aralin.

Ang di maayos na pahayag at di makatotohanang katanungan ay nakapagpapahinto o

nakapagpapaantala ng talakayan.
Ayon kay Barayuga sa pagbanggit ni Ngamoy (2002), ang pagsasalita ng guro ay may malaking
impluwensya sa mga mag-aaral dahil maaari itong makaganyak o makabawas ng kanilang sigla sa
pakikinig at pakikiisa kaya nararapat lamang na mag-ingat sa mga binibitawang salita upang magsilbi
siyang inspirasyon at hindi depresyon sa mga tinuturuan. Kaya nga dapat na iwasan ng guro ang paggamit
ng estratehiyang nagbubunga sa pagiging pasibo ng mga mag-aaral at marapat lamang na gamitin ang
mga estratehiyang makalilinang sa aktibong paggamit ng wika.
Sa pag-aaral na ito tinutukoy na mahalaga sa tao ang paggamit ng wika para sa pagpapahayag. Sa
loob ng silid-aralan, ang guro ang siyang may malaking impluwensiya sa larangan ng pagpapahayag. Ito
ay may kaugnayan ayon kay Barayuga sa pagbanggit ni Ngamoy (2002), ang pagsasalita ng guro ay may
malaking impluwensya sa mga mag-aaral dahil maaari itong makaganyak o makabawas ng kanilang sigla
sa pakikinig kayat marapat lamang gamitin ang mga estratehiyang makalilinang sa aktibong paggamit ng
wika.
Mga Kaugnay sa Pag-aaral
Banyaga
Sa pag-aaral na isinagawa ni Lartec, (2001) nabanggit niya ang sinabi ni Bloomfield na ang
pagkatuto at pag-unawa ng mga bata ay nakasasalalay sa ibat ibang estratehiyang pinagsama-sama at
hindi sa isang paraan lamang. Madaling makaunawa ang mga mag-aaral kung iba-ibahin ng guro ang
kanyang estratehiya sa pag-aangkop ng kanilang kalagayan.
Ayon kay Espiritu (2004), kung ang guro ang susi sa kalidad na pagkatuto ng mga mag-aaral,
marapat lamang na pagsikapan niyang mapaunlad ang kanyang propesyunal at pedagogical na kasanayan
sa pagtuturo. May pananagutan siya sa edukasyon ng mga mag-aaral at sa bayan.
May kaugnayan ito sa pahayag ni Badayos (2004), na ang isang epektib na programa sa pagtuturo
sa Filipino ay hindi dapat nakabatay lamang sa mga batayang aklat at mga pagsusulit, kailangang itoy
nakapokusa sa mga mag-aaral at binabalangkas ayon sa pinanaligang mga prinsipyo o sa pagkatuto at
mga teoryang pangwika at pagtatamo ng literasi. (Espique, 2005)
Sa estratehiyang sintaktika naman ay pagwawasto ng gramatika, pag-uulit, restatement,
pagpapalit-coda, pagbubuod ng konsepto at sagot ng mga mag-aaral ang ginagamit ng mga guro. Ang
ibang estratehiya gaya ng pag-uulit, pagkakaroon ng malinaw, at madalas na pagpapaliwanag,

pagtatanong, pagpapahalaga, pagtataya, pagwawasto at pagpapadali sa mga katanungan ay nabibilang sa

istratehiyang pandiskurso.
Tatlong modelo ang ginamit sa pagsusuri ng datos; ang modelo ni Sinclair at Coulthard para sa
pagsusuring pandiskurso; aspekto ng input sap ag-unawa ni Krashen; ang modelo sa pagwawasto ng mali
ni Chaudron (2001). Natuklasan sa pag-aaral na ang mga guro ay gumagamit ng mga estratehiyang pangunawa gaya ng ponolohikal, leksikal, sintaktikal at pandiskurso.
Samantala sa ginawang pag-aaral naman ni Bailon (2000), isinama niya ang mga estratehiyang
pangkomunikasyong ginagamit ng mga guro sa pagtuturo ng Mathematics upang makuha ang berbal o di
berbal na pagtugon. Talatanungan ang ginamit na instrument upang makuha ang persepsyon ng mga magaaral sa pangkahalatang pattern ng pagsasalita at mga mag-aaral at ang atityud ng guro ayon sa aspektong
pisyolohikal.
Ang mga estratehiyang pangkomunikasyon ayon kay Tarone ay lumalabas na maraming
depinisyon ng estratehiyang pangkomunikasyon ang iminungkahi simula nang ipakilala ni Selinker ang
konseptong ito. Isa sa mga depinisyong malimit tukuyin ay ang ibinigay ni Tarone na siyang kumilala ng
estratehiyang pangkomunikasyon bilang karaniwang interaksyunal.
Ayon kay Finocchiario, ang mga sumusunod ay ilan sa mga estratehiyang ginagamit ng guro,
gaya ng substitusyon, pagpapalit-coda, pagpapares ng pangungusap, pagbabaligtad, pagdaragdag,
pagbabawas, pagpapalawak, pagsasalin at tanong-sagot.
Nagbigay naman si Hatch ng tatlong estratehiyang pangkomunikasyon na nakatutulong sa
pagkatuto ng mga mag-aaral. Una, paggamit ng ilustrasyon, dibuho at krosis; Pangalawa, ang paggamit
ng maraming halimbawa sa pagpapakita ng maraming konsepto o ideya; Pangatlo, muling pagpapahayag
sa katanungan sa ibang paraan kundi naihahatid ng tagapagsalita ang kanyang nais na ipahayag sa
paraang nauunawaan ng mga tagapakinig. Dahil dito, gumamit siya ng ibat ibang estratehiyang
nakatutulong sa pang-unawa. Sa Taksonomiya ni Tarone, limang pangunahing kategorya ang kinikilala:
Pag-iiwas o paglilihis, pagbibigay hiwatig/ clue, paglilipat-wika, pagtatama at paggagagad.
Inilalagay ni Faerch at Kasper ang estratehiyang pangkomunikasyon sa modelo ng paglikha at
pananalita. May dalawang anyo ang modelong ito, ang anyo ng paghahanda kung saan ang mga balakin
ay binuo at ang anyo ng pagsasakatuparan kung saan ang binalak ay isinasagawa.
Ayon kay Cohen, walang estratehiyang likas na mabuti o masama dahil mayroon silang kanyakanyang katangian (kahinaan at kalakasan) sa paggamit nito nang epektibo. Ayon pa sa kanya, ang

kabuuang bilang ng paggamit ng ibat ibang estratehiya at ang kadalasan ng paggamit ng mga ito ay hindi
indikasyon ng tagumpay sa mga gawaing pagtuturo ng wika.
Lokal
Sa pananaliksik ni Ngamoy (2002) ng mga Estratehiyang Pangkomunikatibo sa Pagtuturo ng
Filipino, tinukoy niya ang mga estratehiyang pangkomunikatibong ginamit ng mga guro sa pagtuturo
tungo sa pagkatuto ng mga mag-aaral ng paksang aralin. Naging batayan sa pagsusuri ng pag-aaral na ito
ang inerekord na pagkaklase at dito ay natuklasang ang mga guro ay gumamit ng mga estratehiyang
pangkomunikatibo gaya ng pag-uulit, pagbibigay-clue, substitusyon, pagpapalit-coda, pagpapaliwanag at
pagbibigay interpretasyon sa pagtuturo sa Filipino.
Sinuri rin ni Casingal (2000) ang interaksyong pangklase sa kursong Engineering at Architecture
sa Pangasinan State University at batay sa nai-videong pagkaklase ng siyam na guro, natuklasan niyang
ang pinakagamiting communication adjustments ng mga guro ay ang paglilipat-coda, pag-uulit at
paggamit ng guhit o sketches.
May mga estratehiyang pangkomunikatibong madalas gamitin ng mga guro sa pagtuturo upang
maging malinaw ang paglalahad ng aralin sa mga mag-aaral. Ayon naman sa isinagawang pag-aaral ni
Lartec (2001), sinuri niya ang ginamit na estratehiyang pangkomunikasyon ng mga guro sa pamamagitan
ng nakarekord na pagkaklase ng mga guro sa ibat ibang antas. At ditoy natuklasan na ang mga guro sa
Filipino ay gumagamit ng ibat ibang estratehiyang pangkomunikasyon gaya ng pag-uulit, pagbibigayclue, paglilipat-coda, pagpapaliwanag at substitusyon upang maging malinaw at madaling maunawaan ng
mga mag-aaral ang paksang itinuturo.
Napatunayan ding positibo ang persepsyon ng mga mag-aaral sa paggamit ng guro ng wika sa
pakikipag-ugnayan sa kanila. Nabatid naman sa pag-aaral ni Carias (2000) na gumagamit ang mga guro
ng Mababang paaralan ng Baguio Foundation, ng mga teknik o estratehiya sa pagtatanong upang masagot
at maganyak na makipag-interaksyon ang mga mag-aaral. Lumabas sa pag-aaral na ang pinakaepektibo at
madalas gamitin ng mga guro ay ang paggamit ng likas, kawili-wili at may himig na pananalita sa
pagtatanong. Hindi rin tinatanggap ng mga guro ang sabayang pagsagot.
Sinuri naman ni Valerio ang interaksyong pangklase sa Ingles at Matematika sa hayskul ng ilan sa
mga paaralan sa La Trinidad, Benguet. Inobserbahan at inerekord and interaksyong pangklase ng 12 guro
bilang kalahok upang masuri ang interaksyong pangklase. Ginamit niya ang modelo ni Mitchelle at scale
ng modelo niBrophy at Good at nina Johnson, Chan at Shek.

Natuklasan sa pag-aaral na gumamit ng ibat ibang estratehiya ang mga guro sa

pakikipagkomunikasyon sa mga mag-aaral. Ang mga ito ay paglilipat-coda, pag-uulit, pagbibigay-clue, at
pagbibigay interpretasyon. May kabuluhang pagkakaiba ang dalas ng paggamit ng pag-uuli at pagpapalitcoda sa Ingles ngunit hindi sa Matematika.
Napag-alaman din na ang mga guro ay gumagamit ng panlabas at panloob na pagganyak sa
pagtuturo. Kabilang din ang pagtatanong at pagpapasagot sa mga tinuturuan, pagpupuri, pag-oorganisa,
pagpapaikli at paggamit ng feedback.
Sa pag-aaral ni Dumo tungkol sa interaksyong pangklase ng mga mag-aaral sa Science at
Matematika sa Unang taon sa Hayskul sa Saint Louis University Baguio City, napatunayan na ang mga
guro ay gumagamit ng mga istratehiyang pangkomunikasyon. Ginagamit nila ang pagpapaikli,
pagbibigay-diin sa mahahalagang salita, matagal na paghinto, pag-aantala, intonasyon at pagbigkas sa
estratehiyang ponolojikal; pagpapalit-coda, repetisyon ng mga salita, pagbabago ng kahulugan ng mga
salita, pagsisiguro, paggamit ng contextual clues at ilustrasyon naman ang ginagamit sa estratehiyang
leksikal.
Ang pag-aaral na ito ay may pagkakatulad sa isinagawang pag-aaral ni Ngamoy (2002) sa
kanyang mga Estratehiyang pangkomunikasyon sa Pagtuturo ng Filipino sa kumbinasyong klase,
nanguna rin ang pag-uulit sa anim na estratehiyang nabanggit.
Sumang-ayon ito sa pag-aaral ni Lartec (2001) na pinamagatang Interaksyong Pangklase sa
Filipino sa antas sekondarya, sapagkat napag-alaman niya sa resulta ng kanyang pag-aaral sa pag-uulit
diin ang nagunang estratehiyang pangkomunikatibo ng mga guro ng mga konseptong tinatalakay sa mga
mag-aaral.
Tumugma rin ang pag-aaral na ito sa isinagawang pag-aaral ni Casingal (2000) sa Interaksyong
Pangklase kung saan natuklasan din niyang ang pinakgamiting communication adjustments ng mga guro
ay pag-uulit.
Malaki naman ang kaibahan ng pag-aaral na ito sa isinagawang pag-aaral ni Dumo (2000)
tungkol sa Interaksyong Pangklase sapagkat ginamit naman niya ang mga estratehiyang
pangkomunikasyon tulad ng pagpapaikli, pagbibigay-diin sa mahahalagang salita, matagal na paghinto,
pag-aantala, intonasyon at pagbigkas, pagpapalit-coda, repetisyon ng mga salita, pagbabago ng kahulugan
ng mga salita, paggamit ng context clues.

Samantala, may kaibahan din ang pag-aaral na isinagawa ni Carias (2000) sa pag-aaral na ito.
Natuklasan niya sa kanyang pag-aaral na gumamit ang mga guro ng mga estratehiyang
pangkomunikasyon sa pagtatanong. Lumabas sa pag-aaral na ang pinakaepektibo at madalas gamitin ng
mga guro ay ang paggamit ng likas, kawili-wili at may himig na pananalita sa pagtatanong.
Balangkas Konseptwal
Sa pag-aaral na ito ang estratehiyang pangkomunikasyon ay ibinatay sa mga teoryang pangwika
na nag-uugnay ng mga aktwal na sitwasyon upang magbigay linaw at makapagpaliwanag sa paraan ng
pagkatuto ng wika. Ang mga ito ay ang teoryang pangwika, linggwistiks at sosyolinggwistiks.
Ang pag-aaral na ito ay nakatuon sa mga konseptong nagpapatibay sa malaking papel na
ginagampanan ng wika sa isang indibidwal at bansa.
Sa paraan ng linggwistiks, binigyang-diin ang malaking gampanin sa pagkatuto at pag-aaral ng
wika gamit ang maagham na kaparaan at pagsusuri nito.
Batay naman sa sosyolinggwistiks nakapokus ito sa paggamit ng wika na siyang namamagitan
upang maintindihan ang sarili, karanasan, kapwa-tao, paligid, mundo, obhektibong realidad, pulitikal,
ekonomiks, at kultural.
Binigyang pansin din sa pag-aaral na ito ang pagkakaroon ng mga guro ng mga kaalaman sa
teorya, pananaw at simulain sa pagtuturo sa mga estratehiya at paraan ng