Anyo: Tuluyan - Sapagkat ang paraan ng pagkakalahad ng kwento ay
patalata. Konseptong Taglay: - Tunay na ang tao ay may mga natural na katangiang o pag-uugaling tinataglay. Ang mga katangiang ito'y masusukat sa mga panahon ng mahigpit na pagsubok o pangangailangan at sa mga panahon ng katagumpayan. Ipinababatid ng kwento na ang tao ay may kakayahang tumaya at makipagsapalaran para sa ikabubuti ng kanilang pamilya gaya ng paglalakbay ng tatlo upang kumayod dahil sa kanilang pamilya. Ngunit ang tao'y nagiging gahaman rin. Gaya nang matagpuan nila ang lampara, agad na hiniling ng isa sa kanila ang makauwi nang may maraming pera. Kaya rin ng taong maging makasarili. Ang ikatlo, sa kanyang labis na kalungkutan dahil sa pag-iisa, ay naging maramot sapagkat ninais nyang ibalik ang dalawa nyang kasama para lamang siya'y lumigaya. Katumbas ng kanyang hiling ang pagbawi sa kahilingan ng dalawa nyang kasama. Nagawa nyang pagkaitan ang mga ito para lamang sa kanyang sariling kapakanan, bagaman pare-pareho sila ng layunin nang tahakin nila ang kanilang paglalakbay. 6. Anyo: Tuluyan - Ang akda ay isang pabula at ito ay nabibilang sa mga akdang isinusulat o inilalahad ng patalata. Konseptong Taglay: - Ang pabula ay isang akda na produkto ng imahinasyon at ang mga karater nito ay mga hayop. Ang mga hayop na ito ang sumasalamin sa mga katangian ng tao sa tunay na buhay. Sa akda, madali nating makikita ang mga pag-uugaling ito ng tao. Ang tigre na lamang halimbawa ay makakakitaan ng pagkatuso at pagmamalabis. Sa una ay nagawa nyang mangako na animo'y may labis na katapatan. Iyon ay dahil may kailangan siya sa kaharap. Sa mga sitwasyong hirap na hirap ang tao, kaya nyang gawin ang lahat upang makaalis lamang sa hirap ng sitwasyong iyon. Nang makalabas ang tigre sa tulong ng taong naawa sa kanya, naging mapagmalabis sya dahil ninais nyang kainin ito dala ng matinding gutom. Kinalimutan nya ang pangako na tila ba hindi niya ito sinabi. Gayon din ang tao na matapos matulungan ay nagagawang kalimutan ang kanyang mga pangako. Iyon ay dahil hindi na sya nahihirapan. Katulad na lamang kapag ang tao'y nangungutang, grabe ang pagmamakaawa, ngunit pag siningil na ay siya pang galit. Tila ba walang karapatan ang nagpautang na siya ay singilin. Sa mga sitwasyong tulad ng nasa kwento, walang higit na makapagbibigay ng mahusay na hatol kundi ang isang nilalang na labas at hindi kasangkot sa pinagtatalunang sitwasyon. Hindi ang mga humuhusga lamang dahil sa kanilang sariling karanasan at hindi rin ang mga may pinapanigan, kundi doon sa may matapat na paghatol at sinusuri ng mabuti ang bawat detalye at dahilan kung bakit humantong sa ganoon ang pangyayari. Sa tunay na buhay, iyan ang dahilan kung bakit tayo may batas at gobyerno. Sila ang mga nagiimbestiga at naglalatag ng mga katanggap-tanggap na hatol para sa dalawang panig. Kagaya ng kontrata ng pagkakautang pasalita man o pasulat, kung mayroon mang kalabisan sa isa sa dalawang partido, ito ay pinag-aaralan at binibigyan ng tiyak at wastong solusyon ng mga kinauukulan ayon sa batas na umiiral. Sa gayon, walang madedehado at mabibigay sa bawat isa ang karapatan at hustisyang nakalaan para sa kanila. Maipapataw din ang karampatang parusa sa mga nararapat na tumanggap nito.
9. Anyo: Tuluyan Kontesktong Taglay: May mga pagkakataong, sinasadya
man o hindi, ay nakakasakit tayo ng ating kapwa, at ang mga hinanakit na kinikimkim at hindi nasosolusyunan ay nagdudulot sa pansamatala o tuluyang paglayo ng loob ng isa. Minsan ang pagputol ngugnayan ay nakakabuti sa pansariling pag-unlad at pagmamahal. 10: Uri: Pasalinsulat Kontekstong Taglay: Pagpapalaki sa anak. Ang mga anak ang nagmamay- ari sa kanilang sarili. Maaari lamang silang gabayan ng kanilang mga magulang patungo sa pagtanggap sa sarili at samahan sila sa pag-abot ng kanilang ninanais makamtan ngunit hindi sila madidiktahan. Ang isang magulang ay may paniniwala sa kakayanan ng kanyang anak. Kailanma'y hindi dapat ang magulang ang gumawa ng landas ng kanilang anak sa takot na magkamali ang mga ito dahil ang mga pagkakamali ay kasama sa pag-unlad ng bawat isa