7

Filipino
Ikalawang Markahan – Modyul 3:
Editoryal na Nanghihikayat
Araling Panlipunan – Ikapitong Baitang
Alternative Delivery Mode
Unang Markahan – Modyul 3: Dokyu Film
Unang Edisyon, 2020

Republic Act 8293, section 176 states that: No copyright shall subsist in any work
of the Government of the Philippines. However, prior approval of the government agency or
office wherein the work is created shall be necessary for exploitation of such work for profit.
Such agency or office may, among other things, impose as a condition the payment of
royalties.

Borrowed materials (i.e., songs, stories, poems, pictures, photos, brand names,
trademarks, etc.) included in this module are owned by their respective copyright holders.
Every effort has been exerted to locate and seek permission to use these materials from
their respective copyright owners. The publisher and authors do not represent nor claim
ownership over them.

Published by the Department of Education

Secretary: Leonor Magtolis Briones
Undersecretary: Diosdado M. San Antonio

JUNIOR HS MODULE DEVELOPMENT TEAM

Author : Christian E. Canta

Maria Delmar M. Figueroa
Co-Author - Content Editor : Elizabeth M. Evangelista
Co-Author - Language Reviewer : Marites M. Ravago
Co-Author - Illustrator :
Co-Author - Layout Artist : Maybel B. Cerezo
Co-Author - Team Leader : Carolyn R. Reyes

DIVISION MANAGEMENT TEAM:

Schools Division Superintendent
OIC- Asst. Schools Division Superintendent
Chief Education Supervisor, CID
Education Program Supervisor, LRMDS
Education Program Supervisor, AP/ADM
Education Program Supervisor, Learning Area
Project Development Officer II, LRMDS
Division Librarian II, LRMDS
: Romeo M. Alip, PhD, CESO V
: William Roderick R. Fallorin, CESE
: Milagros M. Peñaflor, PhD
: Edgar E. Garcia, MITE
: Romeo M. Layug
: Mila D. Calma, Filipino
: Joan T. Briz
: Rosita P. Serrano

Printed in the Philippines by Department of Education – Schools Division of Bataan

Office Address: Provincial Capitol Compound, Balanga City, Bataan
Telefax: (047) 237-2102
E-mail Address: bataan@deped.gov.ph
 7

Filipino
Ikalawang Markahan – Modyul 3:
Editoryal na Nanghihikayat
Paunang Salita
Para sa tagapagdaloy:

Malugod na pagtanggap sa asignaturang Aralin Filipino at Ikapitong Baitang

ng Alternative Delivery Mode (ADM) Modyul para sa araling Editoryal Na
Nanghihikayat

Ang modyul na ito ay pinagtulungang dinisenyo, nilinang at sinuri ng mga

edukador mula sa pampubliko at pampribadong institusyon upang gabayan ka,
ang gurong tagapagdaloy upang matulungang makamit ng mag-aaral ang
pamantayang itinakda ng Kurikulum ng K to12 habang kanilang pinanagumpayan
ang pansarili, panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa

mapatnubay at malayang pagkatuto na mga gawain ayon sa kanilang kakayahan,
bilis at oras. Naglalayon din itong matulungan ang mag-aaral upang makamit ang
mga kasanayang pan-21 siglo habang isinasaalang-alang ang kanilang mga
pangangailangan at kalagayan.

Bilang karagdagan sa materyal ng pangunahing teksto, makikita ninyo ang

kahong ito sa pinakakatawan ng modyul:

Mga Tala para sa Guro

Ito'y naglalaman ng mga paalala,
panulong o estratehiyang magagamit sa
paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.

ii
Para sa mag-aaral:

Malugod na pagtanggap sa Filipino at Ikapitong Baitang ng Alternative

Delivery Mode (ADM) Modyul ukol sa Editoryal na Nanghihikayat.

Ang kamay ay madalas gamiting simbolo ng kakayahan, aksyon at layunin.

Sa pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral, ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.

Ang modyul na ito ay ginawa bilang tugon sa iyong pangangailangan.

Layunin nitong matulungan ka sa iyong pag-aaral habang wala ka sa loob ng silid-
aralan. Hangad din nitong madulutan ka ng mga makabuluhang oportunidad sa
pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga

dapat mong matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong
laktawan ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang leksyon.

Tuklasin Sa bahaging ito, ang bagong aralin ay

ipakikilala sa iyo sa maraming paraan tulad
ng isang kuwento, awitin, tula, pambukas
na suliranin, gawain o isang sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.

Pagyamanin Binubuo ito ng mga gawaing para sa

malayang pagsasanay upang mapagtibay
ang iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.

iii
 Isaisip Naglalaman ito ng mga katanungan o
pupunan ang patlang ng pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing

makatutulong sa iyo upang maisalin ang
bagong kaalaman o kasanayan sa tunay na
sitwasyon o realidad ng buhay.

Tayahin Ito ay gawain na naglalayong matasa o

masukat ang antas ng pagkatuto sa
pagkamit ng natutuhang kompetensi.
Karagdagang Sa bahaging ito, may ibibigay sa iyong
Gawain panibagong gawain upang pagyamanin ang
iyong kaalaman o kasanayan sa natutuhang
aralin.

Susi sa Pagwawasto Naglalaman ito ng mga tamang sagot sa

lahat ng mga gawain sa modyul.

Sa katapusan ng modyul na ito, makikita mo rin ang:

Ito ang talaan ng lahat ng pinagkuhanan sa

Sanggunian
paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay na
papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na
ito, huwag mag-aalinlangang konsultahin ang inyong guro o tagapagdaloy. Maaari
ka rin humingi ng tulong sa iyong mga magulang, sa nakatatanda mong kapatid o
sino man sa iyong mga kasama sa bahay na mas nakatatanda sa iyo. Laging
itanim sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!

iv
 Alamin

Ang modyul na ito ay idinisenyo at isinulat upang tulungan kang bigyan ng

impormasyon at sumulat ng isang Editoryal na Nanghihikayat.

Matapos ang modyul na ito, inaasahang matutuhan mo ang:

1. Naisusulat ang isang editoryal na nanghihikayat kaugnay ng paksa. F7PU-IIe-f-9

1
 Subukin

Bago tayo magsimula sa ating talakayan, Subukan mo muna na sagutan ang

bahaging ito.

A.Piliin ang titik ng tamang sagot. Isulat ang sagot sa inyong sagutang papel.

1. Ito ay bahagi ng pahayagang nagsasaad ng mapanuring pananaw o kuro-kuro ng

pahayagan tungkol sa isang isyu.
a. Balita b. Editoryal c. Isports d. Lathalain

Para sa bilang 2-4 narito ang mga kasagutan na inyong pagpipilian para sa
sumusunod na katanungan.

a.Katawan b. Gitna c. Panimula d. Wakas

2. Bahagi ng editorial na binabanggit ang isyu na tatalakayin.

3. Sa Bahaging ito ipinahahayag ang opinyin o kuro-kuro ng patnugot.
4. Dito ipinahahayag ang bahaging panghihikayat o paglagom upang mabuo sa isipan
ng mambabasa ang pananaw na nais ikintal ng editorial.
5. Uri ng Editoryal na mabisang nanghihikayat sa mga mambabasa upang sumang-
ayon sa isyung pinapanigan o pinaninindigan ng pahayagan.
a. Nagpapabatid b. Namumuna c. Nanghihikayat d. Nanlilibang

B. Tukuyin ang tamang panuntunan sa pagsulat ng editoriyal. Lagyan ng Tsek

ang kahon kung ang mga pahayag ay nagsasaad ng tamang panuntunan at Ekis
(X) kung hindi.

6. Binibigyang pansin ang panimula at wakas ng editorial dahil ito ay mahalagang

bahagi nito.

7. Nagtataglay ito ay may kawili-wiling simula upang makaakit ng mga mambabasa.

8. Gumagamit ng mga salitang makasasakit sa damdamin ng tinutuligsa upang matuto

sila.

9. Gumagamit ng mga paghahambing at pag-iiba-iba ng mga kalagayan sa pagsulat.

10. Ibinibigay ang panlahat na pinagmulan ng isang kalagayan.

2
 11. Ibinibitin ang wakas ng editorial.

12. Ipinahahayag ang personal mong galit na nararamdaman sa sitwasyon o

kalagayang isinusulat.

13. Ginagawang malinaw at magkakaugnay ang mga pahayag.

14. Nagtataglay ng na may katibayan.

15. Nangangaral l o nagsesermon sa mga mambabasa upang matuto sila.

3
Aralin

3 Editoryal na Nanghihikayat

Ang mga Pilipino ay likas na mahilig sa pagbabasa. Isa sa mga madalas na

basahin ay ang pahayagan. Ito ay kanilang ginagamit upang maging libangan at
gamitin para sa pagkakaroon ng kaalaman sa napapanahong isyu. Layunin ng
pagbabasa ng pahayagan ay ang pagbibigay kaalaman, magpakahulugan,
magpabatid at manghikayat.

Balikan

Magandang Araw!

Bago ka magpatuloy sa ating aralin, halina at gawin ninyo muna ang gawain
na ito.

Suriin ang isang editoryal kartun na nasa ibaba. Sagutin ang mga
sumusunod na tanong kaugnay sa larawan.

4
1. Ano-ano ang iyong nakikita sa larawan?
2. Mula sa larawan, anong kaisipan o ideya ang nakapaloob dito?

2.

1. 3

Kaisipan o
ideya na
nakapaloob
sa larawan.

Magaling! Mahusay mong nailahad ang iyong mga kasagutan.

May malaking kaugnayan ito sa ating paksang tatalakayin.

Ang ating talakayan ay patungkol sa Pagbuo ng Editoryal na

Nanghihikayat.

Handa ka na ba? Tara na at simulan na natin!

Mga Tala para sa Guro

Ang modyul na ito ay naghahanda sa mga mag-aaral upang
makapagbuo ng isang Editoryal na Nanghihikayat.

5
 Tuklasin

Basahin mo ang isang halimbawa ng Editoryal na Nanghihikayat.

EDITORYAL - Ipagpatuloy ang mga nakasanayan sa COVID

Pilipino Star Ngayon

- May 16, 2020 - 12:00am
SABI ng mga eksperto, matatagalan pa bago mawala ang coronavirus
o ang COVID-19. Pero ang pahayag ng World Health Organization (WHO)
kahapon, maaaring hindi na umano umalis o mawala sa piling ng mga tao
ang sakit na ito. Mananatili na umano ito na walang pinagkaiba sa sakit na
tuberculosis (TB) at Acquire-Immune Deficiency Syndrome (AIDS). Ang
tanging magagawa para ito malabanan ay ang makatuklas ng bakuna. Pero
kahit na nga may bakuna, mananatili na ang sakit na ito sa kapaligiran o
ang tinatawag na endemic. Pahihinain lamang ito ng bakuna pero
kahalubilo na ng mga tao.

Kung totoo ang sinabi ng WHO na magiging endemic ang COVID-19,

nararapat lamang na ipagpatuloy ng mamamayan ang nakasanayan nang
pag-iingat para makaiwas sa virus. Huwag nang bumalik sa dating
nakasanayan na hindi nagsusuot ng face mask, kumpul-kumpol sa isang
lugar, hindi naghuhugas ng kamay at kung anu-ano pang hindi magandang
gawain na nagdudulot ng pagkakasakit.

Mula nang manalasa ang COVID-19, natuto ang marami sa tamang

kalinisan. Itinakwil ang hindi magandang nakagawian gaya nang pagdura,
pagdumi sa kung saan-saan at iba pa. Marami ngayon, pag-uwi ng bahay
naliligo agad at nilalabhan ang sinuot na damit. Hindi na rin ipinapasok sa
loob ng bahay ang suot na sapatos para hindi makapagdala ng virus. Ayaw
nilang mahawa ang pamilya.

Ipagpatuloy ang mga nakasanayang ginagawa habang nananalasa ang

COVID-19. Ito ang nararapat ngayon at sanayin na ang sarili sa mga
gawaing ito. Bahagi na ng buhay ang pag-iingat upang hindi kumalat ang
sakit. Kung maipagpapatuloy ang nakaugalian, hindi na magugulat o
matataranta kapag may mas matindi pang sakit na manalasa. Nakahanda
na ang lahat.

Subalit dapat din namang apurahin ng mga kinauukulan ang

pagtuklas ng bakuna laban sa COVID-19 para nakasisigurong ligtas ang
sangkatauhan.

6
 Sagutin ang mga sumusunod na tanong. Isulat ang kasagutan sa inyong sa
sagutang papel.

1. Ano ang paksa ng Editoryal na iyong nabasa?

2.
Ilahad ang tinutukoy na nakasanayan ng gawain ng mga
mamamayan magmula ng magkaroon ng pandemya upang
makaiwas sa virus.
1.
3. I
b 2.
i
g 3.
a
y ang aral o mensahe na iyong natutuhan sa editoryal na binasa.

Salamat sa iyong magaling na pagsusuri sa Editoryal na iyong nabasa.

Ngayon, talakayin na natin ang ating aralin para sa inyong lubos na pagka-
unawa.

7
 Suriin

Handa ka na bang alamin ang ating aralin ngayon? Kung ikaw ay handa na,
basahin at unawain mo nang mabuti ang ating aralin.

PAGSULAT NG EDITORYAL O PANGULONG TUDLING

Ang editoryal na tinatawag ding pangulong tudling ay bahagi ng

pahayagang nagsasaad ng mapanuring pananaw o kuro-kuro ng pahayagan
tungkol sa isang isyu. Itinuturing itong tinig ng pahayagan dahil dito mababasa
ang paninindigan nila ukol sa isang napapanahong isyu. Ito rin ay naglalayong
magbigay kaalaman, magpakahulugan, humikayat at kung minsa’y lumibang sa
mambabasa.

Tatlong Bahagi ng Editoryal o Pangulong Tudling.

May tatlong bahagi ang editoryal o pangulong tudling. Ito ay ang mga sumusunod:

1. PANIMULA – dito binabanggit ang isyu o balitang tatalakayin.

Tignan ang halimbawa ng panimula.

SABI ng mga matatagalan pa bago mawala ang

eksperto,
coronavirus o ang COVID-19. Pero ang pahayag ng World Health Organization
(WHO) kahapon, maaaring hindi na umano umalis o mawala sa piling ng mga tao ang
sakit na ito. Mananatili na umano ito na walang pinagkaiba sa sakit na tuberculosis
(TB) at Acquire-Immune Deficiency Syndrome (AIDS). Ang tanging magagawa para ito
malabanan ay ang makatuklas ng bakuna. Pero kahit na nga may bakuna, mananatili
na ang sakit na ito sa kapaligiran o ang tinatawag na endemic. Pahihinain lamang ito
ng bakuna pero kahalubilo na ng mga tao.

Ang isyung binanggit ay patungkol sa coronavirus o ang covid-19. Tandaan na ang

paksa o isyu ay matatagpuan sa bahaging panimula.

2. KATAWAN- Sa bahaging ito ipinahahayag ang opinyon o kuro-kuro ng

patunugot. Maaaring ilahad ito sa pamamagitan ng paglalarawan.
Gayundin ang pro (pagpanig) o con (pagsalungat) sa isyung
tinatalakay.

8
 Kung totoo ang sinabi ng WHO na magiging endemic ang COVID-19,
nararapat lamang na ipagpatuloy ng mamamayan ang nakasanayan nang
pag-iingat para makaiwas sa virus. Huwag nang bumalik sa dating
nakasanayan na hindi nagsusuot ng face mask, kumpul-kumpol sa isang
lugar, hindi naghuhugas ng kamay at kung anu-ano pang hindi magandang
gawain na nagdudulot ng pagkakasakit.

Mula nang manalasa ang COVID-19, natuto ang marami sa tamang

kalinisan. Itinakwil ang hindi magandang nakagawian gaya nang pagdura,
pagdumi sa kung saan-saan at iba pa. Marami ngayon, pag-uwi ng bahay
naliligo agad at nilalabhan ang sinuot na damit. Hindi na rin ipinapasok sa
loob ng bahay ang suot na sapatos para hindi makapagdala ng virus. Ayaw
nilang mahawa ang pamilya

Sa bahagi ng katawan ng editoryal, mapapansin ang mga opinyon o kuro-

kuro ng sumulat. Sa halimbawa na nasa loob ng kahon kung ito ay susuriin,
makikita ang mga opinyon na nagpapatibay sa paksa. Sa halimbawa rin na ito
masasalamin ang pagpanig ng patnugot sa isyung tinatalakay.

3. WAKAS – Dito ipinahahayag ang bahaging panghihikayat o paglagom

upang mabuo sa isipan ng mambabasa ang pananaw na nais ikintal
ng editoryal.

Ipagpatuloy ang mga nakasanayang ginagawa habang nananalasa

ang COVID-19. Ito ang nararapat ngayon at sanayin na ang sarili sa mga
gawaing ito. Bahagi na ng buhay ang pag-iingat upang hindi kumalat ang
sakit. Kung maipagpapatuloy ang nakaugalian, hindi na magugulat o
matataranta kapag may mas matindi pang sakit na manalasa. Nakahanda
na ang lahat.

Sa bahagi ng wakas makikita ang panghihikayat para sa mga mambabasa.

Sa halimbawa na nasa itaas, hinihikayat ang mga mambabasa na ipagpatuloy ang
mga nakasanayang ginagawa habang nananalasa ang virus. Ito ang nais na
maiwan sa mga makakabasa nito.

MGA TUNTUNING DAPAT SUNDIN SA PAGSULAT NG EDITORYAL O

PANGULONG TUDLING

1. Magkaroon ng kawili-wiling panimulang maikli lamang upang maakit

ang atensiyon ng mambabasa.

9
2. Buoin ang katawan sa pamamagitan ng paglalahad ng mga katibayan
sa paraang maayos at malinaw.
3. Iwasan ang pagbibigay ng pangkalahatang patakaran. Sa halip,
a. Gumamit ng mga halimbawa at paglalarawan upang pagtibayin
ang simula;
b. Gumamit ng paghahambing at pag-iiba-iba;
c. Gumamit ng magkakatulad na kalagayan; at
d. Banggitin ang pinagmulan ng mga inilahad na kalagayan.
4. Tapusin ng naaangkop. Bigyan nang mahusay na pagwawakas.
5. Tandaan ang pinakamahalagang bahagi ay ang panimula at wakas.
6. Huwag mangaral o magsermon. Ilahad lamang ang mga patunay at
katwiran at hayaan ang mambabasang gumawa ng sariling
pagpapasiya.
7. Sundin ang lahat ng simulain sa mabisang pagsulat—kaisahan
(unity), linaw (clarity), pagkakaugnay-ugnay (coherence), at diin
(emphasis).

Narito ang mga ilang pahayag na maaaring gamitin sa panghihikayat.

Basahin mo at ito ay maaari mong gamitin habang ikaw ay sumusulat ng iyong
editoryal.

MGA PAHAYAG NA GINAGAMIT SA PANGHIHIKAYAT

Ang pagnanais na mahikayat o makumbinsi ang iyong mga

mambabasa sa iyong pananaw o paninindigan ay isang hamon sa isang
manunulat. Makatutulong ang paggamit ng mga angkop na pahayag sa
iyong panghihikayat.

Ilang mga halimbawa ng mga pahayag at salitang nanghihikayat

• Totoo/Tama
• Tunay
• Ngayon na…
• Tumpak
• Kitang-kita mong…
• Naniniwala akong…
• Kaya mong maging bahagi ng…
• Kaya natin ito
• Siguradong…
• Talaga…
• Siyempre…
• Pero/subalit
• Ito na…

10
Alam kong lubos mong naunawaan ang ating aralin. Sa susunod na bahagi naman
ay iyong susubukan na tasahin ang iyong mga nalaman kaugnay sa ating
talakayan.

Pagyamanin

Sa bahaging ito, pagyamanin pa natin ang iyong kaalaman tungkol sa

araling iyong nabasa. Tingnan natin kung maalam ka nang sumuri ng
bahagi ng editoryal o pangulong tudling.

Handa ka na ba?

Kung ikaw ay handa na, halina’t magsimula!

Panuto: Basahin ang mga halimbawa ng mga pahayag. Tukuyin kung anong
bahagi ito ng Editoryal. Iguhit ang masayang mukha kung ito ay
SIMULA, puso kung ito ay KATAWAN, at bituin naman kung ito ay
WAKAS.

Dapat paghandaan ang pagbubukas ng klase. Nararapat

maging maayos. Pero dapat din namang siguruhin ang kaligtasan
1.
ng mga guro lalo na ang mga mamamahagi ng printed modules.
Kailangang suportahan ang mga ito para maging ligtas sa
pagkakasakit.

Sa halip na sa Agosto 24 bubuksan ang school year

2020-2021, ginawa itong Oktubre 5 sa utos ni President
2. Duterte. Sa memorandum na nilagdaan ni Executive Secretary
Salvador Medialdea noong Biyernes (Agosto 14) nakasaad na
inaatasan ang Department of Education (DepEd) na siguruhin
na handang-handa na ang kagawaran sa pagbubukas ng klase
sa pamamagitan ng bagong sistema o blended learning.
Nakasaad sa memo na nararapat na paghandaan para maging
maging matagumpay ang pagbubukas ng klase. Ito ang
ikalawang pag-postpone sa pagbubukas ng klase. Una ay noong
Hunyo 1.

11
 Ang muling pagpapaliban sa pagbubukas ng klase ay
dahil na rin sa rekomendasyon ng mga senador sa DepEd para
ganap na makasunod ito sa hamon ng blended learning. Ayon
3. sa report, hindi pa ganap na handa ang DepEd sa bagong
sistema kung saan gagamit ng gadgets --- computer, laptop,
TV at radio – para maturuan ang mga estudyante. Sa
isinagawang dry run kamakailan, nakitaan ng mga mali ang
mga inihandang aralin. May maling spelling, grammar at iba
pa. Pero sabi ng DepEd, itatama nila ito bago ang pagbubukas
ng klase sa Oktubre 5.

Ang mga estudyanteng walang gadgets ay susuplayan ng

printed modules. Mga guro umano ang magdi-distribute ng
modules sa bahay ng mga estudyante. Problema lang ng mga
guro, baka magkahawahan ng COVID-19 kapag magtse-tsek
na sila ng modules. Kaya ang iba, iminungkahing magbukas
ang klase kapag may bakuna na.

Binabati kita sa iyong masigasig na pagbasa at pagsagot!

Nakagagalak isipin na mahusay ka nang sumuri ng bahagi ng

editoryal.

Kaya naman, halina’t magpatuloy ka sa iyong pagbabasa.

12
 Isaisip

Tukuyin natin kung ano ang iyong mga natutuhan sa kabuuan ng ating
aralin. Gawin mo ang gawain na nasa ibaba.

Simulan mo na!

Gamit ang Bintana ng Pag-unawa, ilahad mo ang iyong mga natutuhan sa ating
aralin. Isulat ang kabuuan ng gawain at ilagay ito sa iyong kwaderno.

REYALISASYON INTEGRASYON

Ano ang mga dagdag na kaalaman na Bakit mahalaga ang editoryal na

dapat tandaan sa pagbuo ng isang nanghihikayat?
editorial na nanghihikayat?

EMOSYON AKSYON

Ilahad ang Saloobin at damdamin Ano-ano ang dapat isaalang-alang sa

habamg Binabasa ang Editoryal- pagsasagawa ng isang Editoryal na
Ipagpatuloy ang mga nakasanayan sa nanghihikayat?
Covid.

13
14
 Isagawa

Sagot mo. Shout Out mo!

Sagutin ang mga katanungan kaugnay sa ating tinalakay. Isulat ang sagot sa
sagutang papel.

Sa iyong pagsusuri sa editoryal na

nanghihikayat ‘Ipagpatuloy ang mga
nakasanayan sa Covid’ Ano ang mensahe o
aral na tumatak sa iyong isipan? Paano mo ito
maiuugnay sa pang-araw-araw na
pamumuhay?Ipaliwanag ang sagot.

Kung ikaw ay magsusulat ng isang Editoryal

na nanghihikayat, Ano ang iyong paksa na
isusulat? Ipaliwanag ang iyong sagot.

Bilang isang mag-aaral paano mo magagamit

ang Editoryal na Nanghihikayat upang
makatulong sa pagpigil sa pandemya na
nararanasan sa bansa.

15
 Tayahin

Masaya akong nakaabot ka sa parteng ito na alam kong iyong

kasasabikan!

Sa pagkakataong ito ay bubuo ka at susulat ng isang editoryal na

nanghihikayat upang makumbinsi o mahikayat mo ang mga mambabasa.
Maaari kang gumamit ng iyong sariling paksa na iyong nais o pumili sa mga
sumusunod na paksa:
1. Ang Edukasyon sa Panahon ng Pandemya
2. Ang Dedikasyon ng isang Magulang
3. Labanan ang DEPRESYON

Gumamit ka ng mga pahayag na nanghihikayat at sundan mo rin ang

mga tuntuning dapat sundin sa pagsulat ng pangulong tudling na tinalakay
sa SURIIN.

Gawin mong gabay ang pamantayan sa ibaba para sa iyong bubuoin.

Mga Pamantayan 5 4 3 2 1
Makaagaw-pansin ang simula at wakas ng
editoryal.
Ang katawan ay nakapaglahad ng mga
katibayan sa paraang maayos at malinaw
kaya’t tunay itong nakapanghihikayat sa
mambabasa.
Nakagamit ng lima o higit pang salitang
nagpapahayag ng panghihikayat.
Malinaw na makikita ang mensaheng nais
ipahayag ng editoryal.
Kabuoang Puntos
5 – Napakahusay
4 – Mahusay
3 – Katamtaman
2 – Di mahusay
1 – Sadyang Di-mahusay

Masaya ako sapagkat napagtagumpayan mong matutuhan ang mga

dapat mong malaman sa pagsulat ng Editoryal o Pangulong Tudling.

Binabati kita sa ipinamalas mong galing!

16
 17
Isagawa:
Tayahin:
Depende sa sagot
Depende sa sagot ng ng bata.
bata. -
-
Pagyamanin:
Subukin :
1. 1. B
BALIKAN: 2. C
3. B
4. D
2. Depende sa sagot ng
5. C
bata.
- 6.
7.
3. 8. X
9.
10.
11. X
12. X
13.
14.
15. X
Susi sa Pagwawasto
Sanggunian
Baisa-Julian, Ailene G., Nestor S. Lontoc, Carmela H. Esguerra at Alma M. Dayag.
In Ang Bagong Baitang 7 Pinagyamang Pluma, 82. Quezon City, Philippines:
Phoenix Publishing House,Inc,2014

https://www.teacherspayteachers.com/Product/Shout-Out-Wall-1414989
https://www.philstar.com/pilipino-star-
ngayon/opinyon/2020/05/16/2014326/editoryal-ipagpatuloy-ang-mga-
nakasanayan-sa-covid

https://l.messenger.com/l.php?u=https%3A%2F%2Fwww.philstar.com%2Fpilipino
-star-ngayon%2Fopinyon%2F2020%2F08%2F16%2F2035586%2Feditoryal-
paghandaan-pa-ang-pagbubukas-ng-
klase&h=AT3qfnzdTvE8n868MtzYtyO2wk2QnDPo3bnXNkGXTAvFgEVjH1LX3xAdcq
qJ-3-ULa-
Gs4ZUyJ2rLxPf2m1XaCPGgoVo7uRhRZSoOpmEKgJxe0svQyGpNLiGwLwHSBx0gee
Y

2
Para sa mga katanungan o puna, sumulat o tumawag sa:

Department of Education – Region III,

Schools Division of Bataan - Curriculum Implementation Division
Learning Resources Management and Development Section (LRMDS)

Provincial Capitol Compound, Balanga City, Bataan

Telefax: (047) 237-2102

Email Address: bataan@deped.gov.ph