Salawikain: Ang taong nagigipit, sa patalim man ay kumakapit.
Kahulugan: Ang taong nagigipit kung minsan ay napipilitang gumawa ng mapangahas na bagay na maaaring maging dahilan upang lalu lamang siyang magipit.
Salawikain: Kung may isinuksok, may dudukutin.
Kahulugan: Matutong magtipid upang sa oras nang pangangailangan ay may perang makukuha sa sariling ipon upang hindi na umasa sa tulong ng ibang tao.
Salawikain: Ang Hindi lumingon sa pinanggalingan Hindi makakarating sa paroroonan.
Kahulugan: ibig sabihin nito ay dapat tayong tumanaw ng utang na loob sa mga bagay o taong naging maganda ang dulot sa ating buhay.
Salawikain: Aanhin pa ang damo kung patay na ang kabayo.
Kahulugan: Para kanino pa ang tulong na ibibigay mo kung huli na ang lahat.
Salawikain: Nakikita ang butas ng karayom, hindi ang butas ng palakol.
Kahulugan: Nakikita ang kasalanan ng iba hindi ang sariling kasalanan.
Salawikain: Ang lumalakad nang matulin, kung matinik ay malalim.
Kahulugan: mag-ingat sa pagpapasya.
Salawikain: Kapag may isinuksok may madudukot.
Kahulugan: Kung marunong magtipid, may madudukot sa oras ng kagipitan.
Salawikain: Huli man daw at magaling, naihahabol din
Kahulugan: Ok lang na huli kung mabuti naman ang nagawa o ginawa.
Salawikain: ang pagsasabi ng tapat, pagsasama ng maluwag
Kahulugan: Nagiging makabuluhan at matiwasay ang pamumuhay ng isang tao kung siya ay nagiging matapat sa kanyang mga layunin at gawain na may kinalaman sa pakikitungo sa iba o sa pakikipagkapwa-tao nito.
Salawikain: Walang matimtimang birhen sa matiyagang manalangin.
Kahulugan: Mapapasagot ang babaeng nililigawan magtyaga lamang o kung ikaw ay matyaga.