Pagkahilig ng Kabataan sa Kpop

Napakarami ng kabataan ang nahuhumaling sa KPop. Ano nga ba ang KPop?

Anong meron ang K-Pop at maraming nahuhumaling na kabataang Pilipino?

Ayon sa Wikepedia.org ang KPop ay isang kategorya ng musika na binubuo

ng electropop, hip hop, pop, rock at R&B na nagsimula sa Timog Korea. Ang KPop ay
naging popular sa kultura ng mga kabataan sa buong mundo, na nagbunga ng
laganap na interes sa pananamit at estilo ng mga iniidolong grupo.

Bakit tinatangkilik ng kabataang Pilipino ang Kpop?

Sa henerasyon ngayon totoo na mas marami na ang tumatangkilik sa Kpop. Ako ay

nagsagawa ng pananaliksik ukol dito, upang mapabigay impormasyon sa ilan kung
bakit ito ay mas tinatangkilik ng mga kabataang pinoy kaysa sa OPM.

Noon naman hindi ganoon kalakas ang impluwensya sa atin ng mga banyaga.
Ngunit ngayon kung ating pag-aralan at bigyang pansin, ang mga banyagang awitin
ay mas sikat pa sa ating bansa kaysa sa ating sariling awitin, na madalas nating
mapakinggan kahit saan man tayo pupunta. Tulad ng kanta ng Twice na Fancy at iba
pa na kinahiligan ng lahat.

Sa aking opinyon at opinyon ng ilan, mas marami ang negatibong epekto nito
kaysa sa positibong epekto. Negatibong Epekto: Nakakalimutan na at hindi na
nabibigyang pansin ang OPM, mas napapamahal tayo sa mga banyaga at mas
tinatangkilik sila at hindi ito nakakatulong sa industriya ng ating bansa. Ilan lang ito sa
mga negatibong epekto na ating napapansin. Sa kabila nito, may positibong epekto
pa rin naman ito sa ating bansa, isa na rito ay nagiging daan ito upang maging mas
malawak ang ating impormasyon sa ating karatig bansang Korea at mas nagiging
malapit ang tayo isa't isa. Okay lng naman humanga basta wag lang kalimutan ang
ating wika at ang ating bansa.