Character Designer sa kompanyang Ubisoft. Siya ay 23 taong gulang at naninirahan sa siyudad ng Pasay. Ipinanganak siya noong ika-1 ng Nobyembre taong 2002 sa probinsya ng Calumpit, Bulacan. Siya ay nag-aral ng apat na taon ng hayskul sa paaralang St. Mary’s Academy-Pasay na kung saan siya ay nakatanggap ng gantimpala na nagngangalang “Best in Arts” ng Batch 2019-2020. Maidaragdag din ang mga gantimpalang natanggap niya sa mga paligsahan gaya ng International Exchange Exhibition of Children’s Art 2016 na kung saan ang kanyang iginuhit ay naisalin sa lugar ng Narita, Japan. Kasama na rin ang MIDES o Mother Ignacia del Espiritu Santo Art Contest na sinalihan niya na kinakailangang iguhit ang nasabing santo gamit ang iba’t ibang tema at nakatanggap siya ng gantimpalang “Champion of Mixed Media Arts” . Sa kabila ng lahat ng gantimpalang ito, siya ay nakapagtapos ng kursong Multimedia Arts (MMA) noong kolehiyo sa paaralang Asia Pacific College sa siyudad ng Makati. Sa kasalukuyan, bilang Character Designer, naisipan niyang sumali sa Ubisoft Game Design Mentorship na kung saan ang ang mga aplikante ay kinakailangang gumuhit para sa mga espesipikong laro at makatatanggap ng paid mentorship kung sila ay napili ng kompanya. Isa siya sa mga napiling aplikante at nakatanggap ng oportunidad sa paid mentorship ng Ubisoft. Dulot nito, ginamit niya itong oportunidad sa kanyang trabaho at patuloy niyang ipinamahagi ang kanyang talento sa pagguhit bilang isang Character Designer sa Ubisoft.