Sa panahon natin ngayon, marami sa atin ngayon ang di alam kung
ano ang mga ginawa ng ating mga bayani, marami satin di alam kung pano tayo pinagtanggol, pano tayo pinaglaban ng ating mga bayani sa mga Kastila, mga Hapones at iba pang mga mananakop na nagtangkang sakopin ang ating bansa. Hindi natin maikakaila na tayo sa ating sarili na nawawala na ang ating pagkamakabayan at pagmamahal sating bansa ngayon. Marami din satin na mas pinapahalagahan o mas tinatangkilik pa ang mga gawa, musika, o mapa lenggwahe man ng mga taga ibang bansa at nakakabahala ito na baka makalimot tayo kung saang lugar tayo galing, makalimot tayo kung ano ang pinaglaban ng ating mga bayani, kung bakit nila ibinuwis ang kanilang mga buhay para makamit lang ang ating Kalayaan na natatamasa natin hanggang sa ngayon. Hindi naman masama tumangkilik ng mga hindi atin pero sana huwag tayo makalimot kung anong meron satin, sabi nga ng ating pambansang bayani na si Gat Jose Rizal, “Ang hindi marunong magmahal sa sariling wika ay daig pa ang hayop at malansang isda”. Sino nga ba si Dr. Jose Rizal? Siya ang ating pambasang bayani. Siya ay isang illustrado. Siya ay isang Doktor, Siya ay isang henyo sa ano mang larangang kanyan mapili. Siya ang may akda ng mga nobelang Noli me Tangere o Wag mo ako hawakan sa tagalog, at El filibusterismo. Pero lingid sa ating mga kaalaman siya ay isang huwarang anak sa kanyang mga magulang at mabuting kapatid sa kanyang kuya Paciano. Makikita natin sa unang bahagi ng dokumentaryo kung pano pinakita ni Rizal ang kanyang pagmamahal sa kanyang kuya Paciano sa pamamagitan ng pagsulat ng liham bago siya bitayin sa Bagumbayan o mas kilala ngayon bilang Luneta Park. Maituturing nating isa si Paciano sa mga naging impluwensya niya upang mamulat sa mga isyu ng lipunan at sa mga kalabisan ng mga Kastila. Nabanggit din sa dokumentaryo kung paano naging isang mahalagang instrumento siya sa pagiging bayani ni Rizal. Si Paciano rin ay isang bayani, hindi man natin nabibigyan ng pansin ang kanyang kabayanihan sapagkat nakatago lang siya sa mga anino ni Rizal pero malaki ang kanyang mga naging papel sa kung ano ang mga narating ni Rizal. Hindi lang mabuting kapatid si Rizal, isa rin siyang huwarang anak sa kanyan mga magulang na sina Teodora Alonso Realonda at Francisco Mercado. Sa pamamagitan ng pagsasadula sa dokumentaryo sa kanilang pagsasama sa Hong Kong, masasabing isa itong masaya at masakit na sandal para kay Rizal. Naramdaman niya rito ang saya ng kanyang mga magulang higit sa lahat naramdaman din niya ang lungkot dahil sa mga kalbaryong dinadanas ng kanilang pamilya. Isa si Rizal sa mga mag-aaral na Pilipino na nabigyan ng tyansang makapag-aral sa Espanya, ang tawag sakanila ay mga illustrado. Binigyang diin dito kung gaano katalinong estudyante si Rizal. Bagama’t ang kanyang mga ibang kaklase ay nalulong sa sugal at casa, di naging hadlang ito sakanya bagkus naging mas pursigido pa siyang makapagtapos ng pag-aaral. Naibahagi rin satin mula sa dokumentaryong ito kung paano ang naging buhay ng ating bayani ng maipatapon siya sa Dapitan. Binigyang-diin ditto ang Rizal na naging instrumento ng pagbabago sa Dapitan. Bukod sa panggagamot ng mga pasyenteng hindi makabayad o walang kakayahang pinansyal para makapagpagamot. Nagtayo rin rito si Rizal ng paaralang naglayong mabigay ng pormal na edukasyon para sa mga kabataan. Marami pa ang mga pagbabagong nagawa ni Rizal sa Dapitan at hindi maikakailang ang karanasan niyang ito ang nagsilbing daan upang maibsan ang kanyang kalungkutan at panghihina dahil sa pagkabilango. Mapapansin natin dito na kahit ano pang problema o kalbaryo ang humadlang sa ating bayani ay hindi ito magiging rason upang hindi tumulong sa ating kapwa. Ipinakita niya rito kung gaano niya talaga kamahal ang kanyang lupang sinilangan, gaano niya kamahal ang kanyang mga kababayan. Hindi siya nagdalawang isip na tumulong na di naghahangad ng ano mang kapalit. Sa mga huling parte ng dokumentaryo ay mas lalo naging emosyonal ang mga mensahe nito. Nakatulong ang masining at madamdamin na pagbigkas ng Ang Huling Paalam ng ama at mga kapatid ni Rizal sa paghahatid ng mensahe sa mga manonood. Kung babalikan natin ang mga tanong tungkol sa mga saysay ni Rizal sa kasalukuyang panahon, walang dudang may saysay parin sa mga Pilipino ang ating pambansang bayani. Iginiit ng mga historyador sa dokumentaryo na may saysay pa rin si Rizal dahil nakalulungkot isiping nananatili pa rin sa kasalukuyan ang mga isyung panlipunan na kanyan pinaglaban noon. Hindi man perpekto si Rizal bilang isang indibidwal, maaring maging huwaran siya ng kabataang Pilipino sa pag-aaral nang mabuti at pagsisimula ng pagbabago. Tulad ng mga ginawa ni Rizal sa dapitan, maaari ring magsimula ng aksyon at makibahagi sa panlipunang pagbabago ang mga kabataang milenyal. Hindi maikakaila na malaki ang naging ambag ng masining na paglalahad at interpretasyon ng mga lihan at nobela ni Rizal upang maipakita sating mga manonood ang pagiging isang mabuting kapatid at isang mabuting anak. Pinakita rin dito kung ano ang kahalagahan ng isang pamilya at paano sila naging instrumento sa mga pagtatagumpay na natamasa ni Rizal. Tunay ngang sa kahit anong larangan ay isa siyang bayani sa lahat. Bayaning kailanman ay hindi malilimutan ng bawat Pilipino. Walang kalayaang natatamasa ang mga Pilipino ngayon kung hindi dahil sa pag- aksyon ni Rizal. Kamatayan man niya ang kapalit hindi parin siya natakot at napaghinaan ng loob bagkus ito pa ang naging daan para magtulong tulong ang iba pang mga bayani para makamit ang ating kalayaan. Ngunit marami satin ngayon ang hindi na nagbibigay halaga o importansya sa mga nagawa ng ating mga bayani satin. Marami sa atin ang nagiging hipokrito lalo na pag patungkol ito sa ating kababayan at ito ang pinaka-ayaw ni Rizal na ugali ng mga Pilipino. Nakasulat sa isa sa mga nobela ni Rizal na ito ang isa sa pinakagrabeng sakit ng lipunan at mapaghanggang ngayon ay isa pa rin ito sa mga ugali ng Pilipino. Kaya mahalin natin ang ating kapwa Pilipino, mahalin natin ang ating bayang sinilangan. Para san pa at namatay si Rizal kung tayo hindi natin magawang mahalin at pahalagahan ang ating inang bayan.