Petsa:______________ Aralin: Filipino 1 Oras:

Linggo 1 (Unang Araw)

I.Layunin: Natatanong at nasasagot ang Ano ang Pangalan mo? Oras: 40 minuto II. Mga kagamitan: tsart ng awit na Ano ang Pangalan ng Kaibigan Ko? Tune:Marry Had a Little Lamb III. Pamamaraan: 1.Paunang pagtataya Basahin ang pangalan ng piling mga bata. Kailangan magtaas ng kamay ang batang tinawag. 2.Tukoy-alam Ipakilala sa mga bata ang sarili.Sbihin ang pangalan, edad at tahanan. 3.Tunguhin: tanong na Sabihin: Ngayong araw na ito ay matutunannating sagutin ang Anong pangalan mo?

4.Paglalahad Ituro sa klase ang tamang pag-awit ng Ano ang Pangalan ng Kaibigan ko? ang batang babanggitin ng guro ay kailangang magpakita sa klase ng natatanging galaw. Halimbawa,sumayaw,tumalon,pumalakpak,atbp.

Anong Pangalan ng Kaibigan Ko? Ano ang pangalan ng kaibigan ko Kaibigan ko 2X Ano ang pangalan ng kaibigan ko Ano ang pangalan niya? Ang pangalan niya ay Melissa, Melissa, Melissa Ang pangalan niya ay Melissa Siya ay si Melissa

5. Pagtuturo at Paglalarawan a. Anu-anong pangalan ang binanggit sa awit? b. May pangalan ba ditong Melissa? Maaari bang tumayo at kumaway? Pangkatang Gawain a. Pamantayan sa Pagsasagawa ng Pangkatang Gawain b. Pangkatang Gawain c. Pangkatang Presentasyon Pangkat I Pinoy Henyo Pumili ng lider sa inyong grupo. An glider ang unang magpapakilala ng kanyang sarili bilang kalahok sa larong Pinoy Henyo at susundan ito ng kanyang mga kagrupo Pangkat II Pasahan ng Basket 1. Pabilugin ang mga bata 2. Paglaruin ang mga bata sa pamamagita ng pagpapasapasa ng basket sa bawat isa habang inaawit ang Anong pangalan ng kaibigan ko? Paghinto ng awit, magpapakilala ang batang aabuting may hawak na basket. a.Kailangan ba nating magkaroon ng sariling pangalan? b. Bakit? Ano ang kahalagahan nito?

Petsa:______________ Aralin: Filipino 1 Oras:

Linggo 1 (Ikalawang Araw)

I. Nasasagot ang tanong na Saan ka nakatira? Oras: 40 minuto Mga Kagamitan: larawan ng mga tanyag na lugar sa bayan gaya ng pamilihan, simbahan atbp. Pamamaraan: 1. Tunguhin: Ngayon araw, sasagutin natin ang tanong na Saan ka nakatira ? 2. Paglalahad: Ilarawan sa mga bata ang sariling tirahan. Ipaliwanag na ang bawat taoy may kani-kaniyang tirahan. 3. Pagtututro at Paglalarawan: Ituro sa mga bata na ang sagot sa tanong na Saan ka nakatira? ay Nakatira ako sa _________. Magbigay ng ilang halimbawa. Tawagin ang ilang mga bata upang subukang sabihin ito. 4. Kasanayang Pagpapayaman Idikit sa ibat ibang bahagi ng silid ang mga larawan ng mga tanyag na lugar sa bayan. Kailangang lumapit ng mga bata sa lugar kung saan malapit ang kanilang tirahan. 5. Kasanayang Pagkabisa Tumawag ng ilang mga bata upang kumpletuhin ang Nakatira ako sa ________.

Petsa:______________ Aralin: Filipino 1 Oras:

Linggo 1 (Ikatlong Araw)

I. Layunin: Nasasabi at naipapalakpak nang papantig ang pangalan Oras: 40 minuto Mga kagamitan: tsart ng awit na Sino ang kaibigan ko? Maaaring ang mga bata ang pumili ng pangalan ng kaklase 2. Pagtuturo at Paglalarawan Sabihin sa mga bata na maaaring ipalakpak nang papantig ang pangalan. Imuwestra ito sa pamamagitan ng pagpapapantig sa sariling pangalan. Magbigay ng ilang halimbawa gamit ang pangalan ng piling mga bata 3. Tunguhin Sabihin : Ngayong araw, ating sasabihin nang papalakpak an gating mga pangalan. 4. Kasanayang Pagpapayaman: Ibigay ang patpat sa isa sa mga bata. Ang sinumang makakuha nito ay kailangang bigkasin ang sariling pangalan habang ipinapalakpak ito nang papantig. Pagkatapos nito, ipapasa ang patpat sa kamag-aaral.

Petsa:______________ Aralin: Filipino 1 Oras:

Linggo 1 (Ikaapat na Araw)

I. Layunin: Nasasagot ang tanong na Ilang taon ka na? Oras: 40 minuto II. Mga Kagamitan: kahon na may papel kung saan nakasulat ang pangalan ng mga bata III. Pamamaraan: 1. Tunguhin: Sabihin: Ngayong araw na ito, sasagutin natin ang tanong na Ilang taon ka na? 2. Paglalahad Itanong sa mga bata kung ano ang mga nangyari noong kanilang kaarawan. Ipaliwanag na nadaragdagan ang edad ng tao tuwing nagdiriwang ng kaarawan. 3. Pagtuturo at Paglalarawan Ituro sa mga bata na ang sagot sa tanong na Ilang taon ka na? ay____taong gulang ako. Magbigay ng ilang halimbawa. Tawagin ang ilang mga bata upang subukang sabihin ito. 4. Kasanayang Pagpapayaman Bumunot sa kahon na naglalaman ng pangalan ng mga bata. Ang mabunot na pangalan ay kailangang kumpletuhin ang. ____ taong gulang ako. Bubunot ang bata ng susunod na pangalan. 5. Kasanayang Pagkabisa Hatiin ang klase sa mga pangkat na may tiglimang miyembro. Bawat kasapi ng pangkat ay sasabihin sa mga kasama ang kaniyang edad

Petsa:______________ Aralin: Filipino 1 Oras:

Linggo 1 (Ikalimang Araw)

I.Layunin: Nakatutugon sa sariling pangalan Nakapagbibigay ng impormasyon tungkol sa ating mga sarili Oras: 40 minuto II. Mga Kagamitan: mga bond paper, mga lapis, mga pangkulay III. Pamamaraan: 1. Tunguhin Ngayong araw, ibabahagi natin sa klase ang mga impormasyon tungkol sa ating mga sarili 2. Pagtataya: Bigyan ng bawat isa ng papel na kahawig ng ID. Ipaguhit ang kanilang larawan at apasulat ang mga impormasyon tungkol sa kanilang sarili. Pagkatapos nito, tumawag ng piling mga bata upang ibahagi sa klase ang kanilang ginawa.

ID

Pangalan____________________ Edad:_______________________ Tirahan:_____________________