Për përdorime të tjera të kësaj fjale, shiko Biologjia (kthjellim).
Biologjia merret me studimin e jetës dhe organizmave..
lart: bakteret E. coli and gazela poshtë: Bleta Golaithus and fier
Biologjia është shkenca natyrore që studion jetën dhe organizmat e gjallë, duke
përfshirë strukturën e tyre fizike, proceset kimike, bashkëveprimet molekulare, mekanizmat fiziologjikë, zhvillimin dhe evolucionin.Përkundër ndërlikueshmërisë së shkencës, ekzistojnë disa koncepte unifikuese që e konsolidojnë atë në një fushë të vetme, koherente. Biologjia njeh qelizën si njësinë themelore të jetës, gjenet si njësinë themelore të trashëgimisë dhe evolucionin si motorin që shtyn krijimin dhe zhdukjen e specieve. Organizmat e gjallë janë sisteme të hapura që mbijetojnë duke shndërruar energji dhe duke zvogëluar entropinë e tyre lokale për të mbajtur një gjendje të qëndrueshme dhe jetësore të përcaktuar si homeostazë. Nën disiplinat e biologjisë përcaktohen nga metodat e hulumtimit të përdorura dhe lloji i sistemit të studiuar: biologjia teorike përdor metoda matematikore për të formuar modele sasiore ndërsa biologjia eksperimentale kryen eksperimente empirike për të provuar vlefshmërinë e teorive të propozuara dhe për të kuptuar mekanizmat që themelojnë jetën dhe si u shfaq dhe evoluoi nga materia jo e gjallë rreth 4 miliardë vjet më parë përmes një rritje graduale të kompleksitetit të sistemit.