Banghay Aralin sa Araling Panlipunan

Para sa ika-apat na Baitang

Inihanda ni: Jael, Rosemiah B.

I. Layunin

Sa loob ng limampung- minuto ang mag-aaral ay inaasahan na:

a. Natatalakay ang konsepto ng bansa;
b. Nakapagbubuo ng kahulugan ng bansa; at
c. Naipapaliwanag na ang Pilipinas ay isang bansa.
II. Nilalaman
a. Paksang aralin: Pagkilala sa Bansa
b. Sanggunian: Araling Panlipunan Curriculum guide Page: 85
c. Kagamitan: Mga larawan, Manila paper, Pentel pen, Cartolina
III. Pamamaraan
A. Panimulang Gawain
a. Pambungad na panalangin- ang guro ay pipili ng isang studyante mula
sa kanyang klase para sa panalangin.
b. Pagbati- ang guro ay babati sa kanyang studyante, gayundin ang mga
studyante sa kanilang guro.
c. Pagtala ng liban- ang guro ay magtatanong a kanyang mag-aaral Kung
may lumiban ba sa klase.
d. Pagbabalik aral- Ang guro ay magbalik tanaw sa nakaraang diskusyon.
Gabay na tanong- ano ang tinalakay natin noong nakaraang araw?
B. Panlinang na Gawain
a. Pagganyak- Hahatiin ng guro ang klase sa apat na pangkat. Bawat
pangkat ay may iba’t-ibang larawan ng bansa na kung saan bibigyan
nila ito ng sariling kahulugano interpretasyon. Bibigyan lamang ng guro
ng tig lilimang minuto ang bawat pangkat, pagkatapos ay mamimili ang
 guro ng isang studyante mula sa iba’t-ibang pangkat upang ipaliwanag
ang kanilang ginawa.
b. Paglalahad ng paksa- Ang guro ay maglalahad ng paksa patungkol sa
pagkilala ng bansa sa kanyang mag aaral.
c. Pagtatalakay- Ang guro ay magtatalakay tungkol sa konsepto ng
bansa, kahulugan ng bansa at kung bakit ang pilipinas ay isang bansa.
d. Paglalahat- Ang guro ay tatawag ng estudyante mula sa kanyang
klase upang malaman kung may natutunan ba ang mga ito patungkol
sa kanyang itinalakay.
Gabay na tanong- ano ang inyong natutunan patungkol sa ating
diskusyon sa araw na ito?
e. Paglalapat- ang guro ay magbibigay ng pagsusulit.
Sagutin:
1. Ano ang kahulugan ng bansa?
2. Ano-ano ang katangian ng isang lugar para masabing isa itong
bansa?
3. Nakit maituturing na isang bansa ang pilipinas?

IV. Pagtataya
Panuto: ang guro ay mag bibigay ng indibidwal na Gawain na kung saan ang
mag aaral ay babasa ng maikling tula, at isulat ang mga salitang
nagpapatunay na ang pilipinas ay isang bansa.

Pilipinas, Isang Bansa

Ni Ynnos Azaban

Pilipinas, isang bansa

Tao’y tunay na Malaya
Mayroong namamahala
May sariling teritoryo
Para talaga sa tao.
V. Takdang Aralin
Panuto: Lagyan ng tsek (/) ang bilang ng pangungusap na nagsasabi ng
katangian ng isang lugar para maituring na isang bansa.
Gawin ito sa sagutang papel.

1. May mga mamamayang naninirahan sa bansa.

2. Pinamamahalaan ng iba pang bansa.
3. Binubuo ng tao, pamahalaan, at teritoryo lamang.
4. May sariling pamahalaan.
5. May sariling teritoryo at tumutukoy sa lupain at katubigan kasama na
ang himpapawid at kalawakan sa itaas nito.