Name: Chibuzo Nelia C.

Nwaogbo Date: November 6, 2019

Grade & Section: Grade 12-A (Stem) Marka: _____________
Huwag Gawing Solusyon ang Pangingibang Bansa sa Kahirapan
Marami ang offer ngayon sa mga pilipinong manggawa sa ibang bansa para magtrabaho, kagaya nang mga
bansang Israel, Hong Kong at China. Ito ang nakikita nang gobyerno para maiahon ang mga Pilipino sa kahirapan kaya
tumatanggap sila nang mga ganitong offer kahit na kabi-kabila na ang pag mamaltrato nang mga banyaga sa mga
manggagawang Pilipino. Ang pangingibang bansa ay isa sa mga naiisip na solusyon ng bawat Pilipino sa ating bansa
upang mapaunlad ang kanilang buhay at upang mapaunlad ang kanilang buhay at upang mabuhay ang kanilang pamilya.
Napakalaki din ng natutulong nito sa ating buhay, marami ang Pilipino ang bumabalik sa ating bansa na umunlad dahil sa
maganda ang nagiging kapalaran sa ibang bansa. Ngunit sa kabila nito marami pa ding mga Pilipino ang hindi naging
maganda ang kapalaran sa ibang bansa, idagdag mo pa ang pangungulila nila sa kanilang pamilya. Naandon na tayo na
kumikita tayo ng malaki ngunit napapalayo naman sa ating mga mahal sa buhay. nakikita dito na napakalaki ng epekto ng
pangingibang bansa ng bawat Pilipino sa ating bansa. Walang kaunlarang nagaganap sa ating bansa dahil sa halip na
mapabuti ay mas lalo lang nagiging maahirap ang buhay natin, katulad nalang ng mga kababayan nating kinikitil ang buhay
sa ibang bansa ng kanilang amo maging ang gobyerno doon. Sa aking palagay hindi dapat maging sagot sa kahirapan ang
pagtratrabaho sa ibang bansa.
Tayo bilang praktikal na pilipino,mas pinipili natin ang pagpunta sa ibang bansa dahil ang katwiran natin ay mas
malaki ang kita doon.Maraming mga studyante na nagtatapos o magtatapos palang ay pinaplano na na mangibang bansa,
kung kaya’t walang pag-unlad na nagaganap sa ating bansa. Oo maraming pilipino ang walang trabaho at ang isa sa mga
dahilan nito ay ang pangingibang bansa ng mga negosyante. Sa halip na sa ating bansa na lamang magtayo ng negosyo
upang masolusyunan ang suliranin ng kakulangan sa trabaho. Sa halip na sa sariling bansa maglingkod ay mas pinipiling
sa hindi natin sariling bansa. Lumalaki ang kita natin bilang isang indibiduwal ngunit paano naman ang ibang tao sa ating
bansa? Ang kahirapan ay isa sa pinakamalaking suliranin ng ating bansa kung magpapatuloy ang mga ganitong gawain
walang iuunlad ang ating bansa,maraming magugutom at maghihirap sa halip na umunlad tayong mga pilipino. Dapat nating
tangkilikin at isipin o isaalang alang ang ikauunlad ng ating bansa hindi lang sa pansariling kapakanan kundi para sa
nakararami.
Isa pang dahilan ay ang “labor force” ang mababang suweldo at kakulangan ng mga benepisyo sa inaalok ng
kumpanya. Dahil nakatira sila sa isang mundo na kung saan patuloy-tuloy ang pagtataas ng presyo ng bilihin habang ang
kanilang mga suweldo mananatiling isang patag na linya, karamihan sa mga Pilipinong manggagawa ay sapilitang na
naghahanap ng isang side-job o sa makahanap ng ibang trabaho. Kasalukuyang nalalaman ng karamihan sa mga Pilipino
na sa kabila ng magandang pag-aaral na kanilang nakamit, ito ay hindi pa rin sapat na upang masakop ang mga gastusin.
Nagbabayad ng maliliit na halaga ang mga propesyonal na trabaho sa Pilipinas. (Nagpapakita ng pananaliksik na ang
pederal na “minimum wage” sa US ay $ 7.25 bawat isang oras o humigit-kumulang sa P326.25 bawat isang oras, na kung
saan sa Pilipinas, ang “minimum wage” ay P380 bawat araw.) Ito ang pinakang-madalas na dahilan kung bakit maraming
ang mas ginugusto na magtrabaho sa ibang bansa upang kumita ng mas maraming pera.
Isa rin sa hindi maiwasan na epekto ang “Brain Drain”, mas lalo pa sa mga bansa na kung saan ang mga miyembro
ay nakatutok sa kanilang indibidwal na pamumuhay. Para sa bawat Pilipinong propesyonal na napupunta sa ibang bansa,
iyon ay isa pang miyembro ng komunidad na nawala; yung miyembro na iyon na maaaring sana makatulong sa iba.
Hangga’t patuloy ang mga Pilipino sa pag-iisip tungkol lamang sa kanilang mga sarili, bilang hiwalay mula sa isa’t-isa, hindi
kailan man mangyari ang pag-uunlad. Subalit, kapag nangyari ito sa isang malaking proporsyon, hindi maiwasan ang epekto
ng “brain drain”. Hindi alam ng mga Pilipino na isang pansamantalang solusyon lamang ang pagtatrabaho sa ibang bansa.
Kung ipapatuloy ang “brain drain” sa ating bansa ay magiging tulad ng isang mumunting alon sa lawa, lumalaki na lumalaki
habang tumatagal. Kapag maraming ang mga propesyonal na umalis sa trabaho para sa ibang bansa, ano ang maiiwan
kung hindi isang malaking butas sa ekonomiya ng bansa at ‘working industry’. Dahil dito na pipilitan din ang pamahalaan
na mahanap ng paraan upang punan ang butas na ito, kahit na ito ay nangangahulugan na ang mga taong mapipili ay may
mas mababang kalidad. Ngunit hindi lamang ang mga tao ang may kasalanan. Ang pamahalaan ay may bahagi sa pagsisisi
dahil sa hindi pagtupad sa kanilang mga tungkulin tungo sa kanilang mga tao. Ang kakulangan ng mga batas at mga
patakaran na idinisenyo upang tulungan ang mga taong nakatira sa ilalim ng ‘poverty line’ ay pinipilit ang mga Pilipino na
maghanap ng mas malalang solusyon. Pinipilit ang mga Pilipino na isuporta ang kanilang sarili, kahit papel naman ito ng
pamahalaan.
Kawalan ng maayos na gobyerno at planong sosyo ekonomikal. Ito ang totoong dahilan kung bakit marami ang
naghihirap at nangingibang bansa. At lagi nating tandaan na may mga bagay na mas mahalaga kaysa sa pera, matuto tayo
sa kung ano ang tunay na kaligayahan at ang tiyak na pag-asa sa hinaharap. Hindi sa pera o kung saan ka nakatira, kundi
sa kaalaman sa Diyos at sa mga layunin niya para sa atin. (Juan 17:3) Lagi din nating tandaan na ang pamilya ay mas
mahalaga kaysa sa pera. Hindi ang maraming pera ang batayan sa masaya at masaganang pamumuhay. Matuto tayong
makuntento kung ano ang ibinigay sa atin nang puong maykapal, ngunit hindi rin naman masama ang mangarap at
magsumikap na ma-iahon ang ating pamilya sa kahirapan basta matuto tayong tumingin sa ating pinanggalingan.