Acta

Documento emitido por un órgano

colexiado ou autoridade pública que

acredita feitos, consideracións ou

acordos.

Estrutura
A continuación describiremos a estrutura da acta de reunión, por ser o
documento máis uniforme e de uso habitual.

Cabeceira

Título: indicación breve do contido destacada tipográficamente do resto do

documento.

Identificación do procedemento: nome do órgano que convoca, número da

sesión, carácter ordinario ou extraordinario, lugar e data, hora de inicio e de
remate. Estes datos poden formar parte do título.

Identificación dos convocados:

- Asistentes: relación cos nomes e cargos que ocupan (presidente/a,
secretario/a, membro)
ou condición na que acoden (representación). Se é moi numerosa, pode
incluírse como
anexo.
- Non asistentes: cos mesmos datos ca os asistentes, distínguese entre
dous grupos,
segundo escusasen a súa ausencia ou non.
Pode facerse con epígrafes como: Xustifican a non asistencia e Ausentes. Se
o grupo convocado é moi numeroso, pode ignorarse este punto.

Orde do día: asuntos que se tratarán e que foron indicados na

convocatoria.

Corpo

Deliberacións: transcrición resumida das intervencións.

Aparecerán ordenadas correlativamente co punto da orde do día co que se
relacionan. Cada deliberación irá acompañada polo nome do membro que a
realiza e polos acordo0 que xera, de ser mester. Tamén pode darse o caso
de que este punto non sexa necesario se a reunión non dá lugar a debate
dos puntos.
Acordos: relación ordenada correlativamente ao punto da orde do día ao
que se refire. Transcribirase cada un en parágrafo á parte e indicarase a
maioría de aprobación. Se algún membro o solicita, tamén se consignará o
sentido dos votos (a favor, en contra, abstención), así como os motivos que
os xustifican.

Se algún punto non puido debaterse ou non produciu ningún acordo, tamén
debe deixarse constancia.

Ademais dos consellos vistos para a redacción dos documentos, cómpre

lembrar que a acta se redacta en presente e en terceira persoa, a non ser a
fórmula final:
Sen máis asuntos que tratar, o/a presidente/a remata a sesión e eu redacto
a acta como secretario/a.

Peche
Sinatura: cargo e rúbrica.
Visto e prace: fórmula de conformidade, cargo e rúbrica do/a presidente/a
do órgano colexiado.
Anexos
Documentación que se achega á acta relacionada coas deliberacións dos
distintos puntos. Cando haxa varios documentos, elaborarase unha lista
numerada correlativamente.