Egia Karmele Jaio
Ez naiz beti egia esatearen aldekoa. Ez dut
uste egia izan behar denik beti gure erantzuna
edozein galderaren aurrean. Ez dut beti egia esaten
eta ez diet beti egia exijitzen nire inguruan daudenei.
Askotan beldurra ematen digu egiak. Agian
koldarra izango naiz, beldurtia, kakatia…eta gezurtia.
Baina beti egia esateak min baino ez duela egiten
iruditzen zait. Egia berdaderoa aho zorrotzeko labana
da, ez du gupidarik, bide zuzenetik doa eta zauritu
egiten gaitu aurrez aurre aurkitzen bagaitu. Badaude
arropa garbitzeko leungarriaren usaina duten
gezurrak, gozoak, suabeak…
Badago telebistan lehiaketa bat: zenbat eta
egia gehiago esan diru gehiago irabazteko aukera
eskaintzen dute. Baina galderak ez dira
nolanahikoak, denok ezkutatzen ditugun egia
horien ingurukoak baizik. "Zure amaginarrebak zure
etxean denbora gehiegi egiten duela uste duzu?",
galdetzen dio aurkezleak lehiakideari, eta bertan
estudioan dagoen amaginarrebaren aurpegira
zuzentzen da kamera. Ondoren, lehiakideak
erantzuten du: "Bai." "Zure semea beste batena izan
daitekeela susmatu al duzu inoiz?", galdetzen dio
aurkezleak gizonari, aurrean emaztea duela, eta "bai"
erantzuten du, lotsati, errudun, dena diru apur bat
irabazteko.
Une oro pentsatzen dugun guztia esango
bagenu ezinezkoa litzaiguke mundu honetan
bizitzea. Ito egingo ginateke. Badaude justifika
daitezkeen gezurrak, bidea errazten digutenak,
gizartea bizitzeko leku egokiagoa bihurtzen dutenak.
Bidezkoak diren gezurrak.
Ez naiz beti egia esatearen aldekoa. Galdetzea
librea dela diote, baina nahi duguna erantzutea ere
bakoitzak duen aukera da. Egia esan beharraren
diktadurari aurre egitekoa.
Boteprontoan, Diario de Noticias de Alava, 2008-11-21
Ez nago beti egia esatearen (1) ___________.
Nago ez (2) ___________ egia izan behar beti gure
erantzuna edozein galderaren aurrean. Ez dut beti egia
esaten eta ez diet beti egia exijitzen nire inguruan
daudenei. Askotan egiak (3) ___________
__________. Litekeena da koldarra (4) ___________,
beldurtia, kakatia…eta gezurtia. Baina beti egia esateak
min baino ez duela egiten iruditzen zait. Egia
berdaderoa aho zorrotzeko labana da, ez du gupidarik,
bide zuzenetik doa eta zauriak (5) ___________
___________ aurrez aurre aurkitzen bagaitu. Badaude
arropa garbitzeko leungarriaren usaina duten gezurrak,
gozoak, suabeak…
Badago telebistan lehiaketa bat (6)
___________ egien araberako diru kopurua irabazteko
aukera eskaintzen duena. Baina galderak ez dira
nolanahikoak; (7) ___________, denok ezkutatzen
ditugun egia horien ingurukoak dira. "Zure
amaginarrebak zure etxean emandako denborari
gehiegizkoa (8) ___________?", galdetzen dio
aurkezleak lehiakideari, eta bertan estudioan dagoen
amaginarrebari aurpegira zuzentzen (9) ___________
kamera. Ondoren, lehiakideak erantzuten du: "Bai."
"Zure semea beste batena izan (10) ___________
___________ izan al duzu inoiz?", galdetzen dio
aurkezleak gizonari, aurrean emaztea duela, eta "bai"
erantzuten du, lotsati, errudun, dena diru apur bat (11)
___________ aldera.
Une oro pentsatzen dugun guztia esango
bagenu (12) __________ __________ mundu honetan
bizi. Ito egingo ginateke. Badaude justifikazioa (13)
___________ ___________ gezurrak, bidea errazten
digutenak, gizartea (14) __________ bihurtzen dutenak.
Bidezkoak diren gezurrak.
Ez naiz beti egia esatearen aldekoa. Galdetzea
librea dela diote, baina nahi duguna erantzutea ere
bakoitzak duen aukera da. Nahitaez egia esan (15)
__________ aurre egitekoa.
Boteprontoan, Diario de Noticias de Alava, 2008-11
Soluzio batzuk
1. alde
2. dela
3. beldurtzen gaitu
4. izatea
5. egiten / eragiten dizkigu
6. esandako
7. aitzitik
8. deritzozu
9. zaio
10. daitekeen / daitekeelako susmoa
11. irabazte
12. ezingo ginateke
13. izan dezaketen
14. bizigarriago(a)
15. beharrari