Edukasyon sa Pagpapakatao

Baitang 9
Ikalawang Markahan
MODYUL 6: KARAPATAN AT TUNGKULIN
A. ANO ANG INAASAHANG MAIPAMAMALAS MO?
Kapamilya ka ba? O Kapuso? Kung wala sa dalawa, siguro, Kapatid ka. Kadalasan
sila ang nag-aagawan sa pagiging una sa rating pagdating sa mga programang kanilang
ibinabahagi sa buong mundo. Pero sandali. Bago natin pagtalunan ito, matanong kita.
Sino ang dapat? Kanino dapat? Sino ang karapat-dapat?
Ito ay usapang pantelebisyon lamang ngunit may pagkakatulad ang mga kapamilya, kapuso
at kapatid. Ano kaya iyon? Tao ang pinag-uusapan natin sa mga tawag na iyon sa mga
masusugid na tagasubaybay ng ibat ibang television network. Kapamilya, kapuso o kapatid
man lahat sila ay may K.
Sa Modyul 5, binigyang tuon ang Likas na Batas Moral o Natural Law . Naunawaan
mo ang mahahalagang bagay upang makamit ang kabutihan ng lahat. Una ay ang
pagsunod sa Likas na Batas Moral na siyang nagbibigay kasiguruhan sa pagtugon sa kung
ano ang pangangailangan ng tao. Umaayon ang batas na ito sa dignidad ng tao at sa kung
ano ang hinihingi ng tamang katwiran. Alam mo na din ngayon kung ano ang pinagkaiba ng
mabuti at tama.
Inaasahang gagamitin mo ang lahat ng mga pag-unawang ito upang maipamalas mo
ang mga layuning pampagkatuto na inaasahan sa modyul na ito.
Sa huliy inaasahang masasagot mo ang mahahalagang tanong na:

Bakit

kailangan ng tao na alamin at unawain ang mga karapatang pantao? Sa paanong

paraan magkakaroon ng tunay na kabuluhan ang karapatan? Paano ka kikilos upang
maituwid ang nasaksihang na mga paglabag sa mga karapatang pantao sa pamilya,
paaralan, baranggay/pamayanan, o lipunan/bansa ?
Humanda ka at may naghihintay pa sa iyong hamon. Alamin kung ano ang dapat at
nararapat para sa iyo at sa iyong mga kapamilya, kapuso at kapatid.
Sa modyul na ito, inaasahang maipamamalas mo ang mga sumusunod na
kaalaman, kakayahan at pag-unawa:
6.1 Natutukoy ang mga karapatan at tungkulin ng tao
6.2 Nasusuri ang mga paglabag sa karapatang pantao na umiiral sa pamilya, paaralan,

Edukasyon sa Pagpapakatao, Baitang 9, Modyul 6

Pahina 1