Jacob Miller, Jenry Johnson, Jack Sparrow dhe Zoulikha Adi
Jacob Miller Veterani i Luftës Civile që jetoi 64 vite me një vrimë të hapur në kokë nga një snajper • Gjatë Luftës Civile, në Betejën e Chickamauga, ku kishte mijëra të vrarë dhe të plagosur, Jacob Miller nga Naperville, Illinois, po shërbente me kompaninë K, Këmbësorinë Vullnetare të 9-të të Indianës, pjesë e ushtrisë së Cumberland, kur me 19 shtator 1863 u godit nga një snajper konfederativ i ushtrisë së Tenesit. Plumbi e kishte goditur në mes vetullave dhe i kishte mbetur në kafkë. • Kur kompania K u tërhoq nga ai pozicion, shokët e tij e kishin lënë për të vdekur. Ai kishte rrëfyer se pasi që kishte ardhë në vete, ishte ngritur në këmbë duke u mbajtur në armën e tij dhe kishte filluar të ecte drejt zonës së sigurtë. • Në ndërkohë ai rrëfen se atë e kishin marrë ushtarët kundërshtarë dhe e kishin dërguar në spital ku mjekët kishin vendosur që mos ta operonin që tia heqin plumbin nga kafka. • I ndihmuar nga një infermjere, ai kishte dalë nga tenda dhe ishte larguar nga aty drejt vendeve më ku ishte ushtria e tij. • Për 9 muaj Miller e mbajti plumbin në kokë, kur shkoj në shtëpi për pushim, në Logansport, ai shkoj tek mjekët lokal Doktorët Fitch dhe Colman të cilëve iu kërkoj ta hiqnin plumbin nga kafka e tij, gjë të cilin e bënë, ku nxoren një top musket (i quajtur ndryshe plumbi i armëve të asaj kohe). Pas kësaj u kthye në spitalin ushtarak në Madison ku qëndroi deri me 17 shtator 1864 ditën kur edhe u lirua nga spitali • Miller u kthye në shtëpi për të vazhduar jetën normalisht, por me një plagë të hapur në ballë, nga e cila kishte humbur shikimin në syrin e majt. Plot 31 vite pas plagosjes nga plaga i dalin dy copa plumbi, për të treguar që ende kishte plumb brenda saj. Për 64 vjet ai jetoi me plagën e tij të hapur midis syve që depërtoi në kafkë tre të katërtat e një centimetri. • Ai pati një vdekje natyrale në moshën 87 vjeçare. Henry Johnson Apo "Vdekja e Zezë", i vetëm kishte vrarë dhe plagosur 24 ushtarë gjermanë në Luftën e Parë Botërore • Ndonëse Shtetet e Bashkuara të Amerikës, nuk i trajtonin njëjtë ushtarët afrikano-amerikanë me ushtarët e bardhë, në Luftën e Parë Botërore, Henry Johnson dhe shumë afrikano-amerikanë dhanë kontribut të jashtëzakonshëm në ushtrinë amerikane duke treguar trimëri të madhe përballë armikut. • Henry Johnson, lindi me 15 korrik 1892 në Winston-Salem, Karolina e Veriut. Anipse atij dhe shumë të tjerëve iu mohuan të drejtat për shkak të ngjyrës, ai iu përgjigj me vullnetin më të madh thirrjes për inkuadrim në ushtri në Luftën e Parë Botërore, andaj me 5 qershor 1917 u bë pjesë e ushtrisë amerikane. • Johnson u vendos në Kompaninë C, Regjimenti 15 i Këmbësorisë së New York-ut, njësi e veçuar me ushtarë afrikano-amerikanë e udhëhequr nga oficerë të bardhë, pas disa muaj trajnime ata dërgohen në Francë në dhjetor 1917. Atje ky njësit emërohet Regjimenti 369 i Këmbësorisë, e cila ishte pjesë e Divizionit të Këmbësorisë 93 të ushtrisë amerikane. • Për shkak se ushtarët e bardhë nuk dëshironin që të ishin bashkë me ushtarët afrikano-amerikanë, gjeneralmajori John J. Pershing, u detyrua ta shkëpuste Regjimentin 396 nga ushtria amerikane, ku me 8 prill 1918 ky regjiment iu bashkua forcave franceze. Ndryshe nga forcat amerikane që vendosen ti largojnë nga ambientet e tyre, ushtarët francez nuk kishin komlekse karshi ushtarëve afrikano-amerikanë, andaj ata u integruan shumë mirë ndërmjet vete. Në këtë mënyrë edhe Johnson u vendos krahë ushtarëve francezë, ku iu dha helmeta franceze dhe filloj të mësonte gjuhën fërnge. • Me 15 maj 1918 Johnson dhe shoku i tij, Pvt. Needham Roberts, ishin në një patrullë rutinore në një urë, kur vërejten se një grup ushtarësh gjermanë ishin afruar dhe përgatiteshin që të sulmonin vijën e ushtrisë franceze. Johnson pa se armiku ishte afruar shumë dhe nuk kishte kohë të ktheheshin dhe të lajmëronin forcat franceze, andaj urdhëroi Robertsin që të kthehej dhe të bënte një gjë të tillë, ndërkohë që ai filloj të gjuante grana drejtë ushtarëve gjermanë. Nga luftimet, u plagos Robertsi, i cili ishte kthyer për ta ndihmuar Johnsonin. Gjatë luftimeve ishte plagosur edhe vet Johnson, i cili iu përgjigjej me zjarrë ushtarëve gjermanë derisa iu hargjuan të gjitha granatat, ai filloj të gjuante me pushkën e tij derisa edhe municioni i saj i mbaroj. • Ai vërejti përpjekjen e gjermanëve për ta kapur Robertsin, andaj ai nxori thikën e tij Bolo dhe filloj kacafytjen trup më trup me ushtarët gjermanë, me ç'rast kishte vrarë dy ushtarë. Ndonëse nuk ishte i armatosur mirë, Johnson ishte i vendosur ta mbronte shokun e tij Robertsin dhe një gjë të tillë ia arriti. Pas luftimesh të pakompromis të tij dhe afrimit të ndihmës nga ana e forcave franceze, më në fund ushtarët gjermanë u tërhoqen. Johnson mbrojti shokun e tij Roberts, vrau 4 ushtarë gjermanë dhe rreth 20 të tjerë i kishte plagosur, ndërsa ai vet kishte marrë plotë 21 plagë. • Që nga ky moment, Johnson, mori nofkën "Vdekja e Zezë". • Për heroizmin e tyre, Johnson dhe Roberts ishin ndër amerikanët e parë që iu dha Croix de Guerre Francez, çmimi më i lartë i Francës për trimëri. • Pas përfundimit të Luftës së Parë Botërore, Johnson dhe Regjimenti 369, në Amerikë u priten si heronjë, për shkak të këmbënguljes së tyre dhe qendreses ushtarake që kishin treguar në luftë. Johnson drejtoi paradën e Regjimentit 369 në qytetin New York, ndërsa presidenti i atëhershëm amerikan, Theodore Roosevelt, e emëroi atë si njërin nga pesë amerikanët më të guximshëm që shërbeu në Luftën e Parë Botërore. • Pavarësisht kontributit të tij të madh që kishte dhënë, ushtria amerikane i kishte mohuar të gjitha veprat e Johnson në luftë. Atij iu mohua edhe pensioni i invalidit për plagët e shumta që kishte marrë, andaj ai u detyrua të kthehej në Albany të New York, ku rifilloi punën si portier në Stacionin e Trenit. • Johnson vdiq me 01 korrik 1929 në moshën 37 vjeqare, nga miokarditi. • Kontributi i Johnson ishte i pamohueshëm, megjithatë për shkak të padrejtësive racore, atij nuk iu njoh asnjë veprimtari nga shteti amerikan. Megjithatë, pas 97 vitesh, Departamenti i Mbrojtjes rishqyrtoi të dhënat e tij dhe e rekomandoi atë për shpërblim me Medalje të Nderit . • Në vitin 2015, Presidenti Barack Obama prezantoi çmimin për Henry Johnson, duke thënë: “Më e pakta që mund të bëjmë është të themi, 'Ne e dimë se kush jeni, ne e dimë se çfarë keni bërë për ne. Ne jemi përgjithmonë mirënjohës'.” Jack Sparrow Jeta reale e tij, Jack Ward • I njohur si Jack Sparrow, emri i vërtetë i tij ishte, Jack Ward, i lindur me 1553 në Faversham, Kent në Anglinë Juglindore. Në fillim Jack merrej me peshkim, por duke qenë se Faversham ishte një vendstrehim i piratëve, Jack, filloj të kishte një simpati të madhe për lundrimin dhe anijet. Më vonë ai e la vendlindjen dhe u punësua si pirat i licencuar nga Mbretëresha e Anglisë. Në atë kohë mori fund lufta në mes armatës spanjolle dhe asaj angleze, andaj edhe piratët do të duhej ti dorëzonin anijet dhe pajisjet e tjera luftarake, gjë të cilën nuk e dëshironin. Pas kësaj, Jack, u kthye në vendlindje. • Pas një kohe, Jack-ut iu dha një licencë nga Mbreti për të kryer një detyrë të re. Mirëpo, jeta e Jack mori një kahje krejtësisht tjetër, ai zgjodhi të braktiste shokët e tij dhe të fillonte aktivitete krejtësisht të jashtligjshme. Nga fama e tij e madhe dhe frika të cilën mbillte tek marinarët, kryesisht ata anglezë, filluan të këndoheshin edhe balada të ndryshme për të dhe bëmat e tij. • Përderisa Jack sulmonte anijet tregtare në Mesdhe, ai bëri një marrëveshje me një marinarë mysliman ku Jack do të mund të përdorte një bazë detare në Tunizi, e cila i mundësonte atij kapjen e më shumë anijeve tregtare që udhëtonin në këtë teritor detar. • Megjithatë, Jack, ishte munduar ti kthehej jetës normale duke i kërkuar falje mbretërore Mbretit të Anglisë, James I, por që ky i fundit e kishte refuzuar një gjë të tillë, me ç'rast, Jack, u kthye në Tunizi. Sundimtari i Tunizisë, Osman Dayi ("Dayi" ishte titulli më i lartë i sundimtarit të Perandorisë Osmane në rajonin e Algjerit), i ofroi Jack -ut strehë të sigurtë në zotërimet e tij, gjë të cilën edhe e realizoj. Një vit më vonë, Jack, u konvertua në myëiman dhe mori emrin, Jusuf Reis. Konvertimi i Jack në mysliman është e dëshmuar edhe përmes një shfaqje që u realizua në vitin 1612 nga dramaturgu anglez, Robert Daborne, me titull "Christian Turn'd Turk". • Sipas gojdhënave, Jack, kishte ndihmuar arratisjen e myslimanëve dhe herbrenjve nga Spanja. • Sa ishte në Tunizi, Jack, ishte i dhënë jashtëzakonisht pas zogjëve, sa që tunizianët ia vunë emrin, "Asfur", e që në shqip i bie "Harabeli", prandaj njihet edhe si Jack Birdy, e që ne sot e njohim si Kapiten Jack Sparrow. • Paraqitja e tij në shkrim dhe tregime, e pastaj edhe në dramaturgji, u bë nga shënimet e udhëtimit të William Lithgow, një skocez i cili pas udhëtimit të tij të dytë në Tunizi, ishte takuar me kapitenin e famshëm, Jack Ward, apo Yusuf Reis. Sipas Lithgow, Kapiteni Jack, ishte një alkoolist i madh, por pirjen e alkoolit e kishte ndërprerë vetëm pas konvertimit në mysliman, ai mbante një çallmë të mbështjellë në kokë të stilit të përzier turko- tunizian. • Pra filmi i famshëm i Hollywood, "Pirates of the Caribbean“ shqip "Piratët e Karaibeve", në të vërtetë na transmeton një histori reale të kapitenit të famshëm, Jack Sparrow, rol i interpretuar nga aktori, John Depp. Zoulikha Adi Heroina e Algjerisë, të cilën francezët e ekzekutuan me hedhje nga Helikopteri • Yamina Al-Shayeb, e njohur me emrin Zoulikha Adi, lindi në Chercell të Algjerisë, më 7 maj 1911. Ajo si e re iu bashkua rezistencës së algjerianëve të cilët nuk e pranonin pushtimin dhe regjimin francez në shtetin e tyre. Ajo tregoj trimëri shumë të madhe, mprehtësi dhe strategji luftarake, që pa dyshim se mund ta kompleksonte secilin bashkëluftëtarë të saj. Zoulikha Adi, luajti një rol jashtëzakonisht të madh në zgjimin e ndërgjegjes kombëtare tek algjerianët, duke u shndërruar në shembull për rezistencë ndaj okupimit të vendit. Ndër të tjera, ajo i siguronte rezistencës mbështetje logjistike, duke mbledhur para, furnizime me ushqim, veshmbathje dhe ilaçe. • Ndonëse burri dhe djali i saj iu vranë në kauzën e përbashkët, Zoulikha Adi, nuk u zbraps nga rruga e saj për lirinë e vendit. • Pas vrasjes së komandantit Abul-Kassem Al-Alawi, Zoulikha Adi e mori komandimin e ushtrisë algjeriane në Cherchell kundër francezëve, në këtë mënyrë ajo u shndërrua në personin më të kërkuar nga francezët. Pushtuesit francezë u munduan vazhdimisht ta arrestonin Zoulikha Adin, por pa sukses. • Mirëpo, pas një aksioni të përgjithshëm kundër ushtrisë algjeriane, ku francezët synonin marrjen nën kontrollë malet e Bou Harb dhe Sidi Soliman, ata arriten ta kapnin Zoulikha Adi, me 15 tetor 1957. Për dhjetë ditë e torturuan dhe e maltretuan për të marrë informacione për ushtrinë algjeriane që ajo komandonte, por Zoulikha Adi refuzoi një gjë të tillë duke duruar çdo maltretim që francezët i bënin. • Për të mos u mjaftuar, ata e lidhen pas një automjeti dhe e tërhoqen zvarrë që tu jepnin mendë ushtrisë algjeriane, se komandantën e tyre ata po e vrisnin ngadalë, mirëpo Zoulikha Adi, më zë të lartë thoshte: “O vëllezër, shikoni malin, shikoni malin”, si duket kishte për qëllim shpresen për liri që populli duhej ta kishte tek ushtria algjeriane e cila ishte në male. • Francezët e panë që torturat nuk e lëkundnin qendrueshmerinë e Zoulikha Adi, andaj ata e hodhen nga helikopteri nga një lartësi shumë e lartë. • Trupi i Zoulikha Adi, nuk u gjet për një kohë të gjatë, ngase vendodhja e tij nuk dihej për shkak se helikopteri ishte në një lartësi të madhe saqe nuk dihej se ku kishte rënë. • Megjithatë në vitin 1984 një i moshuar kishte treguar se si në vitin 1957 ai e kishte gjetur një grua të vdekur me trupin thuajse të copëtuar, pastaj e kishte varrosur. Kur ai kishte gërmuar në vendin ku e kishte varrosur, gjeten eshtrat e një gruaje, me rrobat të cilat i kishte veshur Zoulikha Adi diten e ekzekutimit. Pas ekzaminimeve të kryera, trupi u identifikua si i Zoulikha Adi. • Zulekha Adi mbeti në historinë e Algjerisë si gruaja heroinë e cila luftoi krahë burrave, kundër pushtuesve francezë, për mbrojtjen dhe lirinë e atdheut. • Foto e mësipërme, Zoulikha Adi, e lidhur pas një makine franceze ku do të tërhiqej zvarrë, para se ta hedhnin nga Helikopteri.