Bata kag tigulang, maestro kag maestro Labi na sa halangdon nga mga hurado Maayong adlaw sa inyo nga tanan.
Pamati-i ninyo ining binalaybay nakon
Ini nagatuad sang tul-id nga leksiyon Nga ang kalibutan gintugyan sa aton Sang aton tag tuga, agud palanggaon.
Si lolo kag lola nagapanugiron
Sang mga hitabo sang unang dinag-on Tag-init kag tag-ulan, ila gid mapaktan May ara pa sistema ining kalibutan.
Madabong kayo ang mga kakahuyan
Matinlo ang tubig sa sapa kag kasubaan Ang namog kag tun-og gaputos sang kaagahon Sanag sang bulan, iwag sa kasisidmon.
Apang, ngaa ginpasipakpakan?
Ang iloy nga natura kag dutang puluy-an Anhon ta pa bala ining kauswagan? Kon sang kalaglagan, ini pa ang bangdan.
Aton nga Makita, kalbong kabukiran
Kay pang-uling lang kuno ang pangabuhian Gatiphag ang banglid, gabaha ang dalan Kay wala na ang kahoy, mapugong sini tanan.
Gabuga ang salakyan sang maitom nga asò
Mga factorya wala na mamentenar sang husto Suba kag baybayon napun-an sang higko Ang dapya sang hangin makahililo.
Mabaskog nga bagyo parehas kay Yolanda
Epekto sang indi balance nga klima La Niňa, El Niňo, ngaa nagakatabo? Natural lang bala ini? Hindi! Ini kahimuan sang tawo.
Wala bala ninyo sa t.v. makit-an?
Ang baha sa middle East kag linog sa Japan. Kag si sin-o karon ang dapat sukmatan? Kay aton man ini tanan kahimuan.
Kainit kayo mabatyagan naton
Kay ang ozone layer gin wasak sang carbon Kay wala na ang kahoy sarang makasala Sang mahigko nga asò, sang salakyan gintugna.
Paano karon, kami nga kabataan?
May paglaum pa ayhan manumbalik ang tanan? Dumduma ninyo, kita ang nagguba Sining kalibutan nga aton puloy-an.
Pananom sang kahoy, tagaan importansya
Indi pagsunugon ang aton basura Programa para sa kaayuhan aton istriktuhon Agud mag hagan-hagan halit nga polusyon.
Aton panimalay, aton man tinluan
Agud balatian aton malikawan Pananom sang prutas kag mga ulutanon Aton nga buhaton, umpisahan na subong!
Likawan man naton maglapta sang basura
Aton painun mga plastic kag lata Ang indi madunot i-recycle ta Kag aton man mapuslan sa aton kabuhian.
O, Nanay, Tatay, Toto kag Inday
Maghugpong kita tanan kag magbinuligay Sa pagtukod sang aton nagubang kalibutan. Naulihing henerasyon may ara pa puy-an.
Mahimo tab ala ang magsakripisyo?
Kon sa kaayuhan, man lang sa tao Aton umpisahan subong na nga daan Samtang nga indi pa ulihi ang tanan. Paalam, paalam sa inyo nga tanan Kabay sang Makaako, kita ang kaluy-an Sa liwat tawong may kaalam……… KALIBUTAN, ATON AMLIGAN!