BALLAKUM BALLAKUME

ELBASANI LBASANI

EMBELSIRAT

Cherry pie alternativ

Perberesit:
pasta sfoglia 300 gr qershi te ziera ose composto 50 gr gjalp sheqer 1 luge niseshte lengu 1/2 limoni 1 e verdhe veze 1 luge liker kirsch apo raki, amareto..apo pije tjeter qe shkon me qershite.

Pergatitja:
ne baze te diametrit te taves presim pasta sfoglian duke e bere 1-2 cm me te madhe. I vendosim qershite ne nje tenxhere. U shtojme sheqerin dhe likerin dhe u japim nje vale sa te tretet sheqeri. Ne nje gote me uje tresim niseshtene. Ia shtojme qershive bashke me gjalpin dhe i kaurdisim per disa minuta, derisa lengu te trashet. Pasi te jene ftohur pak, i hedhim ne nje tave. I lyejme bordet e taves me te verdhen e vezes dhe i shtrojme siper peten pasta sfoglia. Ushtrojme pak force tek bordet ne menyre qe te mos hapet gjate gatimit. E lyejme gjithashtu edhe siperfaqen e petes me te verdhen e vezes. Bejme disa vrima mbi pete qe te dali avulli dhe e vendosim ne furre ne temp. 200C per 20 minuta. Pasi te kalojne 20 minuta e ulim temp. ne 180C dhe e leme akoma edhe 10 minuta te tjera.

Qumeshtor me krem pastierie, qershi dhe arra

Perberesit per 4 persona:
peta byreku te gatshme (pasta phyllo) 100 gr qershi te ziera 50 gr gjalp

per kremin e pastierise: 4 te verdha vezesh 100 gr sheqer 30 gr miell gjysem litri qumesht vanilje lekure limoni Per sherbetin: 3 gota sheqer (une perdora sheqer integral) 1 gote uje Per kompletimin e embelsires: sheqer pluhur arra Pergatitja:
fillimisht pergatisim kremin e pastierise. Ne nje tenxhere vlojme qumeshtin, ne te cilin kemi hedhur vaniljen dhe gjysem luge kafeje lekure limoni te grire. Perziejme me luge druri te verdhat e vezeve me sheqerin. I shtojme miellin. Me ngadale i shtojme edhe qumeshtin e nxehte. E rivendosim tenxheren ne zjarr dhe e vlojme per 3-4 minuta duke e kaurdisur vazhdimisht me tel kuzhine. Me pas e hedhim kremin ne nje tas dhe e mbulojme tasin me qese kuzhine ne menyre qe te mos formohet korja ne siperfaqe.

Lyejme me gjalp nje tepsi dhe shtrojme petet duke i sperkatur me gjalp (une shtrova 5 peta poshte dhe po aq siper). Kremit te pastierise, qe tashme eshte ftohur, i shtojme qershite e ziera, te clave u kemi hequr berthamat. E shtrojme kete perberje mbi petet. E perfundojme embelsiren duke shtruar petat e tjera, te cilat i lyejme edhe keto me gjalp. E mbulojme embelsiren me leter alumini dhe e pjekim ne furre per rreth 30 - 40 minuta. 10 minutat e fundit e heqim letren qe te piqet siperfaqja. Pergatisim sherbetin me 3 gota sheqer dhe 1 gote uje. Presim ne katrore apo rombe qumeshtorin e pjekur dhe i hedhim sherbetin e ngrohte. E leme per disa ore ne ambjent te fresket dhe para se ta servirim e sperkatim me sheqer pluhur dhe arra.

Souffle me qershi (furre)

Perberesit per 6 persone:

360 gr qershi 150 gr sheqer lengu i nje erek limoni 3 te verdha vezesh 6 te bardha vezesh 30 gr niseshte

Pergatitja:
hedhim ne mixer qershite, te cilave u kemi hequr berthamen, me 90 gr sheqer dhe lengun e limonit, derisa te perftojme nje krem. I shtojme kremit te verdhat e vezeve, nje e nga nje, dhe niseshtene. I perziejme mire e mire me tel kuzhine. Rrahim ve te bardhat e vezeve me sheqerin e mbetur. Perziejme te dy permbajtjet dhe i hedhim ne tasat e lyera paraprakisht me gjalp. I pjekim ne furre ne temp. 180C per rreth 15 minuta, pa e hapur furren.

Souffl me qershi (frigoriferi)

Perberesit per 6 persona:

100 ml pana per embelsira 100 gr qershi pa berthama 100 gr sheqer 2 te bardha vezesh

Pergatitja:
ne nje tenxhere hedhim qershite bashke me nje luge uje dhe nje luge sheqer dhe i japim nje vale per 5 minuta. Heqim menjane disa qershi ndersa te tjerat i kalojme ne frulator derisa te perftojme nje si tip pureje. Sheqerit te mbetur i shtojme 2 luge uje dhe e vendosim ne zjarr derisa te shnderrohet ne shurup. Rrahim me rrahes elektrik te bardhat e vezeve derisa te fryhen dhe zbardhen. Gjate proesit te rrahjes u shtojme edhe shurupin e sheqerit akoma te nxehte. Rrahim gjithashtu edhe panen.

I shtojme me kujdes panes, te bardhat e vezeve te rrahura dhe purene e qershive. Vendosim ne fund te do tasi disa qershi nga ato qe hoqem menjane ne fillim. Veshim me leter pjekjeje disa tasa me borde te larta, ideale jane keto te soufflese. Hedhim kremin dhe e nivelojme. I vendosim ne frigorifer per 4-5 ore dhe para se t'i servirim i permbysim dhe eliminojme letren e pjekjes.

Sultjash i karamelizuar me fruta pylli (receta origjinale titullohet krem orizi i karamelizuar dhe mban firmen e nje kuzhinjere suedtiroleze, Helene Markart)

Perberesit per 4 persona:

100 gr oriz 400 ml qumesht 60 gr sheqer 100 gr pana e fresket per embelsira

2 te bardha vezesh 3,5 flete xhelatine pak kanelle pak vanilje pak sheqer integral 1 rrip lekure portokalli 1 rrip lekure limoni

Per dekorimin: fruta pylli Pergatitja:

hedhim ne nje tenxhere sheqerin dhe kanellen. I shtojme qumeshtin pak e nga pak. I hedhim shume pak kripe (sa te kapin majat e gishtave) dhe vaniljen. E vendosim tenxheren ne zjarr derisa te arrije temperaturen e vlimit. Me pas e heqim nga zjarri, nxjerrim prej tenxheres shkopin e vaniljes dhe i hedhim orizin, duke e perzier vazhdimisht. I shtojme orizit edhe lekurat e limonit dhe portokallit. E mbulojme tenxheren me leter alumini dhe e pjekim ne furre ne temp. 180C per rreth 20 minuta apo derisa orizi te jete zier. E zbutim xhelatinen ne uje te ftohte per 10 minuta. Me pas e shtrydhim dhe ia shtojme tenxheres me oriz, kur kjo sapo ka dale nga furra. E kaurdisim qe xhelatina te shperbehet ne menyre homogjene.

Rrahim te bardhat e vezeve me sheqerin, derisa te fryhen e te zbardhen, dhe i perziejme me orizin. E leme te ftohet. Pasi eshte ftohur i shtojme panen, te cilen e kemi rrahur me sheqerin. E ndajme sultjashin ne tasa te vegjel dhe e vendosim ne frigorifer per disa ore, derisa te mpikset. Permbysim sulltjashin mbi nje tepsi, ne te cilen kemi shtruar leter pjekjeje. E sperkatim me sheqer integral dhe e pjekim ne grill per 3 minuta, ne menyre qe sheqeri te karamelizohet. E sherbejme me fruta pylli te fresketa.

Minicheesecakes me kos dhe pure luleshtrydhesh

Perberesit per 6 persona:
125 ml pana per embelsira 250 ml kos natyral 125 gr luleshtrydhe 1 flete xhelatine 30 gr sheqer (ose me teper nese e doni me te embel) 1 luge leng limoni 100 gr biskota 30 gr gjalp 2 luge sheqer integral

Pergatitja:

hedhim biskotat ne mixer bashke me gjalpin dhe sheqerin integral. I therrmojme, por jo aq sa te behen pluhur. Vendosim fleten e xhelatines ne nje ene me uje te ftohte per 10 minuta ne menyre qe te zbutet. E shtrydhim dhe e hedhim ne nje tenxhere bashke me 1 luge uje. E ndezim zjarrin ne temp. te ulet. Sapo xhelatina te shperbehet ia shtojme kosit, qe duhet te jete ne temperature ambjenti. E kaurdisim mire duke i shtuar pak sheqer. Rrahim panen me sheqerin e mbetur. Ia shtojme kosit duke i perzier me delikatese nga poshte lart, ne menyre qe pana te mos bjere. Pastrojme luleshtrydhet dhe i presim ne copa te vogla. I hedhim sheqer dhe lengun e limonit dhe disa prej tyre i kalojme ne frulator derisa te perftojme nje pure. Hedhim neper gota kosin me panen. Me pas i shtojme biskotat e therrmuara dhe ne fund perfundojme me luleshtrydhet dhe purene e luleshtrydheve. I vendosim ne frigorifer deri ne momentin e servirjes.

Gliko me qershi dhe vere te kuqe

Perberesit per 2 persona:
320 gr qershi 140 gr uje 140 gr vere e kuqe 80 gr sheqer integral (por nese e doni me te embel mund t'i shtoni me teper) 1/2 leng limoni lekura e nje limoni bio vanilje pak kanelle

Pergatitja:
perziejme ne nje tenxhere ujin me veren, sheqerin, lekuren e limonit, vaniljen dhe kanellen. I vendosim ne zjarr derisa te arrijne temperaturen e vlimit.

Nderkohe u heqim berthamat qershive dhe i sperkatim me leng limoni. I hedhim qershite ne shurupin qe kemi mbi zjarr dhe i gatuajme per 15 minuta ose derisa te zbuten.

Me pas eliminojme shkopin e kanelles dhe lekurat e limonit.

E rivendosim tenxheren ne zjarr mesatar dhe e leme derisa shurupi te trashet. Pasi glikoja eshte ftohur, e vendosim ne frigorifer per disa ore. E servirim me akullore.

Cupcakes me qershi dhe frosting mascarpone dhe boronica

Perberesit per 16 cupcakes:

125 gr gjalp ne temperature ambjenti 150 gr sheqer 200 gr miell 2 veze 150 gr qershi te fresketa vanilje 2 luge kafeje fryres brumi per embelsirat kripe, sa te kapin majat e gishtave 2 luge qumesht

Perberesit per frosting:

rreth 500 gr mascarpone qershi sheqer, sipas deshires komposto boronicash

Pergatitja:
perziejme ne nje tas miellin e situr, fryresin e brumit, vaniljen dhe kripen. U heqim berthamat qershive dhe i presim ne copa te vogla. Rrahim me rrahes elektrik gjalpin me sheqerin derisa te formohet nje krem. Me pas i shtojme nje e nga nje vezet, po ashtu edhe miellin e perzier me produktet e tjera. Ne fund i shtojme qershite. Lyejme me gjalp format e cupcakes dhe u hedhim perberjen e mesiperme. I pjekim ne furre ne temperaturen 170C per rreth 15 minuta. Per pergatitjen e frosting rrahim me rrahes elektrik djathin mascarpone me sheqer. I shtojme 2 luge leng komposto boronicash.

Kur cupcakes te jene ftohur i dekorojme me fosting e mesiperm dhe me qershi te plota. I vendosim ne frigorifer deri ne momentin e servirjes.

Krostata me reel qershie dhe luleshtrydhe & Biskota

Perberesit per brumin frolla:

500 gr miell 200 gr gjalp ne temperature ambjenti 200 gr sheqer 2 veze 1 e verdhe veze nje luge kafeje fryres brumi per embelsira 1 luge qumesht kripe, sa te kapin majat e gishtave reel

Pergatitja:
perziejme miellin me sheqerin, gjalpin e copetuar, fryresin e brumit, kripen, vezet dhe e punojme derisa te formohet nje brume homogjen. E mbeshtjellim me qese kuzhine dhe e vendosim ne frigorifer per 30 minuta. Me pas hollojme nje pete te trashe me okllai, te cilen e shtrojme ne tepsine e lyer me gjalp ose e shtruar me leter pjekjeje. Me ndihmen e nje piruni bejme disa vrima mbi pete dhe i hedhim reelin. Une i hodha reel qershie dhe luleshtrydhe por mund t'i hidhni faredolloj reeli apo edhe nutella. Me brumin e mbetur mund te bejme disa lule apo figura te tjera dhe ti vendosim mbi krostaten. (Krostata tradicionale zbukurohet me disa shirita brumi qe nderthuren me njera tjetren.) E pjekim krostaten ne furre ne temp. 180-200C per rreth 45 minuta. Me brumin e mbetur mund te bejme biskota.

Tasa prej pasta sfoglia te mbushura me krem djathi dhe mana toke

Perberesit per 4 persona:

pete pastasfoglia 50 gr gjize e embel dhe e fresket 100 gr djathe mascarpone 60 gr sheqer 1 veze vanilje lekura e nje limoni biologjike mana toke

Pergatitja: e hapim peten e pasta sfoglias dhe duke u bazuar tek diametri i tasave ose formave te cupcakes qe do te perdorim per pjekjen. Presim 4 rrathe nga pasta sfoglia. Lyejme me gjalp tasat dhe shtrojme rrathet e petave. (Une perdora dy peta per do tas por edhe nje mjafton pasi peta e pasta sfoglias eshte mjaftueshem e trashe.) Ne nje tas perziejme gjizen e embel me djathin mascarpone, gjysmen e sheqerit, te verdhen e vezes, pluhurin e vaniljes dhe lekuren e grire te limonit. Me gjysmen tjeter te sheqerin rrahim te bardhen e vezes derisa te fryhet dhe ia shtojme kremit te mesiperm. I mbushim tasat me kremin e djathit. I pjekim per rreth 30 minuta ne furre te ngrohur paraprakisht ne temp. 200C. Me pas i nxjerrim dhe i leme te ftohen. I dekorojme me fruta te fresketa, qe mund te jene mana toke ose luleshtrydhe ose fruta te tjera pylli dhe e sherbejme te sperkatur me sheqer pluhur.

Pancakes angleze

(recete e kuzhinierit te Lady D.)

Perberesit per 20 cope:

2 filxhana miell 1 luge e gjysem sheqer kripe, sa te kapin majat e gishtave 1 veze 2 te verdha vezesh 2 filxhana e gjysem qumesht 2 luge vaj 1/4 e filxhanit gjalp

Pergatitja:
ne nje tas perziejme miellin me sheqerin dhe kripen. I shtojme vezen e plote dhe 2 te verdhat, qumeshtin dhe 1 luge vaj. I rrahim perberesit me tel kuzhine derisa te perftojme nje mase homogje-ne. Shkrijme gjalpin ne nje tigan ose ne mikrovale dhe ia shtojme perberjes. E perziejme dhe me pas e vendosim ne frigorifer per 15 minuta. Ngrohim nje tigan, me mire nese eshte antianderent. Hedhim ne tigan lugen e mbetur te vajit dhe duke e perkulur tiganin lyejme me vaj te gjithe siperfaqen e tij. Kur vaji te jete nxehur e hedhim ne nje ene per ta perdorur kur te jete e nevojshme. Me ane te nje garuzhdeje hedhim pak nga masa e pancakes (nje erek garuzhdeje) ne tiganin e nxehte dhe e perkulim ne menyre qe ti japim formen rrethore. Ne harkun e disa sekondave pancake eshte gati, prandaj gjate gjithe ketij procesi gatimi duhet te qendrojme me palete ne dore :)

Per mbushjen mund te perdorim reelera apo kremera te ndryshem. Une perdora reel qershie dhe luleshtrydhe te aromatizuar me kanelle dhe reel trendafili te eger. Ndersa te bardhen e vezes qe mbeti e rraha pak me nje luge sheqer dhe ia hodha pancakeve siper. Ideale per t'u sherbyer ne mengjes.

Mousse okollate me mana toke dhe biskote pikante

Perberesit per 4 persona:

100 gr okollate e bardhe 1 + gjysem e verdhe veze 100 ml pana per embelsira 40 gr sheqer 5 gr xhelatina per embelsira (1 flete)

Per biskoten:
25 gr miell 25 gr sheqer pluhur 1 e bardhe veze 25 gr gjalp 5 gr kakao shume pak spec djeges

Pergatitja:
grijme okollaten e bardhe dhe e hedhim ne nje tenxhere bashke me 100 ml pana. E vendosim tenxheren ne zjarr shume te ulet dhe e shkrijme. Vendosim xhelatinen te zbutet ne nje tas me uje. Rrahim me rrahes elektrik te verdhat e vezeve me sheqerin dhe i shtojme okollaten e shkrire. Xhelatinen e shtrydhim dhe e veme ne nje tenxhere me nje luge uje qe te shperbehet. Me pas ia shtojme kremit te mesiperm dhe i perziejme me rrahesin elektrik. Rrahim panen e mbetur me pak sheqer. Pana duhet te jete shume e ftohte, prandaj ju sugjeroj qe, para se proedoni me rrahjen ta fusni 10 min. ne akull. Ia shtojme panen kremit dhe i perziejme, jo me me rrahes elektrik por, me luge druri ose plastike. Levizja duhet te jete ne forme rrethore dhe jo shume e shpejte pasi pana mund te bjere. E vendosim moussin ne frigorifer. Per pergatitjen e biskotes pikante perziejme te gjithe perberesit: miellin, sheqerin pluhur, te bardhen e vezes dhe gjalpin, qe duhet te jete ne temperature ambjenti. Ndezim furren ne temp. 180C. Shtrojme mbi tepsi leter pjekjeje ose perdorim tave silikoni dhe e hedhim perberjen e mesiperme me luge, duke formuar nje rreth. E sperkatim me kakao

dhe spec djeges. E pjekim ne furre per 6-7 minuta. E presim sipas deshires dhe e sherbejme me moussin e okollates. E zbukurojme embelsiren me mana toke ose me fruta pylli te tjera.

Cupcakes me fruta stine

Perberesit per rreth 15-20 cope:

250 gr miell 50 gr miell bajamesh (bajame te reduktuara ne miell) 1 luge niseshte 150 gr sheqer 125 gr gjalp ne temperature ambjenti 125 ml qumesht 2 veze 1 luge lekure limoni e grire gjysem pako fryres embelsirash

Per zbukurimin: pana per embelsira ose djathe mascarpone sheqer fruta te ndryshme (une perdora qershi, luleshtrydhe dhe pjeper)

Pergatitja: rrahim me rrahes elektrik gjalpin me sheqerin dhe i shtojme vezet. Ne nje tas sitim miellin dhe e perziejme me niseshtene, miellin e bajameve dhe fryresin e embelsirave. Me pas kete perberje ia shtojme vezeve dhe gjalpit duke e alternuar, nje luge miellra me nje luge qumesht. Ne fund i shtojme lekuren e limonit dhe e ndajme brumin neper format e cupcakes.

I pjekim ne furre ne temperaturen 180C per rreth 20 minuta ose derisa siperfaqja te rezultoje e pjekur. Rrahim panen me pak sheqer dhe lyejme me te siperfaqen e cupcakes. I zbukurojme me fruta dhe i sherbejme. P.S.: Nese nuk i servirni menjehere, ju sugjeroj ti shtoni panes nje lloj produkti qe gjindet ne repartin e pastierise dhe qe ka si funksion ruajtjen e dendesise se panes edhe kur bie ne kontakt me frutat. Ne italisht ky produkt quhet panna fix

Torta me qershi

Perberesit per nje torte per 12 persona:

250 gr gjalp 250 gr sheqer kripe, sa te kapin majat e gishtave lekura e nje limoni 5 veze 350 gr miell 100 gr niseshte 1 pako sode buke per embelsira 4 luge pana per embelsira 120 gr bajame te prera ne feta 1 kg e gjysem qershi

Pergatitja:
rrahim ne nje tas gjalpin me sheqerin dhe i shtojme vezet, miellin e situr, niseshtene, soden e bukes, shtalpen dhe kripen. I perziejme me rrahes elektrik derisa te perftojme nje mase homogjene. Lyejme me gjalp nje tepsi dhe hedhim ne te perberjen e mesiperme. Qershite i pastrojme dhe i ndajme me dysh duke eliminuar berthamen. I rendisim mbi brumin e tortes. E sperkatim torten me bajame te grira ne feta te holla dhe me pas e vendosim ne ne furre, ne temperaturen 200C per rreth 50 minuta. Pasi torta te jete pjekur e nxjerrim nga furra dhe e leme te ftohet perpara se ta presim ne feta. Mund te sherbehet si me akullore ashtu edhe me aj.

Banane Zanzibari

Perberesit per 4 persona:

4 banane 1 lime (varietet limoni jeshil) 80 gr. sheqer 50 gr gjalp 2 luge xhinxher pluhur 1 gote pije rum

Pergatitja:

fillimisht ngrohim furren ne temperaturen 220C. Qerojme bananet dhe i presim pergjysem per nga gjatesia. I vendosim ne nje tepsi te lyer me gjalp dhe i sperkatim me leng lime. Perziejme sheqerin me xhinxherin dhe ia hedhim bananeve, pastaj i sperkatim me copa gjalpi. I pjekim bananet per rreth 15 minuta. Sapo tepsia te dale nga furra e sperkatim me rum dhe i veme flaken (procedure qe kerkon kujdes!) ose ne te kundert i sperkatim bananet me rum para se ti vendosim ne furre. I sherbejme me akullore pana dhe me agrume te sheqerosura.

Torte me composto dardhe

Perberesit per nje torte per 6 persona:

pandispanja 250 gr djathe marscarpone 2 veze 150 gr sheqer komposto dardhe liker dardhe 3 flete xhelatine per embelsira

Pergatitja:
fillimisht pergatisim pandispanjen ose e blejme te gatshme. Per mousse dardhe: rrahim te verdhat e vezeve me sheqerin. I shtojme djathin mascarpone. Reduktojme ne pure nje dardhe kompostoje dhe ia shtojme kremit te mesiperm. I perziejme me tel kuzhine ose rrahes elektrik. Ve rrahim te bardhat e vezeve me pak sheqer derisa te perftojme nje shkume, te cilen ia shtojme edhe kete kremit me mascarpone. Ne nje gote me uje te ftohte zbusim fletet e xhelatines. Me pas i shtrydhim dhe i vendosim nje tenxhere te vogel, te cilen e kemi vene ne zjarr te ulet, me nje ose dy luge uje, qe xhelatinat te shperbehen. Xhelatinat e shperbera ia hedhim mousse-t te dardhes dhe e perziejme me kujdes me luge druri ne menyre qe kremi te mos bjere. Formen e tortes ne te cilen kemi pjekur pandispanjen e perdorim edhe per shtrimin ne menyre qe mousse i dardhes te mos kulloje. Shtrojme ne fillim nje gjysem pandispanje dhe e lagim me nje leng te perftuar nga lengu i kompostos se dardhes i perzier me pak liker dardhe. Mbi pandispanjen hedhim gjysmen e mousse dardhe, perseri nje shtrese pandipanja dhe e perfundojme shtrimin me mousse dardhe.

Rradhisim sipas deshires mbi torte feta dardhe dhe e veme ne frigorifer per 1 ore. Nderkohe pergatisim nje xhel per te lyer siperfaqen e tortes me sheqer dhe xhelatine. Pasi ta kemi lyer e rivendosim ne frigorifer qe te mpikset dhe me pas e sherbejme me champagne ne raste festash ose me vere moskat.

Embelsire me composto pjeshke

Perberesit per 4 persona:

100 gr okollate e zeze 60 gr pana per embelsira 50 gr sheqer 20 gr amareta 6 pjeshke kompostoje

Pergatitja:
lyejme me sheqer pjeshket dhe i vendosim ne nje tepsi te mbuluar me leter pjekjeje. I pjekim per 10 minuta ne temperaturen 220C. Shkrijme ne banjomaria ose ne mirkovale okollaten. I shtojme okollates pana dhe amaretat e grira. Shtrojme ne pjate kremin e okollates dhe me pas pjeshket. Sipas deshires mund t'i shoqerojme me pana te rrahur me sheqer dhe amareta.

Torte me molle, arra dhe karrota

Perberesit per 4-6 veta:

75 gr gjalp ne temperaturen e ambjentit 100 gr sheqer integral nje erek gote qumesht 50 gr karrota 25 gr molle 2 veze 100 gr miell 25 gr sode buke 50 gr arra te grira kanelle pana per embelsira

Pergatitja: fillimisht grijme me rende karrotat dhe mollen. Ne nje tas rrahim me rrahes elektrik gjalpin me sheqerin, miellin, soden e bukes, vezet dhe qumeshtin derisa te perftojme nje mase homogjene. Kesaj mase i shtojme karrotat, mollet dhe arrat e grira.

Lyejme nje forme torte me gjalp dhe miell dhe hedhim ne te perberjen e mesiperme. E pjekim ne furre ne temperaturen 180C per 40 minuta. Pasi te kete kaluar kjo kohe e nxjerrim nga furra dhe e leme te ftohet. Me pas e permbysim ne pjatance dhe e dekorojme me pana te rrahur me sheqer dhe arra te qeruara. E sperkatim me kanelle dhe e sherbejme.

Cheesecake i pjekur ne furre

Perberesit per 4-6 veta:

15 biskota wafers me shije vanilje 500 gr djathe kremoz (psh. philadelfia ose gjize pa kripe) 1 veze pak kripe 100 gr sheqer kokerrmadh vanilje leng limoni rreth 20 luleshtrydhe 3 luge reel luleshtrydhesh sheqer pluhur

Pergatitja:

mbulojme nje tepsi me leter kuzhine dhe shtrojme mbi te biskotat wafers. Mundohemi qe te mos leme hapesire bosh! Ne nje tas hedhim djathin philadelfia dhe e rrahim me tel kuzhine. I shtojme sheqerin, vaniljen, shume pak kripe (sa te kapin majat e gishtave), lengun e limonit dhe e rrahim me tel derisa kremi te fryhet. Ne nje tjeter tas rrahim vezen dhe ia shtojme kremit. E shtrojme kremin mbi biskota. E nivelojme me shpatullen e kuzhines dhe e pjekim ne furre te ngrohur paraprakisht ne temperaturen 160C per rreth 25 minuta. E nxjerrim nga furra dhe e leme te ftohet. Me pas e vendosim tepsine ne frigorifer per rreth 6 ore. Pasi ka kaluar kjo kohe e nxjerrim cheesecake nga tepsia me shume kujdes dhe e presim ne katrore te vegjel. I zbukurojme me luleshtrydhe, reel luleshtrydhesh dhe sheqer pluhur. I servirim te ftohta.

Charlotte me fruta pylli

Perberesit per 8 persona:

250 gr djathe mascarpone 3 te verdha veze 70 gr ose me teper sheqer fruta pylli liker (sipas deshires) biskota savoiardi

Pergatitja:
rrahim me rrahes elektrik te verdhat e vezeve me sheqerin derisa te perftojme nje mase te bardhe dhe kremoze. I shtojme mascarponen, disa fruta pylli dhe i perziejme. Nje pjese te frutave te pyllit i kalojme ne frulator bashke me nje gote uje, sheqer dhe liker, derisa te perftojme nje leng, me te cilin do te njomim savoiardit. Ne nje tas te mbeshtjelle me qese kuzhine ose ne nje forme charlotte rendisim savoiardit e njomur. I shtojme perberjen me mascarpone dhe perfundojme shtrimin me biskotat savoiardi te shkermoqura. E vendosim charlotten ne frigorifer per 24 ore dhe para se ta sevirim e dekorojme me fruta pylli.

Torta me krem Rocher Receta baze per pandispanja (tepsi me diameter 24 cm)

6 veze 80 gr niseshte 80 gr miell 250 gr sheqer gjalp dhe miell per te lyer tepsine

Pergatitja:
Pikesepari vezet duhet te kene temperaturen e ambjentit prandaj nxirrini nga frigoriferi te pakten 4 ore perpara! Ne nje tas rrahim te verdhat e vezeve me sheqerin derisa masa te zbardhet dhe te dendesohet, pra per 15-20 min. me rrahes elektrik. Ne nje tas tjeter rrahim te bardhat e vezeve derisa te formojne shkume, te cilen me pas ia shtojme perberjes se mesiperme. Ne kete pike te procedures duhet patur shume kujdes qe masa te mos bjere prandaj leme menjane rrahesin elektrik dhe vazhdojme me nje luge druri. Levizja qe duhet te bejme me lugen eshte ne forme rrethore dhe shume e ngadalte. Gjate perzierjes shtojme niseshtene dhe miellin, mundesisht direkt nga sitesja ne menyre qe mos formohen toptha mielli brenda mases. Ndezim furren ne temp. 180C. Hedhim masen ne nje tepsi te lyer me gjalp dhe me miell dhe e vendosim ne furre per rreth 40 min. Gjate 30 min. te para nuk duhet kurresesi te hapim furren sepse rrezikojme qe pandispanja te bjere.

Pasi kalon koha e pjekjes nuk e nxjerrim menjehere jashte tepsine por e leme akoma edhe 10 min. te tjera brenda, ne furre te fikur. Kur te jete ftohur e ndajme me dysh dhe e lagim me shurup.

Shurupi per te njomur torten

qumesht sheqer liker sipas deshires

Shkrijme sheqerin ne qumesht dhe me te njomim torten.

Ide: nese ju mungon nje shishe nga ato te perdorin pastieret merrni nje shishe plastike uji dhe bejini nje vrime tek tapa. -:) Kremi Rocher

400 gr nutella 200 ml shtalpe kuzhine (panna)

120 gr lajthi te grira 100 gr bistoka wafers me lajthi cream whisky

E vendosim kavanozin e nutelles (te hapur!) ne mikrovale per 3 sek. ne menyre qe te zbutet. I shkermoqim biskotat wafers ne nje tas. I shtojme te gjithe perberesit dhe i perziejme. E sperkatim kremin me cream whisky.

Shtrimi i tortes

Qe te treja shtresat te jene perfekte dhe kremi mos kete tendencen te bjere nga bordet une kam nje truk shume te thjeshte. Praktikisht aty ku kam pjekur pandispanjen, qe eshte nje tepsi, bordi i se ciles eshte i heqshem, vendos shtresen e pare te pandispanjes se lagur, shtoj kremin dhe pastaj vendos pjesen tjeter te pandispanjes.

Tepsine e vendosim ne frigorifer per 1 ore. Zbukurimi i tortes

panna per embelsirat sheqer

Ingredientet per brumin e sheqerit:

450 gr. sheqer pluhur 5 gr. flete xhelatine per embelsirat 50 gr. mjalte 30 ml uje

Rrahim shtalpen me sheqer derisa te dyfishoje masen. Qe pana te fryhet duhet te jete e ftohte prej frigoriferi, biles edhe enen ku do ta rrihni ju sugjeroj ta vendosni disa minuta ne frigorifer! Lyejme me panen te gjithe siperfaqen e tortes. E vendosim torten ne frigorifer dhe merremi me pergatitjen e brumit te sheqerit. I vendosim fletet e xhelatines ne nje tas me uje te ftohte dhe kur te jene zbutur i shtrydhim. I hedhim ne nje tenxhere, te cilen e kemi vene mbi zjarr te ulet, bashke me 30 ml uje dhe 50 gr. mjalte. Kur ingredientet te jene shperbere, aq sa te formohet nje leng homogjen (pune sekondash) e heqim tenxheren nga zjarri. Ne mixerin e kuzhines (ose nese keni robot nga ai qe ben buke akoma me mire) hedhim sheqerin pluhur dhe lengun e perftuar si me siper dhe e perziejme derisa te formohet nje top brumi. E punojme me dore kete brume qe te fitoje pak elasticitet dhe e hollojme me okllai dhe sheqer pluhur ne vend te niseshtese, si te ishte pete byreku por me e trashe. Kete pete sheqeri e shtrojme me shume kujdes mbi torte dhe e dekorojme sipas deshires. Ne treg mund te gjeni ngjyra te ndryshme ushqimore dhe te formoni gjithefare kafshesh e lulesh per te zbukuruar torten tuaj. Zbukurimi i tortes me brume sheqeri eshte njesoj si punimi i plastelines prandaj s'duhet gje tjeter vecse kohe dhe fantazi.

Krostata me mascarpone e boronica

Perberesit per brumin bris:

200g miell 100g gjalp 1 e verdhe veze kripe sa te kapin majat e gishtave 2-3 luge uje

Perberesit per mbushjen:

100 g okollate e bardhe 500 gr. mascarpone 3 luge reel boronicash 400 gr. boronica

Pergatitja:

formojme brumin per pasten bris duke perzier te gjithe perberesit perve ujit, te cilin ia hedhim ne fund. E mbeshtjellim brumin me qese kuzhine dhe e leme te pushoje per 30 minuta. Perziejme djathin mascarpone me 2 luge reel.

Pasi kalojne 30 minuta e hollojme brumin me okllai derisa te formojme nje pete te trashe te cilen e shtrojme ne tepsi. Me ndihmen e nje piruni bejme disa vrima mbi peten e brisese ne menyre qe te mos fryhet gjate pjekjes. E vendosim tepsine te piqet ne furre per 10-15 minuta. E nxjerrim nga furra dhe e leme te ftohet. Shkrijme ne banjomaria ose ne mikrovale okollaten e bardhe dhe me te lyejme gjithe siperfaqen e tortes. Kur okollata te jete mpiksur i shtojme perberjen me mascarpone dhe reel boronicash dhe e nivelojme. Ne fund rendisim boronicat dhe e servirim.

Torta me fruta

Perberesit: Pandispanja (receten e gjeni me larte)

Shurupi per te lagur torten:

uje ose qumesht sheqer liker sipas deshires

Kremi me mascarpone
500 gr djathe mascarpone 150 gr qumesht i kondensuar sheqer sipas deshires

Per zbukurimin e tortes:

fruta sipas deshires xhel per torta

Pergatitja:
rrahim me rrahesin elektrik djathin mascarpone, qumeshtin e kondensuar dhe sheqerin. I vendosim ne frigorifer qe kremi te mpikset pak. Ne nje tepsi me borde lehtesisht te heqshme vendosim shtresen e pare te pandispanjes. E lagim me shurupin. Shtrojme nje shtrese krem mascarpone dhe ne fund i vendosim siper pjesen tjeter te pandispanjes. Tepsine e vendosim ne frigorifer per 2 ore. Nderkohe qerojme dhe presim frutat sipas deshires.

Nxjerrim torten nga frigoriferi dhe e lyejme me krem ne te gjithe siperfaqen e saj. Shtrojme frutat dhe ngjisim biskotat gjate gjithe perimetrit. Qe frutat te ruajne freskine i lyejme me nje xhel perkates, qe mund ta gjeni ne repartin e pastierise. Perpara se ta servirim e rivendosim ne frigorifer per 30 min. te tjere ne menyre qe xheli te mpikset.

Sallate me fruta

Perberesit per 4 veta:

2 kiwi 2-3 mandarina 2 molle 2 banane arra te thyera sipas deshires 1 ose gjysem shege lengu i nje portokalli liker i embel sheqer sipas deshires.

Pergatitja:
presim frutat ne kubike. Pastrojme shegen dhe marrim prej saj kokrrat e vogla. I vendosim frutat ne nje tas dhe u shtojme arrat, lengun e portokallit, likerin dhe sheqerin. I perziejme mire e mire dhe i vendosim ne frigorifer per rreth 1 ore.

@ Ballakume Elbasani Tekstet dhe fotografit mbrohen nga legjislacioni pr te drejtat e autorit.