PANALANGIN NG BAYAN

Arsobispo
Dapat nating paghandaan ang pagdating ng
Panginoong Hesus sa wakas ng panahon.
Humingi tayo ng tulong sa Diyos at ating
sambitin:

Tugon: Maawaing Diyos, dinggin Mo ang

aming Panalangin.

Para sa mga namumuno sa Simbahan, upang

pangunahan nila ng kanilang halimbawa ang Bayan
ng Diyos sa paghahanda para sa wakas ng panahon,
manalangin tayo sa Panginoon. Tugon.

Para sa mga namumuno sa ating bansa, upang

mapagbago nila ang ating lipunan bilang
paghahanda sa bagong lupa at bagong langit na
lilikhain ng Diyos, manalangin tayo sa Panginoon.
Tugon.

Para sa ating pamayanan, upang ito ay maging

patikim ng ligaya at katiwasayang mamamayani sa
tahanan ng Diyos sa wakas ng panahon,
manalangin tayo sa Panginoon. Tugon.
Para sa mga seminarista, upang masalamin sa
kanilang mga buhay ang maligayang pananabik sa
paghahari ng Diyos, manalangin tayo sa Panginoon.
Tugon.

Para kay Reberendo Padre Eugenio Valencia, at sa

lahat ng mga yumaong umasa sa pagbabalik ng
Panginoon, upang tamasahin nila ang kaluwalhatian
sa Kanyang kaharian, manalangin tayo sa
Panginoon. Tugon.

Arsobispo
O maawain at mapagmahal na Diyos, isugo Mo
sa amin ang Iyong Espiritung Banal upang
ihanda kami sa pagbabalik sa wakas ng
panahon ng Iyong Anak na si Hesukristong
aming Panginoon.

Lahat
Amen.