mga butang
nga
ginahimo niya.

Hilway nga Hilikuton 2

Direksyon: Maghimo sang kaugalingon nga poster nahanungod sa
istorya sa idalum.

Isa ka adlaw, nagalakat ka pauli sa inyo sang gulpi ka may

natapakan. Abi mo kon ano lang ini nga butang nga nagabulto. Sang
imo ginbuksan, isa ini ka gamay nga bag nga may unod nga kwarta.
Gusto mo ini ibalik pero wala mo makilala ang tag-iya.

Base sa sitwasyon, maghimo sang poster para makilala kon sin-o

ang pwede nadulaan sang sini nga butang.

Hilway nga Paghanas 2

Direksyon: Base sa laragway kag teksto sa idalum, maghimo sang
poster parte sa isa ka paandam sa pagdumili sa paghaboy sang basura
sa mga katubigan.

9
 Polusyon sa Katubigan
Isa ka delikado nga buluhaton kag nagatuga sang polusyon ang
paghaboy sang basura sa mga suba kag iban pa nga porma sang tubig.
Pwede ini nga mangin rason sa pagkalamatay sang mga isda nga
nagaistar diri. Amo man ini ang magatuga sang hilo sa tubig nga kon
sa diin ginagamit pa sang iban nga tawo. Magluwas diri, ang mga
kemikal kaupod sang mga basura nga ginahaboy sa tubig nagalapta
kag mangin rason sang madamo nga balatian. Madamo nga porma
sang tubig ang nagakaguba kag nagakahigkuan amo ina nga wala na
nagatinir ang mga dunang manggad sa dagat. Kinahanglan na nga
untatun ang paghaboy sang basura sa bisan ano nga porma sang
katubigan.

Tanda-i
Suno sa leksyon: Butangi sang nagakaangot nga tinaga ang mga
blangko para makumpleto ang ideya. Pili-a ang tinaga sa sulod sang
kahon.

Ang paghimo sang ________ isa ka manami nga pamaagi sang

paghatag sang impormasyon paagi sa ________. Ginagamit ini para
mapakita ang ________ sang tawo para mapaabot ang ________ sini.
Ginagamitan ini sang duag, drowing kag malip-ot nga tinaga. Masami
ang poster isa ka pahanumdom sa tawo kag nagahatag ini sang
________.

10
 atensyon
sining
poster
ideya
mensahe

Himu-a
Direksyon: Maghimo sang poster nga nagapakita sang mga pamaagi
para mapunggan ang baha.

Masami ginabaha ang barangay nanday Onyok bisan pa

magamay ang ulan. Pirme sila ginaperwisyo sini bangud nabudlayan
sila magkadto sa eskwelahan kag kinahanglan nila ibutang sa ibabaw
nga bahin sang ila balay ang ila mga pagkabutang agud indi mabasa.
Nag-umpisa ini sang gin-utod ang mga kahoy sa ila barangay para
ipakay-o sang mga kalsada. Isa ka adlaw, natalupangdan niya nga
nag-alalawas ang mga plastik kag iban pa nga basura sa ila kanal kag
nagasupon ini sa ginaagyan sang tubig. Nakahuna-huna si Onyok nga
may isa pa gid ka rason ngaa ginabaha ang ila nga lugar. Indi lang
bangud sa pagkadula sang mga kahoy nga nagasuyop sa tubig sang
ulan, isa pa ka rason sang pagbaha amo ang mga basura nga
nagasupon sa ila mga kanal.

11
 Sabti
Direksyon: Maghimo sang kaugalingon nga poster halin sa mensahe
nga ginapaalinton sang istorya.

Si Mark bata sang isa ka doktor kag suldado. Ang iya ginikanan
indi makapauli sa ila balay kay sila nagaserbisyo bilang “frontliners”.
Masami ginakamusta ni Mark ang iya mga ginikanan kay indi niya
mapunggan ang pagkabalaka sa ila kahimtangan. Nagabantay sa mga
“checkpoint” ang iya tatay sa bilog nga adlaw samtang ang iya nanay
naman ang nagapamulong sa mga nalatnan sang balatian.
Ginapabugal gid ni Mark ang iya mga ginikanan bangud kaupod sila
sa mga nagapakigbato sa Covid-19.

Dugang nga Hilikuton

Direksyon: Magpili sing isa ka tema ukon paksa sa mga kahon sa
idalum. Maghimo sang poster nahanungod sa imo nga ginpili.

Epekto sang Paggamit sang Gadyet sa Pag-

eskwela

Recycling kag Pagseparar sang mga Basura

12
 Likawan ang Bullying

Talamdan sang Husto nga mga Sabat

Tinguha-i Balikan Tun-i

1. d Manami mag-istar sa A-B. Tun-i kon husto ang
2. a Barangay Masulhay sabat sang mga bata.
3. b
4. c
5. e

Hanasa
Ginagiyahan nga Ginagiyahan nga Ginagiyahan nga Ginagiyahan nga
Hilikuton 1 Paghanas 1 Hilikuton 2 Paghanas 2
Tun-i kon husto ang sabat Tun-i kon husto ang sabat Tun-i kon husto ang sabat Tun-i kon husto ang sabat
sang mga bata. sang mga bata. sang mga bata. sang mga bata.

Hilway nga Hilikuton 1 Hilway nga Paghanas 1 Hilway nga Hilikuton 2 Hilway nga Paghanas 2
Tun-i kon husto ang sabat Tun-i kon husto ang sabat Tun-i kon husto ang sabat Tun-i kon husto ang sabat
sang mga bata. sang mga bata. sang mga bata. sang mga bata.

Himu-a Sabti Dugang nga Hilikuton

Tun-i kon husto ang sabat Tun-i kon husto ang sabat Tun-i kon husto ang sabat
sang mga bata. sang mga bata. sang mga bata.

13
Reperensya

Most Essential Learning Competencies in MTB-MLE 2

14
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph