Bakit ka nagpipinta?
Tama ka, hindi ko yun matututunan kung
Bakit ko nga ba ito ginagawa?
Siguro gusto ko lang malaman niyo,
Na malaman ng lahat na ako ay nagpipinta.
Pero yun nga ba? Yun nga ba ang rason?
Atensyon, mga kaibigan at mga bagay na
makamundo
Mga bagay na meron ako
Ngunit bakit di ako makuntento
At may hinahanap hanap pa rin ito.
At nakilala kita
Na sa imperpekto mong porma
Nakita ko ang natatangi mong ganda
Mga bagay na hinahanap ko ay sa pagpipinta ko
nakita
Sa pagpipinta nailalabas ko ito
Napapakita ko kung sino talaga ako
At dito rin sa pagpipinta
Natatago ko ang tunay kong nadarama
Ngayon, Kuntento na ako, nakuntento na ako
Na sa aking mga gawa
Nakakapunta sa mundong puno ng saya
Nilisan ang riyalidad at nagkulong sa aking mga
likha
Pero sino ka? Sino ka?
Nanibago ako sa iyo
Na para bang ika’y bagong kulay na pintura
Iminulat mo ang aking mga mata sa ibang bagay
na bukod sa aking likha ay may iba pang bagay na
maganda
Na hindi ako nag-iisa, may mga taong katulad ko
din na kakaiba
Sabi mo na hindi lang ako hanggang sa papel at
lapis
Sabi mo paglumabas ako sasamahan mo ako sa
saya at paghihinagpis
Akala ko nakuntento na ako
Kasi nagulat na lang ako, humahakbang na
palabas, nakasunod sa iyo
Sa piling mo, ibang saya ang nadarama
Hindi na lang pintura ang hawak
Kundi mga kamay mo na
Hindi nalang sa mga unan nakayakap
Kundi sa taong mahal ko na
Yun, iyon pala ang bagay na hinahanap nito
nagkulong lang ako
Tinuruan mo akong magmahal
Ipinadama mo sa akin ang pakiramdam kung
paano mahalin
Pero alam mo kung saan ako nagkamali?
Yung minahal kita ng sobra
Nakalimutan ko na bago pala ako magmahal ng iba
Mahalin ko muna ang sarili ko bago ka
Umabot kasi tayo dito
Kahit ayaw ko, umabot tayo
Sa puntong pinapapili mo na ako
Kung ikaw ba o ang mga pangarap ko
Ang mga pintura ko ba na naging sandalan ko noon
o ang taong mahal ko ngayon
Ng dahil sa lito, ay umabot na pati yung
pagmamahal ko sa iyo ang kwinestyon ko na
Mahal ba kita kasi kailangan kita o kailangan kita
kasi mahal kita?
Pangarap ko ba or siya?
Masakit. Masakit. Ang sakit
Dahil di pa ako nakasagot bumitaw ka na
Nagdesisyon ka na para sa ating dalawa
Tinapos mo na ng hindi pa tayo nagsisimula
Di ko pa tapos guhitan
Nagsisimula pa lang ako na kulayan
Pero bakit binubura mo na
Kanyamasong pinipintahan ay unti-unting nasisira
Teka lang saglit!
Bago mo lisanin ang ating mundo
Pwede mo ba akong yakapin ng sakdal higpit
Na kahit sa pagbitaw mo para ka paring nakakapit.
Pinagmasdan ang kanyamasong di na
maintindihan
Ang mga kulay ay wala na sa ayos, ang gulo tignan
Pero habang tumatagal
May ganda palang dulot ang sakit na iyong dala
mahal
Bumalik ako sa pagpipinta
At salamat mas naganahan pa akong gumawa
At sa bawat kulay ng aking likha
Ay pinupunan ang kulang na mga kulay sa mundo
kong maputla
Sa bawat mirasol at pinturang dilaw
Pilit na tinatakpan ang sarili kong puno ng kulay
bughaw
Pilit na ginuguhitan ang mukha ng ngiti
Kahit ang totooy masakit na at andyan pa rin ang
hapdi

Kung sa iyo ko natutunan kung paano magmahal

Sa iyo ko rin naramdaman kung gaano kasakit ang
masaktan
Pero napagtanto ko rin
Na walang bughaw pag walang dilaw at pag
walang kahel

Bughaw na kasing kulay ng dagat

Na parang ikaw
Na sa lalim mo ay di na napansin nalulunod na pala
ako
Unti-unti na palang lumulubog ang relasyong ito

Kahel, kulay ng langit paglumulubog na ang araw

Sumisimbol na kailangan ko ng bumitaw dahil
tapos na tayo
Pero kahel din ang kulay ng langit habang pasikat
ang araw
Nagsasabing malayo pa ako sa dulo, panibagong
araw, babangon ako

Muling iniangat ang pinsel

Nagsimulang pinturahan ang blangkong papel
Unti unting bumabangon
Unti unting umaahon

Natutunan ko na hindi ka talaga nagiging masaya

Pag di mo kinilala ang lungkot na iyong nadarama
Hindi mo kailangan na mahalin ka ng ibang tao
Para matutunan mong mahalin ang sarili mo

Sa mga nagmamahal at magmamahal pa lang

Naway di niyo ipagpalit ang mga taong nauna
Sa mga taong bigla kang pinasaya
Pero pansamantala lang pala

Bakit ako nagpipinta?

Bukod sa malaya ka sa paggamit ng pintura
Inaayos ko pa ang mga kulay na ginulo niya
At gusto kong masaksihan kung ano pa ang pwede
kong ipintura sa aking kanyamaso kasama si
tadhana