I.

INTRODUKSYON

A. PAMAGAT: Pagsasa-Filipino ng mga Panoorin sa Daigdig ng Telebisyon,

Pagda-dub ng Anime, at Paglaganap ng Wikang Filipino sa Bawat Sulok ng
Mundo: Mga Patunay na ‘Moog’ ng Pagka-Pilipino
B. MANANALIKSIK: Romelito B. Correa
C. URI NG LATHALAIN: Di-nalathalang Tesis
D. PAARALAN: Pamantasang De La Salle Manila.

II. PROBLEMA/ SULIRANIN

Laganap na sa bansa ang pag-eere ng mga dayuhang palabas na kung
saan mas kumikita ang mga TV Network sa pagpapalabas ng mga anime o mga
teleseryeng galing sa ibang bansa na isinasalin na lamang nila sa ating
lengguwahe para mas maintindihan ng mga manonood ngunit saganitong paraan
naisasantabi ang sarili nating gawa. Hindi na natatangkilik ang gawang Pilipino
dahil nakatuon lamang sa mga dahuyang palabas.

III. ISKOP NG PAG AARAL

Nakapaloob sa pag aaral na ito ang importansya at gampanin ng wikang
Filipino sa mundo ng telebisyon. Kung saan ang mga palabas na galing sa ibang
bansa ay isinasalin sa ating wika upang mas maintindihan ng mga manonood ng
isang istasyon. At kung paano nakakaapekto ang pagdadub ng isang sikat na
palabas sa ibang bansa sa reyting ng kanilang programa.

IV. PAMAMARAAN/ METODOLOHIYA NG PAG AARAL

Ang pamamaraan na ginamit ng mananaliksik ay deskriptibong
pamamaraan na kung saan inilarawan nya ang malaking kontribusyon ng wikang
Filipino sa daigdig ng telebisyon at tagumpay ng mga istasyon sa Pilipinas. Kung
saan ang mga bawat istasyon ay nagpapalabas ng mga dayuhang palabas na
isinasalin pa ang lengguwahe upang mas maintindihan ng mga manonood.

V. SAMARI NG NATUKLASAN, KONKLUSYON AT REKOMENDASYON

Mahalaga ang gampanin ng wika sa ating pang araw-araw na buhay, kung
saan sa pamamagitan nito nailalathala natin kung ano ang mga nais nating
ipabatid kaya’t hindi na kataka-takang naging mabenta sa tao o mamamayan ang
mga palabas na galing sa ibang bansa na ginawan ng pagsasalin ng lengguwahe
sa ating wika na kung saan maraming mas makakaintindi ng palabas sa mga
telebisyon dito sa Pilipinas. Naging patok sa mamamayan ang mga anime na
galing sa Japan kung saan ang mga palabas ay kinagiliwan ng mga kabataan na
syang may magandang asal na matutunan galing dito. Naging laganap ang wikang
Filipino ng mas dumami na ang mga kababayan natin na mas piniling magtrabaho
sa ibang bansa dahil sa kakapusan sa pera. Ang wikang Filipino ay syang
natatangi nating pagkakakilanlan sa lipunan na dapat natin mas pahalagahan sa
kasalukuyang panahon dahil unti unti na nating nakakalimutan ang kahalagahan
nito sa atin bilang mamamayan ng Pilipinas. Mas pagyamanin natin ang ating
sariling wika para sa susunod na henerasyon ng kabataan ay maabutan pa sila.
Wika ang kayamanan ng ating bansa na dapat nating ingatan, pahalagahan at
inaalagaan kaya’t huwag sana nating hayaan na mawala ito.