Paratukdo na Magurang pa

By: Rhea M. Pardiñas

10- Atlas

Tigsik ko an sarong kwarto

Uminikot an buhay mi sa apat kaning kanto
Pinapusog kan bakal asin semento
Mas pinagayon kan samong mga maestra asin maestro

Tigsik ko an satong eskwelahan

Dinudumanan para may manudan
Pinapadangat pa kan panduwang magurang
Mati-mati ko an sakong kaugmahan

Tigsik ko an kapagalan
Pakilubayan man tabi an samong panduwang magurang
Pagintindi please pakilabaan
Huli ta saro sinda sa samong kayamanan

Tigsik ko man an marka ko ngunyan

Depende man sana sa mga giniribo ko sa nakaaging bulan
Maogma ta dakol akong nanudan
Dahil yan sa sakong maestra ngunyan

Tigsik ko naman an saro sa satong mga padangat

An mga maestro asin maestra na sato nag-aangat
Dae minamati kun gaano kagabat
An mga trabahong pirmi sainda nagsasabat

Tigsik ko an sakong pasasalamat

Na marhay sanang ipasabot sa buong kinaban
An maestro asin maestra ko na sakong magurang
Dae ko man kadugo pero pinapadangat kami nin daeng kasagkoran

Tigsik ko mahuri an aldaw nin mga paratukdo

Pagtaong honra sa gabos na maestro asin maestra
Pag-celebrar kan saindang kahigusan asin kapusugan
Na an gabos na estudyante magkaigwang marhay na kamugtakan