Mga Epekto ng Kakulangan sa Pagtulog ng mga Estyudante sa mga Gawaing

Pampaaralan

Kahingian sa Asignaturang Fil 2

(Filipino sa Iba’t-ibang Disiplina)

Ipinasa nina:

Nico John Barcelona

Andrie Dominic Gencianeo

Lowell Lim Jr.

Julius Ernil Magsoling

Ipinasa kay:

Juan A. Banias Jr.

Oktobre 04, 2019

 Paghahandog

Ang sulating pananaliksik na ito ay hinahandog namin sa mga tao na naging parte ng
aming buhay at naging malaking tulong upang maisakatuparan ang sulating pananliksik na ito.

Sa aming mga magulang, na sobrang pag-iintindi sa paggawa namin sa papel na ito.

Pagbigay ng suporta at tiwala sa amin upang matapos ang pananaliksik na ito.

Sa aming guro, na walang sawang nagturo at tumulong sa amin upang maging

matagumpay ang aming pananaliksik.

Sa Poong Maykapal, na nagbigay gabay at pasensya upang matapos ang pananaliksik na

ito.

Pasasalamat

Taos pusong pasasalamat ang nais naming ipaabot sa mga sumusunod na indibidwal,
tanggapan, at sa iba pang mga naging bahagi ng aming pag-aaral. Para sa walang humpay na
suporta, tulong, at kontribusyon upangmaging matagumpay ang pag-aaral na ito.

Sa aming mga magulang, nagpapasalamat kami sa inyong pag-iintindi at pagsuporta na

binigay niyo sa amin upang magawa namin ang pananaliksik.

Sa aming mga kapwa mag-aaral, nagpapasalamat kami dahil sa suportang pinakita niyo
sa amin upang matapos naming ang pananaliksik.

Sa aming guro, pinapasalamatan naming siya sa taos pusong pagtulong sa amin upang
maging matagumpay ang aming pananaliksik. Sa kanyang mabusilak na puso na nagbigay lakas
sa amin upang magpursigi sa pananaliksik, salamat sa walang humpay na suporta.

Sa Poong Maykapal. Salamat sa pagbigay sa aming grupo ng determinasyon upang

maisagawa at maisakatuparan ang pag-aaral at pagbibigay ng kaalaman na aming ginamit sa
pananaliksik. Sa pag dinig ng aming mga panalangin sa mga panahon na kami ay pinaghihinaan
ng loob na matapos itong pananaliksik.

Muli, maraming salamat po sa inyong lahat.

 Kabanata I
I. Introduksyon

Ang pagtulog ay isang mahalagang gawain sa ating buhay. Ito’y labis na nakakaapekto sa
katawan lalo na sa kalusugan ng bawat indibidwal dahil ito’y tumutulong upang magbigay ng
enerhiya at kakayahan sa pag-iisip sa ating gawain pang-araw-araw. Kaya ang kakulangan ng
sapat na tulog ay maaaring magbigay ng negatibong epekto sa ating sarili. Karamihan sa mga
estudanteng tumutungtong na sa hayskul at kolehiyo ay nakakaranas ng kakulangan sa pagtulog
dulot ng mga napakaraming gawain sa paaralan, aktibidad, at iba pa. Dagdag pa ng makabagong
teknolohiya ay siyang aming napapansin na maraming kabataan o estudyante sa panahon ngayon
na ginugugol ang karamihan ng kanilang oras sa pagbababad sa mga social networking sites,
bidyo games at iba pa. Isa lamang ito sa mga maraming dahilan kung bakit ang mga kabataan o
estudyante ay hindi wasto ang haba ng tulog na kanilang kinakailangan.

II. Haypotesis

Walang kaugnayan ang epekto sa kakulangan ng pagtulog sa gawaing

pampaaraalan.

III. Paglalahad ng Layunin

Ang pangkalahatang layunin ng pag-aaral na ito ay;

1. Ano ang mga sanhi ng kakulangan sa pagtulog ng mga estudyante?

2. Ano ang mga epekto ng kakulangan sa pagtulog ng mga estudyante sa mga
gawaing pampaaralan?
3. May kaugnayan ba ang epekto sa kakulangan ng pagtulog sa mga gawaing
pampaaralan?

IV. Kahalagahan ng Pag-aaral

Ang pag-aaral na ito ay makakatulong na magbigay kaalaman sa iba pang mag-
aaral. Sa pananaliksik na ito ay matukoy ang mga salik na nagiging dahilan ng
 kanilang pagpupuyat upang maipapahayag ang epekto ng kakulangan sa pagtulog sa
mga gawaing pampaaralan ng mga mag-aaral dahil ang pagiging isang estudyante ay
may kakibat na mapanghamong kinakaharap sa araw-araw.

V. Saklaw at Dilimitasyon

Ang pananaliksik na ito ay isang pagtatangka upang malaman ang pananaw at saloobin
na maaaring magmula sa ikalawa na antas o taon ng kolehiyo sa kursong Civil Engineering.
Ang mga respondente ay nakuha sa pamamagitan ng random sampling na may kabuuan na
isang daan (100). Ang mga respondente ay mga mag-aaral ng Unibersidad ng San Agustin.
Ito’y napagsang-ayunan ng mga mananaliksik na maging respondente na nakakatakdang
sumagot sa sarbey. Ang pag-aaral na ito ay hindi sumakop ng iba pang mag-aaral na nagmula
sa una, ikatlo at pang-apat na antas na mga mag-aaral ng Unibersidad ng San Agustin. Hindi
rin isinali ng pag-aaral na ito ang mga mag-aaral na nagmula sa ibang pamantasan o
unibersidad.

VI. Kahulugan ng mga Terminolohiyang Ginamit

Upang mas maging madali at ganap ang pagkakaintindi ng mga mambabasa, minarapat
naming bigyan ng depinisyon ang mga sumusunod na terminolohiya batay sa kung paano
ginamit ang bawat isa sa pamanahong papel na ito;

Epekto ng kakulangan sa pagtulog. Ayon sa gamit sa pananaliksik, ito’y tumutukoy sa

kinalabasan o resulta ng kakulangan sa pagtulog.

Gawaing pampaaralan. Ayon sa gamit sa pananaliksik, ito’y tumutukoy sa takdang

aralin, proyekto at iba pa sa iba’t-ibang asignatura.
 VII. Balangkas Konseptwal

Ang pag-aaral na ito ay may layuning alamin ang epekto ng kakulangan sa pagtulog ng
mga estudyante sa mga gawaing pampaaralan. Ito’y binigyan ng konseptong konseptwal upang
maipakita, maintindinhan at maihangad ang tunguhin ng pag-aaral na ito.

Epekto ng Gawaing
Kakulangan sa Pampaaralan
Pagtulog

VIII. Teoryang Balangkas

Ayon naman kay Daniel J. DeNoon, ng WebMD Health News (2000), ang utak ng taong

kulang sa tulog ay mas nagtratrabaho ng mabigat, ngunit mas kakaunti naman ang nagagawa

nito. Sa pamamagitan ng pagsagot sa isang simpleng word test, nakita ng mga mananaliksik na

sa utak ng akitbong tao na nakatulog nang mahimbing, ang minimal lamang ang kaniyang

ginagamit sa utak, ngunit sa isang sleep deprived na tao, buong utak niya ang ginagamit. Ika nga

ni J. Christian Gillin, MD, masama ang sleep deprivation sa utak ng tao, lalo na kung

sinusubukan mo na gumawa ng isang gawain na kinakailangan ng high-level thinking. Posible

raw itong magkaroon ng masamang epekto sa perpormans mo at ang punsyon nito.

 Naipakita rin ng mga mananaliksik sa Sleep for Science na ang kakulangan sa tulog ay

nakakaapekto ng perpormans ng mga mag-aaral sa kanilang gawaing pampaaralan. Sa pasuri sa

pitompu’t siyam (79) na mag-aaral, kung saan ang ilan ay pinatulog ng siyam (9) na oras at ang

iba naman ay pinatulog lamang ng 6.7 na oras. Sinabi ng mga guro na ang mga nasa limitadong

tulog ay mas madalas matulog sa klase at may problema sa atensyon at konsentrasyon. Mas

nagkakaroon din ng problema sa gawain ang mga mag-aaral kulang sa tulog kung ikumpara sa

mga nakatulog ng mahimbing.

IX. Metodolohiya

Sa kabanatang ito ay ipapakita ang mga pamamaraan sa pag-aaral at paglalarawan sa mga

hakbang sa pangangalap ng datos. Nakapaloob dito and disenyo ng pananaliksik, sampol ng
respondents at pamamaraan ng pagkalap ng datos.

Disenyo ng Pananaliksik

Ang metodolohiya ay ginagamitan ng deskriptibong pamamaraan sa pananaliksik

sapagkat angkop ito sa pananaliksik. Ang pananaliksik na ito ay may kwantitatibong pagsusuri
dahil ito ay nakatuon sa pagkalkula ng mga bilang na ginamit. Gayundin, ito ay makakatulong
upang makuha ang tamang resulta at mapapadali ang pangangalap ng mga datos.

Sampol ng Respondents

Ang napiling tumugon sa pag-aaral na ito ay nasa ikalawa na antas o taon ng

kolehiyo sa kursong Civil Engineering na mga mag-aaral ng Unibersidad ng San Agustin. Ang
mga respondente ay napili sa paraan ng random sampling, minarapat ng mga
mananaliksik na pumili lamang ng isang daang (100) respondente para sa pag-aaral na ito.
Pamamaraan ng Pagkalap ng Datos

Katulad ng nabanggit sa itaas, ang pag-aaral na ito ay isasagawa sa pamamagitan ng

sarbey. Ang mga mananaliksik ay naghanda ng sarbey para sa napiling isang daang (100)
respondente para sa pag-aaral na ito. Ang mga mananaliksik ay magsasagawa ng maikiling
oryentasyon sa mga mag-aaral upang maintindihan ang mga panuto bago ang pamamahagi ng
mga talatanungan para mas mapasigurong mapadali ang pangangalap ng datos at maibigay ang
kinakailangang impormasyon ukol sa epekto ng kakulangan sa pagtulog ng mga estudyante sa
mga gawaing pampaaralan.

Kaugnay na mga Pag-aaral

Ayon kay Edilberto Gonzaga (2010), bukod sa panghihina ng katawan, may dalawang
epekto ang kakulangan sa tulog. Ito ay pawang sikolohikal at pisyolohikal. Sa sikolohikal na
aspekto, naaapektuhan ang haba ng atensyon, konsentrasyon, tamang pag iisip at nagiging
sensitibo. Subalit ang kakulangan naman ng tulog ay maaaring may masasamang epekto sa
kalusugan. Ang pagpupuyat ay may malaking epekto sa magiging araw ng isang tao. Ang
kakulangan ng sapat na tulog ay maaring maging sanhi sa mas malaking problema. Maaaring
makaapekto sa mental at physical performance ng isang tao ang hindi maayos na tulog. Hindi
magiging masaya ang araw ng taong nagpuyat.
 Kabanata II

Analisis ng Datos at Resulta

Sinagutan ng mga respondente ang talatanungan na naglalaman ng 4 na katanungan na

may kauganay sa epekto ng kakulangan sa pagtulog ng mga estudyante sa mga gawaing
pampaaralan. Batay sa ginawang sarbey, natuklasan ang mga sumusunod na kasagutan;

1. Haba ng Oras sa Pagtulog

Talahanayan Bilang 1

Haba ng Oras ng Tulog ng mga Respondente

3 - 4 oras ; 4;
4%20;
7 - 8 oras;
20%
3 - 4 oras
5 -6 oras
7 - 8 oras
Higit Pa

5 -6 oras; 76;
76%

Makikita sa ikalawang talahanayan na pinalolooban ng haba ng oras sa pagtulog ng mga

respondente, sa pag-aaral na ito ay may kabuuan na pitum pu’t anim (76%) na porsyento ng mga
mag-aaral ang nakatulog ng 5 hanggang 6 na oras.

2. Sanhi ng Kakulangan sa Pagtulog

 Talahanayan Bilang 2

Sanhi ng Kakulangan sa Pagtulog

8
Paggamit ng mga social
networking sites
Paglalaro ng mga video
44 games
72
Pag-gimik
Paggawa ng mga
takdang aralin, proyekto,
atbp.
8
Iba Pa

32

Makikita sa ikatlong talahanayan na pinalolooban ng mga sanhi ng kakulangan sa

pagtulog ng mga respondente, sa pag-aaral na ito ay may kabuuan na apat na pu’t apat
(44%) porsyento ng mga mag-aaral na ang paggamit ng social networking sites ang nagiging
sanhi ng kakulangan sa pagtulog.

3. Epekto ng Kakulangan sa Pagtulog

Talahanayan Bilang 3

Epekto ng Kakulangan sa Pagtulog

8

56Pagkahuli sa Klase
48 Pagiging
Matamlay
Pagliban sa Klase
Stress
Iba Pa

25
32
 Makikita sa talahanayan na pinalolooban ng mga epekto ng kakulangan sa pagtulog ng
mga respondente, sa pag-aaral na ito ay may kabuuan na tatlong pu’t tatlong
(33%) porsyento ng mga mag-aaral na ang pagkahuli sa klase ang nagiging epekto ng
kakulangan sa pagtulog.

Istatistikal Tools
Ang mga datos na nakalap ay istatistikal na pinag-aralan gamit ang Pearson’s r
Correlation. Ito’y makakatulong sa mga mananaliksik na malaman ang korelasyon ng
epekto ng kakulangan sa pagtulog ng mga mag-aaral sa gawaing pampaaralan.

Talahanayan Bilang 4

  Oras ng Pagtulog Bilang ng Mag-aaral

Oras ng Pagtulog 1 0.91
Bilang ng Mag-aaral 0.91 1

r = 0.91

Makikita sa talahanayan na ang resulta ay r = 0.91 na ibig sabihin ang dalawang baryabol
ay labis na magkaugnay o ang oras ng pagtulog ay mayroong epekto sa mga mag-aaral.

Ang mga resulta na ito ay nagpapakita na ang haba ng oras ng pagtulog ng mga mag-
aaral ay nagdudulot ng maraming epekto. Batay sa talahanayan bilang 3, ang pagkahuli sa klase
ang may pinakamalaking porsyento na nagiging epekto ng kakulangan sa pagtulog.
 Kabanata III

Lagom, Konklusyon at Rekomendasyon

Sa bahaging ito ng pananaliksik ay nakatala ang lagom, konklusyon at rekomendasyon ng

mga mananaliksik batay sa kinalabasan na bahagdan ng mga kasagutan. Ang mga sumusunod na
mga talata ay ibinatay ng mga mananaliksik sa interpretasyon ng mga nakalap na datos mula sa
isinagawang pag-aaral.

A. Lagom

Ang paglalathala ng pag-aaral tungkol sa epekto ng kakulangan sa pagtulog ng mga mag-

aaral sa gawaing pampaaralan ay naisagawa. Isang daang (100) respondente na nasa ikalawa na
antas o taon ng kolehiyo sa kursong Civil Engineering na mga mag-aaral ng Unibersidad ng San
Agustin ang sumagot sa mga katanungan na ipinamigay. At ang resulta ay ang mga sumusunod:
1. Karamihan sa mga respondente ay naniniwala na ang pangunahing sanhi ng
kakulangan sa pagtulog ng mga estudyante ay ang paggamit ng social networking sites.
Ito ay may apat na pu’t apat na porsyento.
2. Batay sa respondente, ang labis na naging epekto nito ay ang kanilang pagkahuli sa
klase. Ito ay may tatlong pu’t tatlo na porsyento.
3. Mas malinaw na may kaugnayan ang epekto sa kakulangan ng pagtulog sa mga
gawaing pampaaralan dahil sa korelasyon na nagpapakita ng matinding pag-uugnay sa
dalawang baryabol.

B. Konklusyon

Ang mga 18 hanggang 25 taong gulang ay kinakailangan may 7 hanggang 9 na oras ng

sapat na tulog. Ayon sa kinalabasan ng mga nakalap na datos, may kabuuan ng mga mag-aaral ay
nasa 18 taong gulang hanggang 25 taong gulang at pitum pu’t anim (76%) na porsyento nito ay
nakatulog ng 5 hanggang 6 na oras na ayon sa National Sleep Foundation ay hindi nila
nirerekomenda na bumaba ang tulog sa 6 na oras.
 Sa nagaganap na modernisasyon, marami ang nagbabago. Hindi maipagkakaila na
kasabay din dun ang makabagong teknolohiya ay siyang nagiging pampalipas ng oras ng
maraming kabataan o estudyante at ang social networking sites ay isa rin sa naging produkto ng
makabagong panahon. Ayon sa kinalabasan ng mga nakalap na datos, ang pangunahing sanhi ng
kakulangan sa pagtulog ay ang paggamit ng social networking sites.

Ayon kay Cong. Gasataya, may pag-aaral na ang naisagawa sa ibang bansa ang
nakapagpakita ng epekto ng late sa simula ng oras ng klase sa performance at achievement ng
mga estudyante. Ayon sa kinalabasan ng mga nakalap na datos, ang pangunahing epekto ng
kakulangan sa pagtulog ay ang pagkahuli sa klase na maaaring makakaapekto sa performance na
ipinapakita ng mga estudyante sa kanilang gawaing pampaaralan. Kaya naman ay dapat bigyang
pansin ito at magawan ng karapat-dapat na aksyon.

Ang aming napagtanto sa naganap na pananaliksik ay ang pagtulog ay isang

napakahalagang gawain sa ating buhay dahil ito’y nakakaapekto sa pagiging produktibo ng isang
indibidwal. Hindi maipagkakaila na ang modernong teknolohiya ay siyang nagpapadali ng ating
mga gawain ngunit ito rin ang naging pangunahing libangan ng mga kabataan o mga estudyante
sa kasalukuyang panahon na kung saan ay siya rin ang naging dahilan ng kakulangan sa pagtulog
at maaaring makakaapekto sa gawaing pampaaralan ng mga estudyante.

C. Rekomendasyon

Kaugnay ng pag-aaral na naisagawa at batay sa resultang kinalabasan, inererekomenda ng

mananaliksik ang mga sumusunod:

Ang social networking sites ay naging malaking parte ng isang tao dahil maraming
magandang naidudulot ito para sa atin, dahil sa labis na impluwensya nito, ginugugol ang
karamihan ng kanilang oras sa pagbababad dito.

Para sa mag-aaral, sana magkaroon ng disiplina sa paggamit ng social networking sites

dahil ito man ay may magandang naidudulot ngunit ito’y nakakasama pag inabuso. Malaking
bagay ang pagkakaroon ng maayos at sapat na tulog dahil ito’y labis na nakakaapekto sa
performance na ipinapakita sa gawaing pampaaralan.
 Para sa magulang, sana bigyang pansin at gabay ang mga pinagkakaabalahan ng mga
anak dahil may mga pagkakataong ang sobra ay nakakasama sa sarili nila.

Para naman sa mga guro, patuloy na bigyang gabay at intindihin ang mga mag-aaral.