JURAGAN HAJAT

Pemeran:
 Juragan Hajat : Muhamamad Haikal Zaki
 Istri Juragan : Neng Siti Hamidah
 Toyib :
 Pudin : Haris Abdul Karim
 Ijeum :
 Uje : Dadam
 Uneh : Salma Azzahra
 Nyai :
 Kemed :
 Icih :
 Encep :
 Pak lebe : Nizar Hisyam Nazaruddin
 Dole :
 Panganten lalaki :
 Panganten Istri :
 Scene 1 : Pertengkaran antara Kemed dan Icih
Kemed : Icih .. Akang bade angkat ngabecak heula. Bisi aya nu neangan
mah bejakeun we keur Dines
Icih : Enya jug .. Kade Balikna ulah Burit teuing .. urang butuh duit
Kemed : Nya heeh atuh .. lamun akang geus aya duit mah akang ge rek
balik .. kumaha milik we
Icih : Lain Kumaha Milik Kumaha milik .. ulah jiga kamari .. balik
maghrib bari teu mawa duit saperak-perak acan rieut urang
mah
Kemed : Nya da kamari mah muatana ge eweuh .. ti isuk geus di
tungguan nepi ka burit da areweuh .. aya hiji eta ge teu ditarik ..
jelema keur rieut .. maenya kur mere 20rb
Icih : Uluh uluh .. 20rb teu ditarik?? Naha maneh teh olo olo teuing
Kemed : Lain Olo olo .. jauh ka Surabaya .. bisa wae ku urang ditarik ..
ngan balik-balik suku jadi sajengkal deui
Icih : Eleuh eleuh lakah di heureuykeun .. urang mah teu heureuy..
urang mah nyaan butuh duit ..
Kemed : Teu ngarti urang mah .. ti mimiti maneh di kawin nepi ka
ayeuna angger we butuh duit .. teu insaf insaf
Icih : Yeuh Kemed .. urang mah butuh duit Soteh jang mayaran
hutang .. loba nu naragih hutang teh .. era urang teh
Kemed : Alus loba hutang mah .. cirina loba nu mercaya.
Icih : Dasar maneh mah teu boga kaera maneh mah.
Kemed : Engges engges ngomongkeun nu nagih nu nagih wae. Da urang
mah ngahutang teh pedah ku butuh lain ku hayang di tatagih ..
jaba jelemana teu boga kaera jaba nganjukeun jaba nagih
Icih : Naha maneh teh rieut ?
Kemed : Heeh rieut urang mah .. rek mangkat ngabecak pasti we ribut
masalah ngahutang balik ngabecak di papageuh ku anu nagih ..
emang saha wae nu nganjukeun teh?
Icih : Loba .. Ceu Kenoh, kang rustam, aki Oji ... Malahan aki oji
mah nagih nage ngabring jeung ank incuna da ku maneh
dianjukan kabeh
Kemed : Geus kieu we atuh .. sakabeh nu nagih hutang datangan ku
maneh kabeh .. isukan pabeberang di dagoan ku urang didieu
Icih : Tah kitu atuh .. eta lalaki nu tanggung jawab .. jadi isukan rek
dibayar kabeh nyah
Kemed : Lain urang rek ngamuk
Icih : Cik Atuh kemed da maneh teh lalaki mikir atuh usaha ..
Kemed : Heeh kan tadi urang teh rek usaha lakah diajak pasea
Icih : Lain kitu Kemed .. Usaha teh ulah ngandeulkeun Becak
hungkul cobaan usaha nu sejen .. jig tinggali batur .. batur mah
 jang ngabelaan anak jeung pamajikan teh dugi ka banting
tulang
Kemed : Ouh jadi urng teh kudu banting tulang .. sok ku maneh
kumpulkeun tulang kaleng kadieu .. ku urang rek dibantingan
Icih : Tobaatt aing mah .. da seer nu gaduh salaki tukang becak .. da
teu aya nu salieur salaki abi .. mugi mugi gusti abi paparinan
kakitan
Kemed : Geus ah .. urang ngabecak heula
Icih : Heeh Jug
Icih : (pidato) tah kieu ari jadi jelema leutik mah di udag-udag
kasusah .. cig atuh para pamingpin sing nyaah ngabelaan rakyat
leutik teh .. ulah ngan saukur diba pidato hungkul .. kieu cenag
mari kita berantas kemiskinan kita bela rakyat kecil .. ari
buktina .. nu senang teh nu diluhur sareng para koruptor.
Kemed : Iciihhh .. Iciiihhh ... beneerr digogoda teh icihh .. lamun
misalna urang teu kuat iman bisa bisa gelo ngadadak icih
Icih : Aya naon? Lainna edek ngabecak
Kemed : Kumaha erek ngabecak ... sadal becak aya nu ngalaan siah ..
saha nu wani wani ngalaan sadal becak teh . teu boga rarasaan
Icih : Si ujuuu nu ngalaan sadal becak mah
Kemed : Si Uju?
Icih : Enya Dititah kuurang
Kemed : Tobaatt gusti .. da seer batur tukang becak nu gaduh bojo .. tapi
da teu aya nu salieur bojo abi .. mugi mugi gusti abi paparinan
kakitan
Cik atuh Icih .. nanaonan maneh ngalaan sadal becak? Ayeuna
kamanakeun?
Icih : Iyeuh da urang mah butuh duit .. kapepet nya dijual we eta
sadal becak teh ... 6000
Kemed : 5000 eta mah
Icih : Heeh sarebu deui jang mrurhan si uju
Kemed : Astagfirullah .. asa kabina bina teuing siah
Icih : Yeuh .. lain kabina bina teuing siah .. urang mah butuh duit teh
jang bayaran sakola si Otong . bisi maneh teu apal kamari
urang menang surat di sakola .. geus 3 bula si otong teh can
bayaran
Kemed : Heeh .. ulah ngagugu teuing kahayang sakola atuh.
Yeuh .. budak sakola teh cape .. budak mangkat ka sakola teh
kudu lempang, sanepina di sakola teh kudu ngapalkeun, kudu
diajar, kudu ujian . geus sakitu capena hayoh kudu bayaran
sakola
Icih ; Teuing ah lieur
Kemed : Tuda enya .. kahayang urang mah masalah bayaran sakola mah
ulah nepi ka ngajual sadal becak atuh .. cik atuh icih maneh teh
da kolot ku bijaksana
Icih : Bijaksana naon .. angger we mun teu bayaran mah si otong teh
bkal dikaluarkeun
Kemed : Nya matak naon lamun maneh langsung madeo ka guruna ..
pok nyarita bapak perkawis pelajaran anu ditepikeun ka pun
anak abdi ngahturkeun rebu nuhun .. namung abi teu tiasa
ngabalas budi ku bayaran sakola anging mung Allah anu tiasa
ngagentosan..
Icih : Cik atuh ... ari sakira kira embung tanggung jawab naha ari
maneh teh hayang boga budak
Kemed : Ari masalah ngajieun budak mah lain salah urang . dan urang
mah lalaki
Icih : Eleuh eleuh jadi salah urang
Kemed : Nya heeh da ari ngajieun budak mah salah awewe .. tinggali we
asal usulna .. pan asalna mah tina beuteung maneh da urang
mah sakadar usul.
Icih : Yeuh .. maksud urang mah peperiheun urang mah teu bisa
maca buta hejo
Kemed : Buta Huruf
Icih : Heeh atuh eta maksud urang teh .. cik atuh kahayang mah
budak teh sina sakola .. jiga batur sakola nepi ka lulus boga
Ijabah
Kemed : Ijazah Icih
Icih : Ahh sarua wae nyebutna mah .. rek Ijazah rek ijabah .. eta mah
kumaha kaikhlasan urang.
Kemed : Tuh da maneh nu sok ngaheureuyken mah
Icih : Atuda lieur .. komo mun jika batur nyakolakeun teh ka tingkat
luhur nepi ka sujana ... Sarjana maneh teh kemed lain sujana ..
rieut aing mah .. keur mah benget maneh siga panakol bedug
Kemed : Aeh aeh .. eta salaki disaruakeun jeung panakol bedug .. tapi
inget icih lamun urang panakol bedug maneh bedugna .. berarti
si otong hasil dina ngadulag
Icih : Ari ngomong teh kamana wae .. yeuh nyaho urang teh keur
susah
Kemed : Heeh ulah dipikiran wae atuh kasusah mah . turutan babaturan
urang si sahro susahna leuwih leuwih ti urang anakna reay ..
hutang saabreg abreg .. tapi jelemana teu ngeluh kamana man
teu weleh seuri apal apal maot we TBC
Icih : Yeuh pang pangna urang mah mikiran si Otong .. lamun
manehna teu sakola rek kumaha kahareupna
Kemed : Waahh .. Maung oge teu sakola teu weleh hirup .. teu eleh ku
sarjana oge .. sok maung adukeun jeung sarjana .. urang wani
taruhan nu menang pasti maung
Ocin : Puntennn .. Puntennn
Kemed : Tuh aya Semah sampeurkeun
Icih : Alah siah akang .. sok sieun nu nagih hutang
Kemed : Keun urang nu tanggung jawab sok sampeurkeun ... Icih mun
nanyakeun akang bejakeun keur eweuh kituh
Icih : Nuju teu araya cenaahh
Kemed : Lain kitu sampeurkeun ... taroskeun bade peryogi naon
Icih : Bade peryogi artos kangge mayar hutang
Kemed : Lain ka Urang ka semah
Ocin : Assalamualaikumm
Icih : Waalaikumsalam mangga leubeut
Kemed : Aeh ari sugan teh Semah Saha .. geuning maneh jang Ocin
Ocin : Enya kang ..
Icih : Aya peryogi naon kang Ocin
Kemed : Enya cin aya peryogi naon?
Ocin : Kieu kang ceu .. kuring teh keur aya kasusah . maksud kuring
teh rek menta tulung
Kemed : Cih bener ieu mah beda kereteug .. menta tulung naon euy?
Ocin : Nya budak urang teh erek Ujian .. ceuk guruna moal bisa
ngiluan ujian lamun can lunas bayaran
Kemed : Nya ceuk urang ge beuki deket kereteug teh Icih
Ocin : Maksud kuring teh .. sugan akang keur boga duit .. ieu entog
rek dijual .. sok beuli kang 10rb we .. jang bayaran sakola
budak
Icih : Tah dengekeun ku maneh .. batur mah bebelaan ngajual entog
jang bayaran sakola
Ocin : Tuda budak lamun teu sakola rek kumha kahareupna
Icih : Tah dengekeun ku ceuli maneh Kemed !!!!!
Kemed : Gara gara maneh siah lakah datang kadieu
Ocin : Jang bayaran sakola kang
Kemed : Heeh matak naon ieu entog ulah waka dijual .. bawa ieu entog
ka sakola .. bari nyarita ka guruna sing sopan .. pak kangge
bayaran sasih ieu teu acan tiasa ku artos bade ku entog .. sasih
payun bade ku marmot .. urang mah yakin guru mah bijaksana
.. dikitukeun maneh moal langsung di tonyok ..
Icih : Yeuhh ulah diheureuykeun .. itu teh jelema butuh tulungan
atuh
Ocin : Enya tulungan atuh kang
Kemed : Yeuh urang teh lain teu hayang nulungan .. tuh urang jang
bayaran sakola nepi ka ngajual sadal becak .. ku aya duitna oge
moal langsung nulungan maneh rek dibelikeun sadal Becak
Ocin : Piraku akang tega ka kuring
Icih : Enya tulungan atuh kemed
Kemed : Aeh aeh .. heug icih urang rek usaha neangan duit lamun urang
geus menang duit moal langsung dibelikeun sadal becak .. ieu
entog ku urang rek dibeuli rek dijadikeun sadal becak .. naha
maneh tega kitu ningali urang ngaboseh bari ngadiukan entog
Ocin : Duh kumaha nyah ? manawi akang terang nu butuheun kana
entog
Kemed : Yeuh .. eta entog jual ka pak Sumardi
Ocin : Pak Sumardi mana nya?
Kemed : Heeh puguh urang ge teu apal .. Icih sugan maneh apal pak
Sumardi .
Icih : Teuh ceuk urang ge montong di heureuykeun .. kieu jang eta
entog sok jual kang pak Sungkono
Ocin : Pak sungkono mana deui ieu asa teu warawuh?
Icih : Naha make nanya ka eceu puguh teu apal
Ocin : Heuuhh hanas ku urang teu ka pak Sukimin keun
Kemed : Nya sok atuh jual ka pak Sukimin
Ocin : Nya da geus maot kang
Kemed : Nya kitu we jang moal meuli
Ocin : Kang naha teu karunya ka kuring kang
Kemed : Nya maneh teu karunya ka kuring
Ocin : Sedih urang teh kang
Kemed : Naha maneh teu ningali ieu benget nepi ka sedih kieu
Ocin : Urang teh ni hanyang ceurik kang
Kemed : Heh .. sarua weh urang ge hayang ceurik .. sok dagoa
sakeudeung deui oge urng mah bakal curik
Ocin : Urang meni hoyong jeujeuritan kang
Kemed : Tah hayu urang babarengan jeujeuritan .. meh haneuteun ..
Tuda keuseul keur mah di udag udag nu nagih jol ayeuna di
udag ku entog
Icih : Hampura we jang entog da lain hayang Ocin
Kemed : Eleh tibalik atuh Icih .. hampura atu jang moal bisa meuli
Ocin : Heeh atuh teu nanaon . rek pamit we (sasalaman ka kemed)
Hayu ah ceu
Icih : Hayu wae eceu mah duh
Kemed : Eleuh eleuh .. rek naon maneh nunutur si entog ? aya wae
gogoda teh
Dole : Permisi
Kemed : Tuh aya Semah deui Icih
Dole : Permisi..
Icih : Alah siah akang sok sieun nu nagih hutang
Kemed : Sok Asup (ngagorowok)
Icih : Ehhh lain kitu kemed .. Silahkan masuk kitu
Kemed : Oh terimakasih
Icih : Lain ka urang itu ka semah
Dole : Permisi
Kemed : Silahkan
Dole : Heheheheh .. mohon maaf mengganggu hehehe .. apa betul ini
rumahnya bapak Keumeud?
Kemed : Bapak Kemed bukan Keumeud ... e sama eu itu berbeda ..
rujak beubeuk betul tapi rujak bebek salah .. bebek itu meuri
Dole : Ehehehehe .. tidak apa apa .. saya orangnya itu humoris suka
bercanda suka ketawa .. ehehehe .. jadi betul ini rumahnya
bapak Kemed
Icih : Benuul cep
Kemed : Betul kituh .. iya betul pisan saya orangnya
Icih : Banyak hutang cep
Kemed : Eleuh Icih .. ada keperluan apa encep kesini
Dole : Pertama tama perkenalkan nama saya do le .. D O L E Dole
eheheheh
Icih : Dole eheheheheh
Kemed : Ari icih maneh teh .. mohon maaf cep istri saya memang suka
membanyol
Dole : Oh tidak apa apa .. justru saya adalah orang humoris senang
bercanda senang tertawa ehehehehe
Kemed : Jadi sekali lagi ada keperluan apa encep kesini
Dole : Jadi keperluan saya kesini .. saya di suruh oleh Bos saya bapak
Suminta .. untuk mengantarkan Undang-undang
Kemed : Undang-undang
Dole : Undangan maksud saya .. karena saya kan orangnya humoris ..
undanga saya plesetkan jadi undangan biar kocak biar ketawa ..
eheheheheh
Icih : Tobat gusti .. aya jelema kawas kieu .. encep undangan apakah
itu
Dole : Bos saya bapak Suminta mau menikahkan putrinya. Kebetulan
menantunya terpilih jadi wakil rakyat .. jadi pak Suminta mau
mengadakan Syukurran .. ini undangannya
Kemed : Oh jadi begitu ya cep ..
Dole : Kalau begitu saya pamit dulu ..eheheh permisi
Kemed : Iya terimakasih
 Eeheheheheheheh
Icih : Kunaon maneh teh ngarerewas?
Kemed : Duh katepaan ku encep itu seuri wae
Ocin : Assalamualaikum
Kemed & Icih : Waalaikumsalam
Kemed : Aya naon deui jang?
Ocin : Kieu kang .. urang teh keur aya kasusah .. eweuh jang bayaran
sakola .. manawi akang bade meser ieu entog
Kemed : Pan engges tadi moal meuli
Ocin : Emang heeh kitu asa acan .. uluh ari sugan teh acan
Icih : Init init siah jang Ocin
Ocin : Punteun atuh mangga ah
Kemed : Aya weee nu kieu jalma
(Dole Masuk) ada apa lagi cep
Dole : Eheheheheheh
Kemed & Icih : Astagfirullah .. (Dole Keluar)
Scene 2
Uneh sasapu tuluy manggihan foto awewe dina nyiru paranti ngajual peuyeum
si Uje
Uneh : Gusti nu agung saha ieu .. ati ati siah uje .. ku urang da .. nafsu
urang mah
Nyi Inot : Assalamualaikum
Uneh : Waalaikumsalam .. eh geuning nyi inot .. angkat timana eceu
Nyi Inot : Henteu .. kuring mah ngahaja we kadieu .. aya kang ujena
Uneh : Nyaeta can balik kang uje teh keur dines jualan peuyeum .. aya
naon kituh eceu
Nyi Inot : Yeu ceu .. urang karek balik ti kota .. ninggali kang uje jeung
batur .. jalan-jalan jeung awewe ..
Uneh : Jalan-jalan jeung awewe? Nyaan maneh nyai?
Nyi inot : Nyaan kuring mah eceun .. wani turun harga gas elpiji ceu
Uneh : Heug atuh ngawakilan eceu baledog tong asa asa
Nyi inot : Nya da kahalangan ku tukang cendol .. maenya ojol ojol
maledog tukang cendol
Uneh : Lain tukang cendol nyai .. si Uje
Nyi inot : Yeuh eceu .. awewena teh make baju hejo .. leumpang nage
meuni ditatangkeup
Uneh : Eta mah diangkat antuh nyai
Nya puguh eceu teh keur kehel .. urang teh manggih foto
awewe dina pangnaggungan peuyeum si uje .. kunaon atuh ari
nyai puputeran wae..
Yeuh si ieu lain awewe nu dikota teh?
Nyi ineot : Ieu mah foto ucing atuh ceu
Uneh : Eleuh salah .. ieu meureunan nyah ?
Nyi Inot : Tah bener ieu ceu
Uneh : Eleuhh .. nurus tunjung si uje .. tempokeun sia Uje .. lain darah
garut lamun urang teu bisa ngalabrak lalaki nu ngarana uje
Nyi Inot : Yeuh ceuk urang mah eceu .. anteupkeun we nu kitu mah .. da
geuningan awewena ge kitu .. geulis
Uneh : Nya heeh atuh matak uje bogoheun oge
Nyi Inot : Lain pedah dipayunen eceu nya .. nya ge geulis ari
dibandingkeun mah jeung eceu jauh .. geulisan itu
Uneh : Awas siah uje .. di gerus siah uje
Nyi Inoy : Ulah eceu .. ulah dianteup
Atuh kuring rek permiis heula
Uneh : Permisi panginteun
Nyi Inot : Enya .. ieu potret ucingna .. eceu mah meni resep ngumpulkeun
potret Ucing ..
Uneg : Sanes nu eceu .. puguh nu budak eceu si endut . duka kunaon
karesepna teh ngumpulkeun foto sasatoan malahan favoritna
mah ngumpulkeun foto monyet
Nyi Inot : Alah ni aneh kitu
Uneh : Duka puguh nyai .. ditanya ku eceu oge ke geus gede hayang
jadi naon .. ngajawabna teh hayang jadi Hanoman
Nyi Inot : Eleuh .. ku nyai diDo’akeun sing tercapai cita-citana
Permios eceu hatur nuhun
Uneh : Mangga sami-sami
Uneh : Awas siah Uje .. teu sebeh ku awewe hiji .. kamana deuih si
Uje teh teu balik-balik .. lamun datang siah di kereweus siah
ampunn .. gusti nu agung si uje bisa salingkuh kitu ,, kurang
naon atukuring teh ... tah datang si jurig uje teh
Timana maneh teh uje
Uje : Naha beut nanya dimana deui ? geus puguh jualan peuyeum
Jaba menang kamusibahan deui uneh
Uneh : Musibah naon ?
Uje : Heeh tadi beurang .. urang teh leumpang bari nanggung .. ari
jalan keur mah leutik mudun nya leer deuih .. dihareupeun
urang aya aki-aki leumpang .. urang tisereuleu .. tanggungan
ngagaleong tah .. ngababuk tongong si aki-aki .. peuyeum bahe
aki-aki labuh tigebrus kana solokan eta aki-aki
Uneh : Puas siah eta teh doraka ti pamajikan siah
Uje : Puguh urang teh mikiran aki-aki eta
Uneh : Paduli teuing .. samarukna urang rek sedih urang rek mikiran
aki-aki nu tigedebrus kana susukan eta
Uje : Heeh da aki-aki nu tigedebrus teh abah maneh uneh
Uneh : Eta teh bapak urang mitoha maneh sia uje
Uje : Heeh da teu nyaho atuh .. sugan teh lain abah .. urang ge geus
dipunteun punteun sina mere jalan .. lakah ngukug we
leumpang .. nya kumaha deui geus takdirna
Uneh : Kumaha ayeuna si abahna ?
Uje : Lakah kapaehan .. tapi teu lila .. langsung hudang deui
Uneh : Init siah kaditu menta hampura
Uje : Engges ku urang bari acong acongan .. kalakah nonyok
Uneh : Puas siah eta teh wawaleus ka jalma anu doraka ti pamajikan
siah
Uje : Ari maneh .. doraka naon ari urang?
Uneh : Alah siah tong pura-pura siah .. maneh tadi di kota jalan-jalan
jeung awewe siah
Uje : Ngomong naon siah teh Uneh
Uneh : Ceuk urang ge ulah pura-pura . maneh tadi jalan-jalan jeung
awewe nu make baju hejo
UJE : Lain warna bulao
Uneh : Tahh siah
Uje : Teu siah .. urang mah teu rumasa
Maneh menang ngadenge dimana siah .. yeuh pitnah siah ..
pitnah teh lebih kejam dari perkebunan
Uneh : Uje jawab siah ari ieu potret saha ?
Uje : Potret jelema ieu mah
Uneh : Heeh urang ge apal ieu mah potret jelma ngan saha ngarana
Uje : Nya teu apal atuh yeu nyaho .. bari eta potret menang manggih
dimana?
Uneh : Urang manggih dina tanggungan peyeum nu maneh .. saha
siah?
Uje : Ouuhh heeh uneh .. basa kamari aya ibu-ibu keur milihan
peuyeum bari nyenyekeul potret ari pek teh potretna murag ..
duhh si ibu
Uneh : Montong ngabohong siah Uje .. maenya aya rek nu meuli
peuyeum bari nyenyekeul potret siah uje .. foto saha siah ?
Uje : Uneh .. ayeuna mah rek terus terang we .. urang teh jualan
peuyeum teh hese payu .. saminggu katukang urang teh datang
ka dukun .. ceuk dukun dina tanggungan simpen potret awewe
.. kabenerean urang manggih foto simpen we kitu.
Uneh : Ari kitu mah naha te make potret urang atuh uje da urang ge
awewe atuh
Uje : Heeh engges pernah .. foto aneh disimpeun dina tanggungan .
isukna peuyeumna baluruk kabeh
Uneh : Jig kaditu tuturkeun tuh awewe di kota .. da itu mah ngora
keneh urang mah geus kolot itu mah geulis jiga bintang film
widia ningsih
Uje : Widia wati meureun bentang filmna
Uneh : Urang ge apal maneh teh sok masang togel .. nya eta dipake
jang bobogohan
Uje : Sok ngacapruk wae maneh Uneh
Uneh : Da enya siah .. maneh mah sok masang togel
Uje : Iraha .. iraha .. iraha urang sok menang Uneh
Uneh : Ahh aing mah .. kaduhung urang daek ka maneh uje asa katipu
Uje : Nipu naon urang ka maneh Uneh?
Uneh : Eleuh maneh teu karasa siah, baheula maneh ngakuna Drs ..
buktina tukang peuyeum siah mah .. baheula maneh ngaku-
ngaku kenal jeung Ariel Noah siah .. hanas urang di
wawuhkeun jeung ariel .. ayeuna mah urang apal eta teh Eman
 tukang meuri sia teh matak curiga aing mah maenya aya
tukang nyanyi dina sakuna neplak endog meuri .. tega maneh
nipu urang
Uje : Urang nipu teh da abah nipu urang tiheula
Uneh : Nipu naon abah ka maneh?
Uje : Heeh harita Abah ngaku-ngaku lanceukna Rhoma Irama
ngakuna boga rombongan orkes buktina geuning abah teh
tukang gula batok
Uneh : Ngahina siah ka Abah .. Ngahina siah .. ati-ati siah Abah loba
baladna tukang Gula ari maneh teu sieun di koroyok ku tukang
gula
Uje : Uneh jangan mengancam begitu atuh .. yeuh tukang peuyeum
oge loba baladna .. lamun misalna tukang gula batok macam-
macam ka tukang peuyeum .. pasukan peuyeum tidak akan
tinggal diam Uneh .. kalau misalnya peuyeum dan gula bentrok
ini bisa mengakibatkan terjadinya Kolek siah Uneh
Uneh : Gandeng .. ngobrol jeung maneh mah pidorakaeun Hungkul ..
Sangu beuki jurig togel Komo
Encuy : Punteunn
Uje : Tuh aya Semah
Encuy : Punteuunn
Uje : Mangga
Encuy : Punteun
Uneh : Mun urang jadi pamarentah .. rek dibasmi tukang togel tej
Uje : Menggeus heula aya semah era .. hapunteun cep
Encuy : Teu nanaon .. abdi nu hapunteun mah tos ngaganggu
Uneh : Teu nanaon cep .. upami salingkuh bobogohan deui masang
jurig togel eta mah leres ngaganggu
Uje : Mengges heula maneh Uneh .. manawi encep teh?
Encuy : Nepangkeun Wasta abi encuy
Uneh : Semah ieu geura Usir
Uje : Aya naon maneh Uneh?
Uneh : Maenya aya semah ngaran Encuuuyy
Uje : Ari maneh sugan teh naon.. keun we ngaran ngaran batur ..
lakah jadi Urusan
Uneh : Atuda geuleuh ngarana beut encuyy
Uje : Ari maneh mah .. dupi encep kunaon atuh beut encuy
Ari maksad abi teh aya peryogi naon encep teh
Encuy : Ari maksad abi teh manawi terang pun lanceuk anu namina teh
Suroto
Uneh : Tuh Uje .. ari lanceukna mah alus Suroto naha adina beut
Encuyyy
Encuy : Ari sadidinteunna mah sok di sebat Oot Suroto
Uje : Oot Suroto? Nah maneh Uneh sugan apal nu ngaran Oot Suroto
Uneh : Nyaho pisan atuh Uje .. Oot teh leumesna tina nginum .. abi
nahan teu kiat hoyong oot
Uje : Eueut eta mah Uneh
Uneh : Kela kela .. dupi deudeuganna kumaha eta teh cep ?
Encuy : Dupi ari dedeganna mah jangkung hideung .. di kaca soca
kumisan
Uneh : Oohh ari eta mah teu tebih .. sekitar 100 meteran tinggalian ..
bumina warna hejo dipayunenna aya tangkal jamu aer
Encuy : Tapi leureus jangkung hideung
Uneh : Henteu pendek lintuh
Encuy : Di kacasoca kumisan
Uneh : Henteu
Encuy : Namung leres namina pak Oot Suroto
Uneh : Sanes Mahpudin namina mah
Encuy : Alah ari eceu
Uneh : Cobian tepangan heula cep .. sugan anjeunna kersa gentos nami
janteun Oot Suroto
Uje : Mun lain pamajikan rek di pengprek ayeuna oge maneh Uneh ..
duh punteun we teterang cep
Encuy : Tapi da jelas alamatna mah
Uneh : Dupi Alamatna dimana cep?
Uje : Lain ka urang ka itu
Encuy : Tapi da jelas alamatna mah masihan kartu nami kasimkuring
teh .. tah kartu namina ieu ceu.
Uje : Ngalieurkeun pisan .. Drs. Oot Suroto Jl. Ciendog no. 6 Garut ..
ahh ieu mah di garut geuning
Encuy : Di garut ? ari manawi teh di bandung .. paingan teu kapendak
di pilari kaditu kadieu teh nyah ..
Hapunteun atuh bade permios heula ceu kang
Uje : Teu sae kang .. kela antosan kedap
Encuy : Duh rieut urang mah milari akditu kadieu
Uneh : Nya cep .. mending keneh teu gaduh lanceuk ari ngaririeut mah
Encuy : Nya ceu bade permios heula .. kang
Uje : Kela .. encep teh bade tepang sareng lanceuk .. ku urang urang
tepangkeun
Encuy : Alhamdulillah .. sareng lanceuk
Uje : Lain sareng tutunjuk siah kudu di gebug siah pedah ngalilieur ..
diitung siah nepi ka 3
Encuy : Kaburrr
Uneh : Leuheung mun ngaran teh alus .. ieu mah Encuuuyy
Encuy : Aya naon deui eceu .. nyauran abi encuy ?
Uneh : Henteu ,
Uje : Duh .. didieu loba jelema anu ling lung .. mudah mudahan we
wakil rakyat teu kabawa linglung
Uneh : Naha ari maneh lakah jadi ka wakil rakyat
Uje : Heeh geura sok pikiran ku maneh .. pan atuh matak jadi wakil
rakyat teh jeleme apalalinter .. naha geuning pas sidang lakah
paheuras heuras genggerong malahan nepi ka geulut .. mun kitu
mah uneh nyontoan teu bener eta teh Uneh .. ngerakeun .. rapat
RT oge teu nepi ka gerelut .. tetela ku maneh meureun ari wakil
rakyat kudu gareulut mah salah sahiji syarat hayang jadi wakil
rakyat teh kudu bisa pencak .. tah nu di luhur nu linglung mah
Uneh
Uneh : Heeh nu di handap mah maneh nu linglung teh
Uje : Naha jadi urang nu linglung
Uneh : Heeh maneh nu linglung .. geus apal maneh teh geus boga
pamjikan deur teh bobogohan deui jeung batur naha eta teu
linglung
Uje : Lakah balik deui maneh mah
Uneh : Heeh geus puguh maneh teh geus di bere jalan rizki ku jualan
peuyeum deur lakah masang togel .. maneh mah linglun
Uje : Kadinya deui kadinya deui
Uneh : Nya da heeh .. leuheung karek ayeuna maneh teh salingkuh ..
ayeuna jeung tukang lotek bareto jeung tukang bubur
Uje : Ari Uneh lakah ngungkit ngungkit masa lalu .. dengekeun yang
lalu biarkanlah berlalu .. kita songsong masa depan yang lebih
cerah .. bukan begitu
Uneh : Gandeng ahh
Pak Lebe : Assalamualaikum
Uneh : Aya saha deui uje?
Uje : Waalaikumsalam .. ehh geuning aya wa lebe
Mulih timana uwa ?
Pak Lebe : Haaa????
Uje : Datang deui piriweuheun teh
Uwa mulih timana?
Pak lebe : Naon ? teu kadenge .. uwa mah geus kolot
Uje : Uwa mulih timana?
Pak Lebe : Haaaa?
Uje : (Nyintrek ceuli pak lebe)
Pak Lebe : Eleuh .. ngahaja kadieu ngahaja uwa teh kadieu .. jauh dijug
jug anggang diteang hayang panggih kumaha cageur uneh ?
Uneh : Alhamdulillah uwa
Pak Lebe : Kumaha damang jang Omod?
Uje : Lain jang Omod Uje ieu mah
Pak Lebe : Haaa?
Uje : UJE
Pak Lebe : Naon?
Uje : (nyokel ceuli Pak Lebe)
Pak Lebe : Ehhhh Uje ..
Uje : Aya peryogi naon uwa teh ?
Pak lebe : Uwa teh aya perlu
Uje : Uwa samulihna kumaha damang ?
Pak Lebe : Haa?? Ngambang?? Naon nu nganmbang?
Uje : Ari uwa Damang?
Pak lebe : Naon?
Uje : (bade nyintrek ceuli pak lebe ditahan tuluy nyintrek ku
sorangan)
Pak Lebe : Euuhhhh .. cageuur jang cageurr
Uje : Aya peryogi naon uwa teh?
Oak Lebe : Haaa??
Uje : Uneh ku maneh we rieut
Uneh : Uwa .. hgcgiyedgybcjneihduqhuyeuhdeuheu
Pak Lebe : Bobogohan deui ?
Uje : Aaaaahhhh
Pak lebe : Montong maneh teh .. pamajikan nu kieu mah kudu di jaga ..
nu montok kieu mah kudu dipikanyaah .. mun bisa mah ku
maneh dilaminating
Uneh : Uwa ... cehbehdnencnucuheuhskncknjdncjdcunceuecuin
Pak Lebe : Sok masang togel ? .. haram maneh nu kitu teh .. loba keneh
madharatna daripada alusna .. kudu dibasmi jeung backing
backingna nu kitu mah
Uje : Tapi Uwa .. bbhbdhqbdunbduncjnkjdncudhcnjencejnuedho
Pak lebe : Montong ngacaprak ari ngomong teh ... teu kaharti ngomong
kitu teh .. sing bener ari ngomong teh ..
Yeuh jauh di jug jug anggang di teang teh aya maksud .. uwa
teh rek nganteurkeun
Uje & Uneh : Uwaa .. ieu didieu
Uje : Mun lain kolot da
Pak lebe : Uwa teh rek nganteurkeun Ondangan .. minggu hareup uwa teh
rek ngawinkeun Incu .. ku kituna nyi Uneh jeung jang Uje kudu
hadir .. bantuan uwa nyah?
Uje : Mangga uwa mangga
Uneh : Da lamun gaduh artos mah tangtos dongkap uwa
Pak lebe : Ehh .. di do’akeun ku uwa .. tah ieu ondanganna .. ke ke bisi
pahili jeung batur .. kahatur anu di pihormat double U (uneh
and Uje) .. nah ieu duit .. duit uwa ieu mah .. kitu ti uwa mah ..
omat dina waktuna kudu hadir .. uwa permios heula ..
assalamualaikum
Double U : Waalaikumsalam uwa
Uje : Uwa uwa .. eta mah ka kamar abi atuh
Pak Lebe : Ehhhh
Uje : Neh .. keur teu boga duit teh aya ondangan deuih .. ari teu
datang era ku wa lebe
Uneh : Nya heeh atuh .. kudu datang .. maenya ari diondang ku wa
lebe meni teu datang ari ku tukang lotek teu diondang ge meni
datang
Uje : Ari maneh mah ngomong teh kadinya deui
Scene 3
Ibu Juragan : Tahh .. mempeung rineh .. mempeung teu acan aya tamu .. ibu
hoyong nyarios ka bapak
Juragan : Nyarita naon? Aya naon? Aya naon di bapak bu? Naon ieu teh
? naon?
Ibu juragan : Kehela bapak .. sing tenang .. tenang heula .. yeuh bapak teh
rek hajat meujeuhna teh bapak sing cenghar sing gumbira .. ieu
mah ti tatadi di tinggal ku ibu meni baeuudd bapak teh ..meuni
ambeuk ambeukan .. kunaon pak? Cik kunaon? Kunaon?
Kunaon? Aya naon?
Juragan : Sing tenang atuh bu .. rek teu teunang kumaha geus puguh rek
hajat deur kalakah kajugak ku paku
Ibu Juragan : Teu kedah ambeuk ambeukan atuh pak .. sabenerna bapak teh
kedah syukur kacugakna ku paku.. cobi lamun kacugak ku
linggis bade kumaha
Juragan : Deuh .. kamana wae nyarita teh ibu mah
Ibu Juragan : Puguh leupat bapak mah .. puguh bade hajat deur kalakah
ngoprek kandang domba .. pakuna paburantka janteun we
kacugak
Juragan : Ngomean kandang domba so teh da pantona rek lesot .. coba
keur parasmanan domba kalaluar pan riweuh atuh ..
mangkaning domba adu hungkul .. kumaha lamun domba
diadukeun jeung semah
Ibu Juragan : Ahh atuda sok kamana wae bapak mah .. rieut ka ibuna ge
Juragan : Atuda enya .. keur mah suku kacugak deur teh aya
piambeukeun anu sejen
Ibu juragan : Aya naon deui bapak?
Juragan : Tinggal ku ibu! Surat ondangan .. gara gara si pudin jelema
lieur .. di dunya eweuh jelma anu salieur si pudin .. mana
ayeuna si pudinna .. pudiinn pudiinn pudinn
Ibu Juragan : Pak .. teu kedah gogorowokan nyauran si pudin mah lalaunan
we .. pudin
Pudin : Kulan ..
Ibu juragan : Tuhh nya ceuk ibu oge
Pudin : Aya peryogi naon juragan
Juragan : Pudin .. maneh di titah ku urang ngajieun Ondangan .. dimana
maneh ngajieun undangan ieu?
Pudin : Di si tekan gan rerencangan abdi
Juragan : Tuluy nanaonan dina surat ondangan ngaran urang di tukangna
aya S.H .. pan maneh ge apal urang mah lain sarjana hukum ..
era ku batur
Pudin : Ehmm .. ieu mah kieu gan .. kapungkur abi ka si tekan .. diditu
aya 2an anu bade ngadameul serat uleuman oge gan .. di
tinggal ku abdi jenengan anu hajatna di pengkeurna aya S.H.an
.. ku abdi di turutan we .. margi saemut abdi S.H. teh singkatan
tina Shohibul Hajat
Juragan : Tuhh nya .. si eta mah kitu .. budak cileupeung ..
Ibu Juragan : Naha atuh maneh teh pudin aya aya wae
Juragan : Nah didieu oge .. dina ngaran urang Suminta eweuh R.an ..
Raden Suminta kituh
Ibu Juragan : Eleuh bapak .. pira ge eweuh huruf hiji moal aya pangaruhna
Juragan : Ishhh .. ceuk saha bu ceuk saha bu eweuh pangaruhna .. eweuh
huruf hiji jadi beda harti atuh .. coba Ucing lengitkeun huruf
Gna jadi Ucin nya jelas beda atuh .. ari Ucing mah sato ari
Ucin mah tukang cukur .. maenya aya Ucin dahar beurit teu
kira-kira .. dimana aya tukang cukur dahar beurit
Pudin : Teras Bandung gan .. icalkeun huruf Gna jadi bandun ..
Bandun kota Kemban jadi hoyong seuri ngalaguna ge gan
Juragan : Montong ngabodor siah .. jadi rieut ka urang nage
Ibu Juragan : Geura coba Ucing leungitkeunna meureun bakal jadi Ucin
Juragan : Ehhh eta mah bodoran bapak atuh .. kumaha ari ibu ... meni asa
rarieut ..
Ibu juragan : Entos pak .. nu kitu mah ulah janteun emutan
Juragan : Tuda keuseul .. Pudin .. wayahna ayeuna maneh ka kandang
domba tinggali bisi aya domba nu can kaparaban tuluy maneh
kadieu deui
Pudin : Kahartos Juragan
Juragan : Ieuh sakalian bawa ieu ondangan
Pudin : Pasihkeun ka Domba Juragan>
Juragan : Lain Piceunn
Pudin : Mangga gan
Juragan : Ampuunn .. boga pembantu teh cileupeung pisan .. kesel bapak
mah bu
Ibu Juragan : Aehh .. ibu anu keusel mah pak .. nuju hajat kieu bapak tuluy
weh mikiran domba
Juragan : Nya heeh atuh bu .. da domba bapak mah domba mahal ..
kamari ge aya nu bade digentosan ku motor
Ibu Juragan : Nya ari di gentosan ku motor mah gentos we atuh pak
Juragan : Nya da ituna embungeun
Ibu Juragan : Ehh ari sugan teh nyaan .. yeuh bapak ulah sok kabina bina
teuing resep ka domba teh .. tinggali atuh batur ka kalantor ..
ieu mah enjing-enjing keneh tos ngibakan domba
Juragan : Naha make era bu .. da ngamandian domba mah wajar ..
kakarek lamun isuk-isuk bapak ngamandian tiang listrik
kakarek ibu kudu era .. jabaning da bapak make calana
ngamandianna oge .. lamun mah kaluhur make kaos sang sang
kahandap teu make nanaon jelas bapak bakal era.
Ibu Juragan : Jeung deuih domba di adu-adu teu aya rasa karunya pisan .. sok
bapak bayangkeun lamun misalna bapak jadi domba
Juragab : Isshh teu bisa .. maenya aya domba hajat .. maenya aya domba
raden
Ibu juragan : Tobaatt gusti .. bapak ibu mah mung ngelingan hungkul .. bisi
jaga bapak maotna bisi ditenggar ku domba
Juragan : Nu lain-lain wae ibu mah .. maenya aya jelma maot ku
ditenggar ku domba .. lamun misalna domba nenggar bari
dipasang bom kakarek bapak percaya
Ibu Juragan : Yeuh bapak mah teu terang .. ku resep-resepna bapak kana
domba .. ngalindurna ge jiga domba
Juragan : Iraha da bapak mah teu ngarasa
Ibu Juragan : Nya da bapak mah teu ngaraos .. tengah wengi teh jurugul
bapak teh nyirindil .. jedug we kana ranjang .. ari ibu teh
khawatir .. diweuweulan we jugut ka lambey bapak .. teras
kulem deui we bapak teh
Juraga : Aya aya wae ibu mah
Ijeum : Aya naon Juragan?
Juragan : Saha nu ngageroan maneh?
Ijeum : Saur Pudin abi disauran ku juragan
Juragan : Henteu .. teu rumasa urang mah .. jig kaditu indit
Ibu Juragan : Ehh Ijeum calik heula kami aya perlu
Yeuh bapak ibu mah sanes heureuy .. saur sepuh oge .. jalmi
mah kumaha amal perbuatanna
Ijeum : Hmmmhh
Ibu Juragan : Sok aya wartosna eta teh .. maling oray pupusna dipacok oray
Ijeum : Hmmmhh
Ibu Juragan : Maling buaya pupusna ku buaya
Ijeum : Hmmmhh
Juragan : Ari Maneh nanaonan?
Teu percaya bapak mah .. geuning paraji eweuh nu maot di
gegel orok .. meureun mun kitu mah tukang lotek maotna di
rendos .. bapak mah karunya ka tukang cendol .. meureun
maotna teh pedah dikocek
Ibu Juragan : Eta teh sauran sepuh bapak ulah diheureuykeun .. muhun nya
ijeum?
Ijeum : Leres juragan ., tong tebih tebih tatanggi abi tukang ngala oray
5 dinteun kamari pupus .. meni karunya teh gan
Ibu juragan : Di pacok oray sanes
Ijeum : Sanes katinggang batu
Juragan : Alaahh ni asa rieut aing mah
Ijeum : Aya deui juragan
Juragan : Sok ngacapruk deui
Ijeum : Leures gan abi mah .. tatanggina pun uwa padameulan
sadidinteunna teh sok nguburkeun .. maotna ge dikubur
Juragan : Nya heeh atuh ijeum .. aya aya wae maneh ijeum .. indit siah
indit siah maneh ijeum .. rieut aing mah
Kabeh pembantu teh eweuh nu sahulueun .. rieut ka bapakna ge
bu
Kumaha ieu teh bu .. wayah kieu barudak can beres wae
didandanan kawin .. wayah kieu can bijil wae
Ibu juragan : Samuhun nya kamarana barudak teh da ka salonna mah titatadi
.. ke atuh urang telpon heula ..
Halo ieu sareng salon ibu entin .. kela nya pak ..kumaha
barudak teh tos beres didandanannna
Juragan : Haduhh ,, ieu hajat meni riweuh .. hajat nikahan budak asa
ngariweuhkeun .. baheula urang kawin da teu ngariweuhkeun
anak
Hmmm aya telpon .. halo halo sareng saha ieu ?
Ibu Juragan : Sareng ibu ?
Juragan : Ari ibu dimana>
Ibu juragan : Cakeut sareng bapak
Juragan : Cakeut sareng bapak? Ari ibu nanaonan atuh
Ibu Juragan : Ehh bapak .. bapak teu kaemut nyah ..ari petugas keamanan tos
sarumping teu acan
Juragan : Ehh heeh .. si dudung kamana nya ? kamari di titah kadieu can
aya wae bijil
Satpam 1&2 : Assalamualaikum
Juragan : Waalaikumsalam .. tah geuning panjang umur .. karek di
omongeun bieu
Satpam 1 : Kumaha Bos?
Juragan : Heeh awas euyy .. jalankeun tugas sing ati-ati
Satpam 1 : Siap bos
Satpam 2 : Naon cenah euy ?
Satpam 1 : Kalede Bodas narik padati
Satpam 2 : Jalankeun Tugas sing ati ati .. beres bos
Juragan : Hemm aing mah .. kade euy perhatikeun parkir mobil tamu
Satpam 1 : Siap Bos
Satpam 2 : Naon cenah euy?
Satpam 1 : Pangmeulikeun Kikir jeung Jajamu
Satpam 2 : Perhatikeun parkir mobil tamu .. siap bos
Juragan : Ehh ampun aing mah .. geus ahh sok geura jaraga
Satpam 1&2 : Siap bos
Ibu juragan : Ehh kela .. samemeh jaraga mah sok mending dalahar jug ka
dapur
Satpam 1 : Siap Gan
Satpam 2 : Naon cenah euy ?
Satpam 1 : Ka kalijaga ka sempul heula
Satpam 2 : Samemeh jaga ka dapur gan .. beres gan
Juragan : Asa lalieur boga anak buah teh .. asa lalieur pisan
Bu kumaha barudak teh tos di telpon ?
Ibu juragan : Nyaeta bapak tos di telpon sareng di WA oge teu nyarambung
.. kela urang telpon deui nya bapak
Juragan : Nya sok
Satpam 1 : Assalamualaikum bos
Juragan : Waalaikumsalam aya naon deui dudung?
Satpam 1 : Bade ngalapor bos ..
Juragan : Aya naon?
Satpam 1 : Di luar ada orang yang mencurigkana
Juragan : Aya orang anu nyurigakeun? Lah geus sina balik
Satpam 1 : Atau sekalian saja dibawa kesini bos?
Juragan : Aeh aeh .. geus puguh urang keur riweuh sina balik
Satpam 1 : Tapi jalmina istri bos
Juragan : Paduli teuing sina balik
Satpam 1 : Geulis bos
Juragan : Ahhhhh sina asup
Satpam 1 : Siap bos
Juragan : Aya aya wae aing mah
Satpam 1 : Tah ieu jalmina bos
Juraga : Ari ieu mah si Ijeum pambantu didieu
Satpam 1 : Pambantu .. punteunwe juragan da abi mah teu terang
Juragan : Ampunn
Satpam 1 : Ieu awewe nyurigakeun .. bulak balik wae ka dapur
Ijeum : Aehh aeh .. urang mah bulak balik ka dapur teh erek masak ..
maneh nyangka jurig ka urang .. di tinggang siah
Juragan : Aeh aeh .. indit siah dudung
Satpam 1 : Siap Juragan
Juragan : Maneh oge ijeum indit siah
(Pudin Masuk)
Jurgan : Ouh maneh Pudin .. kumaha domba teh geus diparaban?
Pudin : Parantos Juragan
Juragan : Heeh alus .. di bere roko ku urang 2 batang .. ke we bulan
hareup nyah
Pudin : 4 batang gan .. sasih kamari acan
Juragan : Aya aya wae maneh pudin .. Pudin ari ibu dimana?
Pudin : Pun biang .. aya wae di kampung gan
Juragan : Aeh aeh .. ibu juragan istri
Pudin : Ouhh ke urang pilari heula sakedapnya
Ibu Juragan : Halo
Pudin : Tah ieu aya juragan
Ibu Juragan : Aduh kumaha atuh .. eleuhh
Juragan : Ibu ibu atos atuh .. teteleponan wae bapak lieur
Ibu juragan : Atauh bapak lbar telpon anyar .. bapak sanes nanaon bieu pak
iim nelpon saurna teu tiasa janteun protokol .. saurna ngadadak
nyeri waos .
Juraga : Eleuh .. kudu aya gentosna
Ibu Juragan : Sumuhun kedah aya gentosna tpi saha nu tiasa
Cik Pudin kira-kira saha nu tiasa janteun Protokol?
Oudin : Kedah sami sareng pak iim gan .. kedah anu nyeri waos?
Juragan : Aeh aeh .. montong diheureuykeun geus puguh urang te keur
rieut .. geus we .. heeh bener si pudin we anu jadi protokol
Ibu juraga : Heeh maneh we anu jadi protokol
Pudin : Aduh .. ulah abi atuh juragan .. abi lamun nyarios dipayuneyn
jalmi seer teh sok lieur .. sok hoyong utah
Juragan : Eweuh alesan .. wayahna maneh kudu jadi protokol .. ulah
ngerakeun urang .. hayoj
Pudin : Para hadirin..
Juragan : Ehh lain ayeuna .. ke pas loba semah .. ampun aing mah
Kamana atuh bu barudak teh ..
Aya naon Aceng?
Satpam 2 : Siap gan .. rombongan penganten sudah datang
Ibu Juragan : Alahhh ijeum ijeumm ijeumm ... rombongan panganteun tos
aya ijeun
Ijeuh : Gan abdi kedah nyumput dimana?
Juragan : Lain Nyumput geura beberes
Ibu Juragan : Beberes Ijeum
Scene 4
Juragan : Tahh geus Kumpul sadayana
Pudin..
Pudin : Abdi gan
Juragan : Sok buka acarana
Pudin : Buka Calana? Isin atuh juragan
Juragan : Eleuh eleuh .. buka acarana maneh pidato
Pudin : Lieur gan .. hoyong utah
Juragan : Montong ngawiwirang urang siah
Ibu juragan : Sok atuh pudin geura wiwiran
Juragan : Ehh ibu .. sok aya aya wae .. ayoh geura pidato
Pudin : Ulah pidato atuh gan kumaha upami pencak atanapi joged
Juragan : Ehh kana nu lain-lain wae maneh pudin .. gancang geura buka
Pudin : Para Hadirin anu sami-sami Tanukan
Juragan : Naon ieu teh sing baleg
Pudin : Duka ieu teh gan .. teu pupuguh .. jol jol emut kana domba
Para hadirin cunuk waktu ninggang sirah
Juragan : Aeh Aeh .. ninggang mangsa
Pudin : Tah sumuhun eta .. cunduk waktu ninggang mangsa .. acara nu
munggara manrupi sambutut
Juragan : Sambutan lain sambutut
Pudin : Enya sambutan . mangga ngawitan sambutan ti juragan
shohibul hajat .. dihaturanan
Juragan : Hatur nuhun .. kumargi juragan bilih lepat nyandak catetan
Assalamualaikum .. mang kade suku lomari .. aehh ieu mah
surat ti pun bojo ka tukang lomari .. atuh di talar we da juragan
salah mah tos biasa .. moal aya nu nyarek
Para hadirin sadayana .. dina wengi ieu kuring ngarasa bingah
.... ieu teh rek di darengekeun moal .. ampun aing mah
Dina ieu kasempetan simkuring rek cumarita ka panganten ..
utamina panganten lalaki minantu simkuring .. trendi minantu
bapak ti ayeuna kuring rek masrahkeun anak bapak si tresih .
ngan nitip kade geutihna ulah dikocoran ku rezeki anu teu halal
... tong dikeprokan atuh da lain japati .. teruskeun
Lamun bapak ngadenge maneh korupsi, ngadahar duit rakyat,
bapak moal cicingeun .. sok sanajan maneh wakil rakyat loba
baladna .. sapopoena sok geulut .. bapak moal mundur .. kajeun
minantu disiksa ku urang .. naha dikira urang rek sieun pedah
maneh budak ngora .. tong peupeuleukek siah .. sok tinggali
kadieu haa .. rek ngajago siah .. hatur nuhun sakitu sambutan t
simkuring
Pudin : Mun sakitu sambutan ti juragan Sumita anu pinuh ku semangat
perjuangan .. anu salajeungna sambutan ti sepuhna panganten
lalaki .. dihaturan ka wagimin sukarjo
Pak Lebe : Ulah nyanyahoanan siah .. lain wagimin Sukarjo .. primus
adiwijaya..
Hatur nuhun kana kasempetanna .. dina wengi uwa teh ngaraos
bingah amarwatasuta bingah kagiri giri .. kabingah uwa mun
dibandigkeun jeung tangkuban parahu .. masih keneh gede
gunung tangkuban parahu .. percanteun simkuring nuju bingah
Sadayana : Percanteunn
Pak Lebe : Hatur nuhun atuh ari percanteun mah .. sakitu sambutan ti uwa
mah
Pudin : Sakitu sambutan ti sepuh panganten pameugeut anu sasaos
singkeut tapi kalintang teu puguhna
Dole : Sekarang sambutan dari saya eheheh
Saya mendoakan semoga kedua mempelai diberikan
kebahagiaan ehehehehe
Dan dijauhkan dari segala Musibih
Pudin : Lain musibih atuh musibah
Dole : Betul .. seharusnya musibah .. karena saya orangnya humoris
senang bercanda musibah di ganti dengan Musibih biar Kocak
biar ketawa ehehehehe
Juragan : Teruskeun Pudin
Pudin : Atuh kanggo sambutan anu pamungkas nyaeta sambutan ti
sepuh urang sadayana nyaeta bapak toyib .. mangga
dihaturanan bapak toyib
Pak Toyib : Trendi anaking .. uwa teh milu sedih milu nyeri waktu anaking
dicarekan ku mitoha .. kanyeri kapeurih uwa dibanding jeung
kanyeri jeung kapeurih anjeun mah rarasaan mah gede keneh
kanyeri anjeun . bener bener bener
Sadayana : Leres
Pak Toyib : Trendi anaking .. tadi dicarekan ku mitoha ulah nyeri hate ulah
dendam eta teh kanyaah kolot ka budak .. inget ! lamun uwa
ngadenge anjeun ngewa ka mitoha nyeri hate ka mitoha inget!
Uwa teh lanceukna mitoha anjeun .. uwa moal cicingeun mun
adi uwa di hina di lunjak ku barudak .. uwa bisa murka .. darah
titinggi uwa bisa memuncak inget .. arek ngalawan arek nyeri
hate siateh .. sok ngomong ngomong ngomong .. yeuh lamun
teu percaya mah yeuh .. cigendo. Cimande, cigedeug ..
Sakitu sambutan ti uwa
Pudin : Hatur nuhun ka sepuh urang sadaya anu teu patos jauh sareng
raina .. pinuh ku semangat perjuangan .. ditutp wae acara ieu ku
aosan hamdalah sasarengan.

TAMAT