Ako po, ang inyong lingkod, Konsehal EA Aguinaldo, ay
kumakatawan po sa buong lokal na pamahalaan ng Kawit, upang kayoy bigyang pugay at pasasalamat sa pakikilahok at pagdalo ngayong hapon para saksihan ang isang napakahalagang kabanata ng ating paglilingkod dito sa Kawit. Alam nyo po, napakahalaga ng ating pakikilahok sa pagtatakda ng mga programa, plano at tanaw-pananaw ng kasalukuyang administrasyon para sa mahal nating bayan ng Kawit. Ang Comprehensive Land Use Plan (CLUP) ay isa sa mga dokumentong magbibigay ng ideya sa inyo, bilang aming mga boss o pinaglilingkuran, kung paano gumagawa ng struktural na desisyon ang lokal na pamahalaan kaugnay ng paggamit ng mga lupain nito. Sumasagot ito sa tanong na nasaan na tayo ngayon? Saan natin gustong tumungo hinggil sa pag-unlad? at Paano natin makakamit ang progresibong estado? Isa itong bunga ng pagpaplanong inilalatag sa inyo bilang mga mamamayan at negosyante ng Kawit upang malaman ninyo kung ano at paano pinatatakbo ng gobyerno ang isang bayan. Ang iba pang detalye ay tatalakayin ng ating Municipal Planning and Development Council (MPDC) sa mga susunod na oras kaya naman hindi ko na ito patatagalin pa. Muli, mabuhay kayo at maraming maraming salamat po!