SAKSI NIYA
Saksi niya ang mga taong mga
Saksi niya itong pagkasira,
ang pagkasira- sa itong mundong
kalikasan.
itong mundong kalikasan- na ngayon
ay gibang giba na.
Gibang giba na- na tila'y wala nang
pag-asa.
Saksi niya itong mga puno,
mga punong noon na hambog sa
bitamina-
mga punong, mapagmataas, matayog-
ngunit, ngayon ay mga putol na,
nabuwal, nalanta, binalewala.
Saksi niya itong dagat at lawa,
ang dagat at lawa na noon ay
linalanguyan-
ang dagat at lawa na noon ay kalinis-
linis,
ngayon ay tila'y isang tamabakan,
basurahan-
itim at pinabayaan.
Saksi niya lahat at siya'y nawalan ng
pag-asa.
Nawalan siya ng pag-asa at napaisip,
"Oh, ano ba ang nangyari rito?"
sapagkat, saan man siya mag tungo,
ang nakikita ay pare-pareho.
basura’y kinakalat.
Sinubukan niyang pigilan,
ngunit ang mga tao’y bingi-bingihan
sa kaniyang iyak.
Siya'y 'di pinansin, hinayaan,
dinaanan-
parang balat ng kendi na
isinasawalang bahala at inaapak-
apakan.
Siya'y bumuntong hininga,
nanginginig, nangangamba,
na baka siya'y mawalan ng pag-asa.
Nakatulala, walang imik
ang damdami'y napupuno ng tinik.
Saksi niya lahat. Saksi ng Inang
Kalikasan.
Saksi ng Inang Kalikasan ang
pagtakbo ng oras, kasabay ng
pagkasira nitong mundong kalikasan.
Saksi niya lahat, at Ilang oras nalang-
ilang oras nalang ang natitira, dahil
tila'y mga tao ay tuwang-tuwa.
Tuwang tuwa sa kanilang ginagawa,
ginagawang pagsisira, pagpapabaya-
Ngunit, hindi nila naiisip, hindi natin
naiisip: kapag nasira, tayo rin ang
magdudusa
PANGALAN: LLANNA DRIZELLE V. GADI
GR. 9- ST. AMBROSE