"This document is an affirmation of what the General told the writer in an interview on January 26, 1946, at his office on San Nicholas Street, Manila." -TEODORO AGONCILLO Sa Mga Kinauukulan. Mahabang panahon na din naming napupuhunan at pinakikinabangan ng sari-saring pagtatalo ang [mahiwagang] pagkamatay ng Ama ng Katipunan [ang mahiwagang pagkamatay niya] bayaning Andres Bonifacio; at sapagkat nabago at muling natamo na natin, ang Kalayaan at Kasarinlan ng ating naglahong Republika Pilipina, ay magpapagunita na ako, kahit alam kong hindi kaila sa madla, na walang hiwagang maituturing sa pagkamatay ng bayaning Andres Bonifacio. Maaari itong maging mahiwaga nga, kung siyang isinusulat at inilalarawan lamang ng maniniping mananalaysay. Ang mga kasulatang inilathala at iniingatan ni G. Jose P. Santos, ay siyang nagbibigay ng tiyak na matuwid sa naging pasiya ng Hukumang Digmang lumitis at humatol na barilin ang magkapatid na Bonifacio. Ang hatol, ay matigas na pinagtibay ng mga Punong kinauukulan, at silang lahat ay nagkakaisa sa katumpakan ng gayong hatol. Subalit ng ilipat sa akin ang mga kasulatan, at sa nais kong huwag madungisan ang pagkakaisa ng ating Lahi sa Paghihimagsik, at sapagkat makapangyarihan ako noon, ay ipinasiya kong baguhin ang gayong hatol, at halinhan ko na lamang ng ipatapon sa malayong pook ang magkapatid na Andres at Procopio Bonifacio sa halip na barilin. Ngayon, noong matanto at maparoonan ako agad ng dalawang Miembro ng Consejo de Guerra, General Mariano Noriel at General Pio del Pilar, at matawagan ang pansin ko, na, kung ibig po ninyong magpatuloy ang kapanatagan ng ating Pamahalaan sa Paghihimagsik, at kung ibig ninyong mabuhay pa tayo, ay bawiin po ninyo ang inyong indulto sa magkapatid na iyan. At kaya nga ipinabawi ko at iniatas ko tuloy kay General Noriel, ipatupad ang inihatol ng Consejo de Guerra, sa ulit-ulit na magkapatid. Lagda: Emilio Aguinaldo Kawit, Kabite, 22, Marso, 1948 SOURCE: Copy of the original facsimile of Gen. Emilio Aguinaldo's confession from p. 126 of "The Revolt of the Masses: The Story of Bonifacio and the Katipunan" by Teodoro Agoncillo, University of the Philippines Press, Manila. 1956