Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VI

No. 46 THINGSULTHLIAH

Ni 17 November 2012

(INRINNI)

CHHANDAMNA CAMPING NEI DAWN

Karleh Thawhleh zan atangin S.A. Tst Corps chuan Chhandamna Camping an buatsaih dawn a, Speaker Pu J. Lalthangliana an beisei chu hmun dangah rawngbawlna a laklawh avangin Territorry lamin Speaker atan Pu Challianthanga an rawn pe. Speaker leh a team te hi karleh Thawhtanni-ah an lo thleng ang a, Thawhtan zan hian Pre-Crusade neiin Biak In-ah inkhawm a ni ang. Camping neihna hmun tur hi Tst Corps-ah a ni ang a, Camper ten Buhfai, Pen, Bible, Note bu, Mutbu leh thosilen te intum tur a ni a, Mobile handset ken luh a rem dawn lo thung a ni. Pathian Chhandamna mamawh nia inhria zawng zawngte chu PreCrusade a inkhawm tur leh Camping a lut vek turin an sawm. Issue hmasa lama kan rawn tarlan tawh, Tst UPC Kohhran ten Revival Camping an neih tur chu karleh thawhlehni atanga Inrinni (20-24 Nov) ah neih tum a ni a. He Camping urlawk nan hian zanin (Inrinni) atanga naktuk (Pathianni) zan thleng hian Revival a ni ang. Tunlai zaithiam lar Lalthansangi(Heiden Rial) leh a thiante an lo kal ang. He Revival Camping-ah hian Camp fee leh buhfai a ngai dawn lova. Camp-ah hian a duh apiang luh theih a ni. Lut tur tan mutbu, pen leh note bu, Bible leh hlabu ken tur a ni a, Speaker Evan Vanlalhruaia niin a team member 5 in an rawn tawiawm dawn a ni. TLANGNUAM KHAW SATTU PAWIHBAWIHA NGE THATRUMA? Tlangnuam Centenary, Monument & Documentation SubCommittee ten an thehluh angin tunkar ningani zan khan Organising Committee an thukhawm a. Hetah hian Tlangnuam khaw sattu chungchang sawihona neiin Pawihbawiha nge Thatruma tih an ngaihtuah a. Hemi chungchang hi karleh thawhtan zan dar 6:00-ah V/C House-ah ngaihtuah that leh nise an ti a; Hei hi Organising Committee bakah Monument & Documentation leh Souvenir Sub-Committee ten an thlir tlang dawn a ni. HEARING NEIH HUN TUR Photo Electoral Roll-a hming thunluh dil leh thil dang dang a claims & objection dil te Last Date chu ni 20/11/2012 a ni a. Dilna thehlut zawng zawng te tan Hearing hun a hnuaia mi ang hian ruat a ni. (Kan sub-town chauh tarlang ila)
DATE POLLING STATION TIME

LUNGNGAIH DAR RI Ni 21.10.2012 Dar 4:00 am khan Pu C. Sawihara(85) F/o Lalrinsanga, Seling Champhai Road chu Kalna avangin a boral a, hemi ni chhun dar 12:00-ah Pastor R. Lallianparan a vui. INNEI Ni 14.11.2012 khan R. Malsawmtluanga S/o Lalvena, Tst C/A leh R. Vanlalvuani D/o R. Vanlalchhuanga, East Phaileng te Tst Presbyterian Kohhran Biak In-ah an innei. Ni 15.11.2012 khan Lalnunhlima, Evan. Teacher(Zehtet khua-a thawk) S/o Haudala H/A leh Zosangzuali Zote, Evan. Teacher, (Tlabung-a thawk) D/o Pangthuama, Aizawl Ramhlun te Tst Hospital Veng Kohhran Biak In-ah an innei. Ni 16.11.2012 khan H. Lalawmpuia S/o H. Lalhruaitluanga H/A leh Linda Lalruatdiki D/o Manhleia Sihfa te S.A. Tst Corps Biak In-ah an innei. RISING DAY HMANG Vawiin(inrinni) hian Tst Presbyterian Kohhran KTP te chuan an Rising Day nilengin Kohhran Hall-ah an hmang dawn a, Fellowship programme neiin chhunah sawhchiar an ei ho ang. POLITICAL TRAINING NEI Vawiin(inrinni) hian Tst D/A YMA Hallah Tawi West Block Congress Party chuan Political Training an nei dawn a. He Training-ah hian Tawi Bialtu Pu R. Lalzirliana, Home Minister bakah Aizawl City Block hruaitu mi 12 leh ADCC hruaitu engemaw zatin an rawn hmanpui ang. Tlaiah Ruai an theh ang. DENTAL CLINIC NEI Kar hmasa issue a kan rawn tarlan tawh angin tunkar Nilaini atang khan Tst. H/A Branch YMA Library Hall-ah H/A Branch YMA organised-in National Medicos Organisation ten a thlawnin Ha lam inentirna an nei a, Inentirnaah hian Ha phawi, Ha nget hnawh leh ha lam hrisel lohna avanga a chhung lam bal tihfai te a thlawn a tih a ni a, mamawhtu awm dan a zirin vawiin thleng hian Free Clinic hi hawn a ni ang. He thu kan buatsaih lai hian mi 100 chuangin an inentir tawh a ni.

21 Nov 2012

1. Tuikhurhlu 2. Seling 3. Tlangnuam 4. Thingsulthliah

7:00 am 9:30 am 1:00 pm 2:30 pm

Hearing neih hunah hian khaw tin BLO & DO bakah V/C, Political Party hrang hrang leh NGO(YMA, MHIP,MUP) hruaitute tel tura sawm an ni. Hming thunluh dil thar te chuan Birth/Baptisma Certificate an keng tel tur a ni.

FAINA HNATLANG NEI Nimin khan Thingsulthliah Teachers Association bultumin khawchhung tihfai hnatlang neih a ni. Tst khawchhunga ZirnaIn hrang hrang ten veng hrang hrangah hnatlang hi an nei.