MASUSING BANGHAY-ARALIN SA MTB-MLE II

(4TH QUARTER)

I. LAYUNIN

A. CONTENT STANDARD
Demonstrates understanding and knowledge of language grammar and usage
when speaking and / or writing

B. PERFORMANCE STANDARD
Speaks and writes correctly and effectively for different purposes using the basic
grammar of the language

C. LEARNING OBJECTIVES
Pangkaalaman: Nakagagamit ng ekspresyon na angkop sa sariling kultura sa pagpapakita ng
lokasyon (dito, diyan, doon) M2GA-Iva-2.4.1

Pandamdamin: Nakatutukoy ng mga kilos at gawaing nagpapakita ng pagmamalasakit sa mga

kasapi ng paaralan at pamayanan EsP2P-IIg-12

II. PAKSANG ARALIN

Modyul 28: Unang Linggo (Paghihiwalay ng Basura)
Panghalip na Panturo (dito, diyan, doon)

III. KAGAMITANG PANTURO

A. SANGGUNIAN: K-12 CG, p. 122
1. Teacher’s Guide: ______
2. Learner’s Material: p. 208

B. Iba pang kagamitang panturo

Kuwento, video clip, Powerpoint presentation, real objects, Activity Sheets

III. PROCEDURE

GAWAIN NG GURO GAWAIN NG MAG-AARAL

A. Paghahanda

1. Panalangin
2. Pagbati
3. Pampasiglang Awitin
4. Pagtala ng liban
5. Pagtala ng Takdang Aralin
6. Pagalaala sa Pamantayan sa Pakikinig sa
klase

Pamantayan sa Pakikinig:

1. Maging positibo
2. Maging magalang
3. Maging handa
4. Maging kapaki-pakinabang
5. Magbigay respeto sa guro at kamag-aral

B. Panlinang na Gawain

1. Drill

Ating basahin ang mga salitang naglalaman ng

diptonggo.

ay
bahay
kamay
tunay

oy
baboy
kahoy
kasoy

aw
bughaw
tunaw
uhaw

iw
baliw
sisiw
giliw

2. Balik-aral

Noong nakaraang lingo, ating tinalakay ang mga

elemento ng kuwento. Anu-ano ang tatlong
elemento ng kuwento? Ang tatlong elemento po ng kuwento ay
ang tauhan, tagpuan at pangyayari.

Ano ang tauhan sa kuwento? Ang tauhan po ay ang mga taong kabilang
sa kuwento.

Mahusay! Ano naman ang tagpuan? Ang tagpuan po ay ang lugar na nabanggit
sa kuwento.

Tama. Ano naman ang pangyayari? Ang pangyayari naman po ay ang mga
naganap sa kuwento.

C. Pagganyak

(Ipaskil ang tula sa pisara)

Ngayon ay tuturuan ko kayo ng isang tula.

Bigkasin natin ito.

Tapon dito
Tapon diyan
Basura, basura
Dapat ay doon (Bibigkasin ng mga mag-aaral ang rap)
Doon, doon itapon!
Sa tamang tapunan
Halika, halika, doon mo itapon

Tungkol saan ang tulang ating binasa? Ang tulang ating binasa ay tungkol sa
pagtapo ng basura.
Ano ang inyong nararamdaman habang
binibigkas ang rap? (Sasagot ang mga mag-aaral ng kani-
kanilang naramdaman.)

Ano sa palagay ninyo ang nais ipaalala sa atin

ng rap? Ipinapaalala sa atin ng rap na magtapon ng
basura sa tamang lalagyan.

Mahusay! Ating isaisip na ang mundo ay

maganda kung lagi itong malinis at walang kalat.
Ang isang paraan upang magawa ito ay ang
pagtapon ng basura sa tamang lalagyan.

D. Paglalahad

Mga bata, may ipapakita akong mga iba’t ibang

larawan. Sabihin ninyo sa akin kung anong
salita ang pinakamainam na gamitin para sa
bawat pangungusap.

1. Maaari ba akong umupo (dito, diyan,

doon) sa tabi mo? Diyan

2. (Dito, diyan, doon) ako nag-aaral sa

paaralan. Dito

3. (Dito, diyan, doon) ko nakita ang isang

malaking ibon. Doon
E. Pagtatalakayan

Balikan nating muli ang mga ginamit na

pangungusap.

4. Dito ako nag-aaral sa paaralan.

5. Maaari ba akong umupo diyan sa tabi

mo?
.

6. Doon ko nakita ang isang malaking ibon.

Ano ang salitang nakasalungguhit sa unang

panngungusap? Ang nakasalungguhit po ay ang salitang
dito.

(Gamitin ang ganitong uri ng pagtatanong

hanggang sa ikatlong pangungusap.)

Ano naman ang salitang ginamit bilang panturo

sa upuan sa unang pangungusap? Ang salitang ginamit po ay dito.

(Gamitin ang ganitong uri ng pagtatanong

hanggang sa ikatlong pangungusap.)

Ating balikan muli ang unang pangungusap.

Bakit kaya dito ang salitang ginamit ng

nagsasalita upang ituro ang upuan? Ginamit ng nagsasalita ang salitang dito
dahil siya ay nakatayo malapit sa upuan.
Mahusay! Tingnan naman natin ang ikalawang
pangungusap. Bakit kaya ang salitang diyan ang
ginamit ng nagsasalita?
Ginamit ang salitang diyan dahil ang
nagsasalita ay medyo malapit pa rin sa tabi
ng kanyang kausap.

Ang galing naman! Tingnan naman natin ang

ikatlong pangungusap. Bakit kaya ginamit ng
nagsasalita ang salitang doon? Ginamit ng nagsasalita ang salitang doon
dahil siya ay malayo sa basurahan.

Tama! Ating tandaan na mayroong tatlong

salitang Panturo. Ang tawag sa kanila ay
Panghalip na Panturo. Ito ay ang dito, diyan, at
doon.

Ginagamit ang dito kung ang nagsasalita ay

nakatayo sa kanyang tinutukoy na bagay o
lugar.

Ginagamit naman ang diyan kung ang

nagsasalita at ang kanyang kausap ay malapit
sa bagay o lugar na kanilang tinuturo.

Ginagamit ang salitang doon kung ang

nagsasalita ay malayo sa bagay o lugar na
kanyang tinuturo.

Values Integration

Ngayon ay alam na natin ang tamang paggamit

ng ditto, diyan at doon.

(Ipakita ang larawan ng isang batang

nagtatapon ng basura sa sahig.)

Kung may nakita kayong isang kamag-aral na

nagtapon ng kalat sa sahig, ano ang maaaring
sabihin sa kanya? Bata, dito ka magtapon ng basura sa
basurahan.

Mahusay. Tama ba ang sinabi ng inyong

kamag-aral? Opo, sir.

Bakit tama ang kanyang sinabi? Tama ang kanyang sinabi dahil dapat
itapon ang basura sa basurahan.

Napakagaling!

Ngayon naman ay isipin nating may bago

kayong kamag-aral at wala pa siyang
mauupuan. Nakita mong wala kang katabi sa
upuan sa inyong klase. Gamit ang ditto, diyan o
doon, ano ang maaari nating sabihin sa bagong
kamag-aral? Bata, diyan ka na lang umupo sa tabi ko.
Magaling! Bakit mahalagang samahan natin ang
mga bagong kamag-aral sa paaralan? Kailangan natin silang samahan para
magkaroon sila ng mga kaibigan at hindi
maging malungkot.

Tama! Lagi nating tatandaan na maraming

paraan upang ipakita ang pagmamahal natin sa
ating kamag-aral o sa ating komunidad.

Anu-ano pa ang iba’t ibang paraan upang

maipakita ang pagmamalasakit sa ibang tao sa
paaralan o sa komunidad? (Sasagot ang mga mag-aaral.)

Pwede rin nating gamitin ang mga panghalip

panturo na ditto, diyan o doon sa pakikipag-usap
nang maayos sa ibang tao.

F. Paglalapat

Ngayon naman ay magpapakitang-gilas tayo.

Hahatiin ko kayo sa tatlong pangkat. Ang unang

pangkat ay ang pangkat ng mga manunulat. Ang
ikalawang pangkat ay mga aktor. Ang ikatlong
pangkat ay mga mangguguhit.

Basahin ang panuto sa bawat activity card na

ibibigay ko sa bawat pangkat.

Naintindihan ba? Opo, sir.

Bago tayo magsimula, atin munang balikan ang

iba’t ibang dapat isaalang-alang sa
pagsasagawa ng pangkatang gawain.

Ano ang unang hakbang? Sumunod sa panuto.

Tama! Ano ang iba pang mga hakbang? Huwag umalis sa pangkat habang
nagsasagawa ng pangkatang gawain.

Tumulong sa mga kabilang sa pangkat.

Magbigay respeto sa guro at sa iba pang

kabilang sa pangkat.
Pangkat ng mga Manunulat:

Suriin ang mga larawan. Ano ang angkop na

panghalip sa bawat pangungusap.

1. (Dito, Diyan, Doon) ako naglalaro sa

pook-palaruan.

2. (Dito, Diyan, Doon) nakatira sina lola at

lolo.

Pangkat ng mga Mangguguhit:

Iguhit ang nakasaad na panghalip panturo sa

pangungusap.

3. Dito ako naglilinis sa paaralan.

4. Doon ako pupunta sa simbahan.

Pangkat ng mga Aktor:

Isadula ang mga nakasaad sa bawat

pangungusap gamit ang panghalip panturo.

5. (Nakatayo sa isang palaruan.) Tinutukoy

mo ang lugar na iyong pinaglalaruan.
6. Tinuturo mo ang isang malayong
palengke.

.
Pagkatapos ng pagtatanghal ng bawat pangkat,
suriin natin ang kanilang mga ginawa.

Kung tama ang paggamit ng panghalip panturo,

itaas ang masayang mukha. Kung mali naman
ay itaas ang malungkot na mukha.

Isagawa na natin ang gawain. (Isasagawa ng mga mag-aaral ang

gawain.)
G. Paglalahat

Ano ang tawag sa mga salitang ginagamit

upang ituro ang isang bagay o lugar? Ang tawag po sa mga salitang ginagamit
upang ituro ang isang bagay o lugar ay
Panghalip na Panturo.

Ayos! Kailan natin ginagamit ang salitang Ginagamit po ang salitang dito kung ang
panturo na dito? nagsasalita ay nakatayo o malapit sa bagay
o lugar na kanyang tinutukoy.

Magaling! Kailan natin ginagamit ang salitang Ginagamit po ang salitang diyan kung ang
panturo na diyan? nagsasalita at ang kanyang kausap ay
malapit sa bagay o lugar na kanilang
tinuturo.

Ginagamit naman po ang salitang doon

Kailan naman natin ginagamit ang salitang kung ang nagsasalita ay malayo sa
panturo na doon? kaniyang itinuturong bagay o lugar.

Mahusay!
IV. Pagtataya

Isulat sa patlang ang angkop na Panghalip na Panturo sa bawat pangungusap. Pumili

lamang sa dito, diyan, at doon.

1. (Nakatayo sa simbahan.)
Ako ay pumunta sa simbahan. ________ ko kinakausap ang
Diyos.

2. (Nakaturo sa malayong ilog)

Si nanay ay naglalaba _______ sa malaking ilog.

3. Si tatay ay nagtatrabaho sa Amerika.

Siya ay nagtatrabaho _________ sa ibang bansa.

4. (Tinuturo ang katabi ng kausap)

Maaari mo bang kunin ang aking bag ______ sa tabi mo?

5. (Nakatayo sa silid-aralan)
Ako ay isang Grade 2 na mag-aaral. _______ kami natututo araw-araw.

V. Takdang-Aralin

Isulat sa patlang ang angkop na Panghalip na Panturo sa bawat pangungusap. Pumili

lamang sa dito, diyan, at doon.

1. (Tinuturo ang malayo at malawak na palayan)

Si tatay ay isang magsasaka.
______ siya nagtatrabaho sa aming sakahan.

2. (Ang bata ay nakatayo sa silid-aklatan)

_______ ko sa silid-aralan nagbabasa ng aking paboritong libro.

3. (Tinuturo ang tabi ng kausap)

Maaari mo bang kunin ang balat ng kendi ______ sa iyong tabi?

4. (Nakatayo sa sariling bahay)

Ito ang aming bahay.
______ ako nakatira.

5. (Tinuturo ang isang bundok)

May nakita akong isang agila na tumungo sa bundok.
_____ niya nilagay pagkain para sa kanyang mga anak.

Inihanda ni:

NIEL M. BAJAO
Teacher – 1