www.mizoramsynod.

org
UID- SAKAWLH CHHINCHHIAHNA A NI THEI LO
Upa Bonny Lalrindika
UID PHENA ATNA HLAUHAWM
Mi a hi thluak buai chauh an ni lo; Fim taka thil pawm dan dik lo awih theihna hi atnaah
chuan a hlauhawm ber a ni. Hriatna kawnga tuihalna hi fing tura ke pen tanna nimahsela, chu
tuihalna chuan finna thlen hmaa atna a thlen thei tih UID chungchanga pawm dan atthlak tak hian
a tifiah hle a ni.
Kan mite hian ngaihtuahna fim pawlh nut loh an vawn tlat a pawimawh a, chumi hmang
chuan thil hi engnge a nih hre turin an zir thei ang. Rilru fim hi tihbuai a nih tawh chuan, chhanna
dikin atna ching fel turin tih theih a nei tawh lo.
UID CHU ENGNGE NI?
UID hi "Unique Identification" tihna a ni mai a. "Unique" tih chu a anpui thil dangte lakah
pawh danglam bik daih tihna a ni mai a, "Identification" tih chu mihring kha amah a ni ngei tih
finfiahna atana chhinchiahna, ama danglam bikna mi danga awm ve lo kha a ni. Tichuan UID tih
awmzia chu- "Mihring nihna finfiahna tura amah chhinchhiah bikna, mi dang laka a danglam bikna
hmanga khua leh tui chhinchhiahna" tihna a ni mai.
UID-ah chuan a neitu chhinchhiahna thil pathum- Kutzungtang ze thla (Fingerprint), Mit
naute thlalak (Iris scan) leh hmai bawr thlalak te dah a ni.
UID HI ENGNGE A AWMZIA?
UID hmanga chhinchhiaha awmte chu sakawlh chhinchhiahna pu an ni tih zirtirna hi Mizo
mipuite min tibuaitu mek chu a ni a. Tichuan he zirtirna atthlakzia tawi tea sawi fiah nan chuan UID
hi eng chiah nge a nih tih hriatna hi kan mamawh ta a ni.
Heti hian sawi ila- Miin UID a neih hian, UID chu amaha chhinchhiahna an siam chawp
taka chu a ni lo va. Mihringa Pathianin chhinchhiahna a dahsak sa, mi dang laka a danglam bikna
lai tak, a ang tumahin an neih ve loh tur chhinchhiahna a rawn pianpui sa kha, khawl hmanga en
theih turin UID card-a chips-ah khan an la chhuak zawk a ni.
Tichuan a awmzia chu, UID i nei emaw nei lo emaw, UID-a an dah tur nangmah i nih
finfiahna danglam bik kha chu i taksaah khan a awm sa reng zawk. A chhinchhiahna taksaa awm
reng chunga UID neih loh vanga sakawlh laka fihlim ta tlata inhriatna hi a nuihzatthlak hle a ni.
Tichuan i UID-a i code number chu khua leh tui chhinchhiahna bu (NPR)-a mi engzat an
chhinchhiahna nge i nih tih hriatna mai chauh a ni bawk.
TU CHHINCHHIAHNA NGE?
UID sakawlha beltuten thil an hriat thelh lian em em mai chu a chhinchhiahna neitu hi a ni
a. Thupuan buin sakawlh chhinchhiahna a sawi hi chu a chhinchhiahna hi sakawlh ta a ni a, chu
chhinchhiahna chu sakawlh zuituten an pu ang. An kutah emaw an chalah emaw chu chhinchhiahna
chu an dahsak ang.
UID-a chhinchhiahna awm tur erawh hi chu a UID neitu chhinchhiahna put sa kha UID hian
a kawl chhawng ve dawn chauh zawk a ni. Sakawlh chuan a chhinchhiahna neih chu inang vekin a
zuitute taksaah a dah dawn a, a indawt pawh a awm lo va, 666 a ni mai. Chu chhinchhiahna chu a
putu mihringin a hmaa a neihsa a ni lo va, mi dang ta a taksaa a dah chawp a ni. UID kalhmangah
erawh hi chuan chhinchhiahna chu mihringin a nei sa a, chu chhinchhiahna chu UID khan a pu ve
zawk dawn a ni.
India rama piang a seilian ka ni a, hei lo hi ram ka neih loh avangin he ramah hian khua leh
tui ka ni a. Tichuan India sawrkar chuan a ram chhunga khua leh tui zawng zawngte chu a hriat vek
theih nan, a rama awm sate chhinchhihna put chu la khawmin khawlah a vawng tha ang a, chutianga
a chhinchhiah tawh chin zel chu number indawt pein chu serial number chu an UID Number a ni
mai dawn a ni. Sakawlh chhinchhiahna kalhmang nen a inang lo hrim hrim a ni.
www.mizoramsynod.org
TUNGE TI HMASA?
India hi a ram pum anga UID hmanga khua leh tui zawng zawng chhinchhiah vek tura hma
la hmasa bertu a ni (NTEB News Desk/January 12, 2012). He programme hi "National Biometric
ID Processing Program" tiin an sawi.
He card hmanga India mi zawng zawng chhinchhiahna ruahman hna hi Unique Identifica-
tion Authority of India (UIDAI) chuan a hma mek a, January 2009 atang khan tih tan a ni. Lemchanna
fing tak tak hmanga pawi khawihna leh inbumna te laka ram a him theih nan leh mi dik lote laka
khua leh tui an him nan a ni ber.
India sawrkar laipuia social welfare programme pawimawh a ni a, bank lian deuh deuh te,
state sawrkarah te pawh lem chang miten mi thil an khawihsak ruk theihna laka customer-te an him
theih nan hman vek an tum mek bawk.
Chu bakah he program hi indawr tawnna a ran zawk theih nan leh mimir tana remchanna
awlsam zawk a awm theih nan a tangkai dawn hle a ni. Bank counter-a pawisa la chhuak tura han
intlar put ai chuan kawng sira an bawm huna ATM (Automatic Tellar Machine) han hawlh luh
zeuhva pawisa lak mai chu a nuamsa fe zawk ang hi a ni. {source Activist Post (http://
www.nowtheendbegins.com/blog/?p=7976)
India ramah Tembhli, Maharashtra chu UID pek chhuah hmasak berna khua a ni a, Prime
Minister Manmohan Singh leh UPA chairperson Sonia Gandhi te khan Unique Identification card
hi a hmasa ber atan thingtlang mi 10 hnenah an pe a, he khuaa cheng Ranjana Sonawne chu India
mi zinga UID nei hmasa ber a ni a, a card number chu 782474317884 a ni.
An sem chhuah ni a Pi Sonia Gandhi thu sawi chu He thil hi ka pasal Rajiv Gandhi-an
Information Technology changkanna hmang tangkaia kan mite nun awlsamna leh changkan zawkna
kawng zawn chhuah a lo tum thin ngei kha a ni," tih a ni. (http://www.thehindu.com/news/national/
tembhli-becomes-first-aadhar-village-in-india/article802538.ece)
UID leh NPR
UID chu Unique Identification kha a ni a, NPR chu National Population Register tihna a ni
a, UID nei tawhte an chhinchhiahna a ni. March 2, 2013 khan TERI, Bangalore-ah "UID, NPR, and
Governance" tih thu zir hona conference an nei a, chuta an hrilhfiah dan chuan NPR hi kum 2010-
a India sawrkarin khua leh tui chhinchhiah tawhte chanchin a vawn thatna tura programme a siam
a nih thu sawi chhuah a ni a, chutah chuan mimal chanchin chipchiar point 13 leh UID-a an
chhinchiahna thil pathumte kha dah a ni. NPR hi Citizenship Act, 1955 leh Citizenship Rules 2003
hnuaia siam a ni a, India khua leh tui zawng zawngte chu hetah hian inziah luh vek tur tiin Citizen-
ship Act, 1955, Section 14A chuan a phut.
UID LEH SMART CARD
India sawrkar hian a khua leh tuite zinga michhe zual tan inenkawlna kawnga chhawk
zangkhaina tur policy tam tak a siam a, chung zingah chuan Mizoten kan hriat lar mek Smart Card
hi pakhat chu a ni a, hei hi Resident Identity Card tih a ni a, micro-processor chip 6.4 Kb nei a ni.
Chutah chuan UID-a mihring chhinchhiahna ang bawk kha chip-ah hian dah a ni a, UID number nei
tawhte chu an number dah tel a ni bawk. Mi tam takin an tangkaipui a, damdawi man pek tur nei
lote tan a hlu lehzual a, Smart Card nei tan Pathian biak khapna a awm lo. Sakhaw hrang hrangin an
nei a, an hlawkpui dan a inang a, an sakhuaah danglamna engmah a thlen lo.
UID BAWMPUI
Unique Identification Authority of India (UIDAI) hi January 2009 khan din a ni a, Planning
Commission of India hnuaia mi a ni. UIDAI hi UID vawng khawmtu chu a ni. Anni hi number lo
petu pawh an ni a, UID number hi digit 12 vek a ni. Chu number chu AADHAAR tia sawi a ni. Anni
hi Database leh NPR zawng zawng kawltute chu an ni. NPR chu biometric information system
hmangin an vawng a ni.
www.mizoramsynod.org
UID CHU PHUT LUIH A NI EM?
Ni lo. UID neih hi a duhtu tan chauh a ni a, a duh lo chuan neih loh theih a ni. State thenkhatah
chuan Central sawrkar ruahman dan hriat chian tawk lohna avangin tihluihna anga lo kalpui an
awm a, Karnataka-ah pawh Supreme Court-ah Karnataka High Court judge (rtd) K S Puttaswamy
chuan tihluihnaa sawrkarin a kalpui avangin Public Interest Litigation (PIL) file-in sawrkar a lo
khing tawh a ni. Chandigarh, Chennai leh Mumbay-ah te pawh January 2012 khan sawrkar lakah
PIL file a lo ni tawh a, Motor Vehicle Act hnuaia UID phut luihna thila sawrkar khinna deuh vek an
ni. (http://cis-india.org/internet-governance/blog/uid-and-npr-a-background-note)
UID chu tihluihna a ni lo va, mahse a nei ve lote tan thil lo khirhkhan deuh dawn ta sela
sakawlh a ni ngawt chuang lo. UID a hlauhawm miah loh lai khan nei duh tlat lo khan a nihna thup
a duh em ni tiin rinhlelhawm taka awm theihna a ni.
BIOMETRIC AWMZIA
Bio tih chu mihring taksa sawina a ni a, Metrics tih chu taksa mur leh ziarang kalhmang
chhiarkawp dana chhutna lam a ni. Tichuan Biometrics tih chu mihring taksa insiam phung
chhutchhuahna tihna angah ngai ila. Hetah hian taksa cell pianhmang leh ruangam awm dan chhut
chhuahna (Geometrical mathematics) hmangin mihring taksa chu chhut a ni.
Biometric information hmanga mihring identity chhinchhiahna data bank-ah chuan India
ADHAR data bank hi khawvelah a lian ber a ni mek.
BIOCHIP HI ENGNGE?
UID sawi sakawlh mektuten sakawlha puh an tum chhan ber kha Biochip hman dan kalhmang
hi a ni a. Biochip hi vun kara phum a nih vang a ni. He technology hi kum 1983-a an hmuh chhuah
kha a ni a, ramsa leh nungcha chi hrang hrang taksaa dahin an khawsazia chhui zuina hmanrua atan
an hmang thin. Tunah hian USA-ah khuan sahuan 300 chuangah an hmang mek a, khawvel ram 20
velah ramsa maktaduai 7 velah dah a ni tawh. American Biochip Company-ho siam chhuah a ni.
Mihring taksaah pawh damlo enkawl mekte taksaa damdawi hnathawh chhuina atan an
hmang thei a, tunah hian mihring identity hriat theihna atan hman tangkai theih tura siam leh mek
a nih avang hian kutah emaw chalah emawa 666 inchhu kai anga puh tumna a lo piang ta a ni.
Mihring taksaa biochip phum hi "Biochip Implant" ti a sawi a ni a, Mihring taksaah vun
karah khan computer chip te tak te, buhfang u awrh tiat lek kha an jection lut a, chu chu amah hriat
theihna tura a chhinchhiahna, khawl hmanga en theih tura sawngbawl fel sa an dah thatna chip chu
a ni a, "transponder" tiin an sawi bawk.
Biochip chu radio zungzam hmanga thil enna (Radio frequency identification (RFID) sys-
tem) a ni ber a, mihring taksain a huat loh tawk leka tlem radio signal kaltirin kha biochip kha
khawl chi khat "Reader/Scanner" hmangin inches 2-12 vela hlaah a hmuh theih a ni.
He biochip (transponder) hi amaha battery emaw energy emaw nei lova siam a nih avangin
"passive biochip" tih a ni a, mihring huat loh tura duan a ni. Chuvangin battery down tih a awm ve
lo va, kum 99 chhung vel chu engtin mah khawih danglam lohva tha tura ngaih a ni.
He Computer Microchip-ah hian UID number chu dah a ni a, he number hi digit 10-15-a sei
a ni. He microchip-ah hian Reader signal a lo thlen velleha ID number lo pe chhuaktu tur electronic
circuit dah a ni. Reader atanga signal lo kal lo dawng a, signal pe chhuak let vetu tur Antenna Coil
dah a ni bawk.
Hetianga Reader atanga signal a lo thlen chiaha biochip khawl tinungtu tur hi "Tuning
Capacitor" an ti a, chu chuan signal a hmuh chiah khan transponder kha a tinung ta a, electonic
circuit kha hna a thawhtir ta thin a ni. Heng zawng zawng- Biochip, Capacitor leh Circuit (antenna
coil) te hi thawk ho tura chep taka rem khawmin darthlalang bawm te tak te, damdawi mum (cap-
sule) anga siam chhungah an dah a, chu darthlalang capsule chu 11mm leka sei, 2mm leka lian a ni.
Chu chu buhfang tiat vel tihna a nih chu.
He capsule hi mihring taksaah dahin scanner hmangin an lo hre mai dawn a ni. UID nei lo
pawhin bank account number leh ID form dangte pawh dah nan an hmang thei a, damdawia
inenkawlna kal mek en zui nan an dah thei bawk.
www.mizoramsynod.org
SAKAWLH HLAUTUTE DINHMUN
Mihring hi awmze nei lova hlauhnain a bual tawh chuan mi a a ni tawh. Mahni awmna
hmun nghet in leh lovah pawh awm tha ngam tawh lova mi a tlan chhuah ruai ruai tawh chuan mi
a a ni. Sakawlh hi hlauva bihruksan tur chiin Bible-ah hian kan hmu lo va. Pathian thinurna meia a
zuitute chawpa paih tur an ni zawk a. Krista chenpuina nena Kohhrana Pathian pawl mektute dinhmun
leh sakawlh hlauh hi thil inrem thei lo a ni. Isua hming lamna hmun Kohhranah pawh thlamuanga
awm ngam tawh lote hi chu awmze nei lova hlauhnain a bual at, mahni in lum chhuahsan zawnga
buai an ni.
Sakawlh hlauhawm lohna ber chu a hremtu tur Isua bula awm a ni mai. Vawiina sakawlh
hlautute mawlna ber chu sakawlh laka him an tum a, Isua taksa Kohhran an chhuahsan lawi si hi a
ni a. Rial nasa tak a sur laia hlauh luat vanga pawna tlan chhuah ang deuh a ni awm e. Anmahni
tawkin sakawlh chu hneh theih an inring a ni chek ang chu maw. Isua Krista Kohhrana awm chung
pawha an hlauh kha a pawnah phei chuan an va be dawn chiang em tih hi ka ngaihdan a ni.
Tin, Sakawlh hnenah hian uanna leh Pathian sawichhiatna ka pek a nih thu leh a theih chuan
mithianghlimte pawh a do leh a hneh phal a nih thu kan hmuh avangin (Thupuan 13:5-7), tuna UID
sakawlha puh a, Kohhran kalsana, Kohhran chu awmna tlak lova sawitute hi Krista dodaltu, Pathian
sawichhiatna ka neitu, Kohhrana Krista thisena silfai mithianghlim awm khawmte hneh tuma vir
vel ruai mek sakawlh dik tak chu an ni zawk a ni lawm ni ka ti a ni. Keini chuan Krista leh a Kraws
kan chhuang a, kan chawimawi mek a ni si a.
UID-AH SAKAWLH KAN HMU EM?
Theologian ka nih loh avangin sakawlh chungchang sawina Bible changte hi hrilhfiah turin
ka inring ngam lo. Chuvangin mithiamte hrilhfiah dan engah Bible-in sakawlh a sawi hi UID-ah
hian a lo thleng ta em tih ka thiam ang tawkin ka hmehbel ve mai a ni.
Thupuan bu ziak dan kalphung hi thil lo thleng tur thu khuh deuhva ziakna a ni hlawm a, a
ziaktu Johana hian a hun laia Rom sawrkar hnuaia awm mekte tana Kristiante tiduhdahtu tur lo
chhuah dan tur an hriatthiam theih tur si a a ziakna ni a sawi a ni.
Thupuan bung 13-a sakawlh kan hmuh hi hrilhfiahtute hrilhfiah dan eng atangin hetiang
hian sawi chhawng ve ila:
1) Ki sawm leh lu sarih nei: Rom lal 7- Tiberius, Galigula, Claudia, Nero, Vaspasian, Titus
leh Domitian te bakah rei lo te te rawn lal ve Galba, Otho leh Vittellius te. He number nen inmil thei
hi UID-ah hian Ki sawm leh lu sarih nena hmehbel theih engmah a awm lo.
2) Tuifinriat atanga lo chhuak: Sawrkar atanga lo chhuak. UID hi sawrkar atanga lo chhuak
chu a ni ngei. Mahse amahin engmah a ti thei lo.
3) Beramno ki ang ki pahnih nei- Thuneihna chu sawrkar mai bakah sakhaw nunah pawh
chan vek tum. UID hian sawrkarah emaw sakhuaah emaw thuneihna lam zawngin engmah kaihh
nawih a nei lo. Sakhaw biak hriatna a ni lo va, khua leh tui chhinchhiahna a ni.
4) Pathian sawichhiatna ka- Pathian lalna chuhpuia Pathian anga amah chibai buk tura mi
Transponder capsule leh a thunna syringe
Reader/Scanner
U
I
D
C
a
r
d
Fingerprint Scanner
www.mizoramsynod.org
zawng zawng phut luitu. UID hian Pathiana biak a phut lo va, a phut thei hek lo. UID nei tur hian
eng sakhua mah biak tura ruat a awm hek lo. Hei ai chuan pawisa te hi kan pathian nasa fe zawk a,
Pathian ni lo Pathiana biak hi sakawlh an nih dawn chuan pawisa te hi kan sakawlh zawk chu a nih
a rinawm.
5) Chalah emaw kutah emaw chhinchhiahna- Kaisara zuitute khan Kaisara chu lal
awmchhunah an pawm a, Isua pawh an hnawl phah a. Khang mite kha an chalah emaw kutah emaw
chhinchhiahna an puttir thin niin an sawi. Tuna UID hi chu chalah emaw, kutah emaw, kheimit
bulah emaw te pawh a transponder hi dah theih vek a ni.
Kha chhinchhiahna nei ve lote kha chu engmah ti thei lova dan chep an ni an ti. Thih
hlauhawma an awmna kha Krista phatsantirna remchanga lak an tum thin a ni. UID chhinchhiahna
hi mihringin a pu dawn lo va, UID hian mihringa chhinchhiahna awmsa kha a pu zawk.
6) Number 666- Hebrai-ho leh Grik-hote khan an A,AW,B kha a tlukpui number an neihtir
thin niin an sawi. Rom-ho chuan an hriatthiampui ve lo an ti. Chu chu a hrethiamtute hnena a sawi
duh sawi nan Johana hian a hmang a. Sakawlh ni a a puh chu tunge tih an hriatthiam theih nan
number-in a sawi niin hrilhfiah a ni.
Hebrai tawnga Nero-Kaisara tih kha NRWNQRS tih a ni a, an hawrawp tlukpui number
atanga chhut chuan N=50, R=200, W=6, N=50, Q=100, R=200, S=60 = 666 a ni. Johana khan Nero
kha Krista leh a mite do leh tih chimih tumtu sakawlhah chuan a puh niin a lang. Domitian-a kha
Lalpa Pathian ti a mahni inchhal, Johana tantirtu kha a ni a, sakawlhah chuan puh zawktu an awm
bawk (Sakawlh ka hlau lo- Synod OM 2012). UID neih loh vanga lei theih loh emaw hralh theih loh
emaw engmah a awm lo va, a number emaw a kaihhnawih thil hmingah reng reng hian number 666
chawh chhuah theihna pakhatmah a awm lo.
Thupuanin sakawlh a sawite hi chu hun liam ta lama mite vek kha niin an lang a, mihring an
ni ngei bawk. Tuna awm tawh lo hi nimahsela, sakawlh chungchangah chuan leilung pian tirha
mihring hmasa ber awm lai atang tawh khan Pathian rorelna leh lalna tihchhiat tuma beihna sakawlh
sulhnu hi chu chatlak lovin Pathian mite zingah hian a che reng hrim hrim. Chutiang lakah chuan
inven kan mamawh zawk. Sakawlh hi hlauh tur a awm lo va, sakawlh nih erawh chu hlauhawm tak
a ni.
Chuvangin sakawlh thuah chuan a pawimawh lai ber chu Pathian thuneihna huang chhung
kalsan a setana rawng bawl tura chetna tinreng hi sakawlh nun chu a ni ber a. Thupuan bua sakawlh
sawina reng rengah hian a langsar ber lai chu 666 hi a ni lo va, lei leh hralh thu pawh a ni ber lo va,
Pathian anga chibai bukna nun hi a langsar ber lai chu a ni.
Pathian tak ni lo thil dang pathian biaka biakna nun, Pathian thu bawhchhiat phah duh
khawpa tisa malsawmna chan pawi tihlohna nun hi sakawlh chibai bukna dik tak chu a ni a. Pathian
Kohhranho sawi bawrhbang ngam khawpa huaisenna dik lo pawh hi mei leh kata hrem hmabak
nun, sakawlh ze dik tak chu a ni bawk.
Buma awm mekte hi sakawlh nuna lut mek chunga sakawlh nena inthurual hlauhna nei lawi
si an ni a, chu chu an dinhmun buaithlakna a ni. Setana hian an nuna luh a tum avangin ngaihven
loh tur lam a ngaihventir daih a, a bum hneh hle a ni.
Sakawlh hnuaiah chuan khawvel hian chhinchhiahna pakhat 666 chauh an intawm a, UID-
ah chuan ram tinin anmahni ta bik chhinchhiahna an nei hrang.
Ram hrang hrangte UID code inan loh dan chu hetiang hian tlem te chauh tar lang ila-
United States (Social Security number (SSN), Vietnam (CMND), UK (LL NN NN NN L), UAE
(ISO/IEC 7810), Ukraine (320/94-BP), Thailand (N-NNNN-NNNNN-NN-N), Switzerland (AHV-
Nr. [de] / No AVS [fr]), Romania (GYYMMDDCCNNNC), Israel (Hebrew tawngin Mispar Zehut
tih hi dah a ni), India (AADHAR).
UID nei lote hian leiin hralh thei dawn lo ta se
Chutiang a nih chuan sakawlh chu a ni tawh mai ang em? India ram hmun thenkhatah chuan
UID Card tel lova thil lei a harsat viauna hmun te pawh a awm tawh ni a sawina a awm. Chutiang
chu a tak lo ni ta se UID chu sakawlhah kan puh thei tawh mai ang em?
www.mizoramsynod.org
Lei leh hralh phal loh phahna zawng zawng hi sakawlh ni zel dawn ta sela, permit nei lova zu
a lei theih loh hunah zu permit chu sakawlh a ni dawn em ni ang? Lammual inkhel en tura kal
zingah ticket dik nei ve lote tan luh theih a ni ta lo va, inkhel ticket chu sakawlh a ni dawn em ni
ang? Dan ang thlapa awmte himna leh an chanvo humhalhna atana Dan hnuaia mi an nih leh nih loh
fiahna nei thei lote hrek an nih hian thil tih awm loh tak ti em ni kan nih?
Khawvelah hian mihring kan tam em em tawh a, tluklehdingawn 7 chuang kan awm ta.
Ram tinah mihring nun a innek tawt a, duh anga chet theihna hmun zalen kan duh vek avangin inei
ral tumna a lo piang a, thuneihnaa tuihal huam huamte chuan mi ram chhuhsak tumin ralthuam an
lek a, sum duh vangin mihring ruk bo tlan chhuahtir a intuak muk tum pawl an chhuak zung zung
bawk a. Khua leh tui dik leh dik lo pawh thliar hleih theih lohva mihring kan inkal pawh vel tak vek
hnu hian himna dinhmun pawh a derthawng ta a ni.
Tu a nih hriat hauh lohva misual, pawi lian tak khawih tura inbuatsaih ru mek zalen taka kan
zinga an len vah vel theih a, an nitin mamawh zalen taka an neih theih reng hian dinhmun derthawng
takah ram hi a awm thei. Tichuan India sawrkar chuan chutiang mite chu awlsam taka hriat chhuah
an nih theih nan lei leh hralh nan UID phut vek ta sela, UID chu khua leh tui dik tak lo chuan a nei
thei dawn hauh lo. Tichuan a ei tur rawn zawnnaah khan kan man mai dawn a ni.
Khua leh tui dik tak lo chuan UID a neih theih dawn hauh loh chhan chu UID nei tur hian
India khua leh tui dik tak ka ni tih finfiahna tur document tam tak phut a ni. Hengte hi i pharh kim
thap theih loh chuan UID hi Sakawlh pawlah ka awm ve duh a ni tiin ngenin tap tap mah la an pe
chuang lo vang che.
Tichuan UID nei lo apiang hian leiin hralh thei lo dawn ta sela, chu chu sakawlh a ni ta tihna
a la ni ngawt lo. A chhan chu sakawlh chuan mite chu an lei emaw an hralh emaw a khap chhan a
awm a, Pathian anga sakawlh chibai buktu an nih chhinchhiahna an chalah emaw an kutah emaw an
put loh vang a ni dawn. UID chu chalah emaw kutah emaw bel chi a ni lo va, thuamhnaw ipte a ah
mai tur a ni. Eng chibai buktu chhinchhiahna mah a ni lo va, Kristian, Hindu, Muslim, jain, Sikh
etc. a eng sakhaw bia pawh ni sela, India khua leh tui an nih chhinchhiahna a ni mai. Sakhaw
chhinchhiahna a ni lo; National Security System thar a ni.
Sakawlhin kum a thliar lo
Sakawlh hian a chhinchhiahna neitu tur atan hian kum bithliah a nei lo. A chhinchhiahna an
chalah emaw kutah emaw nei lo kha chu an rep hlum thak dawn a ni tawp mai. UID hi chuan kum
15 hnuai lam miteah biometric information lak a phut lo va, UID nei tawh an nu leh pate ta kha an
ring a, an inlaichinna tihchian kha a duhtawk a ni mai. Kum 15 tling lote chuan AADHAAR card-
ah an engmah chhinchhiah an mamawh ve lo. Sakawlh zuitu theuh theuh chhinchhiahna nei leh nei
lo ngaihhnathiamna a awm hrang tur hi a mak dawn mang e. Bible sawi piah lam thil pawh Bible
chhungah kan khung vek mai dawn em ni ang?
UID hlautute hi
UID neih hi sakawlh zuitu nihna a nih an ring a, India khua leh tui nih chu sakawlh pawla
awmna niin an ngai a, ka hnawl e an ti ve ringawt a, India buhfai an ei a, India leilungah an cheng
a, India pawisa an hmang a, nuihzatthlak tak a ni. Ar biru ang chauh an ni a, lu chauh phuma mahni
lamin engmah hmuh loh vang ngawta him emaw inti, a nguma an chuk hrep theih tho si ang hi. UID
an neih loh hian himin an inhria a, India mi ni ta lovin an inngai em ni ang le? UID-in chhinchhiahna
a put tur kha anmahni khan an mitnaute-ah te, an kutphahah te, an sakhmelah te khan an pu kual an
pu kual reng zawk si a. An khawngaihthlak a, chhanchhuah ngai tak an ni.
Ram dangah ka pem daih dawn ti sela, Passport an mamawh ang a, Visa an neih a ngai ang
a, chutiang te chu an dil hunah Nationality tih ziak a lo ngai ang a, Indian an ni dawn chiang
khawp mai.
Hmehbel rem thei lo
Sakawlh leh UID hmehbel hi fiamthu ai pawhin a nuihzatthlak zawk. Han sawi rem ngial tum
www.mizoramsynod.org
dawn pawhin a rem thei ngang lo. Heti hian khaikhin ila.
Sakawlh UID
Pahnih a awm Pakhat chauh a ni
Ki 10 leh lu 7 (Thup 13:1) Ki leh lu a nei lo
A kiahte lallukhum 10 a awm (Thup 13:1) Lallukhum a nei lo
A luahte Pathian sawichhiatna hmingte a awm (Thup 13:1) Pathian lam a hawi lo hrim hrim
Keite ang a ni a; a kete chu savawm ke ang a ni
A ka chu sakeibaknei ka ang a ni (Thup 13:2) Hmehbel tur a awm lo
A lu pakhat chu thihpui khawp hiala hliam (Thup 13:3) Lu nei lo
Hliam chu a dam ta a, tichuan leia mi zawng zawngin
Sakawlh chu mak an ti a, an zui a (Thup 13:3) A dam lo ve thei lo
Uanna leh Pathian sawichhiatna thusawina ka Tu Pathian mah a buaipui lo
a hnenah pek a ni (Thup 13:5)
Thla 42 che turin thu pek a ni (Thup 13:5) Hun bi a nei lo
Beram No Nunna Bua hming ziak loh apiang chuan
Pathian chibai bukin an buk ang (Thup 13:8) Chibai buk tura tih a ni lo
Sakawlh dang, beram no ki ang ki pahnih a nei,
drakon tawng anga tawng a awm leh (Thup 13:11) A pahnihna a awm ve lo
Van atanga leia mei tlaktir thei khawp hialin thilmak
ropui tak a ti thin (Thup 13:14) A intu lo deuh deuh
Mi zawng zawng alian atein, ahausa aretheiin bawih leh Mihringin a chhinchhiahna an pu lo
bawih lo pawh, an kut ding lamah emaw an chalah emaw Mihringa chhinchhiahna kha a pu zawk
chhinchhiahna a neihtir hlawm a (Thup 13:16) Kut leh chala dah chi a ni lo; ah that chi
Mihring nambar a ni a; a zat chu 666 a ni (Thup 13:18) Number inang a awm lo
Sakawlh thu Bible-in a sawina dangte
1. Sakawlh chungchang sawina Bible-a lang dangahte hian zir belh tur a la awm thei ang.
Thupuan 14:9-12-ah chuan Tin, vantirhkoh dang a pathumna chuan aw ring takin, Tupawhin
Sakawlh leh a lem chibai bukin an chalah emaw an kutah emaw chhinchhiahna an neih chuan, chu
mite ngei chuan Pathian thinurna uain, a thinurna nova engmah pawlh lova siam chu an in ang a,
vantirhkoh thianghlimte mithmuh leh Beram No mithmuhah chuan mei leh kata nghaisakin an
awm bawk ang. Tin, chung mite nghaisakna meikhu chu chatuanin a chho vang a; sakawlh leh a
lem chibai buktute, a hming chhinchhiahna nei apiangte pawh chuan achhun azanin chawlh reng an
nei lo vang, tiin anni chu a rawn zui a. Mi thianghlim, Pathian thupek awihtute leh Isua zuitu
rinawmte tan hetah hian chhel a tulzia a lang tih kan hmu.
UID hi kutah emaw chalah emaw dah chi a ni lo hrim hrim a, a lem chibai buk tur pawh a ni
lo va, tin, Pathian thu awihte tan neih theih a nih dawn loh avangin UID hi sakawlh a nih chuan miin
a neih dawn khan Isua rin bansan tur leh sakawlh chibai buk turin an phut ngei tur a ni. Buk leh buk
loh pawh inhre lo vai riai ruai, a nih leh nih loh pawh hriatthiam theih lohvin Pathian thil leh setana
thil ramri hi a awm ngai lo.
2. Thupuan 15:2-ah Tin, darthlalang, mei nena inpawlh tuifinriat ni awm tak ka hmu a;
sakawlh te, a lem te, a hming nambar te hneha lo chhuakte chu Pathian tingtang kenga, darthlalang
tuifinriat kama ding ka hmu bawk a tih kan hmu.
Hetah pawh hian sakawlh chhinchhiahna nei tur chuan Isua phatsan ngei a ngaihzia a lo lang
leh a, he chhinchhiahna hi Kristian nih bansan phawt tura phutna tel lovin min pe dawn lo hrim
hrim tih a lang chiang hle. A chhan chu a nei leh nei lote leia an vanneihna hi a inthlau em mai.
3. Thupuan 16:2-ah Tin, a hmasa ber chu a kal a, a berhbu chu leiah a leih bua a; tichuan,
Sakawlh chhinchhiahna neite leh a lem chibai bukte chungah chuan, pan chhe na takah a chang ta
a tih kan hmu leh a.
Pathian hian heti taka a huat leh hrem nasat tlaka a ngaih thil hi chiang lo ruai, tihpalh thila
www.mizoramsynod.org
bawhchhiat palh theih mai maiin a dah ngai lo va, chiang takin a sawi thin. Kohhran chhunga
Pathian hnaih zawktute hriat loh hi Kohhran pawna tei mai maite hnena a puan chian zawk ngawtna
chhan tur a awm lo vang.
4. Thupuan 19:20-ah Tin, sakawlh chu an man a, zawlnei der sakawlh chhinchhiahna nei
leh a lem chibai buktute a bum thinna thilmak a mithmuha titu kha an man tel a; an pahnih chuan
kata kang mei dilah chuan a nung chungin an paih a tih kan hmu leh a.
UID hi thil nung che vel thei mana han man vel chi a ni dawn em ni le? Hei, a chhinchhiahna
miten an put theihna tura mi bum hna thawktu zawlnei der a la nei lehnghal a. Pathian rin aiin UID
neih hi a tha zawk ti a Pathian rinna kalsana UID nei tura min thlemtu an awm ve bawk si lo va.
Sakawlh leh Pathian hi Bible-ah hian mihring inchuha indo pahnih an ni tih kan hmu a. Setana
malsawmna dawng tura UID hi phut ni sela chuan a la puh sakawlh theih deuh pawhin a rinawm a,
Pathian ram a chuh hran lo va, India khua leh tui dik takte tan a ni ve mai. A nei apiang chu Kristian
nih theih tawh loh tih pawh a awm bawk hek lo.
5. Thupuan 20:4-ah Tin, lalthutphahte ka hmu a, a chungah mi an thu a, a hnenah chuan
rorelna an pe a; tin, Isua hriattirna thu avang leh Pathian thu avanga lu tante thlarau leh, Sakawlh
leh a lem chibai buk lo va, an chalah emaw an kutah emaw chhinchhiahna nei lote thlarau chu ka
hmu bawk a; chungho chu an lo nung a, kum sangkhat atan Krista nen rorelin an awm a tih kan
hmu leh a.
Hetah pawh hian sakawlh mi ni tur hian Isua phatsan ngei a ngai tih a lang chiang leh khawp
mai. UID-ah hian Isua kan phat a tul lem lo va, kan inkhawmna pangngaiah khan Isua Krista
chawimawiin kan la zai zel ang. Tuna kan hriat dan ang hi nih loh hun te a la awm a, nakinah UID
nei apiang chuan Kristianna an kalsan tur a ni tih phutna thuchhuak te a la awm ta a nih leh kan UID
chu kan pe kir dial mai dawn a lawm.