IKATLONG LINGGO

I. PANIMULA

Ang pelikula, na kilala din bilang sine at pinilakang tabing, ay isang larang na sinasakop ang

mga gumagalaw na larawan bilang isang anyo ng sining o bilang bahagi ng industriya ng
libangan. Dahil naging pangunahing tagapamagitan para sa pagpapakita ng mga gumagalaw
na larawan ang letratong pelikula sa kasaysayan, kadalasang tinutukoy ang larangang ito ng
akademya bilang ang pag-aaral ng pelikula.
Isang anyo ito ng sining, at tanyag na anyo ng mga libangan, at negosyo. Nililikha ang pelikula sa
pamamagitan ng pagrekord ng "totoong" tao at bagay .
Tunghayan natin kung paano ba umusbong ang Pelikulang Pilipino at ang ambag nito sa
pagpapayabong ng Panitikang Pilipino.

II. KOMPETENSI BLG. 6. Natatalakay ang iba’t ibang genre ng panitikan bilang simulain ng
pagsusuri nito.

PAKSA - Kasaysayan ng Pelikulang Pilipino, Mga Genre ng Pelikulang Pilipino

LAYUNIN:

1. natatalakay ang kasaysayan ng Pelikulang Pilipino;

2. naiisa-isa ang genre ng Pelikulang Pilipino at nakabibigay ng mga halimbawa ; at
3. naibabahagi ang kahalagahan ng pag-usbong at paglago ng Pelikulang Pilipino.

TALASALITAAN

Opera: mahabang komposisyon na inaawit sa saliw ng mga instrumento, karaniwang

aria, koro, resitatibo, at may kasamang ballet.
Realismo: tendensiyang tingnan o ilarawan ang mga bagay nang matapat sa kanilang
tunay na pag-iral
Pretext: paggawa ng dahilan;ang diumanong katwiran o layon.

ANG PELIKULANG PILIPINO

Ang Pelikulang Pilipino ay ang pinakabatang uri ng sining sa Pilipinas at isang popular na uri ng

libangan. Isa rin ito sa mga pinagkukunan ng Trabaho ng mga 260,000 na Pilipino. Kumikita ito
ng 1.5 na Bilyong Piso taun taon.

Pinagmulan:

Huling Bahagi ng Panahong Kastila

Noong 1 Enero 1897 may apat na pelikulang pinamagatang Un Homme au

Chapeau o (Kalalakihang may Sumbrero) Une scene de danse Japonaise (Isang Eksena sa
Sayawang Hapones) La Place l'Opera Sa lugar ng Tanghalan les Boxers (Ang mga
Boxingero) ay ipinalabas sa Salon de Pertierra na isang sinehan sa 16 Calle Escolta ng isang
ngangalang Antonio Ramos na isang Sundalo mula sa Espanya, Nag angkat siya ng Lumiere
sinematograph na may 30 pelikula mula sa kayang account sa isang bangkong swiso. Ang
Pelikula ay Buhat sa mga bansang Pransiya Alemanya at sa Britanya, ang ipinapalabas
sa Lungsod ng Maynila.

Nang mga sumunod na mga taon, para makaakit ng mga manonood, ay ginamit ang Lumiere para
gawing tagakuha ng mga magagandang mga eksena mula sa mga lokal na tanawin sa Pilipinas na
isang dokomentaryo tulad ng Panorama de Manila o ang lupain ng maynila, Fiesta de Quiapo o
Pista ng Quiapo puente de Espanya o ang tulay ng Espanya at La Ecsenas de la Callejeras o ang
Sayawan sa kalye. Bukod kay Ramos ay marami ding mga Dayuhanng taga gawang pelikula ang
ang pumunta sa pilipinas tulad ni Burton Holmes na ama ng Travelogue, na kumuha ng ilang mga
dokumentaryong mga pelikula sa pilipinas tulad ng Battle of Baliwag si Kimwood Peters din ay
kumuha ng ilang mga tanawin sa Banaue Rice terraces at si Raymond Ackeman ng American
Biography at ang Mutoscope ay nag Cock Fight na ipinapakita ang pagkakahilig ng mga pilipino
sa Sabong.

Panahon ng Amerikano

Noong 1900 Ang isang Ingles na nag ngangalang Walgrah ang nag palabas ng ilang mga Pelikula
sa Pilipinas nag bukas siya ng sineha na nagngangalang Cine Walgrah sa No.60.calle Santa Rosa
sa Intramuros. Ang ikalawang sinehan ay itinayo ng isang Kastilang negosyante na
nagngangalang Samuel Rebarber, Tinawag naman itong Gran Cinematografo Parisen, na nasa
No.80 calle Crespo sa Quiapo Noong 1903, Ang isa ng Pilipinong nagngangalang Jose Jimenez
ay nag tayo ng isang sinehang Gran Cinematograpo Rizal sa Calle Azcaraga (na ngayon
ay Abenida C.M. Recto) sa tapat ng Estasyon ng tren sa Tutuban Noong magkaparehas na taon
ang pelikula ay popular na sa pilipinas gumawa sila ng pelikula na tungkol sa Kolonisasyon. na
sinasaluhan ng tunog ng Piano at mga mangaawit sa Manila gran Opera House.

Noong 1905 si Herbert Wynham ay kumuha ng ilang mga eksena sa Manila fire Department,
siAlbert Yearslyay kumuha ng eksena sa selebrasyon ng Rizal day sa Luneta noong 1909; noong
1910, Ang Manila Carnival noong 1911, Ang ilang mga kuha mula sa pag putok ng Bulkang
Mayon;Ang kuha mula sa unang labang pang himpapawid sa look ng Maynila niBud Mars At ang
mga kuha sa Malaking sunog sa Tondo, Pandacan at sa Paco; pati ang kuha mula sa pag alis ng
mga Igorot papunta sa Barcelona at ang pananalasa ng bagyo sa Cebu ngunit ang mga
Pangunahing pelikulang ito ay hindi naging popular sa ating mga Pilipino dahil sa ito para
lamang sa kaalaman ng mga dayuhan,

Ang Komisyon ng Pilipinas ay malaki ang pag papahalaga sa pelikula dahil ito ay isang
magandang gamit sa pag hahatid ng Komunikasyon,impormasyon at Pang aliw, kaya noong
1909, ang Kagawaran ng Siyensiya at Teknolohya ay gumawa ng isang Laboratoryo ng Pelikula
sa Tulong ng Pathe, at ng isang Photgraper na si Charles Martin, sa Pransiya at siyay nag sanay
ng ilang mga Pilipino sa paggawa ng Pelikula, ng Matapos mag sanay ang mga tinuturuan, ay nag
simula na silang gumawa ng pelikula,

At noong 1910, ang unang pelikula na may tunog ay nakarating sa Manila sa kagamitan na
Chronophone ang mga Briton na kumukuha ng pelikula ay pumunta sa Pilipinas at kumuha ng
Magagagandang tanawin sa Pilipinas, tulad sa talon ng Pagsanjan noong 1911 ng Kinemakolor,
At noongv 1912, ang isang kumpanysa sa Hollywood ay gumawa ng isa ng Pelikula na ang
pamagat ay La Vida de Rizal na tungkol sa buhay ng ating Pambansang Bayani, at dito nag
simula ang Pagkakapanganak sa Pelikulang Pilipino.

Ng 1914; Ng Us Colonial Goverment ay gumagamit na ng pelikula sa pag hahatid sa Edukasyon

at Propaganda nag aangkat din sila ng Pelikula mula sa Europa, ngunit ng sumapit ang Unang
Digmaang Panaigdig, ay pansamantalang itinigil ito.

Unang Mga Pelikulang Pilipino

Ang kauna- unang Nagawang Pelikulang ginawa ng Pilipinas ay ang Dalagang Bukid sa

direksiyon ni Jose Nepomuceno noong 1919 base sa Zarzuela na isang higly-acclaimed
MeloDrama ni Hermogenes Ilagan at ni Leon Ignacio Ang mga unang taga-gawa ng pelikula ay
gumagaya sa mga sa Hollywood kung hindi man ay sa mga aklat.

Noong 1929, ang Syncopation,na isang kaunaunahang pelikulang may tunog ay ipinalabas sa
Radio Theater sa Maynila sa Plaza Sta.Cruz ay gumawa ng Talkie o pelikulang may lapat na
tunog sa mga lokal na produser ng pelikula at noong disyembre 8, 1932 ay ginawa ang unang
tagalog na Pelikula na Pinamagatang Ang Aswang, na isa ng Pelikula na may tema ng
katatakutan base sa mga Alamat, ngunt sa mga ilang nakakatanda sa pelikulang ito ay hind talaga
ito purong may tunog, ay ang Punyal na Ginto na ipinalabas noong marso 9,1933 sa Lyric
Theater,
Noong 1930s, ang ilang mga artista at mga produser ay tumululog s pag papaunlad pa ng
industriya ng pelikula ang mga Tao ay namangha sa mga magagaling na pagganap at sa pag pili
ng tema ng pelikula, karamihan dito ay tungkol sa mga pinagdaanan ng mga pilipino sa mga
mananakop, tulad ng Patria Amore;Mutya ng Katipunan ni Julian Manansala na mayroong
elemento ng propagandang Anti-spanish .

Si Carmen Concha,Ang unang babaeng derektor sa Pilipinas ay gumawa din ng mga ilang
Pelikula tulad ng Magkaisang Landas at ang Yaman ng Mahirap noong 1939,sa ilalim ng
Parlatone Hispano-Filipino at ang Pangarap noong 1940 sa ilalim ng LVN Pictures.

Ito ang mga Sikat na mga Artista bago ang Digmaan:

 Brian Soria
 Fernando Royo
 Ben Rubio
 Rolando LIwanag
 Exequel Segovia
 Ben Perez
 Teddy Benavides
 Manuel Barbeyto
 Ernesto la Guardia
 Jaime G. Castellvi
 Alfonso Caravajal
 Jose Troni
 Nardo Vercudia
 Andres Centenera
 Fermin Barva
 Fernando Poe Sr.
 Nati Rubi
 Etang Discher
 Monang Caravajal
 Naty Bernardo

Panahon ng Ikalawang Digmaang pandaigdig at ng pananakop ng Hapones

Noong panahon ng mga Hapones, Ang paggawa ng Pelikula ay pansamantalang tumigil. Ang

mga Hapon ay nagdala ng kanilang mga pelikula sa Pilipinas, ngunit hidi ito naging popular sa
mga Pilipinong manonood, Ang mga Propaganda laban sa mga Hapon Ang ginagawa ng mga
iilang mga direktor kasama si Geraldo de Leon na tungkol sa relasyon ng Hapon sa Pilipinas Isa
sa mga propagandang ito ay ang Dawn of Freedom na sa direksiyon ni Abe Yukata at Geraldo de
Leon. At sa mga panahong iyon, ang Komedya nila Pugo at Togo, ay naging popular sa mga
panahong iyon na ang tema ay tungkol sa pananakop ng Bansang Hapon sa Pilipinas na binago
bilang Tuguing at Puguing dahil si Togo ay katunog ng Tojo na isang Punong Ministro sa
Bansang Hapon noong dekada 40.

Noong kasagsagan ng digmaaan, ang karamihan sa mga Artista ay nakadipende sa entablado lalo
sa maynila Ang mga sinehan noon ay bibihira dahil sa mga kaguluhan.

SAQ #1 (5 Puntos)
Itala ang mga pagbabagong natunghayan sa pag-unlad ng Pelikulang Pilipino

Dekada 50
Pagkatapos ng digmaan, ay sumikat ang mga pelikulang ukol sa digmaan, ang mga tao ay
gustunggusto na makapanood ng mga iyon, na ang karamihang tema ay propaganda, tulad ng
Garison 13,(1946) Dugo ng Bayan, (1946) Walang Kamatayan at Gerilya na isang uri ng
naratibong salaysay tukol sa mga kabayanihan ng ng mga sundalo noong panahon ng digmaan.

Dito din nag simula ang Realismo sa Pelikula ng Pilipinas. base sa mga buhay ng pilipino tulad
ng tungkol sa mga napapanahong mga usapin sa lipunang kinagagalawan ng mga Pilipino, sa
panahong ito ay naging popular rin ang komedya at drama.

SAQ #2 (5 Puntos)
Gumawa ng timeline at ilista ang mahahalagang pangyayari sa kasaysayan ng pag-unlad ng
Pelikulang Pilipino

Maraming Genre ang Pelikula, ilan na dito ang;

Komedya (Comedy) – pelikula kung saan ang mga nagsisiganap ay nagsasaad ng kasiyahan
o lihitimong pagpapatawa sa bawat salitang mamumutawi sa kanyang bibig. Ang komedya ay
maaari ding walang salita na nauso noong panahon ng Silent Movies na makikita di sa pagsalita
ng bibig kundi sa pagkilos ng katawan.

Musikal (Musical) – pelikula kung saan ang mga bidang lalaki at babae ay nagsisipag-
awitan. Ang isang musikal na pelikula ay matatawag din kung ang mga bida ay
nagsisipagsayawan sa maka-klasikong kaugalian man o makabagong panahon sa tunog at indak
ng musika.

Pakikipagsapalaran (Adventure) – pelikula kung saan ang kwento ay nagaganap sa iba’t

ibang lugar at tumatalakay sa mga tao o lunan ukol sa angkop na pagkakarehistro ng nangyari sa
kwento ng pelikula.

Aksyon (Action) – pelikula kung saan ang isa o mas marami pang bida ay inilagak sa sunud-
sunod na mga pagsubok o hamon na nangangailangan ng pisikal na pakikipatunggali at mga
masasalimuot na paglalabanan.

Pantalambuhay (Biographical) – pelikula kung saan komprehensibong tumatalakay sa

tunay na buhay ng isang tao na may diin sa pinakamakasaysayang kabanata ng kanilang buhay.

Krimen (Crime) – pelikula kung saan nakapokus sa buhay ng mga kriminal na umiinog
mula sa tunay na buhay ng mga kriminal hanggang sa mga nilikhang karakter na may
napakasamang katauhan.

Drama – pelikula kung saan nakadepende sa mas malalim na pagbuo ng mga realistikong
karakter na tumatalakay sa mga temang emosyonal gaya ng pagkalango sa alak, pagtataksil,
diskriminasyon, sekswalidad, kahirapan, karahasan o korapsyon.

Epiko (Epic) – pelikula na nagbibigay-diin sa dramang pantao sa mas malawak na anggulo

na karaniwang tumatalakay sa mga kaganapang maalamat, mahiwaga at makasaysayan.

Pantasya (Fantasy) – pelikula na may temang pantastiko na kinapapalooban ng mahika,

mga kakaibang pangyayari o mga kakaibang nilalang.

Katatakutan (Horror) – pelikula na humihikayat ng negatibong reaksyong emosyonal mula

sa mga manonood sa pamamagitan ng pag-antig sa takot nito. Karaniwang ginugulat at
pinanginginig ng pelikulang ito ang mga manonood.

Science Fiction (Sci-Fi) – pelikula na base sa mga pangyayari na hindi tanggap ng agham

gaya ng daigdig ng mga aliens, mga kakaibang nagagawa ng tao at paglipad sa ibang panahon.

Pelikulang Alternatibo: Paglalayag ng Diwang Mapagpalaya

Ni Elvin Amerigo Valerio

The sincere Pilipino filmmaker should get over his hang-

up about making the Great Pilipino Film; he should,
instead, think seriously about developing the Great Pilipino
Audience.

- Lino Brocka (25-26)

Tayo ay isang bayan na ang nakaraan ay hinubog ng edukasyong kolonyal; kung saan ang mga
puwersa ng globalisasyon ang siyang nagpapatakbo ng ating kasalukuyan; at kung saan hindi
malayong maulit ang mga pagkakamali ng nakaraan. Kailangan lumingon tayo sa ating
produksyong kultural at gamitin ito bilang sandata sa pagkikipagtunggali sa imperialismo at
kolonyalismo. Ito ang dahilan kung bakit kailangang magkaroon ng isang makabuluhang
pelikulang alternatibo na siyang gagamitin ng makabayang filmmaker upang labanan ang
kanluraning gahum.

Ihahain ko ang tatlong katangiang ng isang pelikula na para sa akin ay tunay na alternatibo.
Maaari itong magsilbing gabay sa makabayang filmmaker sa pagbubuo ng identidad ng
pelikulang Pilipino:

(1) Malaya sa komersyalismong gawi ang produksyon ay.

(2)Diretsahan man o hindi, tinatalakay o ipinakikita ng pelikula ang

masasamang epekto ng globalisasyon, imperialismo at kaisipang kolonyal.

(3)Higit sa lahat, ang pelikulang alternatibo ay instrumento para sa

dekolonisasyon ng ating kamalayan.

Ang mga katangiang ito ang magbibigay daan upang kilalaning tunay na alternatibong cinema ang
maka-banyagang indie film; isang cinema na ginawa upang pagsilbihan ang masang Pilipino,
isang cinema kung saan ang masa ang paksa ng bawat kuwento. Kung ating babalikan si Martin-
Barbero, sinabi niya na “cinema can transform the political idea of nationhood into the daily
experience of nationhood” (51). Sa madaling salita, naniniwala ako sa kakayahan ng alternatibong
pelikula sa paglalayag ng nasyonalista at makabayang damdamin.

Ipaliliwanag ko kung paano magiging instrumento ng dekolonisasyon ang pelikulang alternatibo.

Nabanggit na ni Lumbera ang pangangailangang suriin ng manlilikha ang lipunang kanyang
ginagalawan. Maaari itong gawin sa pamamagitan ng kritikal na ebalwasyon ng ating kolonyal na
kasaysayan. Ang ating kasaysayan ay isinulat mula sa pananaw ng mga ilustrado at naghaharing
-uri at labis na isinantabi ang kontribusyon ng masa. Samakatuwid, ang proseso ng pagrekonstrak
ng ating kasaysayan (sa pelikula) ay isang prosesong nangangailangan ng dekolonisasyon.
Layunin ngayon ng filmmaker na bumuo sa espasyo ng pelikula ng isang tunay na kasaysayan ng
bayan. Isang magandang halimbawa ang pelikulang Sakay (1993) ni Raymond Red, tungkol sa
lider ng mga rebeldeng nakipaglaban sa Amerikanong imperialista. Isa si Macario Sakay sa mga
huling sumuko sa mga Amerikano at itinuring siya ng mga Amerikano na isang bandido. Bayani
naman ang turing ng mga Pilipinong historyador kay Sakay, at sa tulong ng pelikula ni Red,
nabigyan ng tamang pagpapahalaga ang mga ginawa ni Sakay sa ngalan ng ating kalayaan. Isa
pang halimbawa ang Bayaning 3rd World (1999) ng direktor na si Mike de Leon. Ang pelikulang
ito ay tungkol sa buhay ng ating pambansang bayaning si Dr. Jose Rizal. Ginamit ni de Leon ang
estilong comedy-satire sa kuwento, ngunit sa kabilang banda ay nabigyan niya ng pagkakataon
ang manonood na suriin ang nakagawian nitong pananaw sa pagkabayani ni Rizal.

Maaari ring suriin ng filmmaker ang ating kasaysayan sa nakalipas na 40 taon, mula sa kilusang
makabayan laban sa diktadurya ni Ferdinand Marcos noong dekada ‘60 at ‘70 hanggang sa
pagbabalik natin sa pyudalismo at oligarkiya noong panahon ni Corazon Aquino.

Hindi mabilang ang mga kuwentong naghihintay na maisapelikula mula sa daan-daang biktima ng
batas militar, ng ating mga kapatid na Muslim na patuloy na naisasantabi dahil sa giyera sa
Mindanao, ng mga mamamahayag na napaslang sa ilalim ng gobyerno ni Gloria Macapagal-
Arroyo, at marami pang iba. Mula sa mga ito ay makabubuo ang filmmaker ng mga kuwentong
magpapakita ng patuloy na pakikibaka ng masa laban sa puwersa ng kolonyalismo, mga tiwaling
opisyal ng pamahalaan, mga panginoong maylupa at mga dayuhang kapitalista.

Balikan naman natin ang sinabi ni Lumbera tungkol sa pagbibigay ng bagong nilalaman sa mga
nakagisnang uri ng aliw. Sa halip na pag-aksayahan ng panahon ng filmmaker ang paggamit ng
mga maka -burgis na eksperimental at “avant-garde” na estilo at teknik ay muli niyang babalikan
ang mga uri ng kuwento (genre) na pamilyar na sa masa (hal.: katatawanan, pagh-ibig,
katatakutan, kababalaghan, at iba pa). Gagamitin niya itong “pretext” upang maipakita ang epekto
ng globalisasyon, imperialismo at kolonyalismo. Kung nangangailangan naman ng kilalang aktor
o aktres ang filmmaker, hindi nauubusan ang industriya ng mahuhusay at sikat na artistang
handang tumulong kapalit ng pagkakataong makasali sa isang kakaiba at makabuluhang pelikula.
Ang paggamit ng mga kilalang artista ay isang paraan upang mahimok ang masa na panoorin ang
pelikula. Samakatuwid, habang binabago ng filmmaker ang genre ay hindi naman ito nalalayo sa
nakasanayang estilo. Kabaliktaran ito ng mga eksperimental o avant-garde na indie film na tila
ang tanging layunin ay maging iba sila sa mainstream. Ang pinagtutuunan ng pansin ay ang
filmmaker at hindi ang pelikula. Ang ganitong kayabangan, ayon kay John Howard Lawson, “is
one of the main means by which the artist is kept chained to the ideology of capitalism; as long as
the artist adheres to the ruling class view that creative activity is metaphysical, subjective and
unrelated to class interests, he is permitted to cherish the pretense of ‘freedom’ to compensate for
his impotence” (117). Samakatuwid, ang layunin ng alternatibong pelikula ay hindi lamang
magbigay ng aliw o baguhin ang nakagisnan kundi isulong ang Pilipinismo.

Isang magandang halimbawa ang Endo ni Jade Castro na lumahok sa Cinemalaya noong 2007 at
nanalong Best Screenplay sa Gawad Urian. Sa unang tingin ay isa lamang ito simple at
nakatutuwang kuwento ng pag-ibig, ngunit kung susuriing mabuti ay ipinakikita rin ng pelikula
ang epekto ng globalisasyon sa paghahanap ng trabaho. Ang mundong ginagalawan ng Endo (na
ang ibig sabihin ay end-of-contract) ay ang mundo ng mga contractual worker na nagtatagal
lamang ng anim na buwan. Madalas itong ginagawa ng malalaking kompanya gaya ng mga
faktori, shopping mall, grocery at fast food chain upang hindi sila obligadong magbigay ng
kumpletong benepisyo sa kanilang mga empleyado. Ang Endo na kinatatampukan ng sikat na
aktor sa telebisyon na si Jason Abalos, ay isang halimbawa kung paanong ang isang independent
filmmaker, sa tulong ng isang kilalang artista, ay gumagamit ng popular na genre upang
magsilbing daan para maipakita ang mababang pagpapahalaga ng malalaking kapitalista sa mga
manggagawa at empleyado nito.

Ngunit magiging matagumpay lamang ang alternatibong pelikula kung makahahanap ang
filmmaker ng epektibong paraan para maabot ang masa. Bagamat hindi ko naman sinasabing
huwag nang magpalabas sa malalaking sinehan sa loob ng shopping mall, malinaw naman na
kakaunti lamang ang makukuhang suporta mula sa mga ito kung kaya’t dapat lamang na gumamit
rin ng “grassroots approach” ang filmmaker sa pagpapakalat ng kanyang pelikula. Maaari siyang
magpalabas at magbenta ng kopya sa mga paaralan at unibersidad kung saan may pagkakataon pa
siyang talakayin ang kanyang pelikula sa mga estudyanteng manonood. Maaari ring magdala ng
DVD player, multimedia projector at simpleng sound system ang filmmaker sa mga barangay hall
o basketball court. Gamit ang Internet, puwede siyang gumawa ng sarili niyang websayt o gamitin
ang You Tube o ibang kahalintulad na websayt upang maipalabas ang trailer ng pelikula. Dahil sa
makabagong teknolohiya, napakarami nang paraan na magagamit ang filmmaker para maabot ang
masa.

Ipinaaalala sa atin ni Renato Constantino na ang pagkakaroon ng pambansang identidad ay

manggagaling lamang sa ating patuloy na pakikibaka laban sa kolonyalismo at imperialismo
sapagkat ito ay hudyat ng pagkakaisa ng ating kamalayan bilang isang bayan: “National culture
should be seen as emanating from a people in action, in an unending fight for freedom and
progress. Thus, the real base of Pilipino culture must be sought in the continuing struggle of the
people against colonial oppression” (105).

Ito ang mga isyu, luma man sa panahon ng globalisasyon, na dapat nating harapin bago tayo
makilahok sa global at transnational na diskurso. Habang patuloy na nananamlay ang industriya
ng pelikula, dumarami naman ang mga filmmaker na gumagawa ng pelikula sa labas ng
industriya. Huwag sana nating sayangin ang panibagong siglang ito. Nawa’y ang mga batayang
inilahad ko sa sanaysay na ito ay makatulong sa filmmaker na makagawa ng makabuluhang
pelikula na makakasama sa pakikibaka laban sa komersyalismo at gahum ng Hollywood. Nawa’y
magsilbi itong daan tungo sa pagbubuo ng isang tunay na pambansang cinema.

SAQ #3 (5 Puntos)
Magbanggit ng tatlong uri ng Pelikula at magbigay ng halimbawa sa bawat isa. Bigyan ng
paliwanag.
III. LAGOM

Sa nakalipas na sampong taon – habang patuloy na namamayagpag ang pelikulang Hollywood sa

buong mundo at nananamlay naman ang produksyon ng industriya ng pelikulang Pilipino –
nasaksihan natin ang pag-usbong ng bagong henerasyon ng mga filmmaker na kung tawagin ay
“indie” o “independent filmmaker.” Ngunit samantalang popular na sa mayayaman at
panggitnang uri, lalo na sa Kamaynilaan, ang ganitong anyo ng pelikula, hindi pa ito nakalilikha
ng matinding pagtanggap mula sa mas maraming manonood ng pelikula. Dahil dito, dinadala na
lamang ng mga independent filmmaker ang kanilang mga pelikula sa mga internasyonal na
pagtatanghal na karamihan ay ginaganap sa Europa at Amerika. Ang tanong tuloy ngayon ay
kung ginagawa ba nila ang kanilang pelikula para sa masang Filipino o para sa kanluraning
manonood.

IV. SANGGUNIAN
Mga Genre ng Pelikula-Maayos na sinalansan ni G. Danilo V. Rogayan Jr., Guro sa Filipino ng
St. Thomas Academy, Bacoor City.

https://www.wikiwand.com/tlPelikulangPilipino

Valerio, Elvin Amerigo “Ang Pelikulang Bukod na Bukod:Ang Pelikulang Alternatibo bilang
Mapagpalayang Sining” DALUMAT JOURNAL De La Salle University – Manila.2010

San Juan, Gloria P Et.al. “Panunuring Pampanitikan” Booklore Publishing Corporation Santa
Cruz Manila. 2005

V- EBALWASYON

Maikling Pagsusulit (5 Puntos)

Gumawa ng Sanaysay tungkol sa kahalagahan ng Pelikulang Pilipino sa ating lipunan.

Mga Gabay na tanong.

1. Ano ang Pelikula?

2. Ano ang mahahalagang pangyayari sa Pelikulang Pilipino sa iba’t ibang panahon?
3. Sino ang mga kilalang tao pagdating sa Pelikulang Pilipino?
4. Paano ito nakakatulong sa mamayanan at lipunan?
5. Bilang mag-aaral, paano maipapakita ang pagpapahalaga sa Pelikulang Pilipino?

SHEPHERDVILLE COLLEGE
(Formerly JESUS THE LOVING SHEPHERD CHRISTIAN COLLEGE)
Talojongon, Tigaon, Camarines Sur, Philippines
Tel. No. (054) 884-95-36
 “EXCELLING IN TRUTH IN THE SERVICE OF GOD AND COUNTRY”

COLLEGE OF EDUCATION
FIRST SEMESTER A/Y 2020-2021

Sanayang Papel blg. 3

Petsa:_____________________

Pangalan:___________________________ Taon at Kurso _____________

SAQ #1 (5 Puntos)
Itala ang mga pagbabagong natunghayan sa pag-unlad ng Pelikulang Pilipino

SAQ #2 (5 Puntos)
Gumawa ng timeline at ilista ang mahahalagang pangyayari sa kasaysayan ng pag-unlad ng
Pelikulang Pilipino

SAQ #3 (5 Puntos)
Magbanggit ng tatlong uri ng Pelikula at magbigay ng halimbawa sa bawat isa. Bigyan ng
paliwanag.
Pamagat

Genre/Uri

Paliwanag
Maikling Pagsusulit (5 Puntos)

Gumawa ng Sanaysay tungkol sa kahalagahan ng Pelikulang Pilipino sa ating lipunan.

Mga Gabay na tanong.

Ano ang Pelikula?

Ano ang mahahalagang pangyayari sa Pelikulang Pilipino sa iba’t ibang panahon?
Sino ang mga kilalang tao pagdating sa Pelikulang Pilipino?
Paano ito nakakatulong sa mamayanan at lipunan?
Bilang mag-aaral, paano maipapakita ang pagpapahalaga sa Pelikulang Pilipino?

___________________________________________

______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________