Professional Documents
Culture Documents
Izan ere, irakaskuntza eta heziketaren arteko harremana, zatitua bezain bateratua
da; hezkuntzak ikaslearen bizi osoa hartzen baitu (irakastea = alderdi
intelektuala eta heztea =alderdi kognitiboa) eta horregatik ezin ditut bananduta
ikusi. Hezkuntza ezagutzak, balioak, ohiturak eta jokatzeko moduak transmititzen
dituen bi norabidetako prozesua da; gure ekintza, sentimendu eta jokamolde
guztietan presente dagoena.
Baina eredu hau ere akastuna iruditzen zait, berak proposaturiko ereduan ere
zeharkako adoktrinamenduan erori baikaitezke, hezitzaile bakoitzak bere
irizpideekin heziko baititu haurrak. Beraz, metodologia, materialak eta arau
moralak, irizpide pertsonalek baldintzatuta igaroko zaizkie ikasleei. “El educador
tendrá libertad para emitir juicios de valor porque sus clientes también serán libres.
No tendrá ninguna posibilidad de modelar las decisiones de estos, salvo a través de
la persuasión de sus consejos.”E. Reimer. La Escuela ha Muerto. 1981
Bidaia honen azken portuan, benetan irakaskuntza eta heziketa uztartzeko gakoa
proposatu zuen Paulo Freire aipatu nahi dut; hezkuntzaren bidez, ikasleren alderdi
intelektuala eraikiz, nortasun morala norberak garatzeko aukera ematen baitu,
gizabanako kritikoa eta sortzailea bideratuz. “Estudiar no es consumir ideas,
sino crearlas y recrearlas.” P.Freire. La Naturaleza Politica de la Educación.
Cultura, Poder y Liberación. 1990
Teoria pertsonalista hau, nire hezkuntza eredu idealarekin bat dator; ikaslea bera
egiten dabere heziketa moralaren (adoktrinamenduaren) jabe, hezkuntzak
emandako baliabideetatik abiatuz eta testuinguruaren irakurketan oinarrituz,
norberak bere nortasuna eraikiko baitu.
Hezitzaileontzako erronka berri bat izango da. Gizarte garatuetan zabaldu zaigun
“pasibotasuna” ordezkatuko da, gizartean eta politikan, erantzule izateko
(kontzientzia kritikoa eskuratzeko). Eta horretarako, proposatzen duen metodo
dialogikoa, taldeko gogoeta ekintza ireki, ikertzaile eta aktiboa egin dezakegu.
Ondorioz, kritikotasun honek intuiziotik abiatuta ezagutza eskuratzea ahalbidetuko
digu. “Un proceso de liberación implica esa “arqueología” de la conciecia a través
de la cual el hombre construye un camino natural, del cual emerge la conciencia
con la habilidad de percibirse a sí misma.” P.Freire. La Naturaleza Politica de la
Educación. Cultura, Poder y Liberación. 1990
Hezkuntza teorien bidaia honetan ikusi ahal izan da, irakaskuntza orok ikaslearen
adoktrinamendua dakarrela, oinarrituriko hezkuntza teoria edo korrontearen
araberako nortasun moralaren eraikuntzan ikaslea heziz. Beraz, eredu
autoadoktrinatzaile baten premia aldarrikatu nahi nuke, eskolaren irakaskuntza
etekinzaletik haratago. Horretarako, hezkuntza instrukzio soilean geratu ordez,
askatasunerako bide bihurtu behar dugu; pertsona bere osotasunean hezi behar
ditu, gizakiak eraikitzen diren testuingurua humanizatu behar da, pentsamendua,
sormena, espresioa, balore etikoak eta kontzientzi kritikoa eraikitzeko baliabideak
eskaini behar ditugu. Hau da, bizitza osoan zehar gizakiaren garapen integralerako
baliabideak eman behar diziegu, etengabe aldatzen ari den gizarteko partaide
baikara.