PAGPUPUGAY SA WATAWAT

Hayan, nakataas na ang ating watawat! Isang sagisag ng pambihirang kagandahan at

makabayang kahulugan, ang patuloy na inspirasyon ng ating lahi at bansa para sa isang buhay na
payapa, nagsasarili at malaya.

Itaas mo ito sapagkat ito ang ninuno ng mga daan taong nagdaan. Pagpugayan mo ito sapagkat
ito ang bandila ng matatapang na mga anak nina Rajah Suliman at Tandang Sora. Yakapin mo ito sa
iyong dibdib sapagkat ito ang pinagpipitagang kulay ng ating minumutyang Pilipinas. Ilagay mo ito sa
iyong puso sapagkat ito ang tanda ng ating mga kapatid na yumao dahil sa ating bayan. Mahalin mo ito
sapagkat ito ang mahalagang pamana ng ating lahi na lalaging sasaatin sa pabagu-bagong takbo ng ating
buhay. Luwalhatiin mo ito sapagkat ito ang buhay na katauhan ng ispiritu ng ating lupang tinubuan.
Igalang mo ito sapagkat ito ang bandilang ibinalot sa nagdurugo at nagkalasug-lasog na katawan ng ating
mga kawal na namatay. Idalangin mo ito at ialay sa Diyos sapagkat ito ang bunga ng mga sakripisyo ng
ating mga namayapang mga bayani, at ipagkatiwala mo ito sa Makapangyarihang Diyos at sa katarungan
ng tao upang ito ay mapangalagaan para sa anak at anak ng mga anak mo na luwalhatiin at lalo pang
pakabanalin, nang sa ganon, ang mga namatay para sa ating watawat ay hindi namatay nang walang
kabuluhan.

PAGSASALITA NG WATAWAT

Ako ang watawat ng Pilipinas

Sumilang na may araw at mga bituin
Bininyagan sa dugo at mga luha
Binuhay sa tapang at pag-ibig

Ako ang sagisag ng iyong kapangyarihan

Ang tanda ng iyong kalayaan
At ang kaluwalhatian ng iyong diwa

Hindi ako magiging higit pa

Kaysa sa nais mong gawin sa akin
Sapagkat ako ay may paniniwala sa iyong sarili
Kung ano ang pag-asang nais mong makamtan
At may lakas ng loob na pagsusumakitan ito

Ako ang pangarap ng kahapon

Ang pagsusumakit ng kasalukuyan
At ang pangitain na bukas
Nabubuhay ako na may pabagu-bagong kabuhayan
Isang buhay ng damdamin at ambisyon
Ng kirot at ng tuwa

Batid ko ang pananalasa ng digmaan

Ang ligaya ng kapayapaan
Ang kahihiyan ng pagkatalo, at ang tamis ng tagumpay
Nakawagayway ako sa aking tagdan sa pagtatagumpay
Sa sandaling pinaghaharian ng dakilang tuwa at ligaya
ang buong bansa
At ako ay bumababa sa kalahatian ng aking tagdan
Kung ang puso mo ay sakbibi ng dalamhati

Habang kayo na aking lahi at bansa ay nananatiling buhay

Ako man ay mananatiling buhay
Sapagkat ako ang iyong kaluluwa
Saanman man kayo tumungo, doon din ako tutungo

Habang ako ay nakawagayway sa ibabaw ninyo

Nakikita ninyo ako sa isang maliwanag na sinag ng kulay
Ang aking pula ay matingkad at matapang na may lakas ng loob
Ang aking bughaw ay matibay sa pananalig at katarungan
Ang aking puti ay nakasisilaw sa kadalisayan ng mga uliran
Ang aking araw ay nagpapagunita sa inyo
Na panatiling buhay ang alab ng sulu ng kalayaan
At ang aking mga bituin ay magbubuklod sa inyo
Sa isang matatag na pagkakaisa

Diyos at ama naming makapangyarihan at mahabagin sa lahat

Ito nawa ay mangyari magpakailanman