Vol. XVIII Issue No.

03 Bangalore Mizo Association Pathianni Tin Chhuak Chanchinbu Date: 15th April 2012 Phek Khatna

## Chhinlung Magazine Vol. 21 (2011-2012); Thupui Zofa te leh Hriselna chu lei tur a la awm reng e. Rs. 100 man chauh a nih avangin lei theuh I tum ang u. Tin, Mizorama haw tur emaw, thian emaw chhungte haw tur remchang kan awm/hriat chuan Pi Rinpuii, Nl. Jenny Vanlalpari Hnamte emaw Nl. Blessy Sailo te hrilhin, annin in hralh theih zat ang zelin an rawn pe zel ang che u. ## Kum 2012-2013 BMA membership registration chu vawiin atangin a tih theih ta. BMK leh BMCF inkhawm banah receptionist thutnaah BMA Membership form (Fresher & renewal) hi lak theihin a awm ang. Bangalorea Mizo awm tawh phawt chuan BMA member nih I tum vek ang u. Kan thian te inkhawm remchang thei lo te pawh laksak hram ang u. ## BMA tlangval fel (20112011) a kan thlan tawh, Tv. Michael Rualzakhuma chuan Tahrikni 10 khan Bangalore chhuahsanin, nimin khan tluang takin an khua Lawngtlai a thleng. A kal zelna torah duhsakna kan hlan e. ## Nimin khan North East Today Magazine Manager chuan BMA Hruaitu te a kawm a. North East Today thlakip chanchinbu hi a Pi Angel Sailo hnen atangin Rs. 40 chauhin lei theih a ni e.

BMA AW Sp
Special Issue
An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007

TUALCHHUNG

Ka Thian, Khawngaihthlak-i Kha

Carey Lalrinawma Sailo

Aizawl ah chhungten a tul an tih leh keiman tul ka tih te ka tih zawh hnu chuan, kan khua Kolasib pan turin Maxi Cab counter ah kan chhuah hun nghakin ka thu a. Aizawl thangthar te chhiat loh vang nge pawh ka hre lo, kan chhuah hun a ni ta mai a. Kan khaw lam pan tur chuan a hnung thutna no. 9-ah chuan kan thu thlep hnawp a. Ka bul ah chuan a va chhelo e han tih chi ni si lo, a hmelchhe em mai han tihtur ni bawk si lo hi a thu ve a. Lirtheia darkar thum chuang tur kan ni, ka earphone chhiatlai a ni zel nen; ka bula pasal nei tawh biak reng ai chuan chu nula biak chu kei chauh lo pawn, nangni pawhin in thlang chu ka ring ve tho. Inhriatlawkna nei miah lo chungin lirthei ah chuan tum ram inang na na chu kan chuang thla ho dawn a ni a. Kan chhuak ta. Bawngkawn atanga Durtlang inkarah kha chuan tleirawl chhelo tak tak melh tur an la awm avang khan biak en ah pawh ka la en vak lo va, ani pawn biak a tum bik lo. Durtlang kan pel a, khaw pawn kan thleng a, hla ka ngaihthla thei bawk si lo, khua chu a har tan ta a. Ka sawi tawh angin ka bula mi nu biak suam suam ai chuan ka dinglama thu, nula la lam chu ka awn ta zawk a. Mahse amah ka en khan, eng emaw hlimna riau a nei tlat hian ka hria a (a bialpa hmu tura lo zin hi a ni ang tih chu ka hlau ve det). Vawikhat inhmuhnaa a hlimna thuruk lo zawh nghal pawp mai chu ka hreh ve bawk si a, kawng dang ka zawng ta a. Kolasib ah mi in awm, ka va hre mai lo che ve, nge i rawn zin zawk dawn? kan ti a. Ani chuan Ni lo ve, ka rawn zin zawk dawn, ka cham rei pawh ka ring lo tia min chhan hnu chuan, hriatbelh zel chakna min pe nghal thuai a. A bialpa avanga lo zin a nih chuan ka va chan ropui dawn em ti rilru chungin, Enge Kolasib ah chuan i rawn tih dawn a ti a ka zawh min chhanna chuan ka rilru chhungril a khawih nghal dawt! A vawikhat nan, ka Pa ka hmu dawn a tiin. Ka ngaihtuah zui, he nu ka bula thu hi kum lamah pawh kei ai chuan kum 3/4 chuan a upat ka ring tawh a, tinge a VAWIKHAT NA atana a pa hmu tura a lo kal tih hi. Tichuan ka rilru tihdanglamin a awm a, ka lainatin ka khawngaihem em a. Zah pawh dawn loin, mak ka tih em em hre chiang leh zual turin I pa chu i vawikhat hmuhna tur maw? tiin mak ti hmel deuhin ka zawt nawn kher a. Ani chuan, Nia, ka nausen laiin ka nu leh pa hi an inthen a, ka nu a harsat ve em avangin min enkawl chhunzawm lovin ka ni te bulah chuan min dah ta a. Ka nite chuan min enkawl seilian a. Hetia ka lo nulat ve takah hian ka ni chuan I nu leh pa hriat loh tawp chu a tha lo e tiin ka nu chu min hriattir ta a. Mahse ka nu leh pa te inthen atang khan Phek hnihnaah chhunzawm a ni

Vol. XVIII Issue No. 03 Bangalore Mizo Association Pathianni Tin Chhuak Chanchinbu Date: 15th April 2012 Phek Hnihna
Editor Sawmteii Khawlhring Joint Editors KC Lalramchuani Tetea Sailo Contributor Benjamin Rualthanzauva Circulation Managers Diki Hnamte Lalhriatkima Chenkual

Article chhunzawmna ka pa hi a dam nge thi tih pawh an hriat loh avangin tun thlengin hmu loin ka la awm anih hi tiin. I pa nen chuan engtin nge in inhriat theih zawk a? ka ti ta zel a. Ani chuan, Ka pianna khuaa ka va zinin, ka pa thianpa nen kan inchhar a. Ka pa chanchin min zawt luam a, chhanna mumal pek theih loh avangin, kan inkar boruak chu a hrethiam nghal a. Vanneihthlak takin ka pa leh a thianpa chu an lo inbe reng thin a. Kka pa number min pe a; ka pa chu ka va be pawp thei ta chauh a ni, a ti a. I pa hming min hrilh thei em, ka lo hre ve mial mai thei asin; kolasib ah a awm te chuan ka ti a. A hming pawh sawi mah ila, I hre lo ang, Pangbalkawnah an awm. Ka tan Kolasib kal a awlsam zawk avangin kolasib-ah kan inhmu dawn. Kolasib hi ka vawikhat kalna a nia, ka huphurh ang reng lutuk tia a sawi zawh chuan a rilru tihhlim tumin, Lungngai mah ta che, kolasib chu bona tham pawh a ni lo; veng tawp atanga veng tawp pawh Rs 20 vel bak a ni hlei nem kan ti vei luam a, kan nui dun ar ar. Phone a neih loh avangin, a lekhabutea a pa number chu kan bia a, a lo chhang ngei. A tawngkam hian lung a va ti chhe em! Hei Thingdawl kan rawn thleng a, khawilai tak ah nge I awm? Eng kawr rawng nge I hak? Ka thianpa hi a tawp thleng a rawn chuang dawn si lova, inbiak theih laiin min hrilh vat rawh. Engtin chiah nge a pan a chhan ka hre lo mahse a chhunzawm zel a. Ka chuanna sumo chu a hmalam leh hnunglamah KTR tih a a inziak a, chuan a hnung tlar, a dinglam sir ber ah ka thu a; kawr hring ka ha a, ka sam chuan ka dar thleng a vaw bawk a, Diakkawn bung lian deuh awm thin nalai vel ah khan sumo chu a rawn ding dawn, lo awm ngei ang che, kawr hring, KTR leh sam tawi ka nih kha aw, theinghilh suh ang che tih leh ka phone balance a zo chiah! Ka chhuk a hun ta, driver-in ka thuamhnaw a lakthlak lai chuan ka thiannu chuan lawmthu min hrilh mawlh mawlh a, mahse kei zawk hi lawmthu sawi tur ka ni asin! Driver hnenah chuan ka thiannu chanchin zawng zawng ka hrilh a, a pan sumo standa a lo nghah tur thu te ka hrilh a. Khawngaih taka, a pa nena an inhmuh ngei theih nan ka thiannu lo buaipui turin ka ngen a, driver pawh chuan the reng mai a ti a;, ka thiannu chu khawngaih tak leh lawm tak chung chuan ka mangtha ta a. Engtin nge an awm zel ka hre zui tawh lo, mahse hlim rukna veng veng ka neih avang khan a pa duhtak nen chuan an inhmu anga, hlim taka an awm dun ka ring tlat. Tinge a pa nena an inhmuh thleng kha ka lo awm ve loh le? An inhmu lai vela an lawm turzia te kha ka mit ngeiin hmu ila. Tun thleng hian ka inchhir reh thei lo. He chanchin hi ka thiltawn tak tak a ni a. Ka thiannu hian a tet laiin a nu leh pa hmangaihna dawng lovin he khawvel hi a lo hmang thin a, a harsatna tawn zawng zawng chu hriatpui lo mah ila kan ngaihtuah thiam theih ka ring. A puitlin hnua a nu leh pa an hmu chauh te kha ava lung chhiat thlak tak em! Keini nu leh pa hnuaia seiliana duh duh lam thei hian NU leh PA hlutna hi hre chhuak tha lehin, an hmangaihna zawng zawng te hi chhiar thiamin, kan NU leh PA te hnena kan bat Hmangaihna hi ui lovin hlan nawn mawlh mawlh teh ang u. (Thu tha tak leh zirtir nei tha tak ziaktu Tv. Carey Sailo hi, nikuma BMA Asst. Secretary kha a ni. Ed.)

BMA AW lak man: Thla khat Thla thum Thla ruk Thla sawmpahnih -

Rs.20 Rs.50 Rs.90 Rs.180

E-mail: bmanews@gmail.com Website: www.bangaloremizo.info

Editorial
Atchilh tih thumal hi thumawi vak a ni lem lo. Hmanlai chuan khawkhata nula hmeltha leh fel deuh te hi mihuihphai (tawng mawilo ni lo se) deuh hian an atchilh chawk. Nula fel vak lo phei chuan tawngkam chhe tak tak nen an chhawnchaih fo thin. Thil buaithlak ve deuh pakhat chu, tlangval atchilhtu kha, nulain hawihhawm taka an biak that deuhin tlangval mi ang phak vak lo te chuan a tak tak emaw tiin an intithei ve hle thin a ni awm e. Nula thenkhat tih ngaihna hre lo chuan, artui chhumsakin min atchilhtu te hian min theihnghilh hun an nei ve thin tih changchawiin, tlangval hnena artui chum pe ta hawl hawl te pawh an awm thin an ti. Mahse, atchilh hi pawl hmalakna kawngah erawh thumawi tak, zawm huphurhawm tak a ni lawi si. Pawlin hma a lakna kawng tinrengah, thahnemngai taka thawktu, pawl atchilhtu an awm hian pawl a chak thin a. Khawtlang leh kohhran pawl hrang hrang atchilhtu mi tlemte avang hian kan rawngbawlna leh hmalakna te hi a hlawhtling thin a lo ni. BMA hi mi engzat takin atchilh ve tak ang maw?

Vol. XVIII Issue No. 03 Bangalore Mizo Association Pathianni Tin Chhuak Chanchinbu Date: 15 th April 2012 Phek Thumna

CHHUNGKAW CHANCHIN
## BMA AW Editorial Board thar Editor : Tv. Lalhruaitluanga Sailo Jt. Editors : Tv. Lalmuanzuala Nl. Zaithanmawii Hnamte Contributors : Tv. Benjamin Rualthanzauva Tv. Dr. Lalhmingmuana Sailo Cir. Managers : Tv. Lalramdinpuia Nl. Diki Hnamte ## Secretaries i/c thar: Games & Sport : Tv. Lalhriatkima Chenkual Cultural : Pi Dony Hmingthangsangi Academics & Human Resource Secy. i/c erawh a tul anga ruat tura dah a ni. ## Section Leader & Ziaktu thar te Vankham section Leader : Tv. Liangsangzuala (LS-a) Ziaktu : Nl. Lalbiaknungi Pachuau Lalsangzuali section Leader : Rev. Lalrokhuma Hmar Ziaktu : Tv. Bethel Lalnunmawia Rokunga section Leader : Ziaktu : Nl. B. Lalthakimi Tv. David Laldanfela ## BMA Football Tournament buaipuitu subcommittee siam niin, heng mi te hi ruat an ni. Convener : Tv. Emanuel Lawmkima Secretary : Tv. Lalhriatkima Chenkual Members : Tv. Remlalnghaka Pu Jim Lalrammawia Tv. BC Lalremruata Tv. Amos Lalremtluanga Rev. R. Lalthanmawia Tv. David Laldanfela Tv. David Lalrinliana Tv. Liansangzuala Rev. Lalrokhuma Hmar ## BMA membership form BMA membership form leh Telephone Directory buaipui turin a hnuaia mi te hi a ruat a ni. BMA membership form hi vawiin ni (15/04/12) atangin pek chhuah tan a ni. Convener : Tv. Johnson D Khiangte Member : Tv. Lalhruaitlaunga Sailo Tv. Dr. Lalhmingmuana sailo Tv. Lalhriatkima Chenkual Nl. Lalchhanhimi Nl. C. Lalmawipuii ## Chhinlung magazine hralh buaipuitu tur: Chhinlung magazine hralh leh hmun danga thawnchhuah buaipui turin a hnuaia mi te hi ruat an ni. Convener : Pi Lalrinpuii Member : Nl. Jenny Vanlalpari Hnamte Nl. Blessy Sailo ## BMA Sum dinhmun BMA sum dihhmun hetiang hi a ni 1. BMA SUMPUI (General fund) Income : Rs 1, 48, 756.00 Opening balance : Rs. 12, 796.00 Total income : Rs. 1, 61, 552.00 Expenditure : Rs. 1, 59, 747.00 Balance : Rs. 1, 805.00 2. BMA CHHINLUNG MAGAZINE Opening balance : Rs. 11,127.00 BMA book : Rs. 42,000.00 Advertisement : Rs. 28,000.00 Total income : Rs. 81,127.00 Total expenditure : Rs. 6, 930.00 Balance : Rs. 74, 197.00

PS Chawngthu section Leader : Tv. David Lalrinliana Ziaktu : Tv. Lalrinhlua ## BMA Calendar (2012-2013) BMA Freshers day : 4th August, 2012 BMA Football Tournament (HVLT Mawia Memorial Trophy : 15th August, 2012 BMA Vangpui Kut : 2nd October, 2012 BMA Annual General Body Meeting & Parting Social : 30th March, 2013 ## BMA website enkawltu thar te BMA website enkawl tur leh, a tul anga website tihmasawna, tangkai zawka buaipui turin hnuaia mi te hi BMA website enkawltu atan ruat an ni a. Admin : Tv. Benjamin Rualthanzauva Content developer : Tv. Lalhruaitluanga Sailo Tv. Amos Lalremtluanga Tv. Francis Malsawmkima Tv. Lalmuanzuala

Vol. XVIII Issue No.03 Bangalore Mizo Association Pathianni Tin Chhuak Chanchinbu Date:15th April 2012 Phek Lina

KLE Mizo Zirlai Raising Day Ropui Taka Lawm A Ni

Tahrikni 12 April 2012 (Ningani) tlai dar 3 khan KLE Mizo Zirlaite chuan an din champhaphak vawi 2 na lawm nan ESI Hospital, Rajajinagar-ah Blood Donation Camp an nei a. Hemi ni hian thisen pe turin zirlai mi 30 kalkhawmin, an zinga mi 12 te chuan thisen an pe thei a ni. Zirlai thenkhat te hi exam lai an nih hlawm avangin an kal remchang thei lova; zirlai thenkhat, thisen pe tura kal si exam lai nih vanga thisen an pe thei lo an awm bawk. Thisen pek zawh vek a nih hnuah hunserh tawite hman a ni a. President Lalremruata`n kaihruaiin, KLE Mizo Zilai Pawl Founder leh President kalchhuak Tv. K. Remruatfela`n KMZ lo din dan tawifel takin a sawi bawk a. Zan dar 6 velah an tinfel a ni.

Mizo Tawng
Tawng hi a pawimawh khawp mai a. Eng hian nge hnamdang te zingah Mizo kan nihna tarlang thei ber ang ti ila. Mizo tawng hi a ni awm e. Mizo tawng ziak dik hi a har, ziakzawm tur zawm loh va, ziak zawm tur ziak hran daih te hi a awm chawk, tin ngaihdan a inang lo zauh thin. Tlem azawng sawi ho ila, a dik lohna inhrilhin, kan infinchhuah zel dawn nia aw. 1. A ni/ani. A ni hi thuziak tlipna atan kan hmang uar hle. Mahse, mi tam takin a dik lovin kan ziak fo va, a dik leh dik loh pawh thu dang nen chuan kan khaikhin ngai vak lo. Ani tia kan ziah hian mihring sawina (third person) a ni daih thung! 2. Khawngaihthlak/khawngaihthlakawm Tunlai mi tam takin khwngaihthlak duh tawk mai lo vin khawngaithlakawm an ti ta duah thin. Khawngaithlakawm kan tih duah hian a khawngaihthlakzia a ti pung lem lo va, ziaktu tan hun a hek mai mai zawk niin a lang. Mami chu a khawngaihthlak e, a nun a boral san tawh si a tia sawi mai hi a fel der. 3. Nei tam/Nei ngah He thu pahnih te hi kan hmanpawlh nasa a, a diklo zawk hi kan hmang tam zawk emaw tih hial tur a ni. Nei kan tih chuan tamin a zui tur a ni. Bialnu ka nei tam lutuk hi ka buai te a tih theih. Thil neih chungchang kan sawi a, Ngah kan hman erawhin, nei hi sawi/ziah tel a ngai tawh lo. Bialnu ka ngah tih mai kha a tawk. Bialnu ka nei ngah tih khan a neih a tihtam phah miah lo Tuna tan chuan hei hi kan duh tawk ang. Pathianin Babel in sang an sak atanga hnam tin tana tawng bil min pek avangin, tawng thuhmun hmang nge nge chu kan inunauna a nasa bik a, nel pawh kan innel zawk zel a ni. Tawng pawimawhna ka tawn tam tak zinga mi kan sawi ang e. Kavalbyrasandra-a kal ka tumin, hmanhmawh em emin auto-rickshaw ka la a, auto-rickshaw khalhtupan Bata Show Room-ah min hruai daih! Hrilh a hai duh phian, hmanhmawh bawk nen. Mizo driver hnenah ka hrilh ang chiah kha hrilh ni ila, min hruaisual kher lovang.

Chawngkhum dan tlang huatloh

BMA hi ka lo hmangaih em a ni. Hei kan nu passbook pawh, a tulna apianga hman turin ka rawn thawh e. X-President

Kan lawm e
BMA AW, thahnemngai taka buaipuitu zawng zawng te leh, sum leh hun hlu tak seng thintu, Bangalore Mizo zawng zawng chungah BMA AW Editorial Board chuan lawmthu kan sawi e. Karleh atangin BMAW AW pawn enkawltu Editorial Board thar kan nei tawh ang. BMA AW hi kan aw a ni, hmang tangkai zel ang u. BMA AW chhiar nuam vek u le.