Ako’y simpleng Mamayan sa lungsod ng Ilocos Norte na dumayo pa sa
lungsod ng Bulacan para mag-aral ng kolehiyo sa Baliwag Maritime Academy. Dito na magsisimula ang pagtupad ko sa aking mga pangarap na maging marino. Unang araw sa akademya ay hindi biro. Pagpatak ng alas kwatro ng umaga, maririnig ang torotot na nag-sisilbing pang-gising sa natutulog naming diwa sabay sigaw ng aming mga barracks commander ng “GISING NA!”. Mahirap maging isang kadete sa isang akademya na eskewelahan ngunit sa hirap na pinagdadaanan ko araw-araw ay ito naman ang nagsisilbing inspirasyon ko para sa pagkamit ng aking pangarap. Antok na palaging dumadalaw tuwing pagsapit ng klase ngunit kailangang labanan para sa kinabukasan. Ang mga magulang ko ang nagsisilbing inspirasyon ko at pinaghuhugutan ko ng lakas para sa pagtupad ng aking mga pangarap. Nang matapos ko ang dalawang taon na pag-aaral ay kailangan ko nang mag OJT(on the job training). Kumuha ako ng pagsusulit sa isang international na kompanya at sa awa ng Diyos ay nakapasa ako. Labing walong buwan akong nanilbihan sa kompanya bago ako pasampahin ng barko. At dumating na nga yung araw na pinakahihintay ko, ang unang pagsampa ko sa barko. Diko maintindihan ang nararamdaman ko na naghahalong sabik at kaba dahil dito ko na malalaman kung ano talaga ang buhay ng isang marino. “Welcome aboard” yan ang unang narinig ko pagtungtong ko sa barko, salitang masarap pakinggan pero diyan mo mararanasan ang paghihirap na hindi mo inaasahan. Hindi madali ang unang buwan ko sa barko. Hindi makatulog dahil sa pag-gulong at naririnig kong hampas ng alon. Pero kailangan ko paring maging matatag dahil ito ang pinili kong propesyon. Walang madaling trabaho ika nga nila. Kailangan mo talagang magsakripisyo para sa magiging kinabukasan. Pero ba’t madaming nagsasabi na pag marino “maraming babae” agad? Hindi ba pwedeng pag marino “puro kalyo at grasa ang kamay, kapalit ng magandang buhay”? Masarap na mahirap ang pagiging isang marino. Masarap kase nakakabyahe ka ng libre sa ibat-ibang bansa, ngunit mahirap kase maliban sa hirap ng trabaho ay pananabik na makasama mo ang pamilya. Walong buwan na kontrata ang kailangan kong tapusin. Nagsisimula ang aming trabaho pagpatak ng alas otso (8:00) ng umaga. Minsan ay isang buwang biyahe na puro dagat at ibon lang ang nakikita. Minsan tinatanong ko nalang sa sarili ko; “bat nga ba ako nag marino”?...