Dap Up Daju

Dap Up Daju Yehowa, Dap Awn Daju Gunhtang wa; Gunhtang wa a makam m'sham, Wunpawng Hpyendap yawng ting am; Majan garai n hkat kawn, Dap Up Daju hpe ap tawn; Ningbaw ningla nkau mi, Tsang myit hte tau hkrau shari; "Wunpawng ni gaw kachyi sha, Anut sat pyi n law nga; Tai ni wa gaw wan-krushi, Wunpawngsha ni gin n di; N g'sat yang she mai na re, BGF hkap la ga le...." da. Rai n g'sat kawn shayawm tsun, Kam sham myit n law ai kun? Dap Awn wa hte Ningtau wa, Mayam n kam woi tai-nga; Wunpawng atsam shapraw la, Dap Up Daju hpe kamhpa; Dap Up Daju lawm majan, Galoi n sum majan hpan; Hkananmung de woi wa na, Dap Up Daju lam shawng ya; N tara m'jan n hkrit ra, Tsin-yam hkrum tim hkam jan nga; Ya ten I Nawnghkyeng du sai, Wo hkran ten dep du na rai; Kam sham myit rau kyu hpyi na, Dap Awn Daju shadut ya; Majan 1,300 lang, Ihteng awng ai hti n dang ; Tai ni shagri brep satim, Kaya malu bai htim htim; K'de lang htim tim sum chyu sum, Hpyen hpaji mung ladat htum; KIA gaw sha ninghkap, Awng Padang a shawng de tsap; Awmdawm gasat la na sai, Dap Up Daju Ningshawng tai....; Shanglawt Tsing (24.5.2012,4:30AM)

Htaw!