YUNIT IV

Aralin 2: MGA PANUNTUNAN SA PAGBIBIGAY NG PAUNANG LUNAS (FIRST AID)

Bilang ng Araw : 1

Batayang Kasanayan
a. Natatalakay ang mga panuntunan sa pagbibigay ng paunang lunas (first aid)
b. Naisasaalang-alang ang pansariling kaligtasan sa pagbibigay ng paunang lunas
(first aid)
c. Naisasagawa sa pamamagitan ng dula-dulaan ang pansariling kaligtasan sa
pagbibigay ng paunang lunas.

Kaalaman para sa Guro

MGA PANUNTUNAN NA DAPAT ISAGAWA SA ORAS NG BIGLAANG PANGANGAILANGAN

O (EMERGENCY ACTION PRINCIPLES)

1. HUMINGI AGAD NG TULONG SA IBA. Humingi ng tulong sa iba upang makatawag agad ng
ambulansya para sa mga biktimang may malalang kondisyon. Maaari ding humingi ng pag-
alalay mula sa iba kung kinakailangan.

2.SIYASATIN ANG PINANGYARIHAN NG AKSIDENTE. Unang-una ay isipin muna ang

pansariling kaligtasan. Mainam na magmasid muna sa paligid kung ito ba ay ligtas bago
magsagawa ng paunang lunas sa mga biktima. Maaring ilipat sa ibang pwesto o lugar ang
biktima kung kinakailangan ngunit dapat siguraduhin na ang biktima ay hindi magtatamo ng iba
pang pinsala sa katawan sa proseso ng paglipat ng pwesto o lugar.

3. IHANDA ANG MGA KAGAMITANG PANG-MEDIKAL. Upang mas mapadali ang pagbibigay
ng paunang lunas, makabubuti na ihanda ang mga kagamitang pang-medikal tulad ng
bandaging tools, mga gamot, stretcher at iba pa para sa natamong pinsala ng biktima. Kung
walang makitang mga gagamitan ay maaaring gumawa ng mga pansamantalang kagamitan
tulad ng bandage na gawa sa malinis na damit, stretcher na gawa sa dalawang kahoy (mas
mahaba sa biktima ng isang metro) at mga kamiseta.

4. ISAGAWA ANG PAGSISIYASAT SA BIKTIMA. Kung may malay ang biktima ay maaari
siyang kapanayamin tungkol sa mahahalagang detalye tulad ng kaniyang pangalan, tirahan, at
kung sino ang kaniyang mga kamag-anak na maaaring tawagan. Kung walang malay ang
biktima, tingnang mabuti ang mahahalagang palatandaan ng pagkabuhay ng tao tulad ng
temperatura ng katawan, tibok ng puso o pintig sa mga pulso, at paghinga. Upang malaman na
humihinga ang biktima, maaaring tingnan ang dibdib kung ito ay gumagalaw. Maaari din itong
pakinggan at pakiramdaman.
Pamamaraan
A. Pag-usapan Natin

Picture, Picture…
Ipasuri ang mga larawan na matatagpuan sa LM at pasagutan ang mga tanong na kaakibat nito
sa pahina ____

TANONG:
1. Batay sa larawan, a n o - anong sitwasyon ang inyong nakita?
2. Ano-ano ang mga maaaring mangyari sa mga taong ito kung walang tutulong sa kanila?
3. Kung ikaw ay nasa paligid ng pinangyarihan ng mga sitwasyon sa larawan, ano ang
iyong gagawin upang makatulong sa mga taong ito?

B. Pag-aralan Natin
Ipabasa ang talata sa LM.

C. Pagsikapan Natin
Iayos ang mga ginulong titik sa LM.

Sagot:
AKSIDENTE BIKTIMA TULONG AMBULANSYA KALIGTASAN

Ipagawa ang “Mga Uri ng Aksidente at Pangkaligtasang Gawain

sa Pagbibigay ng Paunang Lunas”

D. Pagyamanin Natin
Gumawa ng isang dula-dulaan tungkol sa mga sitwasyon na nabanggit sa…
“Mga Uri ng Aksidente at Pangkaligtasang Gawain sa Pagbibigay ng Paunang Lunas

RUBRICS
5 pts – (90–100%) – Malinaw na naipapahayag ang ginawang dula-dulaan at naisagawa
nang ito nang maayos.
3 pts – (70–80%) - Hindi malinaw na naipahayag ang ginawang duladalaan at hindi
naisagawa nang maayos.
1 pt – (50-60%) - Hindi nakatapos sa pagsasagawa ng dula-dulaan at walang kaayusan

E. Pagnilayan Natin
Ipasagot ang pagnilayan Natin sa LM.
Ulat Pangkalusugan

F. Takdang-aralin
Magtala ng mga pangkaraniwang mga uri ng aksidente na nangyayari sa bahay at isulat
ang mga wastong pamamaraan kung paano ito binibigyan ng mga paunang lunas (first aid).
Maaaring magtanong sa inyong mga magulang o sa inyong Barangay Health Worker.
MGA SANGGUNIAN:

Philippine National Red Cross (First Aid Manual)

http://rlv.zcache.com/red_first_aid_sign_square_sticker-
rdaffada44ec44728909c8f2f9212c313_v9i40_8byvr_324.jpg

http://www.pulsepractice.co.za/images/logo.jpg

http://nn4now.co.uk/wp-content/uploads/2016/01/5-9-basic-first-aid.gif

https://strangee.files.wordpress.com/2010/06/11-fandeath-3.jpg

http://previews.123rf.com/images/mikailain/mikailain1304/mikailain130400003/1
9257684-Hit-A-Rock-A-boy-cycling-and-then-hit-a-rock--Stock-Vector-accident-
cartoon-bicycle.jpg

http://frenomotor.com/files/2014/07/accidente-dibujo.jpg

http://thumbs.dreamstime.com/z/cartoon-businessman-slipping-banana-peel-
isolated-41942806.jpg

http://worldartsme.com/images/bee-with-book-clipart-1.jpg

http://worldartsme.com/images/boy-studying-clipart-1.jpg

http://cliparts.co/cliparts/dT9/Kpd/dT9Kpdnac.jpg

http://images.clipartpanda.com/thinking-clipart-pictures-of-people-thinking1-
830x831.jpeg

https://s-media-cache-
ak0.pinimg.com/736x/ac/c7/cf/acc7cfc9d4a403fdca6e7ac9fcbd103a.jpg