Ikalawang Markahan – Modyul 7: Introduksyon sa Pananaliksik sa Wika at Kulturang Pilipino ★ Nasusuri ang ilang pananaliksik na pumapaksa sa wika at kulturang Pilipino (F11PB – IIg – 97) ★ Naiisa-isa ang mga hakbang sa pagbuo ng isang makabuluhang pananaliksik (F11PU – IIg – 88) ★ Nakapagsisimula ng isang pananaliksik hinggil sa wika at kulturang Pilipino 1. Ito ay proseso ng pangangalap ng mga impormasyon na humahantong sa kaalaman sa paraang obhetibo, sistematiko, at organisado. A. Pagsulat B. Pagbasa C. Pananaliksik D. Pagsasalita 2. Inilalagay dito ang intensyon ng mananaliksik sa kaniyang pagsulat. A. Layunin B. Pagtalakay C. Buod D. Rekomendasyon 3. Inilalahad dito ang mga instrumentong ginamit sa pananaliksik. A. Pamamaraan B. Pagtalakay C. Resulta D. Pamagat 4. Tinatalakay rito ang buod ng mga impormasyong nakalap sa pananaliksik. A. Lagom C. Rekomendasyon B. Kongklusyon D. Sanggunian 5. Naglalaman ito ng iba’t ibang mga dokumento na ginamit sa pananaliksik. A. Pahinang Pamagat B. Diskusyon C. Apendiks D. Lagom 5. Naglalaman ito ng iba’t ibang mga dokumento na ginamit sa pananaliksik. A. Pahinang Pamagat B. Diskusyon C. Apendiks D. Lagom Modyul 7: Introduksyon sa Pananaliksik sa Wika at Kulturang Pilipino Ayon kay Kerlinger (1973), ang pananaliksik ay sistematiko, kontrolado, empirikal at kritikal na pagsisiyasat ng isang haypotetikal na proposisyon hinggil sa isang ipinalalagay na ugnayan sa isang natural na penomena. Si Kothari (2006) ay nagpahayag na ang pananaliksik ay paghahanap ng katotohanan sa tulong ng isang pag-aaral, pagmamasid, paghahambing, at pag-eeksperimento; paggalugad ng kaalaman sa pamamagitan ng obhetibo at sistematikong pamamaraan ng paghahanap ng solusyon sa isang suliranin. TALAKAYA N! Mga Hakbang sa Pagbuo ng isang Makabuluhang Pananaliksik 1. Pagpili ng paksa- Ito ay tumutukoy sa paksang nais mong sulatin. Ilan lamang sa dapat isaalang-alang ay ang sumusunod: a. Ito ba ay iyong interes? b. Ito ba ay angkop, makabuluhan, at napapanahon? c. Ito ba ay kaya mong tapusin sa takdang panahon? d. Mayroon ba itong mapagkukuhaang mga sanggunian? 2. Pagbuo ng Pahayag ng Tesis Ito ang mga pahayag ng mga posisyong nais mong sagutin sa iyong pag-aaral. 3. Paghahanda ng Bibliograpiya- Ang bibliograpiya ay kalipunan ng mga sanggunian tulad ng aklat, dyornal, magazin, diyaryo, ensayklopedya, tesis, disertasyon, mga tala sa internet, at iba pang maaari mong gamitin sa iyong pananaliksik 4. Paghahanda ng Tentatibong Balangkas- Ito ay magbibigay sa iyo ng direksyon tungo sa iyong maunlad na pananaliksik. 5. Pangangalap ng Datos- Tumutukoy ito sa mga tala na iyong kailangan para sa iyong pag-aaral. Ito ay maaaring tuwirang sinipi, binuod o sariling salin ng mga konseptong iyong nabasa. 6. Paghahanda ng Pinal na Balangkas- Ito ay ang pagrebisa ng tentatibong balangkas batay sa masusi at masinop na pag- aayos na gagamitin mong gabay sa pagsulat ng burador. 7. Pagsulat ng Burador- Mula sa iyong balangkas ay maaari mo nang simulan ang pagsulat ng iyong pananaliksik. 8. Pagwawasto ng Burador- Dito ay nirerebisa at iwinawasto ang gramatika at diskurso. 9. Pagsulat ng Pinal na Pananaliksik- Mula sa iyong burador o outline, dito ay maaari mo nang itayp ang iyong pananaliksik gamit ang format na ibinigay ng iyong guro.