BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No.6 Bangalore Mizo Association Pathianni Tin Chhuak Chanchinbu Date: 05th February 2012 Phek Khatna

Tualchhung
Chhinlung atana article ziak te tan vawiin (February 5) hi deadline siam a nih kha hre thar leh ila. Laklawh loh theih lova ni hnih khat la mamawh in awm chuan Editors ho te bak ah President BMA hnenah a hrilh thei ang. Tv Paul Malsawmthar 1yr BA Kristu Jayanti College a zirlai chu January 29 tlai dar 6.30 vel bawr khan lungphu chawlin a boral a, a ruang hi a tuk ni 30 khan Dr.Ambedkar College ah post mortem a nih hnuin tlai lam dar 4.00 ah a lawina Hmar Christian Fellowship te huaihawtin amah thlahna inkhawm na neih nghal a ni a. A ruang hi ni 31st January zingah an khua Imphal panpui a ni. Feb ni 11th (Inrinni) zing dar 10.00 ah MSA Basketball tournament chu tan a ni dawn ta a, khelhna hmun tur hi Koramangala 5th Block, VL's Kitchen bul mai kha a ni. Players te a hun takah kal theuh tur a ni ang. Tournament hawnna nei a Pathian hnena tawngtaina nei turin Pu B.Kapthuama IAS (retd) beisei a ni. VL's Kitchen lam pawh Mizo chaw chi hrang hrang a inkhel te hraipuar turin an inbuatsaih nasa hle mai. Chang Thlan Lalpa Ni chu zanah rukru angin a lo thleng dawn tih nangmahni ngeiin chiang takin in hre si a. I Thessalonika 5: 2

Mumang Ramah I Ngaimawh Chhanna

- Tetea Sailo Kum 1950 daih tawh khan, Don Newman, Massachusetts Institute of Technology a thawk chuan, Mathematics problem khirh tak mai hi a hmachhawn a, a chhanna hmuh ngei a tum bawk si, a beih fe hnu chuan, "Ka theilo a ni, ka thei thlawt lo", tiin a beidawng ta a. Amaherawhchu, mak tak maiin zankhat chu a mumangah, a thianpa, John Nash-a chu hmuin, chu a problem chu, a lo hrilhfiah mawlhmawlh a, a chhanna a hria em tih zawtin, Nash-a chuan a chhan dan tur chu fel tak mai hian a lo hrilh kauh kauh mai a. Tichuan, Newman a chu phur tak maiin, a chhanna a nei tih hriain, a lo harh a. Kar tam lo tak a thawh hnu chuan, paper puitlingah a lo chhuah thei ta a ni. Sap mithiamte chuan, mumanga kan ngaimawh (problem) hmuh tum taka beih hi, "dream incubation" tiin a hming an vuah a. Hei hian, kan thil hmuh tum, hmuh theihna (chance) a ti sang hle niin an sawi. Hetiang hian kan thil hmuh tumte hmu thei turin kan tih a ngai niin an sawi bawk. A hmasa berah chuan, ziakin kan ngaimawh (problem) chu lehkhapuan ah emaw ziak thlain kan khum bulah kan dah anga a. Chu chu mut hmain han chhiar leh zeuh ila, maimitchhian pah chuan han ngaihtuah zui leh ila, tichuan manga hmuh kan tum ngei chuan muthilh han tum ta la. I lo harh velah chuan reilote, I mumanga I hmuhtum hmuh ho kha han ngaituah let leh la, chu chu I lehkhapuan ah chuan I ziak thla leh dawn nia. I lo mut leh hunah chutianga ti tur chuan hanin suangtuah la, thil (object) i ngaimawh (problem) nena inkungkaih ho chu I room bang velah khan han rem kual vel la, tichuan I mu leh anga, I tum ang tak chu I hmu thei a ni, tiin an sawi. Mumang hi Pathianin mihringte a pek hmanraw pawimawh tak a ni a, hmang thiam tan chuan thil ropui tak ti thei tura min puitu a ni thei a ni. -------------------------------------------------------------------------------------

Vol. XVIII Issue No. 6 Bangalore Mizo Association Pathianni Tin Chhuak Chanchinbu Date: 05th February 2012 Phek Hnihna
Editor Sawmteii Khawlhring Joint Editors KC Lalramchuani Tetea Sailo Contributor Benjamin Rualthanzauva Circulation Managers Diki Hnamte Lalhriatkima Chenkual BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

E-mail: bmanews@gmail.com Website: www.bangaloremizo.info

Editorial..
Tawngkam Thain Sial A Man Mizo thufing ah chuan Lamkawiah mi an be chhe ngai lo tih a ni. A awmzia chu kalkawngah mi kan hmuh in kan hmelhriat emaw hmelhriat loh te pawh tha takin kan be thin tur a ni, tihna a ni. Upa in tawngkam thain Sial a man an tih chu, mi chungah tha taka I tawng a, an huatthui sawi lohva, an lawm zawng I sawi chuan hlawh tha tak a nei tih na a ni. Thilpek hlu tak an pe mai lo che a nih pawhin I chungchang thu chhe tak in an sawi lovang. Tichuan rawngbawlna thil a ni emaw, khawtlang thil leh mimal chungchang emaw a nih pawhin I tawngkamah fimkhur ang che. Miin an lo ring viau thin che a nih pawhin dawtsawi I chin a, tawngkam thalo I hman thin chuan an ring leh tawh ngailo ang che. Dawt leh thu tak inpawlh a thusawi chin pawh a tha lo a ni. Chuvangin I tawngkam tha kha midang tilawmtu mai a ni lova, nangmah chawimawitu che a ni tih hria ang che.Tichuan I thusawi leh leh tawngka chhuak ah fimkhur fo turin ka fuih duh che a ni.

Bangalore Mizo Association hi mi thahnemngai ten 8th April, 1984 khan an lo din a ni a. Preamble: Keini Bangalore a Mizo awmte hian kan hnathawhna leh zirnaah Mizo nun mawi kan vawn nun zel a pawimawh a, chumi tihhlwhtlinna atan chuan Bangalore Mizo Association hi din a ni, tih a ni. Thiltumte: 1.Bangalore-a Mizo awmte inpumkhatna leh thawhhona atana hmalak 2.Mizo hnam nun mawi vawn nun 3.Mizo zingah harsatna tawkte tanpuia, chhiatni leh thatni-a phungbawm 4.Mizo ten kan tih tur theuh kan tihna kawnga a tha thei ang ber a ti thei tur a infuih leh inkaihhruai. Kan rual u ten uluk taka BMA an lo din chhan kan han tarlan te khi hre rengin Bangalore a Mizo awm zawng zawng ten kan awmna hmun theuh ah theitawp chhuah theuh turin kan sawm che u a. Mizote hi mi hnam karah tlemte kan awm a, Lal Isua ringtu kan ni bawk a, inpumkhat a, lungrual taka kan thawhho theuh chuan Mizo nundan mawi chhawmnung zel in I awmtlang theuh ang u. ------------------------------------------------------------------------------------INFIAMNA
th

BMA leh a Thiltumte

English Premiere League

Played 24 23 23 23 24 23 23 24 24 24 GD 44 35 19 15 12 4 7 9 -5 -3 Point 57 54 49 42 40 39 38 33 32 30

Point dinhmun (5 February 2012, 08:00am)

Position 1 2 3 4 5 6 7 8 9 10 Club Manchester City Manchester United Tottenham Chelsea Arsenal Newcastle Liverpool Sunderland Norwich Swansea

Zanin Inkhel turte: Newcastle vs Aston Villa 07:00 PM Chelsea vs Man Utd 09:30 PM February 6 Inkhel turte: Liverpool vs Tottenham 01.30 AM (Feb 7 IST) ------------------------------------------------------------------------------------Enge an sawi? Kumin UTC Basketball team chu kan tawrhhlelh om teh ang,Chak e chak love.... nuam kan ti ber don - Hminga Pachuau Ka boot rawngsang hi ka bun chhiat meuh chuan khiang ka awi ve tawh ngei ngeiin ka ring! - Mami Khawlhring Inlak young nan sam ka color ve bawk a, sap nula emaw min lo ti daih - Jenny Hnamte