PILIPINO 1896 Suriin ang larawan! Ibinunyag ni Teodoro Patiño kay Padre Mariano Gil noong Agosto 19, 1896 ang lihim na samahang KKK.
Nag-ugat ito sa isang hindi
pagkakaunawaan sa pagitan nila Apolonio dela Cruz. Ipinaalam kaagad ng prayle kay Gobernador Heneral Ramon Blanco ang kanyang nalaman. Ipinag-utos ang pagdakip at pagpapakulong sa mga Pilipinong pinaghihinalaang kasapi ng lihim na kilusan. Ilang araw matapos mabunyag ang lihim ng kilusan o katipunan, nagpulong sina Andres Bonifacio kasama ang mga katipunero sa Pugad Lawin noong Agosto 23, 1896 sa bahay ni Melchora Aquino o mas kilala bilang Tandang Sora na Ina ng Katipunan dahil sa malasakit nito sa kilusan at sa mga katipunero. Pinag-usapan ang simula ng paghihimagsik laban sa pamahalaang Kastila o Espanyol. Dito pinagtibay ng mga katipunero ang adhikaing mapalaya ang Pilipinas mula sa mga Espanyol. Sabay- sabay nilang pinunit ang kanilang mga sedula bilang simbolo ng hindi pagkilala at paghiwalay nila sa Espanyol. “Mabuhay ang Pilipinas! Mabuhay ang Katipunan!”
Ang kasaysayang ito ay tinawag na
Sigaw sa Pugad Lawin. LABANAN SA SAN JUAN DEL MONTE Agosto 29, 1896 bitbit ang armas ng mga katipunero, nagmartsa sila papuntang San Juan del Monte na pinamunuan ni Andres Bonifacio, Emilio Jacinto at ni Sancho Valenzuela. Agosto 30, 1896 ng madaling araw sinimulan nila ang pag-atake o paglusob. Mahigit isang daang katipunero ang napatay samantalang kakaunti lamang sa panig ng Espanyol at aabot din sa 200 ang nabihag ng mga Kastila. Sa pagkamatay ng maraming katipunero sa lugar na ito, tinawag ang pook na ito ng “Pinaglabanan sa San Juan”. Ano ang sinisimbolo ng sinag ng araw sa ating Pambansang Watawat ? Nagpatuloy pa rin ang mga ibang katipunero sa pakikipaglaban sa mga Espanyol sa mga lalawigan ng Batangas, Bulacan, Cavite, Laguna, Maynila, Nueva Ecija, Pampanga at Tarlac. Ang mga lalawigang ito ay sumisimbolo sa walong sinag ng araw sa pambansang watawat ng bansa. Pamprosesong Katanungan:
1. Ano ang pangunahing dahilan ng maagang
pagsiklab ng himagsikan noong 1896? 2. Ano ang napagkayarian ng mga katipunero sa ginawang pagpupulong sa Pugad Lawin? Ano ang hakbang na kanilang ginawa? 3. Napagwagian ba ng mga katipunero ang labanan sa San Juan del Monte? Bakit? 4. Bakit sa palagay mo idineklara ni Gob. Hen. Ramon Blanco ang Batas Militar sa mga lalawigan? 5. Paano mo maipapakita ang pagpapahalaga sa mga sakripisyong ginawa ng mga Pilipinong nakipaglaban sa himagsikan makamit lamang ang kalayaan?