Kabanata 1 Batayang Konsepto ng Kultura at Kulturang

Popular
Intended Learning Outcomes:Pagkatapos ng kabanatang ito ang mga mag-aaral ay
inaasahang:
 Nakikilala ang kahulugan ng kultura at kulturang Popular
 Naisa-isa angang dimensiyon ng kultura
1.1.1Panimula

Bawat indibidwal ay may natatanging katangian at kaugalian na ikinaiba niya sa ibang

indibidwal. May sarili siyang gawi at kaparaanan para mabuhay niya ang kanyang sarili.
Natututo siyang makisalamuha sa iba gamit ang kanyang wika at sariling paraan ng pakikitungo
sa iba. Kultura ang nagpapakilala sa kanya bilang tao upang mabuhay sa mundong ibabaw. Ang
lahat na tungkol sa paniniwala at bawat kilos niya ay kultura. Mula sa pagkasilang ng isang
indibidwal ay kasapi na siya sa komplikadong sosyal na grupo. Ang pakikipamuhay niya sa
lipunang ito ay isang mahalagang pangangailangan para makamit ang mga pangarap niya sa
buhay. Kasangkot na siya sa lipunan ng kanyang pamilya, sa daigdig ng kanyang kalaro, at sa
malawak na tatahakin ng buhay kasama ang kanyang mga kapitbahay. Sa kanyang paglaki,
kasali na rin siya sa lipunan ng kanyang mga kaeskwela, kasamahan sa trabaho at sa banyagang
kultura kung ang kapalaran ay magdala sa kanya sa ibang bansa. Para sa mapayapang sosyal na
interaksyon, kailangang alam niya at maunawaan ang kultura ng iba. May isang kasabihan sa
Ingles, “It’s because we are so different from each other that we have so much to share.” Ang
pagbabahagian ng kultura ay kaalaman sa pagkilala sa pamamaraan ng pamumuhay ng bawat
isa. Ang pag-unawa nito ay malaking salik para sa mapayapang pagsasamahan sa kahit anong
lipunan.

1.1.2 Kahulugan ng Kultura

Ang salitang kultura ay may katumbas na salitang “kalinangan” na may salitang ugat na
linang (cultivate) at linangin (to develop/to cultivate). Ayon kay Salazar, walang kulturang hindi
dala ng isang wika bilang saligan at kaluluwa na siyang bumubuo, humuhubog, at
nagbibigaydiwa sa kulturang ito.

Iba pang kahulugan ng Kultura:

Kulturang Popular
Page 3 of 9
Module

USMKCC-COL-F-050
1. Timbreza (2008). Ang kalinangan o kultura ay siyang lumilinang at humuhubog sa pag-iisip,
pag-uugali, at gawain ng tao. Ang kultura ay kabuuan ng mga natamong gawain, mga
natutunang huwaran ng pag-uugali at mga paraan ng pamumuhay sa isang takdang panahon ng
isang lahi o mga tao. Ang lahat ng nakuhang gawain, mabuti o masama mang pag-uugali mula
sa kinagisnan ay kultura.
2. Edward Burnett Tylor. Ama ng Antropolohiya. Ang kultura ay isang kabuuang kompleks na
may malawak na saklaw sapagkat kabilang dito ang kaalaman, paniniwala, sining, moral/valyu,
kaugalian ng tao bilang miyembro ng isang lipunan. Ang kultura ay matututuhan ng tao bilang
miyembro ng isang lipunan. Ito ay tumutukoy sa lahat ng natutuhan ng isang indibidwal.

3. Leslie A White. Ang kultura ay isang organisasyong penomena na sumasaklaw sa aksyon

(paraan ng pag-uugali) bagay (kagamitan) at iba pang mga kasangkapan, ideya (paniniwala at
kaalaman), at sentiment (karakter/kilos ar valyu). Ang kultura ay ang kabuuang paraan ng
pamumuhay na sinusunod ng mga tao at binubuo ng lahat ng natutunan at naibabahagi ng tao
sa isang komunidad.

4. Ayon sa mga antropolohista, ang kultura ay lahat ng natutuhang beheybyur at resulta kung
papaano pinahahalagahan ng tao ang mga natutuhan niya na tinatawag na cognitions - ang
pagkaalam sa lahat ng bagay na nagbibigay-patnubay sa tao sa pagkilala niya sa kapaligiran at
sa ibang tao.

5. Donna M. Gollnick, et al. (2009). Ang kultura ay ginagamit para sa maayos na paraan ng may
kapangyarihan at mga makapangyarihang tao, dahil ang mga taong may kaalam sa kasaysayan,
literatura, at sining ang siya lamang may kultura ayon sa unang paniniwala. Ang paniniwalang
ito ay binatikos ng mga antropolohista.

Kulturang Popular
Page 4 of 9
Module

USMKCC-COL-F-050
6. Hudson (1980). Ang kultura ay socially achieved knowledge. Nakukuha ang kultura sa mga
kasamahan na nasa paligid lamang. Mula sa pagkabata, may mga kulturang nakuha mula sa
mga magulang, kapatid, mga kalaro o mga kapitbahay. Paglaki ng isang tao, may kulturang
natutunan niya mula sa kanyang kagrupo, mga kaeskwela, kasamahan sa opisina mga barkada,
at mga kaibigan.

7. Ward Goodenough (2006). Ang kultura ay patterns of behavior (way of life) and patterns for
behavior (designed for that life). May kulturang ginagawa o sinusunod dahil iyon ang
kinasanayan o kinagisnan ng isang grupo o pangkat. Maaring mg kaugalian o ikinikilos ng mga
grupo ng tao na ginagawa o pinaniniwalaan nila dahil sa iyon lamang ang dapat sa grupo nila.
1.1. 2.1 Dimensiyon ng Kultura
Madalas na ituring ang kultura bilang imbentaryo ng mga paksa lamang—isang listahan
ng mga katunayan (o facts), datos, at iba pang impormasyon. Ngunit ang kultura ay dinamiko
rin, buhay na penomenong isinasabuhay araw-araw ng mga tunay na tao, magkakasama man o
nag-iisa, habang dinaranas ang pinagsasaluhan nilang paraan ng pamumuhay at habang
lumilikha ng kanilang kasaysayan. Sa pagtuturo ng kultura sa klasrum, kung gayon, kailangan
ang isang perspektibang magsasaalang-alang sa dinamismo ng kultura at sa pinag-uugatan
nitong mga konteksto. Hihiramin ko ang depinisyon ng kultura ni Patrick R. Moran sa kaniyang
aklat na Teaching Culture: Perspectives in Practice (2001). Para sa kaniya: “Ang kultura ay isang
patuloy na nagbabagong paraan ng pamumuhay ng isang grupo ng tao o pamayanan, binubuo
ng pinagsasaluhang mga praktika o gawaing nakaugnay sa pinagsasaluhang mga produkto,
batay sa pinagsasaluhang mga pananaw sa mundo, at nakalugar sa tiyak na mga panlipunang
konteksto”
Ang kabatiran ng isang kultura ay lubos na maipapaliwanag sa lawak o hangganan na
maaraing makaapekto o maging pinagmulan ng isang kultura, ang lawak na ito ay tinatawag na
dimensiyon.
1. Produkto.

Kulturang Popular
Page 5 of 9
Module

USMKCC-COL-F-050
 Lahat ng bagay na nilikha ng mga miyembro ng kultura, kasama na iyong mula sa
kapaligiran at iyong inangkin mula sa banyagang kultura. Saklaw nito ang mga
nahahawakang bagay tulad ng kagamitan, pananamit, gusali hanggang sa mas
komplikado ngunit dinaranas pa ring mga likha tulad ng iba’t ibang sining hanggang sa
mga institusyon tulad ng pamilya, edukasyon, ekonomiya, politika, at relihiyon.
Produkto rin ng kultura ang wika.
2. Praktika
Mga ginagawa ng mga miyembro ng kultura nang mag-isa man o magkakasama.
Kabilang dito ang paggamit ng wika at iba pang anyo ng komunikasyon, mga gawaing
iniuugnay sa mga grupong panlipunan, at paggamit ng mga produkto.
3. Pananaw
Mga persepsiyon o pagtingin (kung ano ang nabubuong idea batay sa
obserbasyon), paniniwala (kung ano ang ipinapalagay na tama at mali), pagpapahalaga
(kung ano ang ipinapalagay na mabuti at masama), at saloobin na nagiging batayan ng
paglikha ng mga produkto at gumagabay sa mga tao at pamayanan sa paglikha at
pagdanas nila ng kultura. Ang mga pananaw na ito ay maaaring hayag o nakatago.
Pinagmumulan din ang mga ito ng kahulugan at siyang nagbibigay ng natatanging
pagtingin o oryentasyon sa buhay—isang pananaw-sa-daigdig.
4. Pamayanan
Tumutukoy sa mga tiyak na panlipunang konteksto at grupo ng mga taong
nagsasagawa ng mga panlipunang gawain. Saklaw nito ang malalawak at pabago-bagong
hugis na mga pamayanan tulad ng bansa, kasarian, lahi, relihiyon, uri, henerasyon
hanggang sa mas makikitid na pagpapangkat gaya ng lokal na partidong politikal,
samahan, pamilya. Ang mga pamayanang ito ay sabayang umiiral sa loob ng isang
pambansang kultura at may iba’t ibang ugnayan sa isa’t isa: separasyon, kooperasyon,
kolaborasyon, tunggalian.
5. Tao

Kulturang Popular
Page 6 of 9
Module

USMKCC-COL-F-050
 Tumutukoy sa mga indibidwal na miyembro ng kultura at mga pamayanan.
Nananahan ang kultura sa mga indibidwal na tao at sa iba’t ibang panlipunang grupo o
pamayanan para isagawa ang kanilang pang-araw-araw na buhay. Ang kultura, kung
gayon, ay kapuwa indibidwal at kolektibo.

1.1.3 Kahulugan ng Kulturang Popular

Ang kulturang popular ay masasabi nating isang paraan ng mga tao para maramdaman
ang pagtanggap sa kanila ng nakararami. Ang pag-ayon sa kulturang popular, ang nagpapadama
sa mga tao na tanggap sila sa modernismo dahil ang kulturang popular ay kadalasang
nagmumula sa mga modernong produkto ng mga kumpanya at modernong mga bansa. Ang
kulturang popular ang kadalasang nagbibigay ng depinisyon kung ano ang maganda at kung ano
ang katanggap-tanggap. Ang kulturang popular ay maaaring teknolohiya, pagkain, kasuotan,
musika at iba pa. Ito ay ang mga pinagsasama-samang kultura na itinatakda ng
makakapangyarihang tao, kumpanya at bansa. Ginagamit ito ng mga ordinaryong tao para
maipahayag ang kanilang pagsang-ayon sa isang kultura, pati na rin maipakilala ang kanilang
sarili.

Ang kulturang popular ay ang tinatangkilik ng karamihan sa lipunan, halimbawa ang mga
pelikula at ang mga teleserye, sa mga damit na sinusuot at ang mga artista na tinitingalaan
namin – lahat ito ay nasa sakop ng kulturang popular. Ang ng ginagawa naming, sa mga salita at
ang mga akysons – ito ang subconscious na pagnanais sa mga bagay na popular sa karamihan.

Gumagawa ang pagnanais na umiral sa kulturang popular ang konsepto ng sado-

masokismo. Ito ang kagustuhan para makukuha ng kasiyahan sa pagkuha ng mga bagay na
tinatawag naming ‘kulturang popular.’ Isang halimbawa ay ang kagustuhan ng bagong tatak ng
Nike o Adidas na sapatos . Kahit mataas ang presyo nila, ang pangangailangan ng mga bagay na
ito ay lumamang ng mas importanteng at mapakikinabangan na bagay. Ito ang negatibong
aspekto ng sado-masokism sa kultura namin. Ito ang dahilan kung bakit may mga bagay na may

Kulturang Popular
Page 7 of 9
Module

USMKCC-COL-F-050
pekeng tatak katulad sa mga bagay na binebenta sa Greenhills. Ang layunin ng mga ito ay para
lang matutupad ng kasiyahan sa pamamagitan ng kahulugan na binibigay ng isang tatak.

Nagmula ang kulturang popular sa mga sentro ng lipunan. Ang Maynila, ang kapital ng
Pilipinas, ay isang halimbawa – dumadaloy ng maraming internasyonal na negosyo sa mga
sentro ng bayan dahil maraming ginaganap na mangalakal dito . Dahil iyon, malaki ang
impluensya nila sa lipunan at ang pagkalantad sa mga internasyonal na produkto. Tumutulong
ang nosyon na laging maganda ang mga dayuhang produkto sa pagkalat ng trend sa lipunan. Sa
huli, dumadaloy ang impluensya ng mga ito sa mga iba’t ibang estado ng buhay.

1.1.4 Halaga ng Kulturang Popular

Tinitingnan ang kulturang popular bilang kasangkapan ng namamayaning kaayusan sa

lipunan na isulong at panatilihin ang kanilang interes. Sa pananaw na ito, pasibong konsyumer
lamang ang mga gumagamit ng mga produkto ng kulturang popular. Ginagamit ang mga
teleserye, reality TV, novelty songs, pick-up lines, usong pananamit at iba pa bilang libangan at
paraan na rin upang makalimutan ang mga problema kahit panandalian lamang. Sa pananaw na
ito, para tayong mga esponghang walang ibang kayang gawin kundi ang sipsipin ang lahat ng
inihahain sa atin ng naghaharing uri at ng mga galamay nila tulad halimbawa ng midya
(Tolentino, 2001; sa Bernales at Dela Cruz, 2017).
Para sa ilang kritiko ng kulturang popular, napipilay nito ang progresibong potensyal ng
mga kultural na produkto. Ikinakawing ng Frankfurt School, partikular nina Max Horkheimer at
Theodor Adorno (1972, sa Gimenez- Maceda, 1996; nasa Bernales at Dela Cruz, 2017) ang aliw
na nakukuha sa mga kulturang popular sa kawalan ng pag-iisip ng mga taong tumatangkilik dito,
paglimot sa kanilang pagdurusa at kawalan ng pag-asa. Para sa kanila, ito ay hindi pagtakas sa
mapait na realidad, kundi pagtakas sa posibilidad ng paglaban. Paniwala nila, ginagawa nitong
bulag ang masa sa mga lunas na maaari sanang makapagpabuti sa kanilang kalagayan.
Salungat sa pananaw na ito ang ilang mag-aaral ng kulturang popular. Ayon kay Gimenez-
Maceda (1996; sa Bernales at De la Cruz, 2017), napakasimplistiko kung titingnan ang mga

Kulturang Popular
Page 8 of 9
Module

USMKCC-COL-F-050
konsyumer bilang masang walang sariling pag-iisip. Sinabi niya, sa industriya ng kulturang
popular sa Pilipinas, isang porma ng elitismo ang pagtingin na repleksyon lang ng kamartiran ng
masa ang mga tema ng represyon at pang- aapi sa mga kultural na produkto.
Ayon kay Gimenez-Maceda (1996; sa Bernales at Dela Cruz, 2017), elitista ang pananaw
na pantasya at ang kagustuhang makatakas sa mga problema ang dahilan ng pagkahilig ng masa
sa mga happy ending, halimbawa, sa mga teleserye at pelikulang rom-com ng Star Cinema. Sa
ganitong batis, hindi tayo pasibong tagatanggap lamang ng kung anong ihain sa atin. Pinipili
natin kung anong produkto ang tatangkilikin at kung ano ang hindi tatangkilikin. Pinipili natin
kung anong mensahe ang paniniwalaan o kung ano ang may halaga sa atin.
Isa pang silbi ng kulturang popular ang paglikha ng kolektibong identidad. Sa
pagkonsumo ng kulturang popular, nakabubuo at nakapagpapatatag ng ugnayan ang mga tao.
Nagiging daan ito upang magkaroon sila ng palitan ng kaalaman at bahaginan ng karanasan.
Makikita ang ganitong ugnayan sa kwentuhan ng mga kasambahay sa pinanood na teleserye o
ng mga bata sa pinanood na anime, pakikipagdebate sa social media tungkol sa eskandalong
kinasasangkutan ng isang artista, o paglikha ng sariling bidyo bilang tugon sa isa pang bidyong
nauna nang naging viral at pakikipagbatuhan ng mga pick-up o hugot lines.
Sa pangkalahatan, ayon kay Tolentino (2001; sa Bernales at De la Cruz, 2017),
tinitingnan ng ilang pag- aaral ang kulturang popular bilang kulturang mapaghahanguan ng
kaalaman tungkol sa pagiging Pilipino natin. Hindi dapat kinukutya o hinuhusgahan ang mga
kasambahay na mahilig magbasa ng mga romance novel o pocketbook, mga kabataang lalaking
nag-eeksperimento sa estilo ng buhok, o iyong mga nahuhumaling sa mga teleserye sa hapon at
gabi. Mainam kung susuriin ang mga salik na nagdulot sa kanilang kumonsumo ng produkto ng
kulturang popular. Mainam kung titingnan sila hindi lamang bilang konsyumer, kundi mga taong
ang pagkonsumo ay manipestasyon ng kanilang pagiging Pilipino.

Kulturang Popular
Page 9 of 9
Module

USMKCC-COL-F-050