Ano nga ba ang kahalagahan ng wikang fiipino at ibat ibang katutubong
wika sa ating bansa? Ano nalang kaya ang mangyayari sa bansang sinilangan kapag tuluyang maglaho ang ating mga katutubong wika? Ang Pilipinas ay nagsisilbing tahanan ng mahigit 130 na katutubong wika na siyang ginagamit sa pakikipagtalastasan, pagbibigay impormasyon at pakikipag usap ng mga Pilipino. Ang mga wikang katutubo ang siyang nagsisilbing batayan ng wikanng Filipino. Sa panahon ngayon nanganganib na ang gating mga wikang katutubo sapagkat mas tinatangkilik na ng mga kabataan ang wika ng mga dayuhan na siyang hindi dapat sapagkat parang nababale wala na ang ipinaglaban ng ating mga bayani. Hindi masama na matuto tayo ng mga wikang dayuhan ngunit huwag din nating kalimutang pausbungin at tangkilikin an gating mga katutubong wika Ang mga wikang katutubo ay nararapat alagaan at panatilihin dahil ito ay pamana ng ating mga ninuno sa atin. Isa na itong bahagi ng ating kultura at pagkatao. Sadyang napakahalaga ng wikang katutubo dahil ito ang sumasalamin sa ating pagka Pilipino. Kung sakaling maglaho man ang isa sa ating mga katutubong wika ay parang may isang bahagi ng ating pagkatao ang mawawala. Kaya ating palaguin at preserbahin ang wika ng ating mga katutubo upang mapanatili ang ating mga kultura at pagkakakilanlan bilang mga Pilipino.