Mga taong nakatira sa tabi ng lawang Lanao Walang ibang tinutukoy kun'di tribong maranao Tribong may sariling prinsipyo ng pamumuhay Mga kultura at batas na talagang taliwas sa iba
Walang diyos na pinaniniwalaan kun'di si Allah
Islam ang tanging relihiyon at pinoy ang puso't diwa
Halal ay dapat makamtan, Haram ay dapat iwasan
Sa bawat pagsaway ay may antas na kaparusahan.
Palapa na kay sarap, mainam na pampalasa
Meranao na lengguwaheng mahirap ihasa
Pagsimba'y limang beses na kung tawagin ay salah
Ilan lang sa mga kulturang kinagisnan ng madla
Matapang, ignorante, mga inutil at mga barbaro
Ilan lang sa maling pananaw ng iba sa tribo ko
Ngunit gayunpaman, aking ipinagpapasalamat ng lubos
Na ako ay naging maranao, at si Allah ang panginoon ko