1. Ano ang kahalagahan ng wika sa pagpapaunlad ng kultura?
Ang wika, para sa atin ay isang bital na elemento sa pagpapakalat,
pagpapalaganap at pagpapaunlad ng mga iba’t ibang idea sa mundo at sa mga nakapaligid saatin, kung sa gayon ay mailalapat din ang parehong kahalagahan, layunin at kaisipan sa pagpapaunlad ng kultura. Sa pamamagitan ng wika ay mas nagkakaroon ng saysay ang iba-iba at samu’t saring mga paniniwala at pamamaraan sa pangaraw-araw na buhay, samakatuwid ay mas nagiging malinaw at nasa punto ang layuning makapagpayaman ng mga namumukod- tangi at walang katulad na kultura ng mga/isang enticidad o grupo ng mga tao sa pangkasulukuyang mundo.
2. Makatwiran bang husgahan ang kultura ng iba, Bakit?
Kailanman ay hindi naging makatarungan at makatwiran ang pagtawanan,
pagbuntunan ng hinala o husgahan ang iba’t ibang pamamaraan ng pamumuhay o kultura ng iba. Bawat kultura at paniniwala ay inilagak upang magkaroon ng natatanging pagkilala sa bawat pinagmulan ng tao sa bawat sulok ng buong mundo. Maaaring mayroong mga pagkakatulad sa mga ito, ngunit mas nangingibabaw ang pamumukod-tangi ng mga kultura sa bawat isa.
3. Bakit nakaaapekto ang heograpikal na lokasyon ng kultura at pagkatuto
nito?
Karamihan sa mga lugar na mayroong namumukod-tanging kultura ay
matatagpuan sa halos liblib na lugar o hindi kayang maabot ng signal ng telepono, telebisyon at iba pang mga pamamaraan ng komunikasyon. Dahil rito’y nagiging limitado lang sa lugar ang iba’t ibang mga kultura na ninanais ipalaganap at ikalat sa iba para sa pagpapabuti ng kalidad ng paniniwala ng nakararami saatin.
4. Ipaliwanag ang bawat elementong kultural at bigyan ng tig isang
halimbawa (Philippine Setting)
PANINIWALA (Beliefs): Nakatuon sa mga paniniwalang kinalulugdan ng mga
tao na kung saan ay tinatanggap ito bilang totoo o kapani-paniwala base sa mga kwento at kuro-kuro. MGA HALIMBAWA: mga kasabigan, pamahiin at iba pa
PAGPAPAHALAGA (Values): Pagpapalagay sa kung ano ang tama o mali, sa
nararapat o hindi nararapat na gawin. NORMS: Asal, kaugalian at kilos na nakasanayan nang maging pamantayan sa isang lipunan
SIMBOLO (Symbols): Paglalapat ng mga iba’t ibang kahulugan sa
pakikipagtalastasan
WIKA (Language): Maaring pasulat o pabigkas, ang pinakamabisang
pamamaraan ng komunikasyon
5. Paano masasabing ang teknolohiya ay isang kultura?
Masasabi nating kultura ang teknolohiya dahil sa malawak na implikasyon nito sa
pag-unlad at pagpapabuti ng iba’t ibang pamamaraang nakagisnan ng mga tao sa mga ginagawa nila sa pang-araw-araw. Bilang isa sa mga layunin ng kultura ay makapang-impluwensiya – ang teknolohiya ay lubos na nakapagpalaganap ng iba’t ibang uri ng kaalamang bital sa mga tao sa pangkasulukuyang panahon.