Schools Division of Pampanga DELA PAZ- LIBUTAD HIGH SCHOOL Teacher’s Village Dela Paz, San Simon, Pampanga Narrative Report on Hiraya Theater Production “Tatlo Buo”
Agosto 23, 2019
Handog ng Hiraya Theater Production ang “Tatlong Buo”, istorya ito ng tatlong magkakaibang personalidad na sinubok ng hamon ng buhay, natutong tumayo at lumaban at kung paano sila pagtatagpuin ng tadhana. Ang pagtatanghal ay ginanap noong ika-14 ng Agosto 2019 sa Bren Z. Guiao Convention Center na dinaluhan ng mga mag-aaral ng Dela Paz- Libutad High School gayundin ng mga mag-aaral mula sa ibat-ibang paaralan. Sinimulan ang programa sa isang panalangin na pinangunahan ng mismong director ng dula na si “Chaps” Manansala .Ito’y sinundan naman ng kaunting paalala sa manonood upang maging maayos ang daloy palabas. Punong-puno ng aral ang dula, isa na dito ang paniniwala na may dahilan ang bawat pagsubok na nararanasan sa buhay. Lahat ng problema ay masosolusyonan basta maniwala ka lang sa Maykapal. Para lalong madagdagan ang magandang karanasan, kasunod ng dula ay isang “mini variety show” na pinangunahan ng tatlong stand up comedians at mga piling celebrity guest. Sa kabuuan, naging masaya ang lahat sa pagwawakas ng pagtatanghal bitbit ang mga aral na iniwan nito sa puso ng bawat isa.