AMAM QUNQANKICHU

(willakuy)

Kasqas huk warmacha Waman sutiyuq, Puma Ranrapi llapallan ayllunwan

yachasqa, kasqas allquchan chupa qati sutiyuq, chaynatas suticharasuqa yanqa
kinkinpa chupanta kanispa muyuptin, chay allquchanwansi huk puchaw
qispirusqaku Awkis Kuchu qaqata chaypis machaypi tullukunata tarirusqa,
chaynallataq manka pakisqakunata, yanqallata manchariruspas awilun maskaq
kutirin paysi sinchitaqa yachasqa llapa imatapas, paypwan tuparuspas nin – awiluw
haynay Awkis Kuchu qaqapim tariramuni tullukunata, paki mankakunata – willayta
tukurutinsi awilunqa kukachanta akustin willayta qallarin, - chay tullukuna
tarisqaykim punta taytanchikunapa tullunkunam chakaskunapa inkakunapam,
paykunapa churinmi kanchik, paykunam ancha yachayta saqiwaranchik, sumaq
kawasayta, llapallan ima kay pachapi, hanan pachapi, uku pachapi kaqkunata
waqaychayta, - willkallay paykunataqmi yachachachiwaranchik ima killapi papa
tarpuyta, sarata, kinuwata llapal mikuyta, chaytam ama qunqankichu wamancha –
mancha qunqasaqchu awilullay.

Paqarinintinsi achka runakuna chayamuyta qallarinku wasinman, tarpuy qallariyñas

kunan puchaw chaysi minka ruwaq, ayni ruwaq hamunku runakunaqa, chaymantas
chaqramanña tuki tukilla riyta qallarinku, chayaykuspas kukata aypukuyta qallarinku,
tayta Usqu chayna sutiyuq Wamanpa awilun kasqa, paymi sumaq pulluta pampam
mastayta qallarin chayman qawamansi, kukata aqata, llapallan, rikchaq, mikuyta
llapa imata churayta qallarinku, chaysi wamanchaqa awilunman asuykuspa tapun –
imata ruwachkanki awilullay? - Willkallay kunan punchawmi haywakuyta
yachachisayki, - imataq chay haywakuy? – kay allpa, wak mayu, wayta, rumi, taruka
purumpi rinkaq, atuq, ñuqanchik, mama pachapa wawan kanchik, chaymi pay
ninanchik llapa ima quwasqachikmanta, kunan puchaw haywakusun,
kallpachawananchikpaq, tarpuyninchik ancha sumaq lluqsinapaq.

Tayata inti

Mama killa
Quyllurkuna

Chaskakuna

Tayta wamani

Llapallan apukuna

Haywakuyta tukuykuntim llapallam runakuna llamkayta qallarinku kusisqallaña.

Huk punchaymi llaqtata waman risqa awilunwan, chaypis hatun ñawinwan qawasqa,
imayna runakuna chiqninakusqanta, chaynalllataq qawasqa maukunata pasaypaq
qachata, runas patintina wakman kayman mana yuyayniyuq hina purichkanku,
kallikunapis llaqata masinkuta tarirunku yarqaymanta qullqita mañakuqta, iskay
runas wamnataqa awiluntinta quechuapi rimasqankuta uyariruspa asipayan, chaysi
wamanqa tapun awilunta, ama pinqakuchu willkallay kay rimayninchikmanta aswan
waqaychanayki, kay runakunaqa qunqarunkuñam maymanta hamusqankuta,
qamqa aman qunqankichu ninsi wamanchata- aw awiluy manchik qunqasaqchu
kasqanchiktaqa, chaysi kutikunku kusisqa llaqatankuman.