Professional Documents
Culture Documents
Lakbay Sanaysay
Lakbay Sanaysay
Isa ito sa
mga bagay sa buhay ko na masarap balik-balikan. Tunay nga na napakabilis ng panahon na parang
kailan lang noong ako'y musmos pa. Ang panahon kung kailan ko natutunan pahalagahan ang mga
simpleng bagay tulad ng mga mumurahing laruan. Naalala ko na napakasaya ko noon sa tuwing
umuuwi ang aking tatay galing sa trabaho dala-dala niya ang laruang ibibigay na sa akin.
Madalas din na kami ay maliligo sa ulan at maglalaro ng patintero sa likuran ng aming kapit-bahay.
Sabay-sabay din kaming tatakbo kapag nakita namin ang may ari. Naaalala ko rin na inaabot ako
ng gabi sa kalye kakalaro at mabilis na tatakbo patungo sa bahay kapag nakitang may dala na
pamalo si nanay. Isa rin sa mga ala-alang hindi ko makakalimutan ay ang mga kinakain namin
noon tulad ng mikmik, mga chichiryang may mga laruan sa loob at may kasamang mga pang tatu.
Kapag naaalala ko ang panahon na kung saan ang aking nanay ay ang aking tagapagturo
sa aking pag-aaral noon ay natatawa ako. Sampal dito sampal doon kapag hindi ko masagot ang
kanyang mga katanungan. Napakabilis ng paglipas ng panahon. Marami ang nagbago. Ang mga
kaibigan ko noon na kasama kong bumuo ng mga masaya at magandang alaala, ay para nang
stranger ngayon. Hinding-hindi ko kakalimutan ang mga alaala ng aking pagkabata kasi kung
hindi dahil sa aking mga karanasan at sa mga naging kaibigan ko ay hindi ako magiging kung sino
ako ngayon.